Paz cxơưz siêz nhiêv txos lix xưv trâu shux xênhz txix têx muk ndis seiz, nriêr pâuz tsênhv tsênhz

          Muk tâus cêr lơưr txox cêr chaz fov lox ntêr zuôr xar 2 cei cêr zos iz hâur têx huôx tôngv nhoz hâur tsaz yênhx muk ndis seiz “Lơưr chiến sĩ Điện Biên” zos tsêr cơưv PT mênhx cxưx nội trú tỉnh Điện Biên tsưr tsix. Thôngz đhâu huôx tôngv no, bộ đội thiêz pêz tsôngv box li têx luz hli khưr tơưv txênhz tik ntâuk tros châuz tâu shux xênhz pov njôngr tsênhv tsênhz.

          Shux xênhz Nguyễn Bùi Khánh Ngọc, cơưv lớp 11B1, tsêr cơưv PT mênhx cxưx Nội trú tỉnh Điện Biên pheiz kênh: “Cur pov lok six jông, tiv zix zos huôx tôngv muk tơư txos đuôz tix lâuk Tô Vĩnh Diện, viv thâuv tuôx txos qơư tix lâuk thix xênhz, cur lok six txưv haox. Pêz tsênhv tâu muk lơưr txox cêr pêz chiến sĩ thâuv ntêx truz fov lox muk đhâu, pov lok six phêv liv, pov tsênhz cxênhx nênhs tov ntêx li têx sir tas đas jos trox nya por vêv têz qơưk”

          Txix hli 10/2023, iz tsưr ziv đros njiêz luv lok lix xưv tsês trâu shux xênhz têx cấp cxênhx 2, cxênhx 3 sâuv thax tsav tỉnh zos Đeix nta suôz xa đuôz tỉnh Điện Biên tsưr tsix đros luz bê zos “Âm vang Điện Biên” tâu tso sâuv sóng thiêz jênhv tâu ntâu tsov cưv txos. Têx yênhx tưv lok lix xưv tâu uô yiêz đhâu têx shux xênhz li têx xar tơưv jông tưz gôngr phênhv paz môn cơưv no tâu ntâu lênhx nênhs nhiêv đuô.

          Cưk kriê Nguyễn Thiện Thuật, kuz cưk kriê Văn-Sử, nhoz TP Điện Biên Phuv heik:  “Đros Âm vang Điện Biên li hlôngr yiêz tưz paz shux xênhz nhiêv môn cơưv no đuô, nhiêv têz nhiêv qơư, nhiêv txos têz qơưk li têx poz hiêr….tsaz yênhx no lok six jông”

          Cưk kriê Phạm Thị Thanh Huyền, Phưv Hiệu trưởng Tsêr cơưv phổ thôngz mênhx cxưx Nội trú tỉnh Điện Biên puz pâuz: tsi zos trơưk li cơưv sâuv ntâuz ntơưr, têx yênhx tưv muôx tâu đhâu têx huôx tôngv muk nriêr pâuz tsênhv tsênhz tưz paz shux xênhz nriêr pâuz lix xưv zôngx ziv đuô, tiv zix zos têx tsiv grê txix jiês ntâuk zênhx Điện Biên Phuv. No cux zos qơư tsov txos mak ntâu tsêr cơưv tsênhv chêx chôngk ndar txos, tâu uô txix ntâu huôx tôngv tsênhv tsênhz: “Zaoz zux cêr chax chês nhiêv têz nhiêv qơư zos iz hâur têx njiêz luv lok six coaz tsôngv. Tsêr cơưv cux tưz chox kriê đoanx hluôk nênhs, têx tuêv chuyên môn tsưr tsix lok six ntâu huôx tôngv chiê gôngr phênhv zaoz zux siêz nhiêv têz nhiêv qơư, mênhx cxưx VN li cêr chax chês cơưx mênhv. Pir li tsưr tsix têx jiês ngoại khóa lok sik têx huôx tôngv muk nriêr pâuz tsênhv tsênhz…”

          Lix xưv zos môn cơưv muôx pưs txux thiêz ziz njiêz lok six coaz tsôngv, paz kriê cxaz têx yênhx tưv muôx tsiv grê, paz cxênhx hluôk nênhs ziv txưv haox đuô txos zuk mênhx cxưx. Muôx yênhx tưv lix xưv truôx tul zos lok six zuôr trâus, tiv zix zos hâur ntu sik côngv hlôngr yiêz, paz têx shux xênhz muôz siêz siêz xar tuôr tsês thiêz seiz jông txos lix xưv, txix co yênhx têx lênhx nênhs jông cxiv tsa ndê txos luz nênhx tov kaz no tiêv tiêv truôx tul./.

Vũ Lợi-Txâur Vax cxeik nhênhv

Doanh nghiệp Yên Bái sir jos huôv tsar uô, muôs tơưv saz đrâuv têz qơưk

Công ty cổ phần khoangr yax công nghiệp Yên Bái nhoz qơư Công nghiệp faz Nam thành phố Yên Bái uô thiêz muôs hmôngr poz jêz Các bon nát (CaCo3). Têx hnuz kaz lik hli 3, yênhx puô lênhx công nhân tsênhv sir jos uô hâux lưv. Công ty nhiv kruôr yưv pênhr muôx 1 triệu ntâu USD lôngx đhok nzir têx mêir, chuôz zênhx uô hâux lưv yiêz jông thiêz zuôr muôz lok uô hâux lưv ciês thâuv hâur hlik hli 4 chiê gra siêz đuô tsơưr lươngv hax huv cov tax tâu trơưk siêz nhiêv sâuv ciêz đrôngs.

Zơưv Lê Ngọc Hùng, Giám đốc tsêr mêir hâur công ty puz pâuz: njuôk xav, công ty têx hax huv tax tâu xar muôx 850.000 tấn iz shông, hâur co muôx txos 80% muôs muk trâu têx têz qơưk Đông Âu thiêz Trung Quốc. Shông 2024, đros njuôk xav zuôr muôx qơư muôs jông hâur têz qơưk thiêz sâuv ntiêx têz, Công ty sir jos cov chuôz ndê txix 20 txos 30% pir li shông 2023. Chiê uô tâu tsưr ziv no, đrâuv yưv pênhr trâu têx chuôz zênhx yiêz, côngz ty tsênhv sir jos kriê nzir txux chi uô hâux lưv trâu chor công nhân, tiv zix zos chor công nhân kỹ thuật, sêiz shuôk têx mêir uô hâux lưv: “Tưz nriêr tâu têx qơư chiê muôs tơưv saz đrâuv têz qơưk yiêz, têx hax huv cux tưz tâu uô jông chiê muôs tơưv saz đrâuv têz qơưk. Paz trâu shông 2024 uô tâu trơưk têx tsưr ziv tưz tso tơưv, côngz ty tưz lôngx đhok nzir ntâu zav mêir, chuôz zênhx yiêz”.

Đros chor doanh nghiệp hâur têz qơưk, chor doanh nghiệp muôx pênhr yưv saz đrâuv têz qơưk cux tưz sir jos uô nox. Công ty TNHH Unico Global Yên Bái nhoz qơư công nghiệp Âu Lâu, thành phố Yên Bái uô thiêz muôs têx tsôngk yo tơưv saz đrâuv têz qơưk zos iz công ty li co. Têx hnuz no, hâur công ty cxuô qơư uô hâux lưv, 1.300 ntâu công nhân tsênhv sir jos uô cov tiêr têx hax huv chiê muôs trâu chor nênhs zuôr trơưk tưz cir jênhv. 2 luz hli hâur shôngk shông no, công ty tưz muôs tơưv saz đrâuv têz qơưk xar muôx 130.000 hax huv muk trâu Hàn Quốc thiêz têx têz qơưk châu Âu, đros tas nro tsiv gri xar muôx 1,8 triệu USD, ndê 8% pir li tsêiz no.

Niêv tix Lê Thị Hậu, Trưởng phòng hành chính nhân sự công ty puz pâuz: “Công ty tso tơưv têx tsênhv chêi xêir zuôr iz zav li muôz paz trâu côngz nhân yiêz txix 1 triệu txos 4 triệu đêiv; đuô li công ty tsênhv zuôr paz nzir lơưr hnuz nhôngs uô hâux lưv trâu nênhs lox tôngv, tas nro chor công nhân kuz tưz so hâux lưv hâur công ty thâuv ntêx no lok sik chor công nhân uô hâux lưv ntơưv têx công ty txơưr thâuv tuôx uô hâux lưv ntơưv no công ty zuôr xav trơưk hnuz nhôngs tưz uô hâux lưv chiê uô nzir muk. Lok uô mak công ty zuôr txêik jênhv ntâu đuô têx qơư, ntâu ntơưr zuôr hax huv chiê paz muôx hâux lưv uô trâu nênhs lox tôngv. Nhiv no nênhs lox tôngv hâur công ty li phênhv sâu txix 6 txos 8 triệu đêiv iz hli”.

Xav tas shông 2023, lok muôs tơưv saz đrâuv têz qơưk, tas nro tỉnh Yên Bái muôx zuôr xar 90 doanh nghiệp, phênhv ntâu zos chor doanh nghiệp khoangr yax, uô ntông thiêz têx hax huv txix ntông, doanh nghiệp uô nhựa lok zos trox ntông thiêz xơưk tsôngk yo… muôs ciês muk trâu xar muôx 50 luz têz qơưk li: Trung Quốc, Ấn Độ, Hàn Quốc, Đài Loan, Nhật Bản, Mỹ thiêz 30 ntâu luz tez qơưk txơưr đuô. Njuôk xav shông 2024, muôs tơưv saz đrâuv têz qơưk zuôr tâu muôx 420 triệu ntâu USD.

Iz chas sir jos uô nox kinh doanh, chor doanh nghiệp, tsưr tsix, tiz nênhs tưz uô jông đuô lơưr chêi nhiêx sê, thêv huv zos, txưv, ndar six hơưv têx nhiêx sê, nhiêx phí trâu nhiêx txiêx têz qơưk. Zơưv Nông Xuân Hùng, Cục trưởng Cục nhiêx sê tỉnh Yên Bái puz pâuz: “Chiê đros đrêiv côngv thôngx doanh nghiệp, nênhs thêv nhiêx sê hla đhâu têx phiv liv, truôx tuk thiêz huôv tsar uô nox, kinh doanh, nganhx nhiêx sê Yên Bái zuôr troz kriz uô têx tsưr ziv uô cov nzor thiêz truôx jông lok têx tsênhv chêi yiêz chiê chor nênhs thêv nhiêx sê sâuv thax tsav pâuz tâu sêi, huv cui tênhv. Pêz cux muôx ntâu tsưr ziv jông hâur côngz xưv sêiz car nhiêx sê, jux juk paz muôx tâu têx dịch vụ jông, tsơưr lươngv siêz, paz zôngx ziv chiê côngv thôngx doanh nghiệp uô jông jênhv vưv trâu nhiêx txiêx tez qơưk”.

Sir jos zok nriêr qơư muôs yiêz thiêz tror muôs huv muk trâu têx qơưk zuôr cxôngx nzor chiê paz chuôz ndê phênhv sâu muôs tơưv saz đrâuv têz qơưk, chor doanh nghiệp ntơưv Yên Bái tưz thiêz tsênhv muôx têx gôngr côngv paz trâu tỉnh Yên Bái li tsưr ziv chuôz ndê, huôv tsar kinh têr cxuô./.

Đinh Tuấn-Lik Thox cxêik nhênhv