Pênhr muôz kir txeik zuôr nhiêx nju tsơưs, cxơưz paz trâu nênhs pluôs hla đhâu têx phiv liv

Zos ziv chuôz zis pluôs ntêr shông hâur tiểu khu Hua Ít, thị trấn Ít Ong, huyện Mường La, tỉnh Sơn La, zơưv Lèo Văn Binh chuôz zis li phênhv sâu tâu hâur niêx shông tsuôk pâuz tok txos têx poz cưk, kok ntông uô tâu hâur shông xưz.

Shông 2015, tâu canr bôv Tsêr nhiêx tsênhv chei xã hội huyện đros hâu nov ntơưv qơư tôngv zênhx, zơưv Binh tưz kêr txeik Tsêr nhiêx tsênhv chei xã hội huyện 50 tsov đeiv thêv nhiêx nju tsơưs chiê zuôr nzir ar uô nox, muôz têx liêx têz uô tsi jông kôngz hlôngr chos têx tsoz chos ntông nox txir cov huv đros. Shông 2018, zơưv Binh tror kêr txeik Tsêr nhiêx tsênhv chei xã hội 50 tsov đeiv thiêz chiê zuôr nzir têx zuz nôngz, tsoz chos, tsiêx tu zus lok huôv tsar kinh tế.

Đhâu ntâu shông, têx liêx têz poz cưk, kok ntông tưz uô tâu trơưk tsưr ziv xar, kriz đar iz ha ntâu têz chos 100 tsoz txir lưv tsiz sôngz, 150 tsoz txir lưk pax, mo môngk Đài Loan, txir mo mix Thái, iz chas co tsênhv muôx 10 tus nhux tưv, iz paz keiz ok thiêz.

Zơưv Lèo Văn Binh heik: Chiv txir ntông, kôngz uz no nhiv kruôr đhâu, chuôz zis qir sâu tâu liv, tax 100 ntâu tsov đeiv đhâu yưx tas têx nhiêx txiêx zuôr qir fmông têx kôngz, krâur puz tsiêx cxu….; chor shông txuôk lơưr no, têx ntông hloz lox jông, txi txir, muôs tâu gri mak zuôr tâu nhos 250 tsov đeiv: “Cur chuôz zis kêr txeik tâu Tsêr nhiêx tsênhv chei xã hội têx pênhr mak muôz zuôr nhux lok zus, zuôr ar chiê chos têx ntông nox txir; khov têx pênhr co, nhiv no chuôz zis muôx tâu iz vax txir ntông truôx tuk, nhux tưv hloz lox jông, têx txir ntông txos cheix siêr, jông sâu đê mak chor tuz luôv lơưr tuôx zuôr ciês ntơưv qơư”.

Đros thiêz 40 lênhx nênhs uô hâux lưv tsi so thiêz 50 lênhx lox tôngv uô têx nuv trơưk cheix chiv, Công ty Hữu Hảo Tây Bắc nhoz jok Văn Minh, xã Mường Bú, huyện Mường La krêz uô khoar cxax, tsông, jov têx poz jêz uz no, iz hlik uô tâu nhos 2.500-3.000 yiv đruôz poz jêz; iz chas co công ty cux cxiv tsa têx côngz trênhx thiêz thâux xa têx poz jêz, hax huv uz no muk lol. Taz sik viv moz Covid-19 uô ruôr hiêv hâur iz ntuk ntêr nhiv kruôr đhâu, công ty njiz trâul ntâu phiv liv, lar heik zos lok sâuv muôz têx nhiêx hli trâu công nhân.

Zơưv Đỗ Xuân Hảo, Giám đốc Công ty heik pâuz: Txix Tsêr nhiêx tsênhv chei xã hội huyện têx pênhr muôz txeik zuôr nhiêx nju tsơưs, Công ty tưz iz phênhv tưs thêv tâu têx nhiêx hli trâu chor nênhs uô hâux lưv hâur công ty, txix co cxơưz đas jos chiê lơưr tso siêz lês uô têx luôs hâux lưv hâur ntu muôx moz gênhk huôv xênhz: “Hâur ntu muôx moz Covi-19 huôv xênhz phiv liv, muôx iz cxiê lênhx nênhs hâur công ty trâul cik tâu moz Covid, tưz tsuv nhoz cêv kuôk, têx lênhx kruô lok cux tsi yuô muôx lênhx tưs tuôx, hax huv uô tâu cux muôs tsi tâu, viv li lok six phiv liv, thâuv co tâu Tsêr nhiêx tsênhv chei xã hội muôz jông six hơưv paz, viv li tưz zênhx max đơưk tâu têx phiv liv thiêz thêv tâuk têx nhiêx hli iz kro mê njik trâu chor công nhân”.

Zơưv Tạ Văn Toàn, Phưv Giám đốc Tsêr nhiêx tsênhv chei xã hội tỉnh Sơn La heik pâuz: Đros thiêz tsưr ziv “pâuz tsênhz tâu pêx xênhv li tsưr ziv, siêz xar-moz siêz lês uô jông  têx luôs hâux lưv zok muôz”, hâur 20 shông uô lơưr Chính phủ Nghị quyết 78, têx pênhr tsênhv chei tưz tâu muôz txos trâu 100% cxuô jêx jok, suôv qơư, hur si têx thax tsav tox siêz đêz đrôngs, txov nhêv, tưz paz trâu yênhx puô cxênhz chuôz zis pluôs, zuôr xar pluôs hla đhâu cêr txov, ntâu chuôz zis car xar car uô, kêr txeik pênhr chiê huôv tsar uô nox, taz por luz nênhx truôx tuk, muôz hâux lưv uô trâu lox tôngv ntơưv qơư thiêz paz sơưr đơưk hâur thax tsav muôx luz nênhx truôx njês, tsâu sor.

Ciês shông 2021 nhiv kruôr đhâu, têx pênhr nhiêx muôz trâu sơưr đơưk kêr txeik huôv tsar uô nox li heik sâuv tax 1.459 tyv đeiv; hok têx nhiêx sơưr đơưk thêv tuôx co zos 1.178 tyv đeiv….; phênhv ntâu chor nênhs kêr txeik pênhr lơưr sir zôngv tâu trơưk li tsưr ziv, uô tâu têx hâux lưv trơưk siêz xar thiêz sơưr đơưk puôr lênhx uô jông lơưr cui tinhv thêv têx nhiêx nju, nux grik uz no: “Hâur 20 shông fuô uô trơưk li Chính phủ Nghị định, Chi nhánh tỉnh Sơn La zuôr tror uô jông têx luôs hâux lưv zok muôz, cxơưz tiês yax kriê lok sâuv têx tsênhv chei nhiêx txiêx xã hội, lar heik zos chor tsaz yênhx nhiêx txiêx tsênhv chei yiêz, têx tsaz yênhx trơưk li Chính phủ fuô kriê, chêx tsôngk trâu chor thax tsav tox siêz đêz đrôngs, thax tsav tsênhv yuôr ntâu txov nhêv chiê tsôngv pêx xênhv tror tâu sir zôngv chor pênhr txeik cux iz zav li zênhx max đơưk têx phiv liv muôx têx njiz trâul”.

Đhâu 20 shông uô lơưr, Chính phủ Nghị định 78 ntơưv tỉnh Sơn La, Tsêr nhiêx tsênhv chei xã hội têx luôs hâux lưv muôz nhiêx txiêx trâu tsôngv pêx xênhv kêr txeik huôv tsar uô nox tưz uô tâu jông, paz zov chênhr trâu cxuz cêr yeiz pluôs, truôx tuk xã hội, sơưr đơưk muôx luz nênhx tsâu sor, vav mênhx./.

(Trấn Long-Riê Lâux cxeik, nhênhv)

Têx tsưr ziv txơưx uô nox sâuv thax tsav muôx ntâu poz jêz Sính Lủng

Sính Lủng zos luz xar nhoz kuôk tsênhv qơư huyện Đồng Văn xar muôx 20 cêik cêr, phênhv ntâu zos tsôngv box mênhx cxưx tsơưs nênhs uô nênhx nhoz. Đros têx tsưr ziv uô nox cxôngx nzor, pêx xênhv nhoz ntơưv no phênhv ntâu zos chos poz cưk thiêz iz cxiê zav jâuz tâuv. Taz sik, têx kôngz no tâu chos lơưr tsưr ziv sir zôngv hâur chuôz zis xưz, viv li tsik paz muôx tâu phênhv sâu trâu pêx xênhv. Têx shông jê lok no, iz cxiê ziv chuôz zis tưz sir jos hlôngr yiêz đuô têx ar têz chos poz cưk chiê chos iz cxiê zav jâuz muôs uô hax huv li Jâuz khưr lok zos jâuz poz thiêz jâuz njuôz. Txos nhiv no, thâuv tsaz yênhx kho, hlôngr yiêz đuô têx vax ar têz tâu uô đêz đar, tas nro xar tưz kho, hlôngr yiêz đuô tâu muôx 13 luz vax ar têz tax ploz tsênhr, hâur co muôx 4 luz vax tưz paz trâu pêx xênhv muôx tâu phênhv sâu. Tiv zix, iz cxiê luz vax thâuv ntêx no muôx poz jê ntâu đuô ar, taz sik txos nhiv no tưz zos yênhx têx luz vax ar têz jông, chor poz jêz tâu cxiv uô yênhx pơưs, paz trâu chor chuôz zis muôx nzir phênhv sâu tâu nhiêx txiêx.

Tix lâus Chứ Mí Pó, jok Há Đề, xar Sính Lủng đar muôx 4.000 thiêr ndis, taz sik phênhv ntâu zos poz jêz viv li yênhx shông tix lâus oz niêv txir tsuôk chos mê njil jâuz njuôz, phênhv ntâu zos chiê chos poz cưk. Muôx têx ntu ntux kruôr gis, têx ar têz co ho tso tsês, tsik uô. Shông 2021, kriz uô tsaz yênhx kho, hlôngr yiêz đuô têx vax ar têz, khov muôx cấp ủy, chính quyền paz, tix lâus chuôz zis tưz sir jos hlôngr yiêz đuô, đăngk cir kho đuô vax ar têz thiêz tâu têx canr bôv tuôx hêik kriê, cêv kuôk đuô têx ar têz, xêir tsov zuz nôngz tsoz chos yiêz. Yênhx hnuz, tix lâus oz niêv txir sir jos khơưk têx poz jêz lok uô yênhx pơưs, uô njưs thêir ar. Txix iz luz vax ar têz muôx ntâu poz jêz, muôx ntâu đrox đhâu thâuv tâu cxiv kho đuô, tix lâus Por luz vax ar têz co tưz hlôngr yiêz lok six ntâu. Chiv xuz thơưx, tix lâus Por chos 200 tsoz txir khơưz Tam hoa thiêz 600 tsoz jâuz krưr, uô huv zos li tsưr ziv. Txos nhiv no, tix lâus chuôz zis tưz sâu tâu 3 chiv jâuz, xav tas cxuô kror, iz chiv paz trâu tix lâus oz niêv txir sâu tâu muôx 20 triệu đêiv. No zos kror uô tâu đhâu thâuv tix lâus chuôz zis sir jos nyêis yev poz jê cov muôx ar tsêz chos cxuô kôngz.

Tix lâus Por hêik: “Cur chuôz zis xar tiêk zuôr sir jos huôv tsar luz vax ar têz no yênhx vax ntông nox txir. Nhiv no, thâuv chor txir khơưz tsênhv zâu, pêz chos shơư nzir têx jâuz tâuv cov muôx nzir phênhv sâu. Xar tiêk txos thâuv chor txir khơưz no hloz lox thiêz huôv tsar jông mak zuôr tu zus nzir mur chiê muôs jiz. Nhiv no cur chuôz zis chor jâuz njuôz mak muôs tâu lok six jông, chor nênhs uô lax luôv tuôx zuôr ti gâuk ntơưv vax, ntâu jiês muôx tsik txâuk chiê muôs trâu lơưr, viv puôr lênhx zos chor jâuz tâu chos lơưr tsưr ziv hur jông xưz”.

Dính Xênhv Vưx, Bí thư Đảng ủy xar Sính Lủng puz pâuz: Xar nhiv no muôx lok six ntâu chuôz zis njiê pov tâu kror liv txix kho, hlôngr đuô têx vax ar têz tưz sêiz lax đros canr bôv cxơưz cxiz uô kôngz, xar cov tâu hêik kriê lok têx zuz, nôngz, tsoz chos, cêv kuôk đuô vax ar têz. Txos nhiv no, muôx iz cxiê kror ar têz tâu ntâuk gri siêz, paz muôx nzir phênhv sâu truôx trâu chor chuôz zis. Tiv zix, txix chor vax ar têz hlôngr yiêz co li têx uô tâu tưz uô trâu chôngz pêx xênhv hâur xar sir jos uô trơưk, paz cxơưz cxiz sik tưr huôv tsar uô nox. Jux juk paz hlôngr yiêz đuô têx tsưr ziv uô nox pôngz kaz, hlôngr yiêz đuô pêx xênhv li siêz xar, tsưr ziv uô nox nhoz thax tsav tox siêz poz jêz no. Txix co paz lok six ntâu trâu côngz xưv txo grêk cêr yêiz pluôs, cxiv tsa jêx jok yiêz ntơưv thax tsav qơư.

(Hlôngr suôz): Phênhv “Nôngx mênhx zuôr tsuv pâuz” hnuz no tsuôk xâuk li no xưz. Phênhv no zos Đaix nta suôz Việt Nam nhoz thax tsav faz Bắc uô, đros muôx muôx Tsênhv qơư cxơưz cxiz uô kôngz Têz qơưk đros paz uô./.

Vàng LanKT-Lik Thox cxêik nhênhv