Hêik pâuz phiv liv ntơưv têx qox kik hla đhâu đêx hâur chêix ntux nas chuô

Têx hnuz ntux lok nas lox, ntơưv tuk qox kik hla đhâu đêx Làng Nhớn, xã Cam Đường, thành phố Lào Cai, qơư muôx chor đêx ntưk pêv hâur lok ntâu, hâur chor đêx ntưk lok chênhr no muôx tsik tsơưs pêx xênhv cux tsênhv tso siêz tuôx cxov njêl hâur đêx. Tix lâus Nguyễn Viết Hòa, nhoz jok Suối Ngàn, xar Cam Đường hêik pâuz: “Cux lok six riêz nênhs, luôs tsuôk hêik tiêk ntâuk cxov mêl njil xưz. Luôs cux muôx hluô khi lơưv, hêik mak cux muôx tsưr ziv uô, tsik zos lênhx tưs xar muk ntâuk cxov njêl ntơưv no cux muk tâu”.

Ntơưv “Tuk qox kik hla đêx Dạ 2” thiêz “Tuk qox kik hla đêx Làng Nhớn”, xã Cam Đường, thành phố Lào Cai, thâux tưs muôx ntux lok nas lox, đêx huôv txix pêv hâur đêx lok, đêx ntưk lox thiêz chênhr uô trâu chor qox kik hla đhâu đêx no zos têx qơư phiv liv trâu chor nênhs muk lok đhâu. Txơưv chor cơ quan muôx vax huôv, chinhr quyền ntơưv qơư tưz sir jos yax kriê thiêz rêik fiêx hêik kriê, taz sik cux muôx yưv tsik tsơưs chor txuz txiêz nanv pôngz siêz tiv pêx xênhv tsik uô jông sêiz thiêz tsênhv tso siêz. Hâur shông 2022, ntơưv thax tsav “Qox kik hla đhâu đêx jok Dạ 2” tưz muôx yưv 2 txuz txiêz nanv, uô iz lênhx nênhs tuôs thiêz 1 lênhx nênhs trâus plox mông. Zơưv Nguyễn Văn Cương, Phưv Chủ tịch Ủy ban xar Cam Đường, thành phố Lào Cai puz pâuz: “Thâuv muôx đêx huôv, chor đêx pur siêz, zuôr muôx đros chor njêl txix têx pak njêl lok sik txix têx đêx đros lok, pêx xênhv cux muk trâu têx qơư no chiê ntâuk cxov njêl. Pêz cux pâuz tâu qênhx shênhx no thiêz tưz muôx hêik pâuz, yax kriê sâuv têx loa chiê phax tar tsik chiê pêx xênhv muk ntâuk cxov njêl thâuv muôx đêx huôv lox”.

Chiê txo grêk tsơưs chor txuz txiêz nanv tiv ntux nas đêx ngaz cuôr, chinhr quyền ntơưv qơư thiêz cơ quan muôx vax huôv tỉnh Lào Cai tsuv muôx têx tsưr ziv sir jos uô đuô hâur yax kriê thiêz zoz zux lok ngaz tuk hâur chêix ntux nas chuô. Thôngx cxix, tsuv kriz uô têx tsưr ziv qênhz yuôx ntơưv têx qơư zôngx ziv trâus ntux têz uô ruôr hiêv txos chiê paz ngaz tuk trâu pêx xênhv./.

TTTB-Lik Thox cxêik nhênhv

Cxuô faz tsưr ziv uô truôx tuk tênhv hâur cheix nas chuô

1.Tsi kho tênhv thâuv tsênhv lok nas chuô.

2.Tsi zôngv tênhv ntâuk muôz shuôz njêl, chuôz nak, phax thêir tuz saz tuz nhiês....uô ruôr hiêv txos lênhx nênhs txox siê.

3.Thâuv muôx nas chuô, tsi tâu chiv chir ndê sâuv têx ndêx thênhv, hla đhâu lax caz xor thêir qơư tuô tênhv, qưr têx xor ndêx tênhv....li tsi trâul tênhv gruk, tênhv cuz.

4.Tsi nhoz gâuv jê têx ndêx tênhv, côngz trênhx tênhv thâuv muôx nas chuô lox.

5.Tuô hur si têx tênhv hâur tsêr thâuv đêx nas ngaz tsêr chiê txar jav tsi trâul tênhv gruk.

6.Tsi ndê muk sâuv tsêr, yar tiêx thiêz têx qơư zôngx ziv muôx tênhv, jê xor tênhv chaz đhâu thâuv muôx nas chuô. Tsi cưr, gra, đhok uô têx chuôz zênhx, côngz trênhx jê xor tênhv, qơư tuô tênhv li tsi trâul txeik tâu tênhv.

7.Tsi muk lol, cheix fuôx gox uz no hâur thax tsav đêx ngaz muôx xor tênhv kis, jê blêiv đêx.

Tsi khi tsiêx thiêz fuôx gox trâu ntơưv têx ndêx tênhv tsav ndêx tênhv trâul lor vâu thiêz trâul tênhv gruk.

8.Thâuv pov têx xor tênhv trâul tu, shôngz ntông vâu lor lok tsuôv xor tênhv, qơư tuô tênhv, hâur pâuk ndêx tênhv trâul xưz poz, ndêx tênhv vâu....mak tsi khênhr lênhx nênhs thiêz tsiêx cxu muk, nhoz jê, heik zênhx max trâu taz viv seiz car tênhv lok sik hâu nov, công an ntơưv qơư pâuz./.

Hồng Việt-Riê Lâux cxeik, nhênhv