Pêx xênhv Lai Châu uô jông hâux lưv phax tar cuz tox cuz jôngr hâur chêix ntux kruôr

Thâuv têis cik sơưr nzor, txơưv ntux no hênhr, tôv uô côngz xưv por vêv jôngr muôx 10 ntâu lênhx nhoz jok Lò Ma, xar Ka Lăng, huyện Mường Tè (Lai Châu) tưz muôx njêx muôs ntơưv tsêr vênhx huôv jêx jok chiê sik đros muk qênhz yuôx har jôngr. Têx chuôz zênhx zôngx ziv trâu nênhs muk hâur har jôngr li triêv txuôk, hlâu… tâu sơưr đơưk gra đros chiê tuô hluôr tơưl thâuv pov muôx chis cuz.

Tsar jok Lò Ma Lù Ha Tư hêik: Thax tsav jôngr nhiv no jok tsênhv sêiz car phênhv ntâu zos jôngr lâul. Hâur har jôngr tưz tâu pox nhuôs chos yênhx puô héc ta txir hơưk, sâm, txir suôz câur xiêr… txix tsênhv chêi pâux nzir dịch vụ tênhv qơư jôngr, yênhx shông, iz ziv chuôz zis puôr lênhx tâu sơưv xar muôx 30 triệu đêiv. Muôx phênhv sâu truôx txix jôngr, jok tưv cxiv tsa chêi chiê por vêv:

“Pêz tưz muôx chêi chiê por vêv thiêz tsoz phưz jôngr, tsik so yax kriê trâu pox nhuôs sơưr đơưk pâuz lok têx chêi co. Tôv sêiz car jôngr tsuv tsik so muk qênhz yuôx, sêiz shuôk sêz têx thax tsav qơư tưs zôngx ziv chis cuz chiê kriz uô têx tsưr ziv phax tar cuz tox cuz jôngr thiêz muôx tsưr ziv por vêv cov jông”.

Mường tè zos qơư muôx thax tsav jôngr ntâu tiv zix tỉnh Lai Châu, đros xar muôx 268.000 héc ta, hâur co thax tsav jôngr chiv xênhz muôx 170.000 ntâu héc ta. Đros uô jông “phax zos chênhr”, txix ciês têx hnuz xuz thơưx hâur chêix ntux kruôr no, lưx lươngv kiểm lâm tưz tsik so sik côngv đros chinhr quyền cxuô thax tsav qơư muk trâu têx jêx jok chiê yax kriê, gra siêz jênhv pâuz lok phax cuz tuô cuz jôngr trâu pêx xênhv thiêz tsưr tsix qênhz yuôx chiê pov tâu thiêz tir tar tâu nzor chor txuz cuz tox cuz jôngr. Zơưv Đào Văn Hân, Hạt trưởng Hạt Kiểm lâm huyện Mường Tè puz pâuz:

“Hạt Kiểm lâm huyện Mường Tè cux tưz chox kriê kiểm lâm sêiz car thax tsav sir jos yax kriê trâu pêx xênhv sêiz car pâuz, por vêv jôngr thiêz phax cuz tuô cuz jôngr. Chox kriê kiểm lâm sêiz car thax tsav chor xar, thị trấn yax kriê txos têx jêx jok, kriê trâu pêx xênhv pâuz têx tsưr ziv por vêv thiêz xưv lik têx đrox, nhov, chos jôngr chiê hluôr tơưl tsik txêik cuz trâu hâur har jôngr. Hạt Kiểm lâm cux sik côngv đros têx xar, thị trấn chiê xav jênhv chor lưx lươngv, sir jos phax tar thâuv muôx cuz tox cuz jôngr, chiê txo grêk tsơưs tiv zix têx trâus hiêv”.

Chêix ntux kruôr shông uô ntêx, tas nro tỉnh Lai Châu muôx 40 ntâu txuz hluôr tơưl cuz jôngr, uô hiêv tas xar muôx 200 héc ta jôngr. Qir tiv muôx yưv chor txuz cuz jôngr đrâuv tiv ntux kruôr gis, yar ntux cuz sor truz ntêr, cux tsênhv yuôr tsik tsơưs pêx xênhv tsik tâu uô jông lơưr têx cui tênhv lok phax cuz, tuô cuz jôngr. Zơưv Lò Xuân Khánh, Phưv Cục trưởng, Chi cục Kiểm lâm, Sở Kôngz nuv thiêz Huôv tsar jêx jok tox siêz tỉnh Lai Châu puz pâuz:

“Ban Chox kriê phax cuz tuô cuz jôngr tỉnh tưz tso tơưv têx chêi, chỉ thị lok sir jos uô côngz xưv sêiz car, por vêv jôngr thiêz phax tar cuz tox cuz jôngr. Chi cục Kiểm lâm tsênhv tsik so sêiz kaz jông têx xor mông hêik pâuz muôx cuz jôngr nzor sâuv Cục Kiểm lâm li website chiê qênhz yuôx, pov tâu nzor muôx cuz jôngr. Chi cục cux tưz chox kriê Hạt Kiểm lâm têx huyện, thành phố qênhz yuôx, cxaz nzir chor tsưr ziv phax tar cuz tox cuz jôngr, xav jênhv chor thax tsav zôngx ziv trâus cuz jông chiê tso nênhs sêiz jor thiêz muôx tsưr ziv phax tar”.

Muôx tas nro cxiv luôs chinhr triv đros uô thiêz pêx xênhv ntơưv thax tsav qơư li sir jos zuôr zos kror paz trâu Lai Châu txo grêk tsơưs tiv zix chor txuz hluôr tơưl chis cuz jôngr hâur chêix ntux kruôr shông no; sir jos txos shông 2025, thax tsav muôx jôngr nzôngr tox trôngz, câuv har hâur thax tsav tỉnh tax tâu 54% lơưr Nghị quyết Đại hôiv Đảng bộ tỉnh tso tơưv./.

Khắc Kiên-Lik Thox cxêik nhênhv

Tsuv chênhr phax tir thêir chor nênhs fêv nziêk đas hâur ntu zuôr txos tsiêz têz qơưs

Txix hâur shôngk shông txos nhiv no, tỉnh Yên Bái tưz muôx yưv ntâu txuz nziêk đas đhâu hu xor tôngx, tin nhắn, facebook, zalo....nhoz ntâu thax tsav qơư li: Huyện Lục Yên, Văn Yên, TP Yên Bái...., uô trâu iz cxiê lênhx pêx xênhv njênhs thiêz uô trơưk trâul pôngz nhiêx txiêx. Pos Nguyễn Thị Huệ, iz hâur têx lênhx trâul nênhs fêv nziêk đas hâur ntu đhâu nhoz thị trấn Mậu A, huyện Văn Yên, Yên Bái heik:

“Hnuz ntơư cur tsênhv pư su txơưv muôx iz tus hu xor tôngx tuôx tiêk, cur trâul luôs lưv tus uô ntơưr pênhr lok six phiv liv, cov 2 six zar hnuz kêix tov kaz cur muk trâu ntơưv Công an qơư uô hâux lưv chiê đơưk tu. Xar lok sâuv têx tsưr ziv tưz tâu yax kriê thiêz pâuz nzir, cur seiz zos co nênhs fêv nziêk đas xưz. Cur tưz têz trâu tus nênhs ntơư tiêk: Nêx cxoz đas nziêk luôs lưv tus, cur zuôr heik trâu công an, nưk txơưv chiê tuô meir, tsi pov hu meir tror tuôx hlo li lơưv”.

Trơưk li chor tuz sâu xor xưv pâuz, iz chas têx tsưr ziv nziêk đas li thâuv ntêx: Uô txuz uô fôngx zưs, nhắn tin, heik tiêk zos nênhs saz têz qơưk đrâuv lok sik muôx nhiêx txiêx xar muôz trâu đros paz tuôr tsês lok sik puz trâu luôs lưv tus muôx luz nênhx txov nhêv; đas nziêk tiêk zos cơ quan muôx vax huôv heik trâu lênhx nênhs trâul uô hiêv pâuz viv cik txos têx cuz nxor; piêr kriê tso txeik nhiêx txiêx, uô ntâuz ntơưr zôngx ziv......tsênhv muôx iz cxiê tsưr ziv nziêk đas txơưr đuô li: Hu xor tôngx, nhắn tin trâu luôs lưv tus cov uô trơưk li heik kriê lok sâuv heik pâuz têx mông cik txos qơư nhoz, vax tsêr, ntơưr tsar yêz....sâuv mạng xã hội; lok sik hu zâuv đros cơưv, yưv pênhr uô têx hâux lưv uz no tsi trơưk chei chiê nziêk đas nhiêx txiêx.

Chiê txâuk njênhs, pêx xênhv tưz muôz zuk têx ntâuz ntơưr trâu chor nênhs fêv co seiz, txix ntơư lơưr zôngx ziv krêz tâu seiz têx mông sâuv mạng internet.... Txos thâuv pêx xênhv pâuz tsênhz trâul nênhs fêv nziêk đas, nênhs fêv tưz muôz tâu têx mông cik txos thiêz tuô xor tôngx, hu tsi tâu.

Lơưr Thượng tá Hoàng Văn Tuân, Phưv tsar phongx txiv ngaz mạng thiêz phax tar nênhs fêv li heik sâuv-Công an tỉnh Yên Bái, viv cux tsênhv muôx iz cxiê lênhx pêx xênhv trâul nziêk đas, zos chor nênhs co tsi tâu buôk ti txos têx xor mông, lok sik tsi chênhr phax, tsi moz siêz txos têx lưv lươngv muôx vax huôv heik, fuô kriê; iz cxiê lênhx mak viv nhiv kruôr pâuz sir zôngv mạng xã hội, zôngx ziv njênhs thiêz mnôngs trơưk luôs lưv tus heik..... Tsênhv thâuv co, luôs hâux lưv phax tar, tir thêir chor nênhs fêv no cux tsênhv njiz trâul ntâu phiv liv viv lơưr uô têx nuv tsi trơưk chei li heik sâuv đhâu luôs 2 chas tỉnh, 2 chas têz qơưk; sir zôngv ntâu sim xor tôngx, thẻ gra nhiêx tsi pâuz tsênhz qơư, lênhx nênhs....chiê nziêk đas, uô têx nuv tsi trơưk chei.

Xav tinhv hâur ntu kaz shôngk shông, têx nênhs fêv nziêk đas li heik co zuôr ziv phiv liv đuô, cxuô ngênhx muôx vax huôv nhoz Yên Bái tưz thiêz tsênhv fuô uô ntâu faz tsưr ziv li: Sir jos yax kriê lok chor nênhs fêv têx tsưr ziv nziêk đas chiê pêx xênhv pâuz tsênhz, heik tsôngv niêv txir lax pêx xênhv zos thâuv tưs pov luôs lưv tus hu xor tôngx, nhắn tin tuôx tsi pâuz tsênhz lênhx nênhs, piêr kriê, hu zâuv đros uô têx nuv li uz li no.....mak sơưr đơưk tsi tâu mnôngs thiêz uô trơưk; zos xav tiêk co zôngx ziv zos nênhs fêv, zênhx max heik trâu cơ quan công an pâuz chiê tâu xav jênhv. Thượng tá Tuân heik mênhx:

“Tsôngv lax pêx xênhv tsuv tsi so sox seiz tsênhv njiêz yax kriê lok têx nênhs fêv tsưr ziv nziêk đas sâuv têx mạng xã hội, ntơưr pov tsir, tivi, lưv lươngv công an li zalo txiv ngaz, têx Fanpege....chiê pâuz tsênhz, đros chênhr phax, li tsi trâul nênhs fêv nziêk đas. Tsi tas li sơưr đơưk cux tsi txoz njênhs trơưk chor nênhs siz sưv, siz pâuz đhâu sâuv mạng xã hội, lok sik têx mông tsi pâuz tsênhz mak lênhx nênhs co heik kriê. Tsi heik trâu luôs lưv tus pâuz lol zuk têx ntâuz ntơưr, qơư nhoz, qơư uô nuv uz no, tsi zuôr muôs lok sik muôz thẻ gra nhiêx puz trâu luôs lưv tus.....”./.

Trịnh Xuân-Riê Lâux cxeik, nhênhv