Tổ pox niêv nhoz Tây Ninh tsi muôx ntâuk tsiv hâur chuôz zis

Pos Võ Thị Ngọc Nhị chuôz zis zos iz hâur têx ziv chuôz zis uô ntêx nyuôs hâur xã An Bình tsi muôx ntâuk tsiv chuôz zis, pos zơưs, niêv txir uô nênhx tsiv txiêx, têx tuz nhuôs mnôngs luk, uô trơưk. Pos Nhị tâu tus txir jông siêz, paz đros lês uô cxuô luôs hâux lưv viv li pos muôx six hơưv, hnuz nhôngs cxaz chuôz uô têx hâux lưv pox niêv hâur thax tsav qơư, đros pox niêv xã An Bình txoz cxơưx trâu têx lênhx pox niêv vir ndâuk hâur xã. Pos Võ Thị Ngọc Nhị heik pâuz:

“Cur chuôz zis mak tus txir heik pox niêv mnôngs, pox niêv heik txir mnôngs, niêv txir heik chor mê nhuôv mnôngs, uô trơưk, sik thôngx siêz, sik đros siz paz. Thâuv muk trâu saz đrâuv lok têx nhuôs cux pov luôs lưv chuôz zis uô tsi yuô tâu trơưk li zuk chuôz zis. Chuôz zis muôx cêr thôngx siêz li sâuv, tsôngv cưr tix nênhx tsa sơưr đơưk hâur jok luôs cux kruôs, zuk chuôz zis lok cux tâu njêx muôs. Zos thâuv tưs cur nhoz tsêr mak têx nuv hâur vax tsêr zos cur lês uô. Thâuv tưs cur muk cơưv, muôx hâux lưv uz no mak tus txir paz, lok uô jâuz mor trâu chor nhuôs nox”.

Cux xưk liheik sâuv, pos Trần Thị Sạn nhoz xã An Bình chuôz zis luz nênhx zos khov trâu luôs hâux lưv chos txir tuôz thox. Pos cxaz chuôz tổ pox niêv tsi muôx ntâuk tsiv chuôz zis txix thâuv yênhx lix txos nhiv no. Pos Sạn iz chas tsưx phưv chuôz zis nox nhoz sor siêz lus, tsênhv kriê têx tuz nhuôs cêr uô nênhx jông, tsiv txiêx thiêz yax kriê, vênhv tôngv chor pox niêv vir ndâuk hâur chi hội sik đros uô trơưk chiê cxiv tsa chuôz zis tsâu sor, tsi muôx ntâuk tsiv:

“Hâur chuôz zis zuk tsuv kriê têx tuz nhuôs, chor txir tuz tsi tâu ntâuk tsiv chuôz zis, thâuv muk uô hâux lưv saz đrâuv zuk thiêx heik tâu têx pox niêv vir ndâuk sơưr đơưk mnôngs, uô trơưk. Thiêz cux kriê lok sâuv tsi ntâuk tsiv chuôz zis hur si. Chor pox niêv vir ndâuk tsuv sik thôngx siêz thiêz tsi chiê tus txir ntâuk tsiv”.

Trâur nuv “tổ pox niêv tsi ntâuk tsiv chuôz zis” nhoz jok Thanh Bình, xã An Bình, huyện Châu Thành muôx 21 lênhx nênhs. Hâur 8 shông đhâu, luôs hâux lưv co uô tâu lok six jông. Xuz thơưx, hâur tổ muôx 3 lênhx nênhs trâul ntâuk tsiv chuôz zis, taz sik têx lênhx pox niêv co lơưr tsi car heik, tsênhv jêik tsês. Đhâu thâuv yênhx lix trâur nuv, đhâu cơưv tsi so, chor pox niêv vir ndâuk tưz gra siêz tsưr ziv jênhv pâuz lok sâuv đơưk têx tsi jông hâur ntâuk tsiv chuôz zis li: Sik pheiz kênh, thav kriê chor pox niêv hâur xã đros paz heik, đơưk tu tsi uô têx cxâuv chei, tsi jông..... Txos nhiv no têx lênhx pox niêv vir ndâuk hâur “tổ tsi muôx ntâuk tsiv chuôz zis” tsi muôx lênhx nênhs tưs trâul ntâuk tsiv. Thiêz têx shông jê lok no, qênhx shênhx ntâuk tsiv chuôz zis hâur xã tưz txo grêk tsơưs ntâu, tsi pov muôx têx txuz ntâuk tsiv lox. Pos Huỳnh Thanh Tuyền, Chủ tịch Hội Liên hiệp pox niêv xã An Bình, huyện Châu Thành, tỉnh Tây Ninh heik pâuz, txix thâuv yênhx lix txos nhiv no, tổ pox niêv tsi muôx ntâuk tsiv chuôz zis tâu cxuô cấp hâu nov ntơưv qơư moz siêz paz max, viv li tưz tsi pov muôx têx tsi jông li heik sâuv, paz cxiz huôv tsar kinh tế xã hội, gra siêz luz nênhx nox nhoz trâu chuôz zis:

“Txix thâuv yênhx lix shông 2015 txos nhiv no, tổ pox niêv tsi muôx ntâuk tsiv chuôz zis hâur xã, chor pox niêv vir ndâuk tưz gra siêz tsưr ziv jênhv pâuz, siz chos cxiv tsa chuôz zis, sik thôngx siêz, uô luz nênhx jông. Đhâu ntơư, chor pox niêv pâuz uô lơưr hâur tsênhv tsênhz, txơưx siz heik, siz kriê uô luz nênhx jông, truôx tuk. Iz chas co, chor pox niêv cux tâu tus txir paz lês uô cxuô luôs hâux lưv hâur niêx hnuz. Hâur ntu zuôr txos, tổ pox niêv tsi muôx ntâuk tsiv chuôz zis zuôr uô nzir ntâu tsênhv njiêz, tsưr ziv li: Vênhv tôngv chor pox niêv vir ndâuk hâur tổ sik đros gôngr nhiêx txiêx chiê siz paz huôv tsar uô nox, tu zus tsiêx cxu....”.

Ntâuk tsiv chuôz zis zos têx tsi jông hâur xã hội, uô ruôr hiêv txos lênhx nênhs, lar heik zos têx lênhx pox niêv, nhuôs zâu. Qênhx shênhx ntâuk tsiv chuôz zis nhoz iz cxiê suôv qơư cux tsênhv muôx yưv ntâu, tsi tâu tâu hlôngr yiêz, tiv zix zos tsôngv box heir nênhs tsơưs. Têx li heik co zos tas nro xã hội cêr moz siêz txos. Chênhr viv li, Hội liên hiệp pox niêv xã An Bình, huyện Châu Thành, tỉnh Tây Ninh trâur nuv “tổ pox niêv tsi muôx ntâuk tsiv chuôz zis” tâu yênhx lix, chiê paz cxiv tsa luz nênhx vênhx huôv, jux juk cxiv tsa chuôz zis truôx njês, vav mênhx./.

VOV4-Riê Lâux cxeik, nhênhv

Paz tsôngv box tox siêz Sơn La “Nhoz truôx qơư, sir jos huôv tsar cêr uô nox”

         Zos ziv chuôz zis muôx luz nênhx txov nhêv, ntâu shông đhâu, chuôz zis tix lâuk Anh x Hav, nhoz jos Trang Dua Hang, xã Làng Chếu, huyện Bắc Hà, Sơn La thâuv tưs cux xar njôngr cxiv uô tâu iz luz tsêr nhoz truôx jông. Shông 2022, khov têz qơưk li phênhv pênhr paz txưv thiêz pox nhuôk li paz max, chuôz zis li luz tsêr yiêz đar 70 yiv ndis tưz tâu uô tiêr, paz tix lâuk muôx tâu luz tsêr nhoz sor si đuô.

          Bắc Yên zos iz hâur 6 huyện tưz uô tiêr côngz xưv cxuôv tsêr lav uô lav nhoz lơưr Đề án “Huiz tôngv pênhr paz chuôz zis pluôs txov nhêv lok tsêr nhoz sâuv thax tsav tỉnh Sơn La ntu 2021-2025”. Lơưr co, zuôr xar 20 tỷ đeiv tưz tâu huiz tôngv chiê cxuôv tsêr lav uô lav nhoz trâu 310 ziv chuôz zis txov nhêv lok tsêr nhoz, phênhv ntâu zos tsôngv box mênhx cxưx Hmôngz. Zơưv Đặng Ngọc Hậu, Phưv chủ tịch UB tỉnh Sơn La puz pâuz, chêx cuk no muôx tâu zos khov tas nri cxix luôk chính trị txix tỉnh txos cơ sở sik côngv đros uô:

          “Tsuv khav tênhv cxuôv tsêr lav uô lav nhoz trâu têx ziv chuôz zis pluôs zos têz qơưk, zos tỉnh li iz hâur têx chủ trương lox, zos đangv, pêz têz qơưk li iz siêz jông, viv nênhs pluôs , tsuv muôx qơư nhoz truôx tul thiêx li sir jos huôv tsar tâu cêr uô nênhx jông. Viv li cxuôv tsêr lav nhoz zos iz trus paz têx ziv chuôz zis hla đhâu cêr pluôs truôx vênhs”.

          Đros thiêz cxuôv tsêr lav nhoz, huyện Bắc Yên tưz chêx chôngk paz tsưr ziv huôv tsar cêr uô nox, paz nênhs pluôs sir jos đuô hâur luz nênhx. Li chuôz zis tix lâuk Lừ Văn Châu, nhoz xã Mường Khoa muôx ntu yax six trâus yeiz pluôs viv tsi muôx pênhr, tsi muôx ar uô kôngz, txos nhiv no chuôz zis luz nênhx tưz ngaz tul jux jus đhâu 5 shông txeik pênhr txix zênhx hangx chính sách chiê huôv tsar uô nox:

          “Txix shông 2018 tâu têz qơưk paz txưv, cur chuôz zis tâu txeik pênhr zos 30 tsov đeiv chiê zuôr nhux lok tu zus. Nhiv no chuôz zis muôx 6-7 tul nhux. Hâur ntu zuôr txos cur chuôz zis xar njôngr tror tâu têz qơưk paz txưv txeik pênhr chiê tror huôv tsar tu zus nhux thiêz”.

          Bắc Yên zos Sơn La li iz huyện tox siêz đros muôx 95% zos tsôngv box mênhx cxưx tsơưs nênhs. Txơưv tưz hla đhâu zos huyện pluôs tiv zix hâur têz qơưk lok shông 2022, taz sik Bắc Yên tsênhv yuôr 13/16 xã txov nhêv tiv zix, chor ziv chuôz zis pluôs tsênhv tsav siêz 32% ntâu. Txix tsênhv tsênhz co, cấp ủy, chính quyênx tiv phaz thiêz tsôngv box tsuv sir jos ntâu đuô thiêz, chiê cxơưz tiês côngz xưv cxuôv cêr yeiz pluôs truôx vênhs hâur ntu zuôr txos. Pos Mùi Thị Hiền, Bí thư Huyện ủy Bắc Yên, tỉnh Sơn La pheiz kênh:

          “Chêx chôngk heik kriê, krêz uô muôx chêx cuk têx tsaz yênhx têz qơưk li qơư tsov txos lok txu grês cêr pluôs. Tror chox kriê, yax mông muôz siêz tsôngv box li jênhv pâuz, Đảng, têz qơưk tas nro xã hội li tsov cưv hâur côngz xưv nox nhoz xã hội, paz tsôngv box pluôs tsi chiê lênhx tưs trâus tso tsês tov kaz”

          Đros tas nro cxix luôk chính trị txix tỉnh txos cơ sở li sir jos uô, Bắc Yên tsênhv yênhx trus sir jos txu grês cêr pluôs truôx vênhs, qir uô txix hâux lưv “nhoz truôx qơư, sir jos huôv tsar cêr uô nox” sik côngv đros pox nhuôk hâur hâux lưv sir jos chiê hla đhâu têx phêv liv./.

(Lê Hạnh-Txâur Vax cxeik nhênhv)