Di tích lịch sử thuận Châu-zos qơư ndo njôngr Hloz Hôx têx luk kriê tsês nhoz thax tsav faz Bắc

Hâur têx lênhx nênhs tuôx hlơưr shaz hơưv đuôz Hloz Hôx, zơưv Hoàng Dần, 81 shông hnuz nhôngs nhoz tiểu khu 4, xã Thuận Châu, tỉnh Sơn La cux tuôx hlơưr shaz ndo txos Hloz Hôx. Zơưv zos iz hâur têx lênhx nênhs xuz thơưx uô jênhv vưv seiz car, por vêv qơư di tích lix xưv ntơưv Thuận Châu ntu 2019-2022. Zơưv Hoàng Dần pheiz kênh:“Txix thâuv tâu nhoz no seiz car qơư di tích lix xưv no, txos nhiv no txơưv tsi uô hâux lưv ntơưv no lơưv, taz sik thâuv tưs txos hnuz 19/5, hnuz xênhz zơưv Hloz Hôx cur tix tuôx hlơưr shaz ndo txos Hloz; ndo txos têx luz hlik mak Hloz tuôx seiz yuô thiêz đros tsôngv px Tây Bắc thav, cux xưk li ndo txos ntu zuk uô hâux lưv seiz car qơư di tích no”.

          Ntâu shông đhâu, di tích lix xưv xã Thuận Châu- di tích lix xưv cấp têz qơưk tưz yênhx qơư zaoz zux cêr chax chês cơưx mênhv trâu cán bộ, đảng viên, shux xênhz thiêz tsôngv px têx mênhx cxưx hâur thax tsav.

          Têx hnuz ntênhs lox hâur têz qơưk, ntâu lênhx đoàn viên hluôk nênhs, shux xênhz, lưx lươngv vũ trang ho tuôx ntơưv no xênhz huôx lok cêr chax chês, hlơưr shaz ndo txos Chủ tịch Hồ Chí Minh. Txix hâur shôngk shông txos nhiv no, tưz muôx 1 cxênhz 200 ntâu jiês lênhx nênhs tuôx hlơưr shaz, tso pax ndo txos Hloz hôx li têx côngz lox ntơưv qơư di tích. Lơưr niêv lâuk Quàng Thị Toán, lênhx nênhs uô hâux lưv hâur qơư di tích, hnuz tưs uô hâux lưv ntơưv no cux zos iz kror lok six jông txưv haox đros thiêz niêv lâuk:“Zos cxênhx hluôk nênhs, cur thâuv tưs cux sir jos cơưv cxaz têx yênhx tưv chiê zuk piêr kriê lok lix xưv, vênhx huôv qơư di tích no, paz tsôngv px, tsôngv kruô nriêr pâuz cxaz lok Chủ tịch HCM li têx shưz xar, cêr uô nênhx jông, txix co ziv txưv haox txos mênhx cxưx, muôz siêz cêr niêv côngv siêz, txơưx jênhv tuôr tsês cêr chax chês cơưx mênhv trâu cxênhx hluôk nênhs nhiv no thiêz tov kaz no”.

          Ndo njôngr Hloz Hôx li têx luk kriê tsês thâuv ntêx, têx shôngk jê ntơưv no, Đảng bộ, chính quyênx thiêz tsôngv px têx mênhx cxưx xã Thuận Châu tưz sik côngv siêz huôv tsar KTXH, cxiv tsa luz nênhx yiêz. Tiv zix txix thâuv uô chính quyênx tiv phaz 2 cấp, tsiv uô xênhz yar kôngz nuv tror tâu tuôr truôx, huôv tsar; ntâu trâur nuv chos ntông nox txir, tsoz chos công nghiệp chox lok chêx cuk kinh têr siêz. Txix xã tox siêz tsênhv yuôr ntâu phêv liv, chor ziv chuôz zis pluôk txu grês jux jus hâur yênhx shông, txos nhiv no tsuôk yuôr 8% ntâu, ziv chuôz zis zuôr xar pluôk yuôr zuôr xar 7%. Tiv zix tiv phaz tưz uô tiêr tsaz yênhx cxuôv tsêr đaz tuôs, tsêr xơư nas trâu tas nro 67 ziv chuôz zis hâur shông 2025, ntâu huôx tôngv txoz cxơưx trâu nênhs muôx côngz, pov tsơv xã hội, car chêx hâux lưv uô tâu krêz uô muôx chêx cuk.

Zơưv Đỗ Ngọc Quang, Phưv Chủ tịch UB xã Thuận Châu puz pâuz:“Hloz li têx luk kriê tsês hâur jiês tuôx seiz yuô Tây Bắc thâuv tưs cux tâu cxuô lênhx nênhs THuận CHâu ndo njôngr. Têx luk kriê tsês co, pêz thâuv tưs cux seiz zos kror chiê cơưv shâuv thiêz uô lơưr Hloz li cêr uô nênhx jông hâur cxiv tsa, cơưv shâuv hâur luz nênhx niêx hnuz. Nhoz no tsi taz zos di tích lix xưv mak tsênhv zos cán bộ, tsôngv px xã Thuận Châu cux xưk li têx xã nhoz buôk co li qơư xênhz huôx vênhx huôv, tsưr tsix têx ntênhs lox, chiê uô li chas cê zaoz zux cxênhx hluôk nênhs, cê ndo txos têx cxênhx nênhs tov ntêx li têx côngz lox”

          Hâur thax tsav tox siêz Tây Bắc li têx hlôngr yiêz nhiv no, kỳ đài Thuận Châu zos iz qơư di tích lix xưv tsênhv tsênhz, nhoz no tsi taz khơưk tsês jông Hloz Hôx li jiês tuôx seiz yuô Tây Bắc mak tsênhv tror chuôz cxaz siêz txưv haox, chinhz yênhx sik côngv siêz thiêz tsôngv px têx mênhx cxưx Thuận Châu, Sơn La, Tây Bắc li siêz sir jos hâur ntu cxiv tsa têz qơưk, jêx jos ziv hnuz ziv bluô nux, vav mênhx./.

                                                                                                              Trấn Long-Txâur Vax cxeik nhênhv

Tuôr tsês têx vênhx huôv jông nhoz tos siêz Lai Châu

Muôx chor liêx ntêir trơưk têx saz trôngz, jok Lao Chải 1, xar Khun Há, tỉnh Lai Châu njiês nti jông jav txix muôx chor tsêr ar, tsêr xor txiês ntông plox pliês ntơưv têx ntar trôngz. Chor nja vax poz jêz khâuk lêv thiêz muôx chor suôz têx mê nhuôv thav luk, luôs nxi lov jêv hâur yênhx hnuz.

Tsik uô trơưk têx tsưr ziv du lịch muôx ntơưv têx qơưk txơưr, chor nênhs nhoz Lao Chải 1 xêir tsov tsưr ziv uô txơưr: Muôz ciês tsôngv box Hmôngz cêr uô nênhx chiê uô yênhx kror paz zaz zâuv tsôngv kruô. Txix trôngx vas muk trâu hâur jok txos yênhx ziv chuôz zis, pox nhuôs puôr lênhx sir zôngv têx shôngz, ntông, poz jêz, txir chiêz kruôr lok sik txir njênhx chox lok uô cov vax tsêr jông đuô. Paz uô trâu sưv jê, taz sik ho muôx têx kror jông sik txơưr. Tưz tsik zos tuôr tsês cxuô kror jông hâur jêx jok, pox niêv Hmôngz nhoz Lao Chải 1 nhiv no cux tsênhv sir jos uô têx ntâuz cxôngx nzor. Chor tsôngk yo jông jav, fuôv ntâuz trâur lâus lok sik têx zav txsơưr nhiv no tưz tsik zos phưx vưv trâu luz nênhx yênhx hnuz xưz, mak zos yênhx chor hax huv du lịch jông lok vênhx huôv cxuô mênhx cxưx. Du lịch côngv thôngx nhoz Lao Chải 1 tưz tsik zos paz trâu pêx xênhv muôx nzir phênhv sâu, mak tsênhv paz trâu pox nhuôs shir phaz lok zuk têx vênhx huôv. Co cux zos qir tiv têx tsôngk yo cxôngx nzor cux tsênhv tâu tuôr tsês jông, têx phongx cxưx jông cxôngx nzor cux tâu tuôr tsês hâur luz nênhx yiêz nhiv no. Niêv tix Lù Thị Pàng, nhoz jok Lao Chải 1 hêik:“Đros tuôr tsês têx jêx jok cov hur jông, cơưv uô du lịch chiê tok kruô, cur thiêz sơưr đơưk hâur jok tsik so xơưk chor tsôngk yo li têx tiêz, fuôv,, iz cxiê zav xơưr chie muôs trâu chor kruô. Hâux lưv no cux zos zuk kror uô sưv, viv txix thâuv zâu zênhzz tâu chor pox, chor niêv kriê uô lơưv. Viv li, xơưk têx tsôngk yo zos zuk kror hâux lưv uô hâur yênhx hnuz lơưv”.

Đros Lao Chải 1, ntâu jêx jok nhoz Lai Châu cux tsênhv jux juk huôv star du lịch côngv thôngx đros tuôr tsês jông têx vênhx huôv mênhx cxưx.

Nhoz Sin Suối Hồ, tsôngv box Hmôngz uô chor cêr muôx ntâu chor địa lan, chor jiês uô ciêz tox siêz muôx ntâu zav vênhx huôv jông ntơưv qơư. Ntơưv jok Thẳm, mênhx cxưx Lự cux tuôr tsês uô ntâuz trâur lâus cxôngx nzor, chor lơưx cxôngx nzor thiêz đhiê pax vuôs xòe cxôngx nzor. Hok ntơưv Vàng Pheo, vênhx huôv Thái tâu tuôr tsês dhdâu chor suôz gâux ntơưv têx tsêr lơưx nhoz jê têx ntus đêx. Hok Sì Thâu Chải mak ho muôx tsôngv box Cho kriz uô du lịch txix ndis sêiz têx huôz sâuv têx trôngz siêz, têx zav yuôx đrox njuôz thiêz uô têx ntâuz trâur lâus lok tsôngv box Cho têx vênhx huôv jông.

Iz jêx jok muôx iz kror vênhx huôv jông sik txơưr, taz sik puôr lênhx zos uô: chiê huôv tsar du lịch txix zuk côngv thôngx têx tsiv gri jông. Thiêz chiê paz trâu pêx xênhv huôv tsar du lịch côngv thôngx, ntu đhâu, chinhr quyền ntơưv qơư nhoz Lai Châu cux sir jos yưv pênhr uô, kho đuô cxuô zav thiêz paz trâu pêx xênhv uô du lịch. Zơưv Đỗ Trọng Thi Phưv Chủ tịch Ủy ban xar Khun Há puz pâuz:“Jok lao Chải 1 tưz tâu côngz jênhv zos jok du lịch côngv thôngx OCOP hov 3. Ntu đhâu pox nhuôs hẩu rjok Lao Chải 1 lok six sir jos hâur huôv tsar du lịch côngv thôngx. Ntu đhâu xar cux tưz hêik pox nhuôs muk nriêr poz jêz lok uô nja vax chiê paz uô trâu jêx jok jông gâux đuô. Tiv oz cux cux tưz kho đuô qơư nthuôr uô cêr lov jêv thiêz chor cêr muk lok hâur jok; kho cov jông đuô chor homestay chiê phưx vưv trâu tsôngv kruô”.

Zos shông 2025 Lai Châu tok xar muôx 1,5 triệu lênhx kruô, mak 4 luz hli hâur shôngk shông 2026 thax tsav qơư tưz tok muôx 720 cxênhz ntâu lênhx, bâuv zuôr xar 45% sưr ziv hâur shông. Kror tsuv hêik zos hâur qênhx shênhx huôv tsar du lịch Lai Châu, vênhx huôv tưz tsik zos trâus hlôngr pâur. Đuô li, chênhr du lịch tưz zos yênhx kror paz trâu pêx xênhv pâuz tsuv tuôr tsês zuk têx vênhx huôv thiêz por vêv tênhv qơư đrox tsuôs chiv xênhz hâur jêx jok. Zơưv Trần Mạnh Hùng, Giám đốc Sở Vênhx huôv, Thể thao thiêz Du lịch tỉnh Lai Châu hêik mênhx:“Ntu zuôr txos nganhx Vênhx huôv, Thể thao thiêz Du lịch zuôr qênhz shuôk đuô chor hax huv du lịch tỉnh; tiv zix zos uô cov muôx ntâu huôx tôngv hâur huôv tsar du lịch côngv thôngx ntơưv thax tsav qơư, tiv zix chor huôx tôngv nriêr pâuz vênhx huôv côngv thôngx cxuô mênhx cxưx. Tiv zix zos paz trâu pêx xênhv hâur hâux lưv njuôk xav, cxiv tsa thax tsav qơư du lịch côngv thôngx zos yênhx têx hax huv jông trâu tsôngv kruô nhiêv thâuv tuôx ndis shuôk, uô si. Thiê ziz kror zov chênhr hiêz zos nhoz chor qơư du lịch côngv thôngx  tsuv sir zôngv ứng dụng hlôngr yiêz sôr hâur thôngz xar mông hêik pâuz, piêr pâuz txos têx hax huv”.

Đros têx hlôngr yiêz hâur ntu nênhx yiêz nhiv no, chor jêx jok nhoz tox siêz Lai Châu cux tsênhv tuôr tsês jông têx suôz kênhx, đhiê pax vuôs còe, uô ntâuz trâur lâus thiêz têx tsêr lơưx cxôngx nzor chiê paz tuôr tsês cov tâu jông zuk mênhx cxưx têx cêr nênhx vênhx huôv jông./.

                                                                                              Khắc Kiên-Lik Thox cxêik nhênhv