“Qơư njênhs njôngr” taz por trâu pox niêv, mê nhuôk, thâuv muôx ntâuk tsiv chuôz zis

          Ntâuk tsiv pox niêv, ntâuk tsiv chuôz zis hâur tas nro têz qơưk heik cxuô, nhoz thax tsav mênhx cxưx tsơưs nênhs heik taz, tưz pov muôx thâuv nzor lok. Vênhv thix no tsênhv uô trâu tsôngv pox niêv vir ndâuk mênhx cxưx tsơưs nênhs ziv hnuz ziv trâus pôngz kaz thâuv xã hội muôx muôx ntâu hlôngr yiêz thiêz huôv tsar li nhiv no. Co cux chênhr zos iz hâur têx lik zơưx têx tiv phaz tuôr truôx trâur nuv “Qơư njênhs njôngr” đros tsưr ziv zos ciêr chênhr txu grês qênhx shênhx ntâuk tsiv hâur chuôz zis, ntâuk tsiv pox niêv hâur côngv thôngx thôngz đhâu hâux lưv cungz jix vuv paz txưv trâu lênhx nênhs trâus ntâuk tsiv tsuv muôx: Qơư đrêiv, tsoz phưz y tế, heik kriê cêr chei, paz hlôngr qơư seiz njuôs moz (thâuv zuôr trâus); zaz zâuv tâu tsôngv box tiv phaz li cxaz chuôz thiêz muôz siêz jênhv pâuz trâu tsôngv box hâur hâux lưv phax tar ntâuk tsiv pox niêv; taz por hâux lưv sik côngv hâur têx saz muôx lênhx coaz thâuv paz lênhx nênhs trâus ntâuk tsiv, yênhx lix têx cộng tác viên uô côngz xưv txir nênhx, pox niêv vax huôv siz luôs nhoz tiv phaz.

          Ntơưv Lào Cai, txix hâur shôngk shông 2023 txos nhiv no, Hội pox niêv têx cấp tỉnh Lào Cai yênhx lix yiêz 2 “Qơư jông njênhs njôngr ntơưv côngv thôngx” ntơưv thị trấn nông trường Phong Hải, huyện Bảo Thắng thiêz xã Thẳm Dương, huyện Văn Bàn đros 40 ntâu lênhx nênhs cxaz chuôz. No zos 2 trâur nuv zos Hội liên hiệp pox niêv tỉnh chox kriê uô siv ntu 2021-2025.

          Lơưr UB tỉnh Lào Cai li tsưr ziv lok krêz uô hâux lưv txir nênhx, pox niêv vax huôv siz luôs thiêz car chêx têx vênhv thix zuôr trâus đros pox niêv thiêz mê nhuôv nxeik sâuv thax tsav hâur ntu 2021-2025, tas nro tỉnh tưz hlôngr yiêz, muôz siêz tsơưr lươngv lok sik yênhx lix yiêz 48 qơư jông njênhs njôngr hâur côngv thôngx.

          Ntơư Bình Định, trâur nuv “Qơư jông njênhs njôngr” paz pox niêv thiêz mê nhuôk trâus ntâuk tsiv chuôz zis tưz tâu krêz uô thiêz qir chox lok têx chêx cuk jông. Nhiv no trâur nuv “qơư jông njênhs njôngr” paz pox niêv thiêz mê nhuôk trâus ntâuk tsiv chuôz zis tưz tâu krêz uô ntơưv 5 huyện: An Lão, Vân Canh, Vĩnh Thạnh, Hoài Ân, Tây Sơn. Trâur nuv no tsênhv ziv hnuz ziv gôngr phênhv muôz siêz côngv thôngx li jênhv pâuz hâur huôx tôngv phax tar ntâuk tsiv chuôz zis, tiv zix zos por vêv pox niêv. Pos Hoàng Thị Thanh Nhã, Phưv Chủ tịch Hội liên hiệp pox niêv tỉnh Bình Định puz pâuz:

          “Trâur nuv no li qơư tsov txos zos chiê paz têx hội viên pox niêv thiêz mê nhuôk thâuv muôx ntâuk tsiv chuôz zis lơưr muôx qơư nhoz uô ntêx. Muôx iz qơư jông njênhs njôngr chiê lơưr pheiz kênh, heik tơưv têx vênhv thix mak lơưr zuôr trâus tâu paz txưv”.

          Ntơưv Lai Châu, pos Nguyễn Thị Thủy, Phưv giám đốc Sở lox tôngv, thương binh thiêz xã hội tỉnh Lai Châu puz pâuz: đros njiêz luv “taz por nox nhoz xã hội, chuôz cxaz pox niêv thiêz mê nhuôv nxeik li vax huôv, chiê uô hâux lưv txir nênhx, pox niêv vax huôv siz luôs, cxuôv por tsês ntâuk tsiv pox niêv” UB tỉnh Lai Châu tưz tso tơưv tsưr ziv uô Luôk hâux lưv txir nênhx, pox niêv vax huôv siz luôs nhoz thax tsav tsôngv box mênhx cxưx tsơưs nênhs thiêz tox siêz ntu 2021-2030 chiê paz pox niêv, txir nênhx mênhx cxưx tâu sik đros cxaz chuôz, sơưv têx fênhx zav hâur têx vênhv thix chính trị, luz nênhx, vênhx huôv thiêz huôv tsar kinh têr, gôngr phênhv lok tỉnh li huôv tsar cxuô:

          “ Hâur ntu zuôr txos tỉnh zuôr uô ntâu tsưr ziv yax mông, hâur co tsov cưv txos hâur tsêr cơưv, doanh nghiệp, côngv thôngx nhoz uô nênhx, tiv zix zos txos thax tsav tsôngv box mênhx cxưx tsơưs nênhs, têx qơư mak tsôngv box li jênhv pâuz lok txir nênhx pox niêv vax huôv siz luôs tsênhv kis. Pêz zuôr krêz uô muôx chêx cuk têx trâur nuv, co zos “tiv phaz jông thiêz taz por đros mê nhuôv nxeik”, “tsêr cơưv taz por, tsi muôx ntâuk tsiv”, “qơư jông njênhs njôngr chiê đreiv nhoz hâur côngv thôngx”…Tiv zix, pêz tror huôv tsar thiêz krêz uô đêz đar trâur nuv “phax tar thiêz txu grês qênhx shênhx ntâuk tsiv pox niêv”./.

(VOV4-Txâur Vax cxeik nhênhv)

Uô yêz siz yar siz tsông tâus cêr thâuv kâus chơưr bia pok tâu bảo hiểm paz thêv

nhiêx txiêx?

Nus: Zos uô yêz siz yar siz tsông tâus cêr thâuv kâus chơưr bia pok tâu bảo hiểm paz thêv têx nhiêx txiêx. Thor paz hêik kriê cov pâuz tsênhz.?

Têz: Trơưk li Grê 13, Chính phủ Nghị định 03/2021/NĐ-CP cui tinhv lok yưx tsưr yêz txơưx jênhv bảo hiểm li đrav kaz:

Doanh nghiệp bảo hiểm tsi thêv nhiêx trâu têx lênhx nênhs trâul uô ruôr hiêv li đrav kaz:

1.Tsưr yêz, lênhx nênhs tsar yêz lok sik lênhx nênhs trâul uô ruôr hiêv cxoz txưv uô muôx têx tsi jông.

2.Lênhx nênhs tsar yêz uô yêz siz yar siz tsông tâus cêr, cxoz txưv tso têk khiêr tsi seiz shuôs lênhx nênhs trâul moz trâul saz. Lênhx nênhs tsar yêz uô yêz siz yar siz tsông cxoz txưv khiêr, taz sik cux thêv nhiêx, paz tus nênhs trâul moz trâul saz ntơư tsi zos lênhx tâu yưx txơưx jênhv bảo hiểm.

3.Lênhx nênhs tsar yêz tsi tâu txâuk shông tsar lok sik đhâu shông tsar yêz lơưr chei têz qơưk cui tinhv lok zoz thôngz cêr ar; lênhx nênhs tsar yêz tsi muôx ntâuz ntơưr tsar yêz lok sik sir zôngv ntơưr tsar yêz tsi huv đros, lok sik sir zôngv ntơưr tsar yêz tsi zos cơ quan muôx vax huôv muôzz. Ntơưr tsar yêz tas hax sir zôngv thâuv uô yêz siz yar siz tsông co lok sik sir zôngv ntơưr tsar yêz tsi huv đros trâu luz yêz tsuv muôx ntơưr tsar yêz co.... Têx lênhx tâu công an tuôr tsês ntâuz ntơưr yêz lok sik sâu tsês ntơưr tsar yêz mak tâu seiz zos tsi muôx ntơưr tsar yêz.

4.Têx uô tsi jông txos li: Txo grêk tsơưs gri muôv muôs, uô ruôr hiêv đros trâu sir zôngv thiêz krêz uô têx chuôz zênhx trâul tsi jông.

5.Têx chuôz zênhx trâul uô ruôr hiêv tiv lênhx nênhs tsar yêz hâuk chơưr bia, sir zôngv zax zênhz thiêz têx tsơưr trâul txưr lơưr chei têz qơưk cui tinhv.

6.Têx chuôz zênhx trâul luôs lưv tus nhiês lok sik huôz thâuv uô yêz siz yar siz tsông ntơư.

7.Uô ruôr hiêv lok nhiêx txiêx, cuz, têx zav muôx grik li: Nhiêx txiêx, đuôz shav jông, nênhs tuôs têx poz cxa.....

8.Cuz nxor, ntux kênhs, tir ntâuk trol châuz.

Li ntơư, thâuv cxaz chuôz zoz thôngz, lênhx nênhs tsar yêz hâuk chơưr bia uô ntêx thâuv zuôr tsar uô yêz siz yar siz tsông tâus cêr mak zuôr tsi tâu bảo hiểm paz thêv têx nhiêx txiêx.

Tsôngv box sơưr đơưk tsuv ndo njôngr, tsar yêz thâuv kâus chơưr zos iz hâur têx qir tiv chênhr uô yêz siz yar siz tsông cêr. Ntâu lênhx nênhs trâul ntos yêz zos viv lênhx nênhs tsar yêz kâus chơưr, tsar yêz muk tsi tuk thiêz uô ruôr hiêv lok lênhx nênhs, chuôz zênhx chuôz tas. Têx txuz uô yêz siz yar siz tsông tâus cêr cik txos tsar yêz thâuv kâus chơưr khênhr trâul lok six saz thiêz uô ruôr hiêv ntâu, tsi tiêk trâu lênhx tsar yêz, mak hur si trâu chor nênhs muk lol đhâu cêr thiêz nênhs trâul moz chuôz zis. Chênhr zos li heik co, tsi tsar yêz thâuv tưz hâuk chơưr bia zos iz kro zuôr trâul txos chiê por hưv trâu zuk, chuôz zis thiêz luôs lưv tus, iz chas ntơư taz por truôx tuk trâu cxuô lênhx nênhs cheix yêz muk lol tâus cêr.

Trơưk li Chei zoz thôngz cêr ar cui tinhv, iz tus nênhs tâu chei tsar yêz muk lol tâus cêr thâuv hâur đros chêr tsi muôx chơưr bia. Zos uô cxâuv cui tinhv no, lênhx nênhs tsar yêz zuôr trâul bluô trơưk chei têz qơưk cui tinhv./.

Thu Thùy-Riê Lâux cxeik, nhênhv