Điện Biên: Taz por cxuô zav chiê tsiv uô chiv Tsâux yiêz

Huyện Điện Biên zos tiv phaz muôx mênhv chêx tsêz chos blêx Tsâux Yiêz ntâu tiv zix hâur thax tsav tỉnh Điện Biên, tsav zuôr xar 50% tas nro mênhv chêx blêx chiv Tsâux Yiêz yênhx shông. Chiê taz por tsêz chos tax tâu chêx cuk siêz, nhiv no, chinhr quyênx têx xã sâuv thax tsav huyện tưz thix ziv tsôngv box chêx chôngk uô têx luôs hâux lưv leix liêx, tuô caz hmoz thiêz bax tâu 3 cxênhz 700 hecta ar. Tix lâuk Lù Văn Ninh, tsôngv box tuêv 1, xã Thanh Yên, huyện Điện Biên, tỉnh Điện Biên puz pâuz: “Chiê bax trâu chiv tsâux yiêz, nhiv no cur chuôz zis tưz leix liêx tas thiêz their njưs đêx chiê tos đêx, thâuv xã chox kriê tso đêx mak zuôr qir tsêz chos. Lok nôngz zuz mak cur chuôz zis tưz muk zuôr lok lơưv”.

          Đros thiêz tsôngv box li têx bax uô ntêx, chinhr quyênx têx tiv phaz, txix ciês hâur hlik hli 10, ntâu taz viv cungz nôngz, chuôz zênhx kôngz nuv sâuv thax tsav tỉnh cux chuôz tsar hax huv phưx vưv tsôngv box li zoz qơưx.

          Zơưv Hà Hữu Bằng, Giám đốc Công ty TNHH muôv muôs thiêz cxiv tsa Thái Thịnh puz pâuz: Iz chiv blêx taz viv zuôr cungz yênhx puôk tênhr nôngz thiêz qir zuôv cxuô zav trâu niêv ciêz. Viv li, no zos six hơưv chiê taz viv xeir thiêz zuôr hax huv yiêz taz por tsơưr lươngv lok muôs. Txix co chiê taz por cungz nôngz muôx tsơưr lươngv jông trâu tsôngv box tsêz chos. “Nhiv no pêz tsênhv cungz iz cxiê zav nôngz blêx li Bắc Thơm 67, Bắc Thịnh, Séng Cù trâu niêv ciêz chiê taz por cungz trâu pox nhuôs nôngx mênhx. Nôngz nhiv no pêz tênhv têx tsêr meir zos 20 tênhr. Chor qir zuôv zos muôx nhos 500 tênhr. Đrâuv têx nôngz blêx, nôngz poz cưk, qir zuôv mak pêz zuôr cxaz yuôx por vêv đrox tsuôk, taz por phưx vưv trâu kôngz nuv”.

          Chiv tsâux yiêz shông 2022-2023, tas nro tỉnh Điện Biên njuôs xav tsêz chos muôx nhos 9 cxênhz 680 hecta blêx. Chiê chiv tsâux yiêz tâu tsêz chos trơưk six hơưv tso tơưv, nganhx kôngz nuv thiêz huôv tsar nôngx cxênhz tỉnh Điện Biên tưz chox kriê Ub têx huyện, thị xã, thành phố, têx taz viv muôx lênhx coaz chêx chôngk cxiv tsa six hơưv tsêz chos tsênhz mênhx lơưr yênhx thax tsav; tsưr tsix trâu tsôngv box uô ar nzor. Đrâuv co, yax six muôx têx heik kriê lok qiv hơưv, chiv cheix thiêz zav nôngz tsêz chos hâur chiv cheix no chiê tsôngv box pâuz. Pos Chu Thị Thanh Xuân, Phưv giám đốc Sở kôngz nuv thiêz huôv tsar nôngx cxênhz tỉnh Điện Biên heik: “Chiv tsâux yiêz shông no njuôs xav qiv hơưv muôx têx jông li ntâu shông đhâu. Têx jiês ntux no njiv cux muôx lok kaz hlik hli 1, hâur hlik hli 2, viv li têx tiv phaz tsuv chêx chôngk tsêz chos lơưr chiv cheix, tsi chos nzor. Chêx chôngk chos uô ntêx hnuz xiêz 10/2/2023”.

          Txos nhiv no, nôngx mênhx tas nro tỉnh Điện Biên tưz leix liêx, uô ar tâu 5 cxênhz 200 hecta mênhv chêx, têx tiv phaz, HTX kôngz nuv thiêz pox nhuôk nôngx mênhx sâuv thax tsav tỉnh tưz thiêz tsênhv sir jos bax cxuô zav chiê tsêz chos chiv cheix jông tiv zix./.

(Vũ Lợi-Txâur Vax cxeik nhênhv)

Pêx xênhv Tây Bắc phax tar ntux no

Điện Biên zos iz hâur chor thax tsav qơư njiz trâus phiv liv ntâu tiv ntux no njiv. Hâur têx hnuz đhâu, tas nro cxuô thax tsav qơư hâur tỉnh muôx jêx tưv grêk kik; ciês thax tsav hâur trôngz Pha Đin jêx tưv grêk kik đuô 6 tưv.

Chiê phax, tar ntux no trâu chor nhux, tưv muôx nhos 210.000 ntâu tuk, chinhr quyền thiêz nganhx muôx vax huôv tsênhv tsêx trung kruôz kriê trâu pêx xênhv kriz uô têx tsưr ziv phax tar. Zơưv Phạm Minh Tiệp, Phưv chủ tịch ủy ban xar Thanh Chăn, huyện Điện Biên puz pâuz: “Pêz zuôr tror muk qênhz yuôx, khov trâu Ủy ban xar li ntâuz ntơưr sôr 28 chox kriê chor canr bôv uô hâux lưv no tsik so muk trâu têx jêx jok qênhz yuôx cxuô kror chiê phax tar ntux no yêiz plaz trâu chor tsiêx cxu”.

Ntơưv tỉnh Sơn La, ntux no tưz uô phiv liv txos tas nro cxuô thax tsav qơư hâur tỉnh, đros jêx tưv txix 10-13 tưv, thax tsav tox siêz li Mộc Châu, Tà Xùa txix 6-8 tưv.

Đros qiv hơưv txơưr txar phiv liv, tỉnh Sơn La tưz hêik cxuô thax tsav qơư tror kriz uô jông têx tsưr ziv phax, tar ntux no trâu pêx xênhv li: Hnar cov sor; chuôz cxaz nox nzir têx zav nox txâuk tsơưr pưr shưz; đros thax tsav tox siêz mak tsik tơưv ntâu đrâuv jôngr thâuv muôx huôz tsâuk thiêz ntux no chênhr no njiv…

Chor qơư Y têr nhoz tỉnh Sơn La, tiv zix zos chor qơư njuôk kho moz huyện cux tưz bax cxuô zav jông tiv zix, taz por tsoz phưz jông đas jos trâu nênhs moz tuôx njuôk thiêz kho moz, bax jông cxuô kror zos chor nênhs moz chuôz ndê chôngz lênhx. Bác sĩ Nguyễn Văn Sĩ, Giám đốc Tsêr kho moz Đa khoa Thảo Nguyên, huyện Mộc Châu, tỉnh Sơn La puz pâuz: “Đros chor nhuôs zâu mak tas nro chor phòng nhuôs zâu tsuv muôx chuôz zênhx chơưv kho moz cik txos cêr uô pa mak pêz tưz bax tâu cxix cxuô, iz zav li điều hòa, pav sor. Iz chas co zos tsik so yax kriê, hêik kriê txix cxiv luôs xênhz huôx hôiv đôngx cấp khoa, phòng chiê yax kriê thiêz hêik trâu chor nênhs moz tiêk đrâuv tsêr kho moz têx bax tâu mak chor nênhs moz thiêz chor nênhs cxênhz jê cux tsuv bax cxuô zav uô cov sor trâu zuk thâuv chơưv kho ntơưv tsêr kho moz”.

Viv li, pêx xênhv tsuv sêiz shuôk jông qiv hơưv li txơưr txar thiêz bax kriz uô jông têx tsưr ziv chiê phax, tar, paz txo grêk tsơưs tiv zix têx trâus hiêv thiêz phiv liv muôx yưv./.

(TTTB-Lik Thox cxêik nhênhv)