Tơưv txênhz phax tar nênhs phamv cxâuv zax zênhz

          Txos kaz shôngk shông 2022, tỉnh Sơn La muôx 6 cxênhz 400 ntâu lênhx nênhs muôx zênhk zax zênhz muôx ntâuz ntơưr seiz car. Hâur co, côngz xưv seiz car, pov nênhs muôx zênhs zax zênhz, nênhs sir zôngv zax zênhz tsênhv yuôr ntâu phêv liv.

          Zos thax tsav tox siêz, ntus đriv, ntu đhâu, huyện Sông Mã tưz pov thiêz tơưv txênhz, ntês yênhx côngz ntâu txuz án, sâu tâu ntâu zax zênhz. Trung tá Phạm Hải Nam, Tuêv tsar tuêv cảnh sát hình sự Công an huyện Sông Mã, tỉnh Sơn La puz pâuz:

          “Têx lênhx nênhs phamv cxâuv no lok six riêz nênhs viv chor zax zênhz thâux gra lok Việt Nam lok six ntâu. Chiê chor zax zênhz no thâux gra lok tâu hâur pêz têz qơưk mak lok six riêz nênhs. Thâuv pêz tơưv txênhz ntês cxov mak lơưr tsi pâuz nyei, taz sik đros chinhz yênhx truôx siêz tơưv txênhz phax tar nênhs phamv cxâuv riêz nênhs no pêz tưz ntês tâu”.

          Côngz xưv tơưv txênhz phax tar nênhs phamv cxâuv zax zênhz nhoz Sông Mã tâu ntâuk grê zos iz hâur têx thax tsav cuz nxor. Viv li, chuv tôngv seiz car txix thax tsav ntus đriv cux tâu têx lưx lươngv muôx txơưx jênhv sik côngv jông uô tsi chiê têx lênhx nênhs phamv cxâuv zax zênhz huôx tôngv...Thiếu tá Hoàng Văn Thành, Phó zênhx tsar nghiệp vụ, Zênhx pênhz phax trôngx đriv Chiềng Khương, huyện Sông Mã pheiz kênh:

          “Ntu nhiv kruôr đhâu txơưv têx lưx lươngv tưz sik côngv jông taz sik têx lênhx nênhs phamv cxâuv li huôx tôngv ziv zov chênhr đuô. Chiê ntu zuôr txos tsi muôx nênhs phamv cxâuv zax zênhz sâuv thax tsav, taz viv yax six sik côngv đros lưx lươngv công an thiêz chính quyênx tiv phaz 2 xã ntus đriv muôx tsưr ziv txix nzor, txix đêz. Tsưr tsix têx jiês yax mông vênhv tôngv tsôngv box uô jông Đảng, têz qơưk li cêr chei thiêz phuôx tôngv tsôngv box por vêv txiv ngaz têz qơưk, heik kriê nênhs phamv cxâuv”.

          Ntu jê lok no têx zav nênhs phamv cxâuv muôv muôs, thâux gra zax zênhz chuôz ndê, tiv zix lơưr li têx tsưr ziv uô ziv hnuz ziv riêz nênhs đuô, ntâu lênhx tsi pâuz nyei tsênhv tir ntâuk lưx lươngv muôx txơưx jênhv thâuv trâus qênhz pov. Nênhs phamv cxâuv zax zênhz muôx ntâu tsưr ziv huôx tôngv chiê thâux gra muôv muôs zax zênhz. Viv tsôngv box li luz nênhx ngaz tul, têx lưx lươngv phax tar zax zênhz sâuv thax tsav Sơn La tsi nyei têx phêv liv muôx yưv, sir tas đas jos trox nya tơưv txênhz phax tar zax zênhz sâuv thax tsav ntus đriv. Trung tá Nguyễn Ngọc Bình, tuêv tsar, phongx cảnh sát qênhz yuôx nênhs phamv cxâuv lok zax zênhz, Công an tỉnh Sơn La puz pâuz:

          “Thâuv ntêx đruôz hnuz pêz khênhr muk qênhz yuôx, nhiv no mak hmo ntux pêz cux muk, thâuv têx lưx lươngv so lok sik nox mor lơưr khênhr liv zôngv six hơưv no...Zuk pâuz tâu tsưr ziv co, tưz bax lưx lươngv uô ntêx chiê ntês cxov... Đrâuv co công nghệ thôngz xor mông huôv tsar pêz cux sir zôngv tâu chiê huôx tôngv, lơưr tsi hu tênhv thiêz mak hu đhâu facetime, zalo, facebook....lok six lax chiê qênhz pov tâu”.

          Lơưr số laov thôngz sâu txix shông 2013 txos nhiv no, lưx lươngv tơưv txênhz phax tar nênhs phamv cxâuv zax zênhz tỉnh Sơn La tưz pov, ntês tâu 9 cxênhz 900 ntâu txuz, ntês tâu 14 cxênhz ntâu lênhx nênhs phamv cxâuv; sâu tâu 782 cir ntâu zênhz đơưz; 228 cir zax zênhz đuz; 6 tsov ntâu njiêr yuôx shơư zax zênhz; 64 cir zax zênhz poz jêz thiêz ntâu chuôz zênhx txơưr muôx lênhx coaz./.

Thanh Thủy-Txâur Vax cxeik nhênhv

Lênhx hluôk nênhs mênhx cxưx Hmôngz txơưx uô kinh têr

nhoz Sa Pa

Tsik xưk li chor hluôk nênhs txơưr, tix lâus Tinhr Xênhv Zax, mênhx cxưx Hmôngz, zus shông 1994, tưz sir jos tu tsoz txir đuôx, txir lê ntơưv zuk thax tsav qơư nhoz. Chiê paz uô tâu jông thiêz muôx tâu phênhv sâu truôx zos iz kror tsuv sir jos cơưv shâuv têx chênhz zênhv.

Đros thax tsav xar muôx 3 héc ta ar têz, tix lâus Tinhr tưz sir zôngv têx ar têz co chiê chos 5.000 ntâu tsoz txir đuôx thiêz 200 tsoz txir lê. Hâur jiês tsiêz têz qơưk shông 2023, muôx ntâu luz yêz thâux chor chês txir đuôx lok six jông gâux txix phường Sa Pả lok thành phố Hải Phòng, Hà Nội thiêz ntâu thax tsav qơư txơưr. Txix co, tưz paz trâu tix lâus Tinhr ziv chuôz zis muôx nzir phênhv sâu truôx tuk muôx yênhx puô triệu đêiv. Tix lâus Tinhr Xênhv Zax hêik: cur đros chuôz zis sir jos khưr uô nox lơưr têx tsưr ziv uô nox yiêz, tu chor txir đuôx, txir lê cov jông gâux, sir jos huôv tsar kinh têr cov tsik tsuv muk uô nox đêz tsêr li ntu đrav ntêx.

Khov sir  jos cơưv shâuv thiêz txơưx xar tơưv hâur tsoz phưz cux li tu jông chor tsoz chos, tix lâus Tinhr chuôz zis chor txir đuôx muôx tâu tsiv gri kinh têr siêz, iz tsoz txir đuôx chês nthuôr, lox jông gâux, tiv zix zos tsoz txir đuôx co tuôx nxuôz lok six jông gâux, iz tsoz muôx tsiv gri txix oz pêz triệu txos yênhx châuv triệu đêiv thiêz tâu chor nênhs uô lax luôv nhoz Hà Nội tuôx zuôr txos.

Đros co, chuôz zis chor ar têz chos tsoz chos txir đuôx thâuv tưs txos chêix jênhs blôngx hâur chêix ntux yiêz, tix lâus Tinhr tưz chos cxuô zav jâuz hâur har xuz ntông txir đuôx. Ntơư zos chos jâuz njuôz, jâuz ntus hâur pâuk…… chiê muôs trâu tsôngv kruô du lịch ntơưv thị xar Sa Pa, iz chiv jâuz cux sâu tâu txix 30-40 triệu đêiv.

 Tiv ar tsuôk tsuv sir zôngv qir kêiz zuôv, viv li tix lâus Tinhr chor jâuz tưz muôx chôngz lênhx nênhs nhiêv zuôr thiêz tâu muôs trâu ciêz đrôngl hâur thax tsav Sa Pa thiêz têx tỉnh thành txơưr. Tix lâus tinhr phêiz kênh nzir: Chiê uô tâu xưk li nhiv no, zos muôx cấp ủy, chinhr quyền ntơưv qơư đros paz, tsik so yax kriê pos nhuôs hâur hlôngr yiêz tsoz chos. Đros co, kriz cxuô lớp kriê tsưr ziv chos cxuô zav tsoz chos, paz trâu pêx xênhv kir txêik pênhr nhiêx chiê kriz đar uô nox.

Muôz  cxuô zav tsoz chos tsiv gri kinh têr siêz huv đros thax tsav qơư nhoz chox lok chos zos đrêiv tsưr ziv kriê. Chênhr zos uô truôx luôs hâux lưv huôv tsar uô nox li hêik sâu, tix lâus Tinhr Xênhv Zax tsiv nhos zos iz tsov iêr chiê chor hluôk nênhs mênhx cxưx tsơưs nênhs hâur thax tsav thị xar Sa Pa cơưv shâuv uô trơưk.

Phênhv “Nôngx mênhx zuôr tsuv pâuz” hnuz no tsuôk xâuk li no xưz. Phênhv no zos Đaix nta suôz Việt Nam nhoz thax tsav faz Bắc uô đros muôx Tsênhv qơư cxơưz cxiz uô kôngz Têz qơưk đros paz uô./.

Lầu Chia BT-Lik Thox cxêik nhênhv