Txu grês cêr pluôs sei thiêz truôx vênhs, njiê txix thax tsav pluôs Mường Tè

Kuôk no 5 shôngk, niêv lâuk Ly Lỳ So chuôz zis, mênhx cxưx La Hủ, nhoz jos Pha Bu, xã Pa ủ zos iz hâur têx ziv chuôz zis txov nhêv tiv zix hâur jos. Chuôz zis muôx 6 lênhx nênhs, luz nênhx shông tưs cux trâus yeiz. Niêv lâuk Ly Lỳ So heik: Thâuv ntêx chuôz zis li phênhv sâu tsuôk khov txos đeiv têz chos 1 chiv thiêz mê njik jâuz njuôs nriêr tâu pêv har jôngr. Thâuv mê nhuôs hloz jux jus mak tsuv cxơưx ntâu đuô trâu mê nhuôs nox, mê nhuôs hnhar, viv li lok six txov nhêv. Tâu cán bộ tuôx kriê chos liêx đêx, khơưz pas đêx zus njês, tu zus buô, keiz ok viv li luz nênhx ngaz tul jux jus. Muôx phênhv sâu lơưv, oz niêv txir sir jos uô nox uô hnhar, nhiv no tsi taz muôx txâuk nox mak tsênhv muôx 15 tul nhux tưv, nhux đas thiêz chos tâu tam thất, suôz câur xiêr thiêz: “Têx phongz cxưx pôngz kaz nhiv no cux tưz txu grês ntâu, tsi xưk li thâuv ntêx thiêz. Cán bộ muk uô hâux lưv đros pox nhuôs mak pox nhuôs cux mnôngs uô lơưr; sir jos tu zus keiz ok cux muôx ntâu. Pox nhuôs luz nênhx jông đuô thâuv ntêx thiêz tsi yeiz pluôk”

          Chiê paz pox nhuôs txu grês cêr yeiz pluôk, chính quyênx tiv phaz tưz muôx Nghị quyết đros njiêz luv “nhoz truôx têz truôx qơư”. Luôs hâux lưv uô xuz thơưx zos vênhv tôngv pox nhuôs lok nhoz uô nênhx chêx chôngk, uô côngz xưv yax mông, vênhv tôngv cxuôv yeiz thiv pluôk. Thâuv pox nhuôs tưz truôx siêz uô, cấp ủy, chính quyênx đros lưx lươngv pênhz phax sâuv thax tsav muk txos yênhx jêx jos cxiv tsa têx trâur nuv huôv tsar kinh têr. Zơưv Lý Phí Giá, Chủ tịch UB xã Pa Ủ, huyện Mường Tè puz pâuz: “Hâur hâux lưv vênhv tôngv pox nhuôs txix pêv tox siêz lok nhoz têx jêx jos zos iz hâux lưv phêv liv. Tâu Đảng, têz qơưk thiêz thênhv siêz paz txưv txix têx chủ trương, cêr chei lox thiêz cấp ủy, chính quyênx tưz sik côngv lưx lươngv pênhz phax vênhv tôngv pox nhuôs uô têx trâur nuv huôv tsar cêr uô nox. Nhiv no pêz tưz heik kriê pox nhuôs uô têx trâur nuv li chos liêx đêx chiê cxuô por tsês têx cêr phêv liv”.

          Ntâu shông no cán bộ, chiến sĩ Zênhx pênhz phax Pa Ủ yax six seiz trơưr chiê paz tsôngv box jêx jos. No zos lưx lươngv uô ntêx nyuôk hâur côngz xưv sik côngv đros cấp ủy, chính quyênx tiv phaz paz tsôngv box cxuôv cêr yeiz pluôk nhoz tiv phaz. Xav tênhv tsênhz hâux lưv paz tsôngv box ngaz tul luz nênhx, taz por nox nhoz xã hội zos jênhv vưv coaz tsôngv nhoz ntus đriv, viv li têx trâur nuv puôr lênhx tâu têx cán bộ, chiến sĩ uô uô ntêx thiêz kriê yênhx côngz. Thiếu tá Trần Hà Nam, Chính trị viên Zênhx pênhz phax Pa Ủ, huyện Mường Tè pheiz kênh: “Lưx lươngv cán bộ, chiến sĩ hâur taz viv muk txos yênhx jêx jos chiê pâuz tâu qênhx shênhx, yax mông, paz pox nhuôs ngaz tul luz nênhx. Pêz cux tsênhv krêz uô iz cxiê trâur nuv paz pox nhuôs huôv tsar kinh têr lơưr tsaz yênhx, dự án tu zus nhux đas chêx chôngk, chos liêx đêx 2 chiv”

          Hâur 5 shôngk krêz uô Chỉ thị 05-CT-TW, ntu 2016-2021, huyện Mường Tè tưz chêx chôngk krêz uô uô cê ntâu tsưr ziv, tiv zix zos chêx chôngk yax mông, vênhv tôngv muôz siêz cán bộ đangv viên thiêz tsôngv box sâuv thax tsav li siêz xar uô tsaz yênhx txu grês cêr pluôk. Zơưv Đao Văn Khánh, Chủ tịch UB huyện Mường Tè (Lai Châu) puz pâuz: “Tâu Chính phuv thiêz têx bộ, nganhx tsov cưv, pox nhuôs têx mênhx cxưx tâu yưv pênhr paz txưv. Pir đros têx shôngk tov ntêx, pox nhuôs luz nênhx muôx têx hlôngr yiêz tsênhz mênhx”.

          Huyện Mường Tè, tỉnh Lai Châu li kinh têr xã hội ziv hnuz ziv hlôngr yiêz, tsôngv box luz nênhx tâu muôz siêz. Taz sik, đros thiêz 57% ziv chuôz zis pluôs đros 6 jix vuv zos hâux lưv uô, y tế, zaoz zux, tsêr nhoz, thôngz xor mông, đêx xênhz huôx thiêz vêv xênhz tênhx qơư mak tsênhv zos iz phêv liv đros cấp ủy, chính quyênx thiêz chiz coaz muôx txơưx jênhv nhoz tiv phaz. Viv li, chiê txu grês cêr pluôk seiz thiêz truôx vênhs, đrâuv tiv phaz li sir jos, huyện Mường Tè xar njôngr tror tâu yưv pênhr thiêz muôx têx tsênhv chêi tsov cưv huv đros trâu iz huyện tox siêz ntus đriv li Mường Tè./.

(Khắc Kiên-Txâur Vax cxeik nhênhv)

Kon Tum: Qơư y tế cơ sở têx hlôngr yiêz hâur tsoz phưz, por hưv đas jos trâu tsôngv pêx xênhv

Nhiv kruôr txos six uô hâux lưv hâur zar tas cik, tix lâus A Thoát, heir nênhs Xơ Đăng nhoz jok Tê Pen, xã Đăk Trăm, huyện Đăk Tô thâux lênhx nhuôv mê tưz tuôx txos ntơưv qơư y tế xã. Đhâu sik thav đros tix lâus A Thoát, tâu pâuz tix lâus tus nhuôv Y Hồng Ân, 4 shông li lênhx cưk kriê cxênhx nhuôs zâu tâu xav zos trâul moz Covid-19. Chiê phax tir thêir thiêz pâuz tsênhz lênhx nhuôv, chuôz zis pok trâul cik tâu moz Covid-19, tix lâus A Thoát tuôx qơư y tế xã Đăk Trăm chiê seiz njuôk shuôs moz trâu gơưk 2 txir tuz, txơưv tiêk cêr muk lol đêz thiêz tsuv tas nhiêx txiêx seiz njuôk shuôs moz gênhk: “Tas cik tưz xar chox lênhx nhuôv muk cơưv taz sik hnor tiêk lênhx cưk kriê ntơưr so tsi tuôx. Chiê pâuz tsênhz tus nhuôv pok trâul cik tâu moz lok tsi tâu, cur chox nhuv tuôx seiz njuôk shuôs uô ntêx. Tuôx txos qơư y tế xã pov chor uô hâux lưv hâur qơư y tế no jông siêz thiêz shir phaz seiz njuôk shuôs moz trâu pêz, pêz cux lok six jông siêz”.

Chênhr txix chor cưk yuôx, bác sỹ hâur qơư y tế xã Đăk Trăm, huyện Đăk Tô cêr moz siêz tsoz phưz đas jos trâu tsôngv pêx xênhv lês uô jông txix yênhx châuv shông đhâu tưz paz tsôngv niêv txir lax pêx xênhv hâur xã, đros thiêz 97% zos tsôngv box heir nênhs Xơ đăng muôx têx hlôngr yiêz hâur tsoz phưz thiêz tsưx phưv zuk li đas jos. Thâuv tưs muôx moz gênhk tsôngv niêv txir lax pêx xênhv khênhr puôr lênhx ntơưv qơư y tế xã, tsi muk hu txir nênhz tuôx uô nênhz seiz, pox niêv lok tsi xênhz zus mê nhuôv hâur tsêr li thâuv ntêx, hâur luz nênhx niêx hnuz lơưr tưz moz siêz txos tsưx phưv đas jos…. Niêv lâul Y Nít, nhoz jok Đăk Trăm heik: “Cur thiêz tsôngv niêv txir cưr tix nênhx tsa hâur jok tuôx qơư y tế mak tâu chor cưk yuôx moz siêz seiz njuôk shuôs  moz trâu pêz. Mnôngs trơưk têx cưk yuôx heik kriê, chuôz zis tưs cux nox siêr, hâuk bâu, muôx qơư tơưv trôngx hur si. Chiê phax tir thêir moz gênhk, pêz tsôngv niêv txiêr lax pêx xênhv sơưr muk uz muk no puôr lênhx chox ntâuz bos kror ndâux. Hok pov uô cuz uô no, hnôngk, gênhk mak heik zênhx max trâu canr bôv y tế pâuz”. 

Trơưk li niêv lâul Y Thuy, seiz car qơư y tế xã Đăk Trăm, huyện Đăk Tô, đros trâu têx qơư uô hâux lưv tâu cxiv uô jông, ntu jê lok no qơư y tế tsênhv tâu cxaz nzir têx chuôz zênhx seiz njuôk shuôs moz li: Meir tsov seiz njuôk moz….. viv li ziv hnuz ziv uô tâu jông đuô luôs hâux lưv seiz njuôk shuôs kho moz, tsoz phưz đas jos trâu tsôngv pêx xênhv: “Tâu bax muôx cxix cxuô têx chuôz zênhx seiz njuôk shuôs moz gênhk, nhiv no hur tiz si têx moz tsi yuô lox, tsi yuô hnhar ntơư puôr lênhx nhoz chơưv kho moz ntơưv  qơư y tế xã, tsơưs xa muk trâu têx tsêr kho moz lox. Qơư y tế xã phênhz côngz iz lênhs seiz car iz jok, uô ciês hâux lưv sox seiz, qênhz shuôs têx moz gênhk ntơưv luz jok co”.

Nhiv no, têx qơư y tế hâur tỉnh Kon Tum tưz muôx ntâu hlôngr yiêz, uô tâu jông luôs hâux lưv seiz njuôk shuôs, tsoz phưz đas jos trâu tsôngv pêx xênhv. Nhiv no tỉnh Kon Tum muôx 10 tsênhv qơư y tế huyện, 99 qơư y tế xã, phường, thị trấn; 100% qơư y tế xã muôx bác sỹ uô hâux lưv thiêz muôx lênhx nênhs paz txeik xênhz zus mê nhuôv. 100% qơư y tế uô têx luôs hâux lưv seiz njuôk shuôs, chơưv kho moz xuz thơưx trâu tsôngv pêx xênhv trơưk li hâux lưv zok muôz….. Bác sỹ chuyên khoa II Trần Ái, Phưv Giám đốc sở y tế tỉnh Kon Tum khav tinhv: “Pêz sở y tế khav tinhv, tsuv gra siêz tsơưr lươngv tsoz phưz, tsưx phưv đas jos trâu tsôngv pêx xênhv hâur thax tsav, lar heik zos sir jos lês uô jông cxuô luôs hâux lưv zok muôz chiê tsoz phưz tâu đas jos trâu tsôngv niêv txir cưr tix nênhx tsa tox siêz đêz đrôngs, thax tsav tsôngv box heir nênhs tsơưs”./.

( Khoa Điềm-Riê Lâux cxeik, nhênhv)