Têx luk heik txix Bình Lư xa txos Đảng li Đại hội 14

          “Pêz puôr lênhx njênhs njôngr txos Đảng li lênhs tov, tso tơưv têx quyết sách huv đros tsôngv box li siêz. Tiv zix zos têx chế độ chính sách nox nhoz xã hội, li BHYT, nhiêx phí cơưv ntơưr trâu tuz nhuôk, tênhv tênhz, cêr muk lok, tsêr cơưv ntơưr, trạm y tế. Lok six njênhs njôngr đros Đảng li Đại hội 14 li li têx hlôngr yiêz”

          Co zos têx luk pheiz kênh txix tsôngv px nhoz tox siêz Bình Lư, tỉnh Lai Châu tso pov siêz njênhs njôngr txos Đảng thiêz têx siêz xar njôngr huv đros têz qơưk li huôv tsar.

          Xã Bình Lư (nhoz huyện Tam Đường kuz) tỉnh Lai Châu uô trâur nuv chính quyênx 2 cấp đros tas nro têz qơưk txix hnuz xiêz 1/7/2025, thâuv sik côngv 3 xã Bình Lư, xã Sơn Bình thiêz thị trấn Tam Đường nhoz huyện Tam Đường kuz, tỉnh Lai Châu. Đros 35 jêx jos, muôx 18 cxênhz 600 lênhx nênhs, phênhv ntâu zos tsôngv box mênhx cxưx Thái, Hmôngz, Cho, Lự thiêz choz tsiz sik đros nhoz uô nênhx, xã Bình Lư nhiv no muôx têx hlôngr yiêz jông, taz sik tsênhv tuôr tsês jông cêr chax chês. Zơưv Đặng Văn Đích, bộ đội lâus nhoz jos Máy Đường, xã Bình Lư heik:        “Thâuv ntêx zos iz thax tsav tox siêz pluôk, taz sik đhâu Đảng li lênhs tov, nhiv no Bình Lư tưz yênhx iz thax tsav qơư vav mênhx, bluô nux. Tsôngv box têx mễnh cxưx hâur xã uô tsâus Đảng lok six ntâu, thâuv tưs cux uô trơưk Đảng, têz qơưk li cêr chei thiêz iz siêz muk lơưr Đảng”.

          Đros cxơưz tiês huôv tsar kinh têr, tuôr truôx vênhx huôv mênhx cxưx jông, huôv tsar zaoz zux tsênhv zos tsov cưv lox nhoz tiv phaz. Viv li cxênhx hluôk nênhs tâu thox cxov jông, BÌnh Lư thiêx yênhx xã huôv tsar , hlôngr yiêz jông nhoz thax tsav tox siêz ntus đriv. Cưk kriê Hoàng Thị Huyền, Cưk kriê tsêr cơưv cxênhx 2 Tam Đường, xã Bình Lư heik:“Xar njôngr Đại hội zuôr tsov cưv đuô thiêz txos têx mê nhuôk shux xênhz, tiv zix zos têx shux xênhz nhoz tox siêz; chiê shux xênhz muôx cxaz theox chênhv tâu muk cơưv ntơưr li têx mê nhuôk nhoz tiêx đras. Cur cux xar njôngr Đại hội cux zuôr tsov cưv yưv pênhr ntâu đuô lok cơ sở cxuô zav, chuôz zênhx kriê thiêz cơưv ntơưr chiê têx tsêr cơưv nhoz tox siêz muôx cxix cxuô đuô kriê ntơưr trâu shux xênhz”.

          Zơưv Nguyễn Tiến Thịnh, Bí thư Đảng ủy xã Bình Lư, tỉnh Lai Châu puz pâuz, tsôngv box têx mênhx cxưx nhoz Bình Lư, tỉnh Lai Châu heik taz thiêz thax tsav Tây Bắc heik cxuô thâuv tưs cux seiz jông, uô tsâus txos Đảng, têz qơưk thâuv tưs cux tsov cưv txos pox nhuôk tox siêz, thax tsav tsôngv box mênhx cxưx tsơưs nênhs txix têx chủ trương, chính sách huv đros. Co zos đas jos, zos “qơư khov” chiê tsôngv px sđ sir jos đuô hâur luz nênhx:“Đros têx muôx jông ntơưv thax tsav qơư, pêz xar njôngr zuôr chox Bình Lư yênhx tưz qơư jông jav, chiv nhos chiê nhoz uô nênhx thiêz sir jos yênhx thax tsav ju lix jông hâur têz qơưk thiêz sâuv ntiêx têz. Chiê uô tâu hâux lưv no njênhs njôngr Đại hội zuôr krêz tsưr ziv yiêz, xar tơưv yiêz huôv tsar yiêz chiê têx taz viv hành chính yiêz tâu yênhx lix, krêz tơưv qơư huôv tsar chox lok liv zix tsênhv tsênhz trâu tsôngv box”.

          Têx luk heik tơưv siêz xar njôngr txix cán bộ, đảng viên thiêz tsôngv px xã Bình Lư, tỉnh Lai Châu txơưv li ntơư, taz sik co zos têx siêz xar njôngr, zos tsôngv px tox siêz li txơưx jênhv đros Đảng. Njênhs njôngr, Đảng li đại hội 14 zuôr tror khav tênhv Đảng li pưs txux lênhs tov, chox têz qơưk tror huôv tsar, chox lok luz nênhx tsâu sor, hâur co muôx tsôngv box têx mênhx cxưx tsơưs nênhs nhoz thax tsav tox siêz Tây Bắc./.

                                                                                                                        Khắc Kiên-Txâur Vax cxeik nhênhv

Lào Cai: Sik côngv siêz paz cxơưz cov huôv tsar ntu zuôr txos

Iz shông đhâu trâus đêx ngaz cuôr ruôr hiêv, tix lâus Sầm Văn Bóng, nhoz jok Làng Nủ, xar Phúc Khánh, tỉnh Lào Cai luz nênhx tưz xar tror jông li kuz. Zênhx uô sưv kror hâux lưv thâux xa têx chuôz lov, ar poz jêz, tix lâus Bóng tưz kir txêik nzir zênhx hangx zuôr xar 200 triệu đêiv, yưv pênhr zuôr mêir, yêz lox, zâuv tuk tuz đros uô. Uô têx hâux lưv ntâu hâur yênhx hnuz cux paz trâu tix lâus tsik xar ntâu txos kror pôngz siêz trâus pôngz plox lơưv tas nro 5 lênhx nênhs cxênhz jê thiêz cxuô zav hâur chuôz zis. Xar txos chor hnuz pôngz siêz tiv zix hâur luz nênhx, tix lâus Bóng uô tsâus ntâu txos chor nênhs siêz jông tưz paz trâu tix lâus truôx siêz chiê uô nênhx tâu truôx jông li nhiv no:“Têz qơưk paz uô tsêr trâu zuk nhoz thiêz chor nênhs siêz jông iz lênhx paz iz kror mê njil tưz paz trâu zuk luz nênhx truôx tuk đuô. Co cux jông xưk li thâuv zuk muôx moz gênhs zos muôx iz lênhx nênhs tuôs sêiz nus txos mak zos kror paz cxơưz trâu zuk pov muôx đas jos thiêz shir phaz đuô lơưv”.

Cux zos txix têx paz li co, ntơưv xar Bảo Thắng kuôk Làng Nủ 60 ntâu cêik cêr ho muôx iz kror txơưr. Txix 1/7 txos nhiv no, đhâu thâuv tso tsês cấp huyện, hnuz thưr 7 yênhx ciêz ho zos iz jiês chor canr bôv xar, hâu nov xar muk sêiz nus, thav pêv đros pox nhuôs nhoz chor jêx jok, cê paz sik côngv siêz, cê nriêr pâuz tâu txos têx phiv liv chiê muôx tsưr ziv đơưk kho. Zơưv Đoàn Xuân Điệu, Bí thư Chi bôv jok Phúc Long 1 hêik pâuz:“Phúc Long 1 tiv zix zos thax tsav Khe Măng Mai-phênhv ntâu zos tsôngv box mênhx cxưx Hmôngz thiêz Cho uô nênhx nhoz viv li tsênhv yuôr ntâu txov nhêv. Đhâu chiê lok uô cê, cur pov canr bôv xar Bảo Thắng tưz txoz cxơưx txos trâu tas nro pêx xênhv, tuôx txos yênhx chuôz zis chiê sêiz nus, pêz lok six shir phaz. Vav tiêk ntu zuôr txos zuôr tror tâu txoz cxơưx ntâu đuô chiê tsôngv box huôv tsar tâu kinh têr, luz nênhx vênhx huôv châuv chuôs chor thax tsav nhoz tsênhv qơư”.

Têx li hêik tas sâur zos kror paz txuôk cấp ủy, chinhr quyền đros pêx xênhv cux li sik phêiz kênh, siz paz hâur côngv thôngx, đhâu co paz uô truôx đuô đas jos sik côngv siez, paz Lào Cai hla đhâu têx phiv liv. Thiêz đas jos co, trơưk chor nênhs nhoz đros đrêiv lịch sử thax tsav qơư no, chênhr zos tror uô nzir lơưr têx chax chês cxôngx nzor. Lơưr zơưv Hoàng Thương Lượng, kuz Chủ tịch Ủy ban tỉnh Yên Bái, hâur thax tsav huôv tsar lox đar đuô thâuv chiê 2 luz tỉnh Yên Bái-Lào Cai lok uô cê, hax zav phuôx huiz tâu jông Lào Cai li chax chêx sik côngv siêz tưz zênhx muôx txix ntêr lok. Têx uô tâu ntu xuz thơưx đhâu 2 hli tỉnh yiêz piz uô têx hâux lưv puz pov uô tâu jông thiêz thôngx ziv:“Zov chênhr tiv zix zos sik côngv siêz jông hâur Ban Thường vuv, Ban Chấp hành Đảng bôv lơưr Trung ương chox car mak cur xar sơưr đơưk cux tsik cxơưx ntâu hênhr. Njênhs tiêk đros chor canr bôv hâu nov chênhr iz zos hluôk, oz zos sir jos uô hâux lưv thiêz pêz zos muôx ntâu kror tsưr ziv uô yiêz zuôr paz sik côngv jông, huôv tsar, chox car Đảng bôv, chinhr quyền pêx xênhv cxuô mênhx cxưx tỉnh Lào Cai cov huôv tsar đuô, paz trâu Lào Cai zos tỉnh huôv tsar, hur jông, shir phaz thiêz huv đros hâur thax tsav tox siêz faz Bắc”.

Hêik ntơưv jiês njiz njêx muôs chiv nhênhv 80 shông Cách mạng hli 8 thiêz Quốc Khánh 2/9, zơưv Trịnh Xuân Trường, Bí thư Tỉnh ủy Lào Cai khav tênhv, kror chiê lok uô cê nhiv no zos iz kror hêik txos lịch sử thiêz lênhx nênhs li cêr siz hluz, siz paz, sik thôngx siêz. Kror sik côngv co tsênhv tâu uô txix têx huôx tôngv, thâuv tas nro cxiv luôs chinhr triv tỉnh Lào Cai yiêz tsênhv “côngv siêz, thôngx siêz, sir jos” uô hâux lưv yênhx hnuz hmo chiê paz muôx tâu iz thax tsav qơư huôv tsar cxuô:“Lào Cai thiêz Yên Bái-xưk li oz lênhx nhuôv côngv iz lênhx niêv, sik côngv, siz paz; cxix cxuô lok têx vênhx huôv; sik côngv siêz, siz hluz, siz paz, sik đros hla đhâu têx phiv liv; zos sik đros cxiv tsa iz ntu nênhx yiêz tov ntêx no, zuôr pêx xênhv zos tsênhv njiêz nhoz cxuô kror hâux lưv, tsưr ziv chiê sik đros uô cov tâu têx tsưr ziv, luôs hâux lưv tưz tso tơưv”.

Tsuv hêik tiêk, txix siz paz, sik phêiz kênhx thâuv njiz trâus têx cêr txov, thôngx siêz hâuz luz nênhx txos xar tơưv, kriz uô têx luôs hâux lưv, cêr sik côngv siêz co tsênhv zos kror cxơưz cxiz lox, paz trâu Lào Cai truôx đrênhk nhoz ntu huôv tsar yiêz. Thâuv chor nênhs co tưz lok côngv uô cê, đas jos tâu cxaz nzir, thiêz njênhs njôngr trâu ntu zuôr txos jông đuô, vav mênhx đuô tsênhv tâu sir jos uô nhoz têz qơưk li thax tsav qơư ntus đriv no./.

                                                                                              An Kiên-Lik Thox cxêik nhênhv-Lưu, âm thanh