Tsôngv pêx xênhv tox siêz Sìn Hồ bax tsưr ziv por hưv têx tsiêx tu zus hâur têx hnuz ntux no njiv

Ntơưv tsênhv qơư xã Sà Dề Phìn, huyện Sìn Hồ, jêx tưv grêk kis. No njiv đros trâu lok nas yâur tưz uô ruôr hiêv txos tsôngv pêx xênhv têx cêr xênhz huôx, lar heik zos uô kôngz nuv. Nhoz cxuô jêx jok, chuôz zis tưs cux puôr lênhx tsuv trâur tơưk trâu lênhx nênhs thiêz têx tsiêx ntê.

Cux iz zav li ntâu ziv chuôz zis pêx xênhv txơưr đuô hâur jok, txix ciês thâuv nhiv kruôr qir no njiv, niêv lâul Chang Thị Thương chuôz zis tưz chaz têx nhux tưv lok gâuv no thiêz tso nênhs nhoz trơưr ntơưv qơư seiz shuôs, muôz jâuz trâu nhux tưv nox. “Cur chuôz zis tu zus iz paz buô thiêz. Ntux no li nor chuôz zis tưz muôz têx ntâuz tax lok xor thêir iz ndis qơư tu zus thiêz trâur tơưk trâu ntê, hâu krâur sor trâu buô nox. Vav chiê siêz tiêk, chor buô zuôr truôx tuk, tsi trâul uô ruôr hiêv li chas”.

Kuôk co tsi đêz, ntơưv xã Phìn Hồ, no njiv đros trâu lok tê cux uô ruôr hiêv txos chor tsiêx lox hâur thax tsav, muôx nhos 2 cxênhz tus. Trơưk li zơưv Phứ Xênhv Lik, Chủ tịch Ủy ban xã Phìn Hồ, huyện Sìn Hồ heik pâuz: “Xã tưz bax tsưr ziv phax tar no trâu têx tsiêx cxu hâur thax tsav. Nhiv kruôr đhâu, xã cux tưz muôx ntâuz ntơưr xa trâu têx jêx jok, cux iz zav li tso lênhx nênhs muk yênhx chuôz zis qênhz shuôs têx qơư cơư, jâuz tâux bax tsês trâu tsiêx. Lok sâuv phax tar no, pêz tưz bax tâu jông lơư; pêz cux tsi so qênhz yuôx, sir jos tsi chiê tus tsiêx tưs trâul tuôs tiv yeiz thiêz no”.

Sìn Hồ xav hur si muôx nhos 75 cxênhz ntâu tus tsiêx lox. Co cux zos thax tsav tox siêz hâur tỉnh Lai Châu, thâuv tưs suôv qơư no cux khênhr no njiv đuô pir li 2 chas thax tsav txơưr đuô. Lơưr zơưv Nguyễn Khắc Tiệp, Phưv tsar phongx Kôngz nuv thiêz huôv tsar tox siêz huyện Sìn Hồ, txix hâur cheix ntux no txos nhiv nor, ntơưv qơư tưz tso tơưv 3 ntâuz ntơưr, phênhz côngz chox kriê uô jông luôs hâux lưv heik sâuv, sir jos txo grêk tsơưs têx tsiêx trâul tuôs no thiêz yeiz: “Phongx cux tưz bax hux jos đros cơ quan lês car uô đreiv têx nuv kriê tu zus tsiêx cxu thiêz uô kôngz fuô kriê pêx xênhv têx tsưr ziv phax tar no. Txix ciês thâuv hlêis sâu blêx, kriê pêx xênhv khơưk tsês chor kuôr blêx, chos tâux, chos poz cưk bax trâu tsiêx tâu nox hâur têx hnuz no njiv. Iz chas coyax kriê pêx xênhv bax uô têx qơư cơư tsiêx, hlêis jâuz puz, tsi tso tsiêx lak yar pêv têx har jâuz, txar jav tsi chiê tsiêx trâul tuôs tiv yeiz thiêz no. Đhâu qênhz yuôx txos nhiv no, tsôngv niêv txir lax pêx xênhv cux tưz sir jos đros phax tir thêir no trâu tsiêx cxu, uô lơưr têx tsưr ziv fuô kriê. Chênhr viv li iz jiês no cux tsi tâu pov têx tsiêx cxu trâul uô ruôr hiêv li chas hlo”.

Iz tsưr ziv tâu fuô uô tsênhz mênhx ntơưv tỉnh Lai Châu, co zos “tsi paz max chor chuôz zis tsi uô jông lơưr tsưr ziv phax tar chiê têx zuz nôngz tsoz chos, tsiêx tu zus, shuôz njêl trâul tuôs tiv yeiz thiêz no, trâul moz”. Co cux zos iz kro chiê gra siêz hâu nov ntơưv qơư, cơ quan lês car uô đreiv têx nuv co li txơưx jênhv, paz max têx lênhx pêx xênhv bax tsưr ziv phax tar yeiz thiêz no, taz por truôx tuk trâu tsoz chos, tsiêx tu zus./.

(Khắc Kiên-Riê Lâux cxeik, nhênhv)

Pox niêv tox siêz Thuận Châu sir jos hla đhâu têx phiv liv chiê uô tsưr kinh têr chuôz zis

     Xênhz zus thiêz hloz lox hâur iz chuôz zis uô kôngz nuv, thâuv zuôr txir cxiv tsa chuôz zis, pos Phạm Thị Đào tsik so xar uô li chak cov kinh têr chuôz zis huôv tsar, paz trâu têx tuz nhuôs tâu cơưv ntơưr cxix cxuô. Đhâu ntâu shông sir jos, pos tưz nriêr tâu tsưr ziv huôv tsar uô kinh têr txix chor lớp choz zok khoa học kỹ thuật lok tu zus tsiêx cxu. Shông 1997, tâu chuôz zis muôz iz gơưv niêv buô thiêz tâu Hôiv pox niêv paz chiê txêik pênhr hâur Zênhx hangx tsênhv chêi xar hôiv huyện, pox tưz sir jos chiê huôv tsar kinh têr chuôz zis txix tu zus. Đros tsưr ziv zos muôz lur zus ntêr, thâuv co, pos tưz zuôr nzir 5 tuk mê nhuôv buô lok zus muôs grêix uô ntêx thâuv tok oz tuk niêv buô no sha mê nhuôv. Taz sik, tiv tsik tâu muôx chênhz zênhv, tsưr ziv tu zus cux xưk li tsưr ziv phax tar caz moz, zav nox trâu tu zus ntu thâuv co mak cux muôx tsơưs, viv li chuôz zis hâux lưv tu zus njiz ntâu kror phiv liv: “Viv zuk tsik muôx nhiêx zuôr jâuz ntơưv têx ciêz, viv li chuôz zis tsuôk chiv chir muk hlêik jâuz, nriêr jâuz chox lok tsuôr hâu, thâuv ntêx mak hâu txix kror chuz thiêz trâur tơưl xưz, phiv liv hênhr; tu zus jux juk iz gơưv txix thâuv tâu niêv têik zơưv txir muôz puz, đhâu co muôz iz tuk muôs, tsês iz tuk thiêz zus tâu nzir iz paz, txix co mak chuôz zis huôv tsar taz sik cux tsuôk car zus iz tuk niêv buô li co xưz”.

Tsik tsês li co, pos tror sir jos nhênhz chơưv, cơưv shâuv gra siêz txux chi, tsưr ziv, cux xưk li cxaz chuôz chor lớp kruôz kriê lok tu zus zos thị trấn, xar, jêx jok tsưr tsix. Đhâu oz pêz shông, chuôz zis chor buô jux juk huôv tsar truôx tuk, sha mê nhuôv jông thiêz paz muôx tâu phênhv sâu truôx tuk; kinh têr chuôz zis txix co cux muôx đuô, tưz tsik zos thêv tas têx nhiêx kir txêik trâu zênhx hangx mak tsênhv muôx nhiêx yưv pênhr kriz đar nzir tu zus. Txos nhiv no, pos chuôz zis tưz muôx tsêr guôx tu zus buô đar xar muôx 100 thiêr ndis, đros muôx 30 tuk buô; iz shông chuôz zis muôx muôx 6 tấn buô grêix, sâu tâu xar muôx 300 triệu đêiv. Pos Phạm Thị Đào hêik: “Thâuv tu zus, chiê têx qir tsik tsư thâuv tsik tâu nzuôr tsêr guôx, chuôz zis tưz zôngv chor fuôk txix chuz chơưr, đros trâu vâuv poz cưk, thâuv muôz trâu nox mak zuôr vâuv đros nzir mên plaz hnhur chiê muôz ciês trâu buô nox shơư đros krâur. Uô li co mak tsik phiv liv li chak txos tsơưr lươngv chor buô thiêz ho paz uô trâu têx qir buô tsik yuô tsư thâuv tsik tâu nzuôr cov ntưk muk trâu hâur kror bioga”.

Niêv tix Lường Thị Thanh Thủy, Chủ tịch Hôiv Pox niêv huyện Thuận Châu, tỉnh Sơn La puz pâuz, tưz tsik zos iz lênhx pox niêv, iz lênhx niêv xưz, hôiv viên Phạm Thị Đào tsênhv khav tênhv tâu zuk li pưk txux, qơư sơưr hâur cxuô phongz yaox ntơưv thax tsav qơư, tiv zix zos têx phongz yaox sik tưr huôv tsar kinh têr, txo grêk cêr yêiz pluôs. Pos Đào li tsưr ziv tu zus buô tưz tâu chôngz lênhx pox niêv hâur Hôiv cơưv shâuv kriz uô thiêz tax tâu kinh têr siêz, huv đros trâu uô nox ntơưv thax tsav qơư: “Niêv tix Phạm Thị Đào zos iz hâur chor hôiv viên uô ntêx hlo hâur phongz yaox Pox niêv huôv tsar kinh têr ntơưv thax tsav thị trấn huyện Thuận Châu. Txơưv tiêk nhiv kruôr zos huôv tsar kinh têr ziv chuôz zis, taz sik txix niêv tix Đào li tsưr ziv huôv tsar kinh têr cux tưz jux juk tâu cơưv shâuv chiê kriz uô đêz đar têx tsưr ziv uô nox sâuv thax tsav”.

Đros pos Phạm Thị Đào, huyện tox siêz Thuận Châu tsênhv yuôr lok six chôngz lênhx pox niêv txơưx uô kinh têr hênhr; lơưr uô bluô nux sâuv ntâu kror li: Tu zus tsiêx cxu, chos ntông nox txir sâuv ar têz nxaz, chos jôngr, kinh doanh lok sik yênhx lix doanh nghiệp chiê kriz đar ciêz đrôngs… Txơưv iz lênhx nênhs nhiêk muôx nhiêk tsưr ziv uô kinh têr sik txơưr, taz sik puôr lênhx zos sir jos uô bluô nux txix ciês zuk đas jos, tsưr ziv uô. Txix co, paz sir jos uô côngz xưv txo grêk cêr yêiz pluôs, huôv tsar kinh têr-xar hôiv ntơưv thax tsav qơư./.

(Trấn Long-Lik Thox cxêik nhênhv)