Lai Châu truôx siêz trâu jiês thik cơưv tiêr cxênhx 3 shông 2026

         Têx hnuz zuôr txos trâu hnuz tsưr tsix thik, ntơưv Tsêr cơưv phổ thôngz mênhx cxưx nội trú cxênhx 3 tỉnh Lai Châu, têx lớp kriê cxaz tsênhv tâu ciêr chênhr tsưr tsix đros shux xênhz nhoz tox siêz li siêz sir jos cơưv nzir chiê thik tax tâu chêx cuk siêz tiv zix. Tẩn Huyền Trang, shux xênhz lớp 12C 1 pheiz kênh: “Cur tưz sir jos cơưv nzir têx yênhx tưv chiê bax trâu jiês thik cơưv tiêr cxênhx 3 jông đuô. Tiv zix zos têx môn thik tsênhv, coaz tsông chiê taz por tax điểm siêz tiv zix”.

          Lok tsêr cơưv, đrâuv kriê cxaz trau shux xênhz, tsêr cơưv cux zênhx max bax cxuô zav txix tsưr tsix thik siv txos bax cơ sở cxuô zav, chuôz zênhx phưx vưv trâu côngz xưv thik. Cưk kriê Vàng Thị Cúc, Phưv Hiệu trưởng tsêr cơưv puz pâuz: “ Tsêr cơưv li côngz xưv bax trâu jiês thik cơưv tiêr cxênhx 3 shông 2026 mak tưz tâu uô tiêr. Co zos kriê cxaz trâu shux xênhz, tsưr tsix thik siv, bax cơ sở cxuô zav, têx qar thik, taz por đas jos trâu shux xênhz hâur ntu thik cơưv tiêr cxênhx 3”.

          Ntơưv tsêr cơưv cxênhx 3 chuyên Lê Quý Đôn, têx cưk kriê cux tsênhv sir jos kriê cxaz trâu shux xênhz. Têx nền tảng kriê cơưv trực tuyến tâu huiz tôngv uô chiê kriê cxaz trâu shux xênhz. Phưv Hiệu trưởng tsêr cơưv- cưk kriê Đặng Trần Hiệu pheiz kênh: “ Nhiv no ntơưv tsêr cơưv cux tsênhv sir jos uô tiêr têx hâux lưv lơưr kaz ciês. Têx cưk kriê tsênhv sir jos kriê cxaz trâu shux xênhz chuôz tsar heik kriê, sir zôngv têx tsưr ziv, chuôz zênhx kriê trực tuyến sâu têx nền tảng, chiê heik kriê trâu shux xênhz têx yênhx tưv taz por trâu jiês thik. Nhiv no tsêr cơưv muôx 36 qar thik, taz por chiê tsưr tsix thik”.

          Jiês thik cơưv tiêr cxênhx 3 shông no, tỉnh Lai Châu muôx zuôr xar 4 cxênhz 700 shux xênhz cxaz chuôz dưv thik. Hli 6 cux zos ntu muôx ntux nas txơưr txar nhoz Tây Bắc, njuôs xav muôx tox poz, zaoz thôngz lax muk lok tâu zos ntux nas truz ntêr. Viv li, đrâuv côngz xưv chuyên môn, nganhx zaoz zux cux sik côngv jông đros nganhx muôx txơưx jênhv cxiv tsa tsưr ziv phax tar ntux nas; bax qơư nhoz so chêx chôngk trâu shux xênhz nhoz đêz tuôx thik.

          Têx taz viv muôx txơưx jênhv cux bax jông cxuô zav li tênhv tênhz, taz por zaoz thôngz, paz shux xênhz thik ntơưr jông tiv zix. Pos Hoàng Thu Phương, Phưv GĐ Sở zaoz zux tỉnh Lai Châu heik mênhx: “ Nganhx tưz chox kriê têx taz viv tsêr cơưv tsưr tsix pheiz shux xênhz chiê tsưr tsix kriê cxaz. Thôngx cxix chox kriê têx taz viv tsêr cơưv seiz shuôk đuô cưk kriê, xeir têx cưk kriê muôx chênhz zênhv chiê tsưr tsix kriê cxaz trâu shux xênhz hâur ntu zuôr txos hnuz tsưr tsix thik. Nganhx cux heik tỉnh tso tơưv chính sách chiê paz shux xênhz cơưv nzir thik ntơưr jông tiv zix; chiê shux xênhz tso siêz trâu jiês thik, gôngr phênhv muôz siêz tsơưr lươngv jiês thik”.

          Đros têx hâux lưv bax uô jông, nganhx zaoz zux tỉnh Lai Châu tsênhv ndar txos iz jiês thik cơưv tiêr cxênhx 3 taz por thiêz yênhx côngz jông tiv zix./.

Khắc Kiên-Txâur vax cxeik nhênhv

Têz qơưs têx tsênhv chêi muôz cxiv uô tsêr paz trâu chor chuôz zis trâus coz nas chuô Yagi uô ruôr hiêv

                 Hli 9 shông 2024, coz nas chuô Yagi uô ar poz, đêx nas cuôr yôngz uô trâu nxêik x Lý oz niêv txir nhoz jos 4 Vành, xã Bảo Yên, tỉnh Lào Cai luz tsêr tsar lơưx trâus vâu puôk tsuôx tas. Thâuv co, kêiz buô cux tuôs tas, chuôz zis tsêr nênhs têx tsôngk tiêz tsôngv yo, mê nhuôv têx ntơưr cơưv uô yênhx pơưs shơư ar. Jêz x Zax zos Nzêik pox niêv, thâuv co tsuôk pâuz kuôx. Pâuz tâu Nzêik oz niêv txir tsêr nênhs trâus njiz cêr txov nhêv, tsik muôx tsêr nhoz, hâu nov thiêz công an xã Bảo Yên (thâuv co zos xã Xuân Thượng) tưz paz thor nhiêx, thor ar uô tsêr trâu Nzêik chuôz ziv nhoz truôx qơư: “Ntux lok nas lox truz ntêr hâur 3 hnuz 3 hmo thiêx uô trâu luz tsêr vâu puôk tsuôx tas hur tiz si. Niêv pos thiêz txir zơưs thiêx chox oz tus mê nhuôv mê muk đros tus txir nzơưv nhoz. Lok zuôr ar thiêz uô tsêr râu ntơưv no. xav mak luz tsêr no uô tas 400 triệu, taz sik cux tsik tâu kror trôngx”

            Muôx tsêr yiêz nhoz, Nxêik x Lý chuôz zis shir phaz cơưs; tus jông siêz yax zos Jêz x Zax, zos iz lênhx pox niêv Hmôngz, hâur iz ntu tưz njênhs pos Nzơưv uô vax tsưr tsik trơưk chêi. Txơưv tưz tso tsês tâu pz pêz shông tsik njênhs pos Nzơưv uô vax tsưr tsik trơưk chêi, taz sik thâuv tưs, Nzêik hêik txos cux tsênhv uô trâu Jêz x Zax lok zos Nzêik pox niêv txax muôs “Mnôngs pos Nzơưv têx luk hêik kriê mak tsik to tâuz ciês. Hâur chuôz zis, yuôr cur iz lênhs thiêx tsik njênhs pos Nzơưv uô vax tsưr tsik trơưk chêi. Hêik pox niêv thiêz mê nhuôv ntâu jiês, zuk zos nênhs VN tsuv uô trơưk VN têx chêi kriê, tsik uô cxâuv chêi têz qơưs VN”

             Nxêik x Lý chuôz zis, zos iz hâur oz chuôz zis nhoz jos 4 Vành, thâuv ntêx njênhs pos Nzơưv uô vax tsưr tsik trơưk chêi. Nxêik tưz muôx jiês đros nưs pox niêv muk hâur luz tsêr nhoz uô cê hâur xã chiê mnôngs kriê hêik uô Vax tsưr, taz sik zos Vax tsưr Tin Lành, Nxêik pâuz tâu têx njiêz luk kriê cơưv hêik lok pos Nzơưv mak ho txơưr Vax tsưr kinh thánh. Đhâu co, Nxêik pâuz tâu pos Nzơưv têx luk nziêk đas uô cxâuv chêi têz qơưs, Nxêik hêik nưs pox niêv tsuv tso tsês ciês, tsik cxoz njênhs pos Nzơưv têx luk nziêk đas uô Vax tsưr tsik trơưk chêi, txix co nxêik oz niêv txir hêik tsik siz huv. Đros co, công an xã cux ntâu jiês hêik Jêz x Zax tsuv tso tsês tsik cxoz njênhs pos Nzơưv têx luk nziêk đas uô vax tsưr tsik trơưk chêi, chiê uô Vax Tsưr tin lành têz qơưs tso chêi. Thiếu tá Hoàng Ngọc Nam- Phưv tsar  Công an xã Bảo Yên hêik pâuz: “Chor chuôz zis no, tsuôk sêiz đhâu hâur mạng xã hội, Youtobe thiêz nhiês cơưv shâuv uô xưz. Công xã luôs hâux lưv, qênhz yuôx, sêiz kaz cux njiz ntâu phiv liv. Txơưv li co, pêz cux pâuz tâu tsôngv px tsưr ziv, siêz xar, viv luz nênhx txov nhêv thiêx trâus chor nênhs fêv têx luk nziêk đas. Chênhr viv li, công an xã thiêx hêik trâu hâu nov ntơưv qơư, tsuv nhoz sưv jê đros chor px trâus têx nênhs fêv luk nziêk đas”

              Đhâu 3 shông yax kriê chor nênhs fêv co têx luk nziêk đas, 2 chuôz zis nhoz jos 4 Vành njênhs pos Nzơưv uô Vax tsưr tsik trơưk chêi thiêx cir ntơưr tso tsês tsik uô zav vax tsưr no. Hâur chor chuôz zis nhoz jos 4 Vành tâu cxiv uô thiêz paz kho tsêr nhoz đhâu coz nas chuô số 3 uô ruôr hiêv, muôx oz chuôz zis njênhs pos Nzơưv uô Vax tsưr tsik trơưk chêi, co zos Lý Văn Dình thiêz Nxêik x Lý. Taz sik, tâu hâu nov, công an xã ntơưv qơư paz nhiêx thiêz tso cán bộ đros thâux xa vuôk cxuô zav uô tsêr…đhâu co, chor chuôz zis njênhs pos Nzơưv uô vax tsưr tsik trơưk chêi, zos uô cxâuv chêi têz qơưs: “Công an xã, hâu nov ntơưv qơư paz uô tâu luz tsêr no nhoz mak cur jông siêz cơưs thiêz uô ts âus hâu nov ntơưv qơư”

               Sđ hmor yuô! Têx luk thav txos Nxêik x Lý nhoz jos 4 Vành, xã Bảo Yên, tỉnh Lào Cai, zos Đảng, Têz qơưs, Bộ công an muôz nhiêx cxiv uô tsêr trâu chor chuôz zis njênhs pos Nzơưv uô vax tsưr tsik trơưk chêi, tsik chiê lênhx nênhs tưs trâus pôngz kaz, Txix co Nxêik x Lý-Jêz x Zax tưz truôx siêz khưr huôv tsar uô nox, muôx luz nênhx tsâu sor. Đros co, têz qơưs tsênhv muôz nhiêx paz uô tsêr yiêz nhoz đhâu ntux nas chuô uô ruôr hiêv thiêz tsênhv tâu têz qơưs kriê tsưr ziv tu zus kêiz, muôz pênhr nhiêx kir txêik huôv tsar uô nox, chos cxuô zav tsoz chos. Trơưk li thiếu tá Hoàng Ngọc Nam- Phưv tsar Công an xã Bảo Yên, tsik njênhs chor nênhs fêv têx luk nziêk đas, tsuv nhoz truôx qơư, huôv uô nênhx zos đrêiv Đảng têz qơưs têx chêi kriê-truôx siêz khưr uô nox thiêx muôx luz nênhx tsâu sor./.

                                       Tsu vux cxêik-Txâur Vax nhênhv