Huôv tsar uô đuô luôs hâux lưv ntok ntâuz, xơưs tsôngk tril yo hnar nhoz jok Hra Ea Hning

           Pos H’Rưm H’mok nhoz jok Hra Ea Hning, xã Dray B’hăng, huyện Cư Kuin, tỉnh Đắk Lắk heik: Shông 2020, thâuv tưz 60 ntâu shông, tsi muôx đas jos huôv tsar uô nox, uô tsi tâuk têx hâux lưv hnhar. Chiê muôx nhiêx txiêx txoz cxơưx trâu luz nênhx xênhz huôx niêx hnuz thiêz iz tus nhuôv trâus sêv khiz luz chêr, pos H’Rưm H’Mok tưz xar txos tror kho thiêz uô đuô qơư ntok ntâuz chiê uô têx ntâuz xor, xơưs tsôngk yo muôs. Thâuv tsênhv zâu, H’Rưm tưz tâu niêv kriê uô pax ntâuz, xơưs tsôngk tril yo viv li jux juk pos cux txơưx ntok ntâuz, xơưs uô tâu jông. Thiêz yênhx iz hâur têx lênhx uô tâu pax ntâuz jông, txơưx xơưs tsôngk yo hnar. Tror huôv tsar uô luôs hâux lưv co, niêx hnuz pos sir jos ntok ntâuz, xơưs têx tsôngk tril yo, chênhr viv li chor pax ntâuz, têx chêr tsôngk pos xơưs uô mak tâu bâuv li chas kruô zuôr tas bâuv li co, viv tiêk pos zos iz tus txơưx uô pax ntâuz, xơưs nênhs Ê Đê têx tsôngk yo hnar thiêz hâur jok Hra Ea Hning cux muôx iz cxiê lênhx pox niêv, vir ndâuk tsi yuô muôx đas jos uô nox, uô tsi tâuk têx hâux lưv hnhar, luz nênhx txov nhêv, lơưr  xar đros pos ntok ntâuz, xơưs têx tsôngk tril yo li heik sâuv muôs. Chênhr zos li co, shông 2021 paz pox niêv uô pax ntâuz, xơưs tsôngk tril yo hâur jok Hra Ea Hning yênhx lix, muôx 6 lênhx nênhs, zos pos H’Rưm H’mok uô tus seiz car. “Ntok ntâuz, xơưs tsôngk tril yo tưz uô trâu cur muôx phênhv sâu tâu, viv lâul lơưv tsi muôx đas jos khưr uô liêx têz li chor hluôk, cur tsuôk uô li no xưz. Khov uô luôs hâux lưv co, chor pox niêv, vir ndâuk muôx nuv uô, muôx phênhv sâu truôx tuk. Cur lok six jông siêz, viv lâul lơưv taz sik cux muôx hâux lưv uô, iz hlik sâu tâu 4 tsov đeiv, chênhr viv li cur muôx luz nênhx truôx tuk đuô”.

             Niêv lâul H’Neo, zos iz hâur têx lênhx đros pos H’Rưm H’Mok lơưr uô pax ntâuz, xơưs tsôngk yo hâur jok heik pâuz: Niêv lâul đros sơưr đơưk uô luôs hâux lưv no tâu zuôr xar 3 shông lok no. Thâuv xuz thơưx, niêv lâul lơưr tsi muôx qơư ntok ntâuz viv li tưz muk nhoz khov trâu iz luz kaz tsêr tsar lơưx hâur jok chiê uô ntâuz xor, têx pax ntâuz. “Txix thâuv muôx paz pox niêv vir ndâuk xơưs uô têx pax ntâuz, tsôngk yo hnar txos nhiv no, pêz luz nênhx tưz nhoz khênhr lok six ntâu lơưv. Iz hlik cur ntok uô tâu 4 poz ntâuz, tâu 4 tsov đeiv nhiêx”.

             Chor pox niêv vir ndâuk uô pax ntâuz, xơưs tsôngk yo hâur jok Hra Ea Hning têx xiv huv ziv hnuz ziv muôx ntâu tus chôngz lênhx pâuz txos. Shông 2022, lơưr paz pox niêv uô pax ntâuz, xơưs tsôngk yo co tâu Hội Từ tâm Đắk Lắk vênhv tôngv sơưr đơưk siz chos paz cxiv uô tâu iz luz tsêr tsar lơưx tsiv gri 300 tsov đeiv. Luz tsêr no tâu cxiv uô nhoz jê iz saz tsêr vênhx huôv hâur jok. Txix thâuv co lok, lơưr muôx qơư uô hâux lưv, ntok ntâuz. Niêv lâul H’Tin H’mok, seiz car chor pox niêv vir ndâuk hâur jok Hra Ea Hning heik: “Pêz nênhs Ê Đê thâuv tưs cux seiz hloz txos zuk heir nênhs chêr tsôngk hnar. Pox niêv Ê Đê lok six nhiêv hnar zuk heir nênhs têx pax ntâuz, tsôngk yo, chênhr viv li khênhr xơưs tsês thiêz hnar đreiv têx chêr tsôngk ntơư”.

           Trơưk li zơưv Y Xuyên Buôn Yă, Phưv Chủ tịch Ủy ban xã Dray B’hăng, hâu nov xã ntâuk grê siêz chor pox niêv hâur jok luôs hâux lưv tror huôv tsar uô têx pax ntâuz, xơưs tsôngk yo hnar, cê por hưv, tuôr tsês têx hâux lưv, txux chi jông tsi chiê pôngz plox, cê muôx nzir phênhv sâu tâu chiê truôx tuk luz nênhx. “Ntơưv jok Hra Êning muôx iz paz pox niêv uô pax ntâuz, xơưs tsôngk yo hnar. Khov co chor pox niêv, gâux muôv tưz muôx hâux lưv uô truôx tuk. Taz sik têx nhiêx txiêx sâu tâu txix luôs hâux lưv uô no tsi yuô siêz, tsi tâu huv đros lơưr têx côngz đas jos. Lơưr uô tsuôk zos chiê muôx hâux lưv uô xưz, tsi yuô tâu nhiêx txiêx viv li hu zâuv tsi tâu chor hluôk đros cxaz chuôz”./.

VOVTN-Riê Lâux cxeik, nhênhv

Cxuô hêir nênhs têx txux chi, vênhx huôv jông zos qơư cxơưz cxiz tsôngv kruô tuôx ndis shuôk têz qơưs txos Lai Châu

              Tuôx trâu ntênhk hội ntor đêx no, pêz shir phaz hênhr, viv thax tsav qơư no tsôngv px sđ tsênhv tuôr tâu tsês têx txux chi, vênhx huôv jông tsiv grê cxôngx nzor thiêz tsiv nhos pêz tuôx jiês no.

             Chôngz lênhx kruô cux xar li hêik co thâuv tuôx txos trâu Lai Châu thiêz tâu côngv cêr lov jêv đros tsôngv px hêir nênhs lok tsuôk nhoz tsênhv qơư no. Niêv hluôk Lò Thị Hân, hêir nênhs Lok Tsuôk, nhoz jos Nà Tăm, xã Nà Tăm, huyện Tam Đường, Lai Châu shir phaz lul hêik pâuz: Zos hêir nênhs Lok Tsuôk chor hluôk uô nênhx nhoz hâur thax tsav, pêz cux xar tâu tiêk, tsuv tuôr tsês zuk hêir nênhs têx vênhx huôv jông tsik chiê pôngz plox

           Chiê tuôr tsês cov tâu truôx cxuô hêir nênhs têx txux chi, vênhx huôv jông txuôk đros huôv tsar qơư ndis uô si, sêiz shuôk têz qơưs, hâur shông đhâu, xã Nà Tăm, huyện Tam Đường tưz tso tơưv cxuô luôs hâux lưv, yax kriê huôv tsar qơư ndis uô si, sêiz shuôk têz qơưs. Txix ntơư, tưz kriz cxiv uô cxuô qơư ndis uô si, txuôk đros huôv tsar truôx cxuô hêir nênhs têx txux chi, vênhx huôv jông; lar hêik zos tuôr cov tâu truôx hêir nênhs Lok Tsuôk têx ntênhk hội, txux chi, vênhx huôv jông cxôngx nzor. Zơưv Nguyễn Văn Chiến, Chủ tịch ủy ban xã Nà Tăm, huyện Tam Đường phêiz kênh: Thôngz đhâu ntênhk hội no, zuôr cxơưz cxiz tâu tsôngv px hêir nênhs Lok Tsuôk, huôv tsar truôx têx txux chi, vênhx huôv jông cxôngx nzor. Thiêz hâur ntu zuôr txos, tsôngv px tsênhv zuôr tror kriz uô chax chêk muôz gax jak hniêr đuz, ntênhk hội thor ntux yar ntux nas, luôs hâux lưv ntok ntâuz

                Chiê cxơưz cxiz tsôngv px sđ zok nriêr, khơưk tsês cxuô hêir nênhs têx txux chi, vênhx huôv jông-txuôk đros cxiv uô cxuô qơư ndis uô si, đhâu ciês cơưv Ban Chấp hành Đảng bộ tỉnh Lai Châu tưz tso tơưv Nghị quyết số 04 muôx njiêz luk, zok nriêr, khơưk tsês cxuô hêir nênhs têx vênhx huôv jông cxôngx nzor txuôk đros cxiv uô cxuô qơư ndis uô si sâuv thax tsav tỉnh Lai Châu ntu 2021 - 2025, njuôk xav txos shông 2030, chiê Lai Châu yênhx tsênhv qơư tsês tâu sđ têx txux chi, vênhx huôv jông tsiv grê nhoz thax tsav faz Bắc pêz têz qơưs. Zơưv Trần Mạnh Hùng, Phưv Giám đốc Sở vênhx huôv tỉnh Lai Châu hêik pâuz: Tỉnh cux tso tơưv Nghị quyết chiê zok nriêr, tuôr tsês, huôv tsar cxuô hêir nênhs têx txux chi, vênhx huôv jông-txuôk đros kriz uô cxuô qơư ndis uô si, tưz tâu hâu nov ntơưv qơư fuô uô tâu truôx zos đrêiv luôs hâux lưv tso tơưv. Iz cxiê hax huv huôv tsar vênhx huôv txuôk đros kriz uô qơư ndis uô si tưz tâu hâu nov cxuô tsênhv qơư moz siêz txos

             Lai Châu  nhiv no muôx 5 zav txux chi, vênhx huôv jông tâu sâu bê tsês trâu têz qơư ntâuz ntơưr. Co zos hêir nênhs poz ziz txux chi uô cêr lov jêv, đhiê pax vuôs, truz hluô, njuôk jos; hêir nênhs Hmôngz ntênhk hội gruôv tox, siz tưr hêik gâux, hêik cưr cxiêx siz lưr; hêir nênhs Lự chax chêk ntok ntâuz. Đros co, cux tsênhv muôx cxuô hêir nênhs têx cêr đaz cêr kruô, tsôngk tiêz, tsôngk yo txêix pax jông jav tsênhv muôx đros đrêiv luz nênhx niêx hnuz, cxơưz cxiz tâu tsôngv kruô sđ tuôx ndis uô si, sêiz shuôk têz qơưs txos cxuô tsênhv qơư hâur thax tsav tỉnh Lai Châu./.

                                                                Tsu cxêik nhênhv-Khắc Kiên