“Bộ đội pênhz phax jông” nhoz ntus têz qơưk

“Vax txir khơưz bộ đội thiêz tsôngv box” zos luz bê mak tix lâuk Tếnh Ngọc Thái- tsôngv box nhoz xã Chiềng Tương, huyện Yên Châu (Sơn La) thiêz pox nhuôk nhoz no khênhr hu lok thax tsav ar têz qơưk tsuôk tâu cán bộ, chiến sĩ Zênhx pênhz phax Chiềng Tương sik côngv tês paz tsêz chos txir ntông. Đhâu ntâu cheix tơưs pax, txi txir, têx chiến sĩ bộ đội pênhz phax thâuv tưs cux sik côngv đros pox nhuôk tsoz phưz tsêz chos txir khơưz….Tix lâuk Tênhr Ngọc Thái pheiz kênh:

          “Thâuv ntêx cur tsuôk chos poz cưk, ar têz nxaz viv li poz cưk sâu tsi tâu jông. Đhâu co tâu cán bộ Zênhx pênhz phax Chiềng Tương paz txưv chos txir khơưz. Chos sâu tâu jông, muôs tâu grê siêz đuô chos poz cưk, chuôz zis muôx nhiêx txiêx krêz đar tsiv uô xênhz yar thiêz uô tsêr yiêz nhoz”

          Hla đhâu 1 đrav tiêv nênhx nhoz uô nênhx phêv liv viv li pâuz ntơưr, zơưv Zax Tồng Lâu 2 niêv txir nhoz jos Sam Quảng, xã Mường Lèo, huyện Sốp Cộp thâuv tưs cux xar njôngr tâu muk cơưv ntơưr. Siêz xar njôngr co tâu uô thâuv cán bộ Zênhx pênhz phax Mường Lèo, Bộ đội pênhz phax tỉnh Sơn La tuôx txos ciês ntơưv qơư paz cxuôv đis muôs ntơưr; kriê yênhx tưv, heik kriê pox nhuôk chênhz zênhv uô lox tôngv xênhz yar…Zơưv Zax Tồng Lâu shir phaz heik:

          “ Shông no cur tưz muôx 51 shông hnuz nhôngs, lâuk li ntơưv lơưv tsi tâu muk cơưv ntơưr. Nhiv no krêz lớp cơưv trâu pêz mak cur 2 niêv txir zuôr sir jos muk cơưv ntơưr cov pâuz ntơưr, chiê tov kaz no muôs keiz, muôs cxur, muôs poz cưk cux txơưx njuôs xav”

          Têx lênhx bộ đội pênhz phax tsênhv zos têx lênhx txir, lênhx nênhs paz têx mê nhuôk shux xênhz muôx luz nênhx txov nhêv nhoz thax tsav ntus đriv, đhâu têx trâur nuv “paz mê nhuôk mul cơưv ntơưr”; “mê nhuôk puôs zênhx pênhz phax”…

          Xưk li chuôz zis tix lâuk Vì Văn Tuyền, xã Lóng Phiêng, huyện Yên Châu, chuôz zis pluôk, muôx 3 tul mê nhuôk, hâur co tul zâu môngr tsi jông trâus sêv khiz lok luz chêr, chuôz zis txov nhêv ho ziv txov nhêv đuô. Thâuv mê nhuôk li txox cêr muk cơưv ntơưr chuôk li ziv đêz thiêz lax đuô, chuôz zis tưz jênhv tâu têx cán bộ, chiến sĩ Zênhx pênhz phax Chiềng Tương li phênhv paz txưv.

          “Chuôz zis txov nhêv hênhr, lok six jông siêz tâu zênhx pênhz phax paz mê nhuôk, paz chuôz zis muôx cxaz nhiêx txiêx bax trâu mê nhuôk muk cơưv ntơưr, xênhz huôx…chiê mê nhuôk tâu muk cơưv ntơưr, tâu nox tsâu, hnhar sor”

          Têx lênhx bộ đội pênhz phax li tsaz yênhx muôx ziz njiêz tâu tsưr tsix hâur yênhx shông li Cheix ntux yiez sor tsôngv box jêx jos li siêz; Hnuz ntênhs pênhz phax tas nro tsôngv box; sik côngv đros pox niêv nhoz ntus đriv….tưz chuôz cxaz cêr sik côngv siêz hâur cán bộ chiến sĩ pênhz phax thiêz tsôngv box nhoz ntus đriv. Đại tá Vũ Đức Tú, Phưv chính ủy Bộ đội pênhz phax SƠn La puz pâuz:

          “ Chiê taz por tsưr qênhx ntus đriv têz qơưk, đros têx cêr ntus đriv, thax tsav phưx txuôx thiêz yuôr ntâu phêv liv, pêz xeir khov txos tsôngv box thôngz đhâu tsôngv box pâuz tâu qênhx shênhx txiv gnaz chiê bộ đội pênhz phax uô tiêr jông jênhv vưv. Xar uô tâu li ntơưv, pêz tưz muôx ntâu trâur nuv paz tsôngv box huôv tsar cêr uô nox, vênhx huôv, xã hội đros ntâu tsưr ziv uô jông, muôx chêx cuk. Đhâu co tso pov bộ đội pênhz phxx thâuv tưs cux tsov cưv, sik côngv đros tsôngv box. Cux đhâu co, tsôngv box zuôr phuôx huiz chinhz yênhx, txơưx jênhv sik côngv đros bộ đội pênhz phax por vêv tsưr qênhx têz qơưk”.

          Cêr sik côngv đros tsôngv box truôx tul tưz gôngr đas jos đros lưx lươngv bộ đội pênhz phax Sơn La por vêv truôx tul 270 ntâu cei cêr ntus đriv; thôngx cxix uô trâu tsôngv box têx mênhx cxưx 6 huyện ntus đriv luz nênhx muôx têx hlôngr yiêz jông./.

(TTTB-Txâur Vax cxeik nhênhv)

Tsưr ziv tu zus nhux trol, jông gâux muôs tâu gri

Tsưr ziv tu zus nhux trol maz tsuv xeir têx tus muôx jos, sei đrơưv, chêr lox siz luôs, tsi trâul muôx moz, gra plaz, plâuz jông gâux, plâuz njik co tư ntêr...chiê tu zus trol maz. Chor nhux li đrav kaz zos têx tus jông zus trol maz đuô hur si:

Mê nhuôv nhux đhâu chiv mik (txix 21 luz hlik tror zar sâuv). Đhâu hlo thâuv chiv mik tsuv tiz jông zus cov trol maz lok sik đhâu iz ntuk muôx 30-45 hnuz. Tsưr ziv uô no huv đros trâu zus trol maz chiê muôs grêix đuô pir li têx qơư huôv tsar tu zus siz shơưk. Chor nhuôv nhux zus trol maz tsuv zos têx tus lox siêz nyuôs, jông gâux.

Nhux mok: Zus trol maz hur si chor nhuôv hênhr thiêz nhuôv shuôs muôx iz txos iz shông ntâu nhux. Uô ntêx thâuv zuôr zus trol maz paz nhuôv nhux ntơư, tsuv zus đhâu iz ntuk ntêr cov hloz lox tso. Co zos tsưr ziv khênhr tâu sơưr đơưk xeir huôv tsar tu zus đuô hur si sâuv ntiêx têz nhiv no.

Chor tưz hloz lox tiêr nhux: Nhux cuô mik, nhux sha mê nhuôv, têx zav nhux txơưr đuô, uô ntêx thâuv zuôr zus trol maz chiê muôs grêix-Zos zus txix 2-3 luz hlik, seiz tus nhux ntơư trol li chas thiêz têx jâuz krâur puz, puz li chas.

Tsưv ziv thâuv xeir nhux zus cov trol maz

Chor nhux txuôv khênhr tâu sơưr đơưk xeir zus cov trol maz đuô pir li têx nôngz nhux ntơưv qơư, viv nhux txuôv hloz lox sei đuô thiêz muôx grêix đuô.

Nhux hênhr trol thiêz hloz lox sei đuô chor nhux shuôs, nhux mâuv.

Sơưr đơưk tsi tâu xeir têx tus nhux lâul hênhr, nhux lâul zus tsi yuô trol jông thiêz tsi muôx grêix li chor nhux mok.

Xeir têx tus nhux zuôs lok zus trol maz jông đuô, viv tsi tas ntâu nhiêx txiêx zuôr, taz sik cux tsuv xeir têx tus nhux poz cxa lox, muôx jos.

Thâuv huôv tsar tu zus nhux trol maz tsuv uô trơưk têx li đrav kaz:

Chiê zus tâu trơưk tsưr ziv, tsuv seiz tus nhux co lox lok sik mê, zuôs lok trol chiê huôv tsar tu zus hâur iz ntuk txix 60-90 hnuz.

Tus nhux iz hnuz hloz lox thiêz trol mê njik txix 5-8 lak, cux iz zav li xav kror đruôz đraz iz hlik tsar ndê txix 15-24 cir iz tus.

Six hơưv huôv tsar tu zus nhux trol maz zos txix 2-3 luz hlik, chênhr viv li zos đhâu 2 luz hlik tu zus tus nhux ntơư tsi trol jông mak tror tiz jông puz thiêz zus nzir txos 3 luz hlik, zos nhux cux tsi trol jông gâux mak thâuv no sơưr đơưk tsi zus nzir lơưv thiêz tsuv muôz muôs./.

KT Công ty CPĐT Tuấn Tú-Riê Lâux cxeik, nhênhv