Chor gơưv niêv txir hluôk siz đrâux nhoz Lào Cai ziv hnuz ziv muôx chôngz lênhx

Tòa anr TP Lào Cai-zos cơ quan đơưk tu têx txuz siz đrâux, iz shông lơưr đơưk tu 500-600 gơưv niêv txir siz đrâux. Lơưr Chánh án Phạm Đức Thịnh, têx txuz siz đrâux phênhv ntâu zos chor gơưv niêv txir nhoz hâur đrôngl TP, qơư nhoz huôv tsar, vav mênhx thiêz phênhv chôngz zos Choz Tsiz. Lar heik, chor siz đrâux ntơư zos chor gơưv niêv txir hluôk, muôx txix 22-40 shông, muôx kênh gơưv niêv txir nhiv kruôr siz zuôr tâu 2, 3 luz hlik txos iz shông, têx gơưv mak tưz muôx 1-2 tus nhuôv, taz sik phênhv ntâu zos chor gơưv niêv txir hluôk siz đrâux co lơưr tsênhv khưr tsi tâu tâu muôx iz zav đaz tsi tsiv gri hlo:

“Têx lênhx seiz car jêx jok cux iz zav chor đoanx thêv li pưs txux lok six zov chênhr. Chiê pâuz tâu tsênhz têx li heik sâuv mak tsuv tsi so moz siêz txos, siz hluz siz paz, iz zav li sơưr đơưk hâur jok tsuv sik thôngx siêz. Pâuz tâu li đros qênhv, đros đơưk tâu tsi chiê muôx siz đrâux, siz tso”.

Trơưk li Tiến sĩ Bùi Xuân Tiệp, Tsar phongx Zoz zux Trung học-Sở zoz zux tỉnh Lào Cai, nhiv no, choz kriê cêr uô nênhx trâu shux xênhz cux tsênhv lok six tsơưs, têx ntâuz ntơưr, tsưr ziv kriê phênhv ntâu zos txix têx zuk pâuz tâu, khơưk muôz chor taz viv, têx cơ quan iz kro mê njik lol kriê trâu chor nhuôs shuv xênhz, tsi yênhx iz kro chênhr hlo. Thâuv têx tsưr ziv co lok six zov chênhr, muôx têx paz đơưk hur si lok sâuv siz zuôr nzor, siz zuôr cxênhz jê, nox nhoz pư uô cê tsi trơưk chei, nziêk đas, zuôv uô đaz uô tuôs…..

“T.Ư li ntơưr cơưv muôx iz jax heik lol cêr uô gâux uô đrâul, siz zuôr, chuôz zis, hok hâur tsaz yênhx ntơưv qơư zuk cxiv sâu zuk mak cux muôx iz jax cơưv kriê lol têx li heik sâuv, taz sik tsi cxix cxuô. Chiê muôx cxix têx ntâuz ntơưr, tsưr ziv kriê, no tsuv zos qơư nhênhz chơưv, lês car uô đreiv luôs hâux lưv co, tsuv qir txix tsưr ziv kriê uô nênhx txos trâu cêr cor cav, xênhz huôx niêx hnuz. Yênhx cêr cor cav li kriê tâu, uô tâu trơưk tsưr ziv xar”.

Thôngz sâu txix Tòa anr tỉnh Lào Cai tso pov, 5 shông đhâu, tas nro tỉnh tox siêz no muôx zuôr xar 7 cxênhz gơưv niêv txir siz đrâux, phênhv ntâu zos nhoz TP Lào Cai thiêz 2 huyện Bảo Yên, Bảo Thắng. Chor txuz gơưv niêv txir siz đrâux co tsav txos 40% xav hur si têx txuz plâuz txơưr.

Lơưr pos Vũ Thị Thanh Nhàn, Tsar phongx Vênhx huôv thiêz chuôz zis-Sở Vênhx huôv tỉnh Lào Cai, hâur ntu đhâu ntơưv Lào Cai cux yênhx lix têx trâur nuv li: Câu lạc bộ siz zuôr, câu lạc bộ chuôz zis tsâu sor…, taz sik têx tsưr ziv uô co cux tsênhv tsơưs, tsi tâu muôx ntâu, tsi yuô tâu nthuôr uô đêz đar. Kuôk no tsi ntêr, Lào Cai cux muôz Bộ Vênhx huôv-Thêv thao thiêz ju lix 5 fâu ntơưr kriê cêr uô nênhx niêx hnuz trâu tsôngv pêx xênhv hâur jok, hâur ntơư muôx cxuô jax hêik kriê hur si lok sâuv cêr gâux đrâul, siz zuôr chiê muôz pheiz trâu 2 cxênhz tsêr vênhx huôv jêx jok hâur tas nro tỉnh khơưk tsês chiê tâu seiz, nhênhv piêr kriê trâu tsôngv tuz nxêik hluôk sơưr đơưk. Taz sik tsênhz tiês, têx li heik co uô tsi yuô tâu trơưk tsưr ziv, viv chor nênhs xênhz huôx ntơưv tsêr vênhx huôv phênhv ntâu zos têx lênhx muôx hnuz nhôngs siêz thiêz nênhs lâul.

Pos Nhàn heik, chiê txo grêk tsơưs chor gơưv niêv txir siz đrâux, tiv zix zos têx hluôk tsuv tror muôx tas nro sơưr đơưk sik đros côngv têk. Thiêz têx gơưv niêv txir cux tsuv tiz jông siz heik, uô nênhx sor siêz, sik paz, sik đros lês uô cxuô luôs hâux lưv hâur niêx hnuz. Tsi tas li, sơưr đơưk tsuv hlôngr yiêz tsưr ziv xar: Tsi lav tâuk lav thav uô gâux đrâul, siz zuôr uô txix gơưv…. Iz kro tsênhz tiês nhiv no tso pov, nhoz thax tsav tsôngv box heir nênhs tsơưs, txov nhêv, tsi yuô huôv tsar, têx gơưv niêv txir siz đrâux ho tsơưs đuô pir li hâur thax tsav đrôngl lox, chor qơư huôv tsar, vav mênhx. Ntơư pok zos nhoz thax tsav txov nhêv, tsôngv box heir nênhs tsơưs luôs muôx cêr sik thôngx siêz đuô, txơưx siz hluz siz paz đuô. Pos Vũ Thị Thanh Nhàn, Tsar phongx Vênhx huôv ntơưv qơư thiêz chuôz zis-Sở Vênhx huôv tỉnh Lào Cai heik:

“Txơưv luz nênhx zuôr jông li chas, cxuô chuôz zis, cxuô gơưv niêv txir tsuv muôx cêr thôngx siêz, uô nênhx shir phaz, pox niêv, txir nênhx vax huôv siz luôs, siz hluz siz paz, por hưv, tuôr tsês zuk chuôz zis, chuôz xênhv têx txux chi vênhx huôv jông tsi chiê pôngz plox. Cur seiz co zos têx jông đuô hur si”./.

(An Kiên-Riê Lâux cxeik, nhênhv)

Đăk Lăk: Têx mê nhuôv trâus moz poz tês tơư, kror ndâux

 chuôz ndê

          Tsoz phưz mê nhuôk 3 shông hnuz nhôngs tsênhv kho moz tês tơưv kror ndâux ntơưv Khoa chơưv paz mê nhuôk zâu, tsêr kho moz Đa khoa thax tsav Tây Nguyên, niêv lâuk Phan Thị Bích Thảo, nhoz thị trấn Ia Kha, huyện Ia Grai, tỉnh Gia Lai puz pâuz, nhoz tsêr mê nhuôk uô cuz gênhs gênhs viv li chuôz zis chox tuôx tsêr kho moz chiê chơưv kho. Taz sik, đhâu co ziv moz hnhar đuô viv li chox muk chơưv kho ntơưv tser kho moz đa khoa thax tsav Tây Nguyên. Đhâu 8 hnuz kho moz, txos nhiv no mê nhuôk jông đuô tuôx.

          “Mê nhuôk moz tês tơư kror ndâux độ 3, tưz cik txos plơưr, heik cxuô mak moz lok six hnhar. Đhâu co tâu bác sĩ sir jos paz chơưv kho. Nhiv no tưz đhâu ntu riêz nênhs lơưv. Cur pov mak lok six nyei, moz huôv sei, tsi pov huôv sâuv tês tơư tsuôk pov uô cuz thiêz tơưv ndâux xưz”.

          Cux muôx mê nhuôk trâus moz tês tơư kror ndâux hnhar tsênhv kho moz ntơưv Khoa chơưv kho moz mê nhuôk zâu Tsêr kho moz đa khoa thax tsav Tây Nguyên, niêv lâuk Hồ Thị Phượng nhoz phường Thống Nhất, thị xã Buôn Hồ, tỉnh Đăk Lăk tsênhv lok six cxơưx thâuv mê nhuôk huôv moz hnhar. Niêv lâuk Phượng puz pâuz, thâuv ntêx niêv lâuk tul nhuôv hloz muôx jiês trâus moz tês tơư kror ndâux tưz sik moz tsi hnhar, tsuôk sơưr hlưr đêx sâuv tês tơư, plênhr yuôx txơưv jông, viv li tul nhuôk tiv 2 moz, chuôz zis cux tsi tsov cưv jông txos.

          “Mê nhuôk qir thơưx cux tâu bác sĩ muôz yuôx hâuk 2 hnuz txơưv jông, thâuv ntêx moz tsi hnhar, nhiv no huôv moz hnhar đuô. Pov lok six riêz nênhs, nyei uô zênhr shar txos hlưz hâu, viv tsi chox muk tsêr kho moz mak zuôr tsi jông moz”.

          Lơưr Tsênhv qơư seiz car moz tỉnh Đăk lăk li pov cov, txix hâur shôngk shông txos nhiv no, tas nro tỉnh muôx 158 lênhx nênhs moz tês tơư kror ndâux, hâur co muôx 1 lênhx trâus tuôs. Tiv zix mê nhuôk moz tês tơư kror ndâux khênhr huôv moz hnhar đuô têx shông tov ntêx. Bác sĩ chuyên khoa II Hoàng Ngọc Anh Tuấn, Tsar kho chơưv kho moz mê nhuôk zâu puz pâuz, têx shông tov ntêx moz tês qơư kror ndâux tsi huôv moz hnhar, taz sik shong no nênhs moz hnhar chuôz ndê, huôv moz sei, lax kho tâu jông moz:

          “Đros moz tês tơư kror ndâux mak txos nhiv no tsuv lok six tsưv ziv. Đrâuv phax tar moz li nox hâuk, têx vênhv thix taz por vêv xênhz, tênhx qơư têx lênhx uô niêv uô txir cux tsuv tsov cưv, thâuv mê nhuôk tơưv ndâux, tsi xar nox hâuk, uô cuz mak tsuv chox ciês muk qơư y tế chiê tâu heik kriê tsưr ziv kho moz thiêz tsoz phưz”./.

(VOVTN-Txâur Vax cxeik nhênhv)