Ntơưr Chủ tịch têz qơưk Lương Cường xa trâu nganhx Zoz zux ndax kriz cơưv shông cơưv yiêz 2025-2026

Ndax kriz cơưv shông cơưv 2025-2026, hâur cêr shir phaz tas nro têz qơưk txêik tok chiv nhênhv 80 shông Cách mạng hli 8, 80 shông Quốc khánh têz qơưk Việt Nam, 80 shông cxôngx nzor nganhx Zoz zux, Cur thor xa txos cxuô cxênhx cưk kriê ntơưr, canr bôv sêiz car, nênhs lox tôngv uô côngz xưv hâur nganhx Zoz zux đhâu cxuô ntu, đros chor shux xênhz thiêz shux xenhz niêv txir têx lo luk phôngv jông tiv zix.

Hlôngr njêx muôs hâu nov Đảng, Têz qơưk, cur muôx luk phôngv jông, kruôk txos cxuô kror mak nganhx Zoz zux tưz uô tâu hâur shông cơưv 2024-2025.

Shông cơưv 2025-2026 zos shông cơưv xuz thơưx ciês tâu tsưr tsix hâur qênhx shênhx yiêz thâuv tas nro têz qơưk uô tiêr kho đuô taz viv hành chính, kriz uô tsưr ziv chinhr quyền thax tsav qơư oz cấp, cux zos shông cơưv xuz thơưx ciês kriz uô Bôv Chinhr triv li Nghị quyết sôr 71 hnuz 22/8/2025 lok huôv tsar zoz zux; cur vav nganhx Zoz zux tsêx trung kriz uô jông tsênhv njiêz shông cơưv: “Kỷ cương-Xar tơưv-Hlôngr yiêz-Huôv tsar”, sir jos huôv tsar lênhx nênhs cov cxix cxuô lok txux chi, shưz xar, tsưr ziv, tax tâu huôv tsar sêi thiêz truôx đrênhk têz qơưk hâur mênhx cxưx Việt nam li ntu hlôngr yiêz thiêz huôv tsar.

Uô ntêx txos shông cơưv yiêz, cur njênhs tiêk chor shux xênhz zuôr tror sir jos cơưv ntơưr, cơưv shâuv, zos yênhx chor nênhs jông muôx siêz nhiêv têz qơưk, txơưx jênhv, xar tơưv, muôx siêz jông, sir jos chiê cxiv tsa têz qơưk cov ziv hnuz ziv huôv tsar, shir phaz.

Cur vav tiêk chor cưk kriê ntơưr, canr bôv sêiz car, nênhs lox tôngv hâur nganhx zoz zux tsik so sir jos, nhiêv kror hâux lưv uô, tsik so hlôngr yiêz, xar tơưv, cxiv tsa tênhv qơư cơưv ntơưr cov paz trâu chor shux xênhz shir phaz.

Cur vav chor uô niêv uô txir, đros muôx siêz nhiêv thiêz txơưx jênhv, tror đros đrêiv tsêr cơưv ntơưr, đros xar hôiv txoz cxơưx trâu cxênhx nênhs ntu tov ntêx.

Cur hêik chor ban, bôv, nganhx Trung ương, cxuô cấp ủy Đảng, chinhr quyền sir jos paz trâu côngz xưv zoz zux txix têx tsưr ziv uô tsênhv tsênhz chiê chor cưk kriê ntơưr thiêz chor shux xênhz tâu kriê ntơưr, cơưv ntơưr, cơưv shâuv hâur tênhv qơư jông tiv zix.

Phôngv chor cưk kriê ntơưr, canr bôv sêiz car, nênhs lox tôngv nganhx Zoz zux thiêz chor shux xênhz muôx đas jos, shir phaz, tax tâu ntâu kror hâur shông cơưv yiêz, chiê nganhx Zoz zux Việt Nam gôngr côngv paz trâu têz qơưk “Sơưr tâu đros têx têz qơưk sâuv ntiêx têz” xưk li hloz Hôx têx luk hêik tsês./.

Phôngv sơưr đơưk nhoz jông!

                                                                                                               Lik Thox cxêik nhênhv

Têx lênhx nênhs sâu xor xưv VOV li jiês muk uô côngz xưv nhoz tox siêz

          Nto iz luz hlik txix jiês muk uô côngz xưv ntơưv thax tsav qơư trâus ntux nas uô ruôr hiêv Háng Pu Xi nhoz xã Xaz Zôngz, Vũ Lợi- nênhs sâu xor xưv Đeix nta suôz VN thax tsav Tây Bắc ntơưv tỉnh Điện Biên tsênhv ndo njôngr thâuv co tsuv pôngz 8 six hơưv muk đhâu 10 cei cêr thiêx li tuôx txos thax tsav qơư trâus đêx cuôr yôngz, tox poz đros muôx 20 luz tsêr trâus ruôr hiêv tas nro. Tix lâuk li jiês muk uô côngz xưv tsuv muk đhâu yênhx puôk qơư muôx tox poz lox zâu, yêz meir cux muk tsi tâu, tsuv muk tơư, tsi tâu muk txos qơư tưz tsâus ntux, đoanx iz lênhx iz qơư, tsi muôx sóng điện thoại, thâuv co tix lâuk tsuôk xar tiêk: li chas cux tsuv sir jos muk txos qơư:“Tsâuk ntux tsi pov cêr hlo, iz lênhx muk hâur thax tsav qơư muôx tox poz cux lok six nyei, thâuv co tsuôk chiv chir xar tiêk yuôr zuk pox nhuôk, zuk têx đồng đội tsênhv nhoz co tos, tsuv nriêr tsưr ziv sir jos muk đhâu thax tsav qơư muôx tox poz ar lơưk no”

          Yuôr đros nênhs sâu xor xưv Khắc Kiên nhoz ntơưv Lai Châu, jiês muk uô côngz xưv kuôk nor 20 shông tov ntêx, thâuv nhiv kruôr muk uô côngz xưv, muk thax tsav tox siêz mak tix lâuk ndo njôngr txos. Co zos jiês muk xã Nậm Ban, huyện Nậm Nhùn (kuz) txos thax tsav tsôngv box mênhx cxưx Mảng nhoz uô nênhx, iz mênhx cxưx tsuôk muôx 2,3 cxênhz lênhx nênhs. Tix lâuk Kiên piêr kriê, muk txos ntơưv co trơưk ntu kôngz lôngk tsi tâu siêr, thâuv txos pluôk mor pox nhuôk tsuôk zâuv nox mor taz sik tsi muôx mor mak puôr lênhx zos kok ntông, kok ntông hâu, kok ntông cxiêz…Txos hnuz tiv oz, tix lâuk thiêz iz lênhx txơưr hâur đoanx nox tsi tsưv thiêz, yuôr mê njik mix tôm, lương khô mk tưz muôz pheiz tas trâu tsêr cơưv lơưr khov nhoz so, 2 lênhx siz zâuv muk tov tul đêx chiê nox thiêx tsi txax muôs, nhoz ntơưv co thiêx muôx yưv iz hâux lưv xar tsi txos muôx yưv, tix lâuk Kiên heik:“Thâuv muôz lok nox thiêx li pov iz paz mê nhuôk muk lơưr ưz txix pok thâuv tưs tsênhv njiê ưz, tsi tâuz uô li chas tsuôk muôz puz chor mê nhuôk nox, 2,3 hnuz tsênhv yuôr nhoz hâur jos, tas nro têx zav nox puôr lênhx zos zôngv kok ntông uô, txos hnuz tiv 7 pêz lok tsêr, đrâuv yêz muk lok mak sâuv chêr tsuôk yuôr ciês iz chêr tsôngs yo, tas nro zav nox, trik yo puôr lênhx puz tsôngv box nhuôk tas”.

          Txơưv tsi yax six muk uô côngz xưv, Biên tập viên Thiều Nghiệp nhoz Đeix nta suôz VN thax tsav Tây Bắc cux muôx ntâu chiv nhênhv thâuv muk uô côngz xưv. Fênhx yax, niêv lâuk phênhv ntâu zos uô hâux lưv cxeik luk, biên tập thiêz nta suôz luk Cho sâuv tsaz yênhx nta suôz luk mênhx cxưx. Txix shông 2018, tâu lênhs tov chiz coaz tôngv vênhx, muôx têx thâuv niêv lâuk thiêz têx fôngx zưs cux sik zâuv muk sâu xor xưv đros têx jax sâu lok vênhx huôv tiv phaz. Zos tsôngv box mênhx cxưx, niêv lâuk Nghiệp li têx jiês muk uô côngz xưv nhoz thax tsav tsôngv box mênhx cxưx Cho thâuv tưs cux zôngx ziv đuô viv txơưx đros tsôngv box thav luk Cho:“Cur ndo iz jiês mul uô côngz xưv ntơưv Lào Cai, tuôx ntơuv nghệ nhân Vần Siệu, iz lênhx nghệ nhân moz siêz tuôr tsês ntơưr lâuk Cho li tsêr. Txir hloz lok six shir phaz viv cur cux zos nênhs Cho, tuôx đros hloz thav thiêz pheiz kênh txir hloz li têx hâux lưv txir hloz tsênhv uô, paz heik kriê đêz đar txos cxuô lênhx pox nhuôk hâur tas nro têz qơưk pâuz txos”.

          Lơưr zơưv Dương Đức Huy, Tsar ban Tuyên giáo thiêz dân vận tỉnh uỷ Lào Cai, têx jiês muk uô côngz xưv txơưv lok six khưr, taz sik chênhr têx jiês muk li co nênhs sâu xor xưv cux muôx tâu têx chiv nhênhv hâur uô pov tsir, tiv zix zos pov tsir nta suôz:“Cê heik kriê tiv phaz li têx muôx jông, heik txos luz nênhx nhoz ntơưv qơư, têx thôngz yax jông, cê tơưv txênhz por vêv Đảng li tsưr ziv siêz xar, cê heik tơưv têx chiz coaz, taz viv, tiv phaz li têx luôk hâux lưv uô tâu jông, têx phêv liv. Txix co gôngr phênhv muôz siêz têx chiz coaz Đảng, têz qơưk li chêx cuk lênhs tov, paz uô jông đuô hâux lưv thôngz xor mông”.

          Iz jiês muk uô côngz xưv zos iz jiês tsênhv tsênhz nênhs sâu xor xưv sir tas đas jos hla đhâu cxuô phêv liv chiê uô jông zuk li hâux lưv. Lơưr tsi taz paz thôngz xor mông txos tox siêz, mak tsênhv pheiz kênh đros pox nhuôk têx phêv liv thiêz tso pov zuk li cêr moz siêz đros hâux lưv uô. Chiê đhâu têx jiês muk uô côngz xưv li co, têx jax sâu cux paz sik côngv jông têx tsiv grê jông hâur Đảng, têz qơưk đros tsôngv box sđ đhâu sóng nta suôz Đeix nta suôz Việt Nam./.

                                                                                         An Kiên-Txâur Vax cxeik nhênhv

Chênhr phax lok chor nênhs fêv zuôr muôs lênhx nênhs nhoz tox siêz Sơn La

Vì Thị Văn, nhoz xã Mường Bú, tỉnh Sơn La tưz trâus Cơ quan cảnh sát qênhz yuôx Công an huyện Mường La kuz tik cêr cxâuv lok zuôr muôs lênhx nênhs. Văn tưz liv zôngv cêr cxênhz jê, siz sưv chiê nziêk đas chor cưr tix tos pos zơưs iz lênhx nhuôv nxeik zos Vì Thị Biên muôs trâu 2 lênhx txir nênhx nênhs Trung Quốc đros thiêz tus gri 6 cxênhz nhiêx Trung Quốc (xar bâuv 20 tsov đeiv nhiêx Việt Nam). Đhâu 4 shông ntâu uô nênhx nhoz saz têz qơưk đrâuv, Biên thiêx zok nriêr cêr khiêr tâu tror lok tsêr thiêz uô ntơưr heik trâu cơ quan công an pâuz. Ntơưv Công an, Vì Thị Văn heik pâuz li no:“Cur lok tsêr nus tus nhuôv nxeik thiêz chuôz zis, chox tus nhuôv muk zuôr txir tâu 6 cxênhz nhiêx Trung Quốc, cur muôz trâu iz tus bê hu uô Lai no iz cxênhz nhiêx Trung Quốc, zuôr tril yo uz no trâu lênhx nhuôv nxeik tas iz cxênhz nhiêx Trung Quốc, đhâu co muôz 3 cxênhz trâu Biên chuôz zis thiêz heik tiêk, no zos chor nhiêx Biên txeik uô hâux lưv”.

Đhâu ntâu hnuz, ntêr shông đêz vax tsêr viv trâus nziêk đas muôs, Vì Thị Biên nhiv no tưz tâu tror lok tsêr đros chuôz zis nhoz uô nênhx. Biên chuôz zis nhiv no tưz tror truôx tuk, uô nênhx sor siêz; txơưv li ntơư, taz sik cêr qiv, tu siêz trâu chor nênhs cxênhz jê tưz nziêk đas zuk muôs mak txos nhiv no cux tsênhv nhoz trơưr hâur đruôz siêz tsi plox, uô chor nênhs hâur chuôz zis luz nênhx nxor hnho, tsi truôx njês. Vì Thị Biên heik:“Tus niêv nzơưv nziêk đas cur muk uô hâux lưv tov Trung Quốc, taz sik tsênhz tiês tsi zos muk uô hâux lưv mak nziêk đas cur muôs uô luôs niêv zâu xưz. Li ntơư, cur uô nênhx nhoz Trung Quốc tâu 4 shông, hmôngr jông cur khiêr điv tâu tror lok tsêr”.

Biên zos iz hâur tsi tsơưs lênhx nxeik trâus nênhs fêv nziêk đas muôs trâu 2 chas têz qơưk đrâuv hmôngr jông khiêr điv, tâu chơưv paz tror lok tsêr thiêz uô ntơưr heik trâu cơ quan muôx vax huôv pâuz. Tsênhv tsênhz, tsênhv yuôr ntâu lênhx nênhs trâus nênhs fêv nziêk đas muôs li heik sâuv muôx têx tsi tâu lol, lok sik tưz tror lok tsêr taz sik viv ntâu qir tiv lơưr tsi heik trâu cơ quan công an pâuz. Têx li heik co zuôr zôngx ziv chuôz têk paz chor nênhs fêv zuôr muôs lênhx nênhs.

Lok sâuv chor nênhs trâus nziêk đas ntơư, phênhv ntâu zos pox niêv tsôngv box heir nênhs tsơưs muôx luz nênhx txov nhêv, tsi yuô muôx txux chi tsưr ziv jênhv pâuz, zôngx ziv njênhs thiêz mnôngs trơưk luôs lưv tus heik “hâux lưv siz, tâu nhiêx hli siêz”. Trung tá Nguyễn Văn Thủy heik pâuz:“Nhiv no têz qơưk huôv tsar ntâu, chor nênhs fêv liv zôngv mạng xã hội nziêk đas li uz li no chiê luôs lưv tus njênhs thiêz mnôngs trơưk, đros uô têx nuv tsi trơưk chei, thâuv pâuz txos tưz trâus muôs trâu lưv tus”.

Thượng tá Lê Mùi, Chánh văn phòng Cơ quan Cảnh sát qênhz yuôx công an tỉnh Sơn La heik pâuz:“Pêz tưz cxiv tsa têx tsưr ziv, hâux lưv uô phax tir thêir têx nênhs fêv trơưk yênhx hli; qênhz shuôs chor pox niêv vir ndâuk tsi muôx njêx muôs nhoz hâur thax tsav qơư, nus seiz lơưr muk đaz tsi, uô hâux lưv kror tưs, pok cik txos zuôr muôs lênhx nênhs? Zos cik txos mak muôx tsưr ziv phax tir thêir zênhx max, tsi chiê muôx yưv têx tsi jông lok nziêk đas, zuôr muôs lênhx nênhs hâur thax tsav”.

Trơưk li Thượng tá Lê Mùi, iz chas ngênhx muôx vax huôv têx sir jos, tsôngv pêx xênhv, lar heik zos chor pox niêv, nhuôv nxeik nhoz tox siêz đêz đrôngs, ntus đriv tsuv lok six chênhr phax, tsi mnôngs, tsi njênhs, tsi uô trơưk luôs lưv tus heik, nziêk đas “uô hâux lưv siz, tâu nhiêx siêz”. Zos hmôngr tsi jông trâus nênhs fêv nziêk đas mak tsuv zok nriêr cxuô faz tsưr ziv, hâu cêr heik trâu chuôz zis, chor nênhs cxênhz jê lok sik cơ quan muôx vax huôv têz qơưk nhoz jê hâur thax tsav qơư pâuz chiê tâu kriê tsưr ziv, chơưv paz truôx tuk./.

                                                                                                               CTVVOVTB-Riê Lâux cxeik, nhênhv