Mênhx cxưx Thái đơưz nhoz Lai Châu li ntênhk hôiv Then Kin Pang Lov jêv ntưk

            Nhạc tính tẩu…

         Lơưr mênhx cxưx Thái đơưz ntơưv Khổng Lào chor nênhs lâul piêr, hâur luz nênhx, mênhx cxưx Thái tsik so xar tiêk ntux cux muôx têx đaz ntux sêiz jor. Lênhx nênhs mak tâu ntux thiêz têx đaz ntux co sêiz car. Thâuv luz nênhx njiz cêr txov, ntux zuôr tso nênhs grêk lok paz trâu jêx jok thiêz sơưr đơưk cov uô tâu kôngz lôngk ntâu, jêx jok shir phaz.

        Nghệ nhân ưu tú Nông Văn Nảo nhoz xar Mường So (Phong Thổ) puz pâuz: Then zos nênhs sêiz car sâuv ntux, Kin Pang zos nox hâuk, ntuôr uô cêr lov jêv thiêz no zos jiês chiê sơưr đơưk muôz cxuô zav txix côngv txos chor đaz sêiz car ntux co. Pox nhuôs hu Then grêk lok paz trâu sơưr đơưk hâur jok thiêz tâu hu tiêk Then Kin Pang. “Ntênhk hôiv Then Kin Pang tâu tror tsưr tsix txos nhiv no tưz xar muôx 20 shông. Txix thâuv tror kriz uô txos nhiv no mak pêz tưz uô jông đuô thiêz lox đuô. Ntênhk hôiv zos jiês chiê pox nhuôs sơưr đơưk uô tsâus txos ntux têz tưz paz trâu sơưr đơưk muôx đas jos, kôngz lôngk jông, tu zus tsiêx cxu huôv tsar. Txix co, 2 shông lok no đrâuv têx zav uô si cxôngx nzor mak pox nhuôs tưz tror uô ntênhk hôiv Ap Hô Chiêng, zos tsâus plâuz hâu thâuv kaz shông”.

        Ntênhk hôiv Then Kin Pang muôx pưk txux zov chênhr hâur luz nênhx; zos kror vênhx huôv jông, tưz tâu tsôngv box mênhx cxưx Thái đơưz tuôr tsês chiê txix ntâu fâuv nênhs lok no. Hâur kriz uô ntênhk hôiv, muôx ntâu huôx tôngv jông hêik txos mênhx cxưx Thái đơưz têx vênhx huôv, đros ntâu zav uô si cxôngx nzor thiêz muôx têx zav thể thao mênhx cxưx, li: Lêiv poz, tuô hnênhr, bos muôs ntâuk đruôk, sik lâuz pak, hnar tsôngk yo mênhx cxưx, uô vênhx nghệ, sik tưr uô zav nox… zaz zâuv chôngz tsôngv kruô thiêz sơưr đơưk cxaz chuôz.

         Zơưv Lù Văn Cương, txix thành phố Lai Châu tuôx đros côngv cêr lov jêv hêik: “Đrâuv phênhv ntênhk tsênhv muôx phênhv hôiv đros muôx lok six ntâu zav uô si li sik lâuz pak, truz hluô, uô vênhx nghệ, sik tưr uô zav nox, ntor đêx. Tiv zix zos têx zav uô si, vênhx huôv cxôngx nzor li đhiê pax vuôs xòe, ntâuk tik kêiz, tó má lẹ, lêiv poz. Mênhx cxưx Thái têx zav uô si cxôngx co mak lok six jông thiêz lov jêv”.

        Hâur luz nênhx yiêz nhiv no, txơưv tưz muôx ntâu hlôngr yiêz, taz sik yênhx shông, ntênhk hôiv cux tâu chinhr quyền thiêz tsôngv box mênhx cxưx Thái nhoz ntơưv no tsưr tsix, đros tsưr ziv uô zos tuôr tsês chiê thiêz kruôz kriê trâu têx tuz nhuôs pâuz lok zuk chax chês, cux xưk li zuk mênhx cxưx têx vênhx huôv jông.

         Pos Mai Thị Hồng Sim, Phưv chủ tịch Ủy ban huyện Phong Thổ puz pâuz: “Huyện Phong Thổ muôx 9 mênhx cxưx uô nênhx nhoz, hâur co muôx 8 mênhx cxưx tsơưs nênhs. Ntu đhâu huyện Phong Thổ tưz tror uô tsik so cxuô mênhx cxưx têx ntênhk hôiv, xưk li mênhx cxưx Hmôngz ntênhk hôiv gruôv tox, mênhx cxưx  Cho liêz li ntênhk hôiv Lộc Xuân thiêz mênhx cxưx Thái li ntênhk hôiv Nàng Han, Then Kin Pang, Kin Lẩu Khẩu Mẩu. Hâur ntu zuôr txos huyện Phong Thổ zuôr tror yax kriê, vênhv tôngv thiêz tsưr tsix chor ntênhk hôiv lox đuô. Tiv zix, huyện zuôr tror hêik pâuz lok têx vênhx huôv jông cxuô mênhx cxưx txos trâu tsôngv kruô hâur thiêz đrâuv têz qơưk pâuz chiê paz trâu huôv tsar du lịch”.

          Nhạc tính tẩu….

          Đhâu 2 shông ntâu njiz trâus phiv liv tiv moz Covid-19, ntênhk hôiv Then Kin Pang ntơưv Phong Thổ shông no zaz zâuv tsôngv kruô thiêz pêx xênhv tuôx cxaz chuôz trâu ntênhk hôiv chôngz đuô. Chôngz lênhx nênhs tưz lok six shir phaz thiêz côngv cêr lov jêv hâur ntênhk hôiv. No zuôr zos kror paz trâu thax tsav qơư tror sir jos phuôx huiz têx vênhx huôv mênhx cxưx jông cxôngx nzor, ndar txos huôv tsar du lịch cov truôx đrênhk./.

Khắc Kiên-Lik Thox cxêik nhênhv

Hâur têx hnuz so ntênhk, muôx chôngz lênhx kruô tuôx sêiz shuôk têz qơưs trâu Mộc Châu

          Nhạc nền…………………

          Hâur têx hnuz so ntênhk 30/4 thiêz xiêz 1/5 nhiv kruôr đhâu no, ntơưv tox siêz Mộc Châu txơưv yar ntux cuz sor, taz sik muôx chuô lax nziês thiêz muôx chôngz lênhx kruô tuôx ndis uô si, sêiz shuôk têz qơưs thiêz sêiz shuôk tus qox tsov iêr. Lênhx kruô Nguyễn Nhiệm nhoz đrôngl Hà Nội tuôx sêiz shuôk tus qox tsov iêr shir phaz lul hêik pâuz: “Jiês xuz thơưx, cur tâu muk đhâu tus qox tsov iêr no, cur cux jông siêz cơưs. Muk đhâu tus qox co thiêx pâuz tâu qox no ntêr thiêz siêz li chas”

          Chiê cov ziv hnuz ziv muôx chôngz lênhx kruô tuôx ndis uô si, sêiz shuôk têz qơưs trâu Mộc Châu, cxuô qơư ndis uô si tsuv cxiv kho têx qơư uô si cov huv đros tsôngv kruô siêz nhiêv txuôk đros cxuô hêir nênhs têx txux chi, vênhx huôv jông cxôngx nzor. Zơưv Hoàng Mạnh Duy, Tsar phôngx zuôr muôs hax huv qơư ndis shuô si Mộc Châu hêik pâuz: “Pêz kriz nthuôr uô cêr lov jêv cux muôx cxuô lênhx kruô đros côngv nthuôr uô cêr lov jêv đhiê pax vuôs trâu thax tsav qơư sêiz shuôk têz qơưs hâur thax tsav huyện Mộc Châu. Đros ntơư, cux kriz ciêz muôs cxuô zav hax huv trâu têx qơư ndis uô si”

          Muôx 270 qơư so, 300 ntâu qơư muôs cxuô zav nox hâuk thiêz ntâu doanh nghiệp cxiv uô têx qơư ndis uô si, sêiz shuôk têz qơưs huv đros tsôngv kruô siêz nhiêv.  Đros ntơư, hâu nov huyện Mộc Châu cux uô truôx luôs hâux lưv sêiz car cxuô qơư muôs cxuô zav nox hâuk tsik chiê tsar ndê grê siêz. Pos Nguyễn Thị Hoa, phưv chủ tịch uỷ ban huyện Mộc Châu, tỉnh Sơn La cux hêik pâuz tiêk: Txơưv muôx chôngz lênhx kruô tuôx sêiz shuôk têz qơưs trâu Mộc Châu hâur têx hnuz so ntênhk, taz sik cux tsik muôx yưv têx tsik jông, tsôngv kruô shir phaz lul ndis shuôk têz qơưs: “Chiê têx jông jav hâur thax tsav huyện Mộc Châu nhoz trơưr tsôngv kruô siêz mak pêz cux fuô yax kriê tsôngv px, cxuô qơư zuôr muôs hax huv hâur thax tsav tsik tsar ndê grê siêz”

          Nhạc nền…………………

          Chiê cov ziv hnuz zuv muôx chôngz lênhx kruô tuôx ndis uô si, sêiz shuôk têz qơưs txos Mộc Châu, cxuô qơư tsiv uô cxuô zav nox đros trâu têx qơư uô si hâur thax tsav huyện Mộc Châu tsuv sir jos cxiv uô cov tâu truôx jông huv đros sâuv ntiêx têz./.

                                                           Tsu cxêik nhênhv-Trấn Long