Jôngr yuôx zêx lâuk, di sản nhoz Tủa Chùa zuôr chuôz ndê tsiv grê li chas?

Zơưv Hangv A Chư nhoz jos Hấu Chua, xã Sín Chải, huyện Tủa Chùa li jôngr yuôx zêx lâuk tâu seiz zos muôx ntâu tsoz yuôx zêx siêz thiêz tâu chos ntâu shông tiv zix tas nro huyện. Têx tsoz yuôx zêx chos tâu yênhx puôk shông, siêz yênhx châuv yiv, lox tiv zix zos 2,5 yiv. Chiê đê tâu yuôx, tsôngv box tsuv zôngv nteir chiê ndê muk đê. Zơưv Hangv A Chư puz pâuz: Ntâu cxênhx nênhs no, tsôngv box Sín Chải thâuv tưs cux seiz tsoz yuôx zêx zos tsoz chos tsiv grê, mnôngs cxênhx lâuk li luk choz chêv tror tsoz phưz jông chiê jôngr yuôx zêx njuôz jông: “Têx lâuk heik tiêk txix thâuv xênhz zus lok tưz pov muôx tsoz yuôx zêx, tsi pâuz lênhx tưs chos, ntâu cxênhx nênhs txos nhiv no cur zos cxênhx tiv 9, njuôs xav tsoz lox tiv zix mak tưz chos tâu 300 shông”

          Xã Sín Chải, huyện Tủa Chùa muôx zuôr xar 4 cxênhz tsoz yuôx zêx Shan tuyết lox thiêz zos xã muôx ntâu tsoz yuôx zêx lox tiv zix huyện, chêx chôngk phênhv ntâu nhoz 2 jos: Hấu Chua thiêz Sín Chải. Têx shôngk đhâu, cấp ủy, chính quyênx xã Sín Chải cux xav tênhv yuôx zêx zos tsoz chos tsênhv chiê huôv tsar kinh têr tiv phaz.

          Lok hnuz 30/3 nhiv kruôr đhâu, Hội por vêv trôngz jôngr ntông thiêz tênhx qơư VN cux tưz côngz jênhv 100 tsoz yuôx zêx Shan tuyết ntơưv jos Hấu Chua thiêz Sín Chải zos tsoz di sản VN. No zos cêr shir phaz lox tsi taz đros tsôngv box Sín Chải mak tsênhv zos chính quyênx tiv phaz li cêr shir phaz. Viv txix no muôx cxaz têx chiê tsôngv box cxuôv nyeiz thiv pluôk. Zơưv Đặng Tiến Công, Phưv tsar Phongx vênhx huôv thiêz thôngz xor mông huyện Tủa Chùa, tỉnh Điện Biên heik: “Thâuv tsoz yuôx zêx Shan Tuyết tâu côngz jênhv zos tsoz di sản VN, têx xiv huv txix tsoz yuôx zêx tâu tsôngv box têx tỉnh thành hâur tas nro têz qơưk thiêz sâuv ntiêx têz pâuz txos. Đhâu co gôngr phênhv chuôz ndê tsiv grê xiv huv, paz tsôngv box muôx phênhv sâu siêz đuô cux xưk li huôv tsar jông đuô lok côngz xưv ju lix côngv thôngx reik đros sâu dê thiêz tsoz phưz tsoz yuôx zêx”

          Zơưv Nhè Xênhv Thox, Bí thư đảng ủy xã Sín Chải, huyện Tủa Chùa, tỉnh Điện Biên cux puz pâuz: “Xã shông tưs cux muôx tsưr ziv njuôs xav por vêv tsoz yuôx zêx Shan Tuyết Sín Chải, njuôs xav por vêv chiê pox nhuôs muôx phênhv sâu, gôngr phênhv huôv tsar KTXH sâuv thax tsav”.

          Tas nro huyện Tủa Chùa nhiv no muôx zuôr xar 600 hecta yuôx zênhx zos 1 cxênhz 180 ziv chuôz zis chor yuôx zêx (hâur co yuôx zêx lâuk thiêz lox zos zuôr xar 8 cxênhz tsoz) chor yuôx zêx nhôngs sâu đê hâur shông 2021 tax 75 tênhr, thâuv tsiv uô tâu mak tâu muôx nhos 12 tênhr. Pos Đỗ Ngọc Ánh, Phưv tsar phongx kôngz nuv thiêz huôv tsar nôngx cxênhz huyện Tủa Chùa, Điện Biên puz pâuz: Chiê yênhx trus chox tsoz yuôx zêx yênhx tsoz chos công nghiệp tsênhv, huyện tsov cưv huôv tsar, uô têx xiv huv yuôx zêx lơưr trâur nuv sik côngv. Đrâuv cov, huyện cux tưz paz txưv cxiv tsa, huôv tsar xiv huv yuôx taz por, têx xiv huv yuôx zêx tưz tâu côngz jênhv lơưr tsưr ziv taz por: “Pêz chêx chôngk tuôr tsês 7 cxênhz 900 tsoz yuôx zêx lox, heik tsôngv box tsi ntor cux xưk li muôx tsưr ziv tsoz phưz huv đros. Cxơưz tiês hâux lưv huôv tsar ju lix reik đros huôv tsar tsoz yuôx zêx lâuk nhoz tiv phaz, gôngr phênhv huôv tsar kinh têr, cxiv tsa nôngx cxênhz yiêz nhoz tiv phaz”.

          Huyện Tủa Chùa xav tênhv zuôr tror krêz đar sik côngv đros têx công ty cxiv tsa bê xiv huv, tsiv uô xiv huv lơưr tsưr ziv hur thiêz sâu zuôr xiv huv. Thôngx cxix cxơưz tiês côngz xưv yax mông txos tsôngv box tsov cưv tsoz phưz, sâu đê thiêz tsiv uô yuôx lơưr trơưk tsưr ziv kỹ thuật lok tsơưr lươngv. Đrâuv co, huyện cux chêx chôngk lok hâux lưv heik kriê xiv huv txix yuôx zêx Shan tuyết Tủa Chùa txos niêv ciêz hâur thiêz saz đrâuv têz qơưk./.

(Vũ Lợi-Txâur Vax cxeik nhênhv)

Phênhv nriêr pâuz lok chei têz qơưk

Grê 8. Têx muôx txâuk chiê siz zuôr

1.Txir nênhx, pox niêv siz zuôr tsuv uô trơưk têx li đrav kaz:

a)Txir nênhx txưv txix 20 shông tror zar sâur, pox niêv txưv txix 18 shông tror zar sâur;

b)Siz zuôr zos txir nênhx thiêz pox niêv 2 lênhs shir phaz, txâuk siêz siz zuôr lok uô txix gơưv;

c)Tsi trâul pôngz vax huôv uz no;

d)Siz zuôr tsi muôx têx trâul txưr trơưk li cui tinhv ntơưv yôngx 2, grê 5 Chei no

2.Têz qơưk tsi tso chei têx lênhx nênhs li: Pox niêv thiêz pox niêv lok sik txir nênhx thiêz txir nênhx siz zuôr.

Grê 9.Đas cir siz zuôr

1.Siz zuôr tsuv tâu đas cir thiêz zos cơ quan muôx vax huôv têz qơưk uô lơưr Chei no thiêz chei hộ tịch li cui tinhv.

Siz zuôr tsi tâu đas cir trơưk cui tinhv ntơưv yôngx no mak tsi muôx tsiv gri.

2. 2 niêv txir tưz siz đrâux, xar tror siz zuôr, lok nhoz uô cê mak tsuv đas cir siz zuôr.

Nhạc cắt

Grê 10.Lênhx nênhs muôx vax huôv heik cov tso tsês zos siz zuôr tsi trơưk chei têz qơưk

1.Lênhx nênhs trâul zuôv siz zuôr, đas nziêk siz zuôr tsi trơưk li chei têz qơưk cui tinhv, muôx vax huôv chiv chir heik lênhx nênhs, tsưr tsix cui tinhv ntơưv yôngx 2 Grê no heik cov Tòa anr uô ntâuz ntơưr tsi puz siz zuôr tsi trơưk chei, viv têx co uô cxâuv cui tinhv ntơưv yôngx 1 Grê 8 chei no.

2.Lênhx nênhs, cơ quan, tsưr tsix đrav kaz no, lơưr Chei têz qơưk cui tinhv lok tố tụng dân sự, muôx vax huôv heik Tòa anr tsi puz siz zuôr tsi trơưk chei viv siz zuôr uô cxâuv cui tinhv ntơưv yôngx 1, Grê 8 chei no:

a)Pox niêv, txir nênhx lênhx tsênhv muôx txir lok sik pox niêv ntơư siz zuôr đros luôs lưv tus txơưr đuô; lênhx nênhs siz zuôr tsi trơưk chei têz qơưk li lênhx niêv, lênhx txir, mê nhuôv, lênhx nênhs seiz car lok sik lênhx hlôngr njêx muôs trơưk chei têz qơưk txơưr đuô;

b)Cơ quan seiz car têz qơưk lok chuôz zis;

c)Cơ quan seiz car têz qơưk lol nhuôs zâu;

d)Hội liên hiệp pox niêv.

3.Lênhx nênhs, cơ quan, tsưr tsix txơưr đuô thâuv qênhz pov siz zuôr tsi trơưk chei mak muôx vax huôv heik cơ quan, tsưr tsix cui tinhv ntơưv yôngx 2, Grê no cov Tòa anr tsi puz gơưv niêv txir ntơư siz zuôr tsi trơưk chei./.

(Tuyết Lan-Riê Lâux cxeik, nhênhv)