Nênhs Ê Đê nhoz Đăk Lăk li ntênhs txênhv tsêr yiêz

          Thâuv luz tsêr tâu cxiv uô tiêr, chơưr mok tâu vâuv lok six tsư kaz, têx chuôz zênhx tâu bax uô jông, thâuv xeir tâu luz hli jông, cưr tix nênhx tsa nhoz cxuô qơư sik đros lok tsưr tsix ntênhs txênhv tsêr yiêz lơưr phongz qơưx chax chês.

          Côngv đros suôz nxêz tôngx đror lov jêv ntưs, nênhs Ê Đê li ntênhs txênhv tsêr yiêz nhoz thax tsav faz Tây tỉnh Đăk Lăk tâu krêz uô đros 2 phênhv tsênhv: txi côngv đaz xênhz têz xênhz qơư, pos zơưs đros thiêz hu plis trâu tsưr tsêr. Zơưv Y Min Kbuôr, nhoz jos Cuôr Kắp, phường Tân An puz pâuz: “Luz tsêr tâu uô tiêr mak zuôr uô ntênhs txênhv tsêr yiêz chiê thor cov cxuô lênhx nênhs hâur chuôz zis co lênhx tưs cux muôx jông đas jos, uô nox nox tâu hâuk, luz nênhx cxix cxuô đuô”.

          Ntênhs tsưr tsix jiês uô ntêx ntơưv luz tsêr yiêz li luz kror treiv nhoz faz Đông. Lơưr nênhs Ê Đê li siêz xar, no zos saz hnuz tơưv tuôx, tso pov têx hlôngr yiêz jông. Thâuv têx chuôz zênhx txi côngv tâu bax uô jông côngv đros suôz ntâuk nxêz tôngx, txir nênhz qir zâuv têx đaz xênhz têz xênhz qơư, pos zơưs sik đros lok txênhv tsêr yiêz, phôngv côngz jông trâu chuôz zis:  “Pêz lok nhoz tsêr yiêz, muôx tsêr jông nhoz, muôx kror chuz sor si, thor zâuv pos zơưs lok đros txênhz tsêr yiêz, phôngv jông trâu chuôz zis lênhx tưs cux muôx jông đas jos, uô tâu nox tâu hâuk, jêx jos sik côngv siêr, nhoz truôx têz truôx qơư...”

          Lơưr co zos hu plis trâu tsưr tsêr, no tâu seiz zos iz hâux lưv coaz tsôngv hâur ntênhs txênhv tsêr yiêz. Tsưr tsêr 2 niêv txir jâv ntơưv trôngx mor hu plis, njiê trâu saz muôx luz kror trei faz Đông. Txir nênhz qir hu, đhâu co lok jê jux jus huz chơưr thiêz tror hu, khơưk muôz huz chơưr thiêz câux tês trâu tsưr tsêr phôngv tsưr tsêr muôx jông đas jos, luz nênhx tsâu sor, shir phaz. Zơưv Y Siong Êban, nhoz jos Ko Tam, phường Tân An puz pâuz: “Thâuv txênhv tsêr yiêz mak lơưr phongz qơưx tsuv hu plis chiê thor muôx jông đas jos trâu tsưr tsêr, nênhs Ê Đê li phongz qơưx zos li ntơưv, muôx tsêr yiêz mak tsuv phôngv cov tsưr tsêr muôx jông đas jos”.

          Iz hâux lưv tsuv uô thâuv txênhv tsêr yiêz thiêz co zos hu plis trâu têx chuôz zênhx muôx hâur tsêr yiêz. Txix tul nteir txos kror chuz, txax, trôngx tok, huz chơưr....lơưr njênhs njôngr tiêk têx chuôz zênhx co zuôr sik đros lơưr nhoz uô nênhx, por hưv chuôz zis hâur luz nênhx, chuôz zênhx tưs cux muôx njux plis, tâu côngv thôngx thiêz têx đaz sik đros côngz jênhv.

          Suôv câuv ntênhs phêv, tsưr tsêr, xênhv nênhs thiêz tsôngv kruô sđ sik đros hâuk chơưr mos, đros têx suôz nxêz tôngx, suôz luôs lov jêv lok six sor si, chuôz cxaz cêr sik côngv siêz hâur côngv thôngx. Zơưv Y Thái Êban, nhoz jos Kmrơng, ProngA, phường Tân An puz pâuz cxaz: “Uô ntênhs txênhv tsêr yiêz thiêz hu plis trâu tsưr tsêr, pêz lok six shir phaz. Phongz qơưx no lok six coaz tsôngv thiêz muôx txix nzor lok no, uô cov thor muôx jông đas jos trâu côngv thôngx thiêz tas nro cxuô lênhx nênhs”.

          Hâur ntu muôx ntâu hlôngr yiêz li nhiv no, hâux lưv tuôr tsês jông ntênhs txênhv tsêr yiêz tsi taz gôngr phênhv tuôr tsês nênhs Ê Đê li vênhx huôv jông mak tsênhv krêz tơưv têx tsiv grê vênhx huôv chax chês reik đros uô ju lix côngv thôngx. Đhâu co, têx luz tsêr lơưx ntêr yiêz jông nhoz Tây Nguyên tror tâu cxiv uô, tuôr tsês hâur côngv thôngx luz nênhx nhoz thax tsav Tây Nguyên./.

HXíu-Txâur Vax cxeik nhênhv

Huôv tsar truôx cxuô hêir nênhs têx vênhx huôv tsiv grê chiê cxơưz cxiz huôv tsar qơư ndis uô si, sêiz shuôk têz qơưs hâur thax tsav tinh Điện Biên

           Txox cêr lênhx poz jêz muk trâu jos Na Sang 1, xã Núa Ngam, tỉnh Điện Biên, tưz pov njôngr tsôngv px hêir nênhs Lok Tsuôk hâur thax tsav co tsôngv pox niêv vir ndâuk xơưk tsôngk tiêz, tsôngk yo đros trâu têx tsêr, tox trôngz câuv har jông jav hur đros hêir nênhs co luz nênhx nox nhoz muk lok hâur niêx hnuz. Pos Vì Thị Tích, nhoz jos Na Sang 1 shir phaz lul hêik pâuz: “Thâuv tsênhv zâu 10-12 shông, cur tưz cơưv shâuv ntok ntâuz; đhâu co, cur cux cơưv shâuv chos pax thiêz chos gax chiê trâuk ntâuz. Thâuv muôx 14-15, cxuô zav ntâuz cur ntok tâu chox lok xơưk tsôngk tiêz, tsôngk yo hnar cux jông hênhr. Tov kaz cur cux kriê trâu têx mê nhuôv chiê tuôr truôx zuk hêir nênhs luôs hâux lưv ntok ntâuz tsik chiê pôngz plox”

          Iz chas huôv tsar truôx zuk hêir nênhs luôs hâux lưv ntok ntâuz, tsôngv px nhoz jos Na Sang 1 tsênhv tuôr tâu truôx têx cêr đaz cêr kruô cxôngx nzor đros đrêiv hâur luz nênhx niêx hnuz. Tsênhz tiês, đhâu iz shông khưr tsêz chos kôngz, thâuv têx blêx liêx, blêx têz siêr, hur si tsôngv px jêx jos tưz bax cxuô zav nox mor blêx yiêz thiêz uô pluôk nox ndo txiêx njis pox côngz, zơưv côngz, luz ntux luz têz muôx ntux nas paz tsôngv px sđ khưr sâu tâu ntâu kôngz lôngk. Pos Lường Thị Ún,  nhoz jos Na Sang 1, xã Núa Ngam hêik pâuz nzir: “Thâuv nox mor blêx yiêz, tsuv muôz chor blêx mok chox lok ciz uô nox. Lar hêik zos thâuv txos chêix blêx yiêz siêr, tsuv muôz chor blêx yiêz co chox lok uô chiê hu pox côngz, zơưv côngz lok đros nox đros hâuk, por hưv trâu chuôz zis tsik muôx moz gênhk, khưr sâu tâu ntâu kôngz lôngk”

            Đros trâu tsôngv px jos Na Sang 1, tsôngv px hêir nênhs Poz ziz, Hmôngz, Cho hâur thax tsav tỉnh Điện Biên cux tsênhv niêx hnuz tror cxiv kho thiêz zok nriêr zuk hêir nênhs têx txux chi, vênhx huôv jông cxôngx nzor cov muôx đros đrêiv hâur luz nênhx tsik chiê pôngz plox. Zơưv Lò Văn Thiền, nhoz xã Pu Nhi, tỉnh Điện Biên hêik pâuz: “Thâuv ntêx chor lâuk sir zôngv hnênhr chox lok tuô nak tuô nôngs; taz sik nhiv no sir zôngv hnênhr chox tưr uô cêr lov jêv”

          Zơưv Nguyễn Thanh Sơn, Thơưx sêiz car Sở Dânmênhx cxưx tỉnh Điện Biên cux hêik pâuz tiêk: Ntu 2026–2030, Điện Biên tso tơưv luôs hâux lưv uô cov muôx 85% xã, jêx jos tsôngv px hêir nênhs tsơưs muôx tsêr vênhx huôv, yar tiêx kriz uô cêr lov jêv côngv thôngx. Đros co, cxơưz cxiz tsôngv px cxuô hêir nênhs sđ zok nriêr-huov tsar zuk hêir nênhs têx txux chi, vênhx huôv jông cxôngx nzor, txuôk đros huôv tsar uô nox, cxiv uô cxuô qơư ndis uô si hâur ntu 2026-2030 cov tsôngv kruô oz chas têz qơưs pâuz txos: “Chor tuz nxêik hluôk ntuôr uô cêr lov jêv cxôngx nzor nhoz trâu cxuô luz jêx jos tsuv tax tâu 95%. Ntơư cux chênhr zos iz luôs hâux lưv cxơưz cxiz huôv tsar uô nox hâur thax tsav tsôngv px hêir nênhs tsơưs nhoz thax tsav tox siêz đêz đrôngl, luz nênhx tsênhv ntâu cêr txov nhêv”.

          Txix têz qơưs têx pênhr nhiêx muôz paz huôv tsar uô nox, tưz pov njôngr tsôngv px hâur thax tsav tỉnh Điện Biên luz nênhs hlôngr yiêz-truôx tuk, tsâu sor./.

                                        Tsu cxêik nhênhv-Vũ Lợi, CQTT Tây Bắc