Tsôngv box têx mênhx cxưx tsơưs nênhs tsuv pâuz lok tsênhv chêi, chêi têz qơưs

        Giàng Pằng zos luz jos txov nhêv tiv zix nhoz kuôk tsênhv qơư xã Sùng Đô, huyện Văn Chấn muôx nhos 30 cei cêr. Nhoz sâuv tox siêz tsi muôx tênhv tênhz xênhz huôx, tsi muôx sóng điện thoại, cêr lax muk lok, viv li tsôngv box nhoz no tsi pâuz ntâu lok têx xor mông nhoz saz đrâuv tiv zix zos têx xor mông muôx lênhx coaz txos chính sách thiêz cêr chei. Chênhr viv li, cán bộ xã tsuv yax six muk ciês txos jêx jos, yênhx ziv chuôz zis yax mông Đảng, têz qơưk li têx chủ trương, cêr chei, thôngx cxix nriêr pâuz pox nhuôk li têx zoz qơưx chiê thix ziv đros cấp thênhv siêz chiê muôx têx chính sách huv đros, paz pox nhuôk hlôngr yiêz luz nênhx.

          Txos kaz shông 2022 nhiv kruôr đhâu, sâuv chính sách txix tsaz yênhx huôv tsar KTXH thax tsav tsôngv box mênhx cxưx tsơưs nênhs thiêz tox siêz, pox nhuôk nhoz jos Giàng Pằng tưz tâu paz txưv rơưr đêx xênhz huôx, meir phưx vưv uô kôngz. Tix lâuk Zax A Tsư, tsôngv box jos Giàng Pằng, xã Sùng Đô shir phaz heik:

          “Nhiv no rơưr đêx txâuk trâu chuôz zis zôngv, tsi xưk li thâuv ntêx muôx tsi txâuk đêx zôngv thiêz. Thâuv ntêx tsi muôx rơưr trâu đêx mak cheix ntux sor muôx tsi txâuk đêx zôngv, chuôz zis tsuv muk tov tul đêx cưr đêx lok zôngv”.

          Yax mông, vênhv tôngv tsôngv box tox siêz txu grês qênhx shênhx siz zuôr nzor thiêz siz zuôr cxênhz jê zos iz hâur têx njiêz luv tâu chính quyênx têx tiv phaz nhoz tox siêz Yên Bái tsov cưv. Pos Shôngx Thị Xía, Phưv chủ tịch UB xã Suối Bu, huyện Văn Chấn, tỉnh Yên Bái puz pâuz, no zos jênhv vưv tsi zôngx ziv viv tsôngv box li jênhv pâuz lok cêr chei tsi tâu cxix cxuô:

          “Zos tsuôk yax mông txix panô, áp phích mak cux lax, viv li thâuv bax tsưr ziv yax mông, pêz tsuv muôx têx xor mông tsênhv tsênhz chiê yax mông. Thâuv yax mông heik luk choz tsiz mak tsôngv box cux tsi pâuz viv li tsuv heik luk mênhx cxưx yax mông tsôngv box thiêx li pâuz thôngz”.

          Uô tsaz yênhx têz qơưk li qơư tsov txos lok huôv tsar KTXH thax tsav tsôngv box mênhx cxưx tsơưs nênhs thiêz tox siêz ntu 2021-2025, tỉnh Yên Bái nhiv no muôx 10 dự án, 14 dự án mê thiêz 36 njiêz luv tsênhv tâu krêz uô đros tas nro pênhr yưv uô zos zuôr xar 1 cxênhz 200 tỷ đeiv. Đrâuv yưv pênhr yênhx puôk côngz tsinhx cxiv tsa cơ sở cxuô zav, têx dự án tưz paz meir uô kôngz, nôngz tsiêx cxu, kriê hâux lưv uô, gôngr phênhv cxơưz tiês huôv tsar kinh têr, txu grês cêr pluôs sei thiêz truôx vênhs trâu thax tsav tsôngv box mênhx cxưx tsơưs nênhs. Niêv lâuk Mùa Thị Meir, nhoz jos Háng Sung, xã Mồ Dề, huyện Mù Cang Chải puz pâuz: Têx dự án tsênhv uô tsi taz uô muôx têx hlôngr yiêz hâur tsưr ziv uô nox, huôv tsar kinh têr chuôz zis mak tsênhv hlôngr yiêz tsôngv box tox siêz li siêz xar, tsưr ziv uô:

          “Pox nhuôk, tiv zix zos têx pox niêv hâur jos huôv tsar tu zus paz muôx phênhv sâu trâu chuôz zis, gôngr phênhv cxuôv yeiz thiv pluôs”.

          Zơưv Đỗ Quang Vịnh, Phưv tsar Ban mênhx cxưx tỉnh Yên Bái puz pâuz: Ntu đhâu, Ban cux tưz sik côngv đros têx huyện, thị xã hâur tỉnh tsưr tsix têx lớp kriê cxaz “Muôz siêz pênhr xưv côngv thôngx thiêz cán bộ krêz uô tsaz yênhx nhoz têx cấp hâur tsaz yênhx têz qơưk huôv tsar KTXH thax tsav tsôngv box mênhx cxưx tsơưs nênhs thiêz tox siêz” trâu bí thư chi bộ, têx tsar jos, têx chi hội thiêz côngv thôngx tsôngv box, chiê cán bộ thiêz tsôngv box pâuz, uô thiêz sơưv têx chính sách huv đros:

          “Ban sik côngv đros têx nganhx huiz tôngv têx pênhr jos, uô uô cê têx tsaz yênhx tsưr ziv chiê uô li chas phax tar hâux lưv krêz uô ntâu tsaz yênhx iz jiês. Đros tiv phaz, tiv zix zos qơư tâu sơưv têx chính sách mak thâuv krêz uô tsuv uô tsênhz mênhx, trơưk lênhx nênhs, thax tsav chiê chính sách tuôx txos tsôngv box”

          Chox chính sách lok hâur luz nênhx, muôz siêz tsôngv box li jênhv pâuz, uô thôngx ziv siêz hâur xã hội, tiv zix zos nhoz têx côngv thôngx thax tsav tox siêz mênhx cxưx tsơưs nênhs, tỉnh Yên Bái tsênhv sir jos uô tiêr tsưr ziv huôv tsar truôx vênhs, “njuôz, jông thiêz shir phaz”./.

Đinh Tuấn-Txâur Vax cxeik nhênhv

PHÊNHV NRIÊR PÂUZ CÊR CHÊI TÊZ QƠƯK

Grê 15. Niêv txir thiêz mê nhuôv li qênhx, jênhv vưv thâuv pox niêv, txir nênhx uô nênhx nhoz uô cê xưk li niêv txir taz sik tsik uô ntâuz ntơưr đăngk cir siz zuôr.

Pox niêv, txir nênhx uô nênhx nhoz uô cê xưk li niêv txir thiêz mê nhuôv li qênhx, jênhv vưv tâu đơưk tu lơưr cui tênhv Chêi no lok niêv txir thiêz mê nhuôv li qênhx, jênhv vưv.

Grê 16. Đơưk tu pox niêv, txir nênhx uô nênhx nhoz uô cê xưk li niêv txir sik tsik uô ntâuz ntơưr đăngk cir siz zuôr li cxuô zav, jênhv vưv thiêz hux thôngx.

1. Pox niêv, txir nênhx uô nênhx nhoz uô cê xưk li niêv txir taz sik tsik uô ntâuz ntơưr đăngk cir siz zuôr li cxuô zav, jênhv vưv thiêz hux thôngx tâu đơưk tu lơưr oz tos sêiz lax; zos tiêk tsik muôx sik sêiz lax mak đơưk tu lơưr Bôv Chêi dân sự thiêz têx chêi txơưr cik txos li cui tênhv.

2. Hâux lưv đơưk tu no tsuv uô cov huv zos pox niêv thiêz mê nhuôv li kror tsuv tâu sơưv lok cxuô zav thiêz qênhx, liv; hâux lưv hâur tsêr thiêz têx hâux lưv txơưr cik txos chiê cxơưx trâu luz nênhx cxuô tâuv xav xưk li zos lox tôngv muôx phênhv sâu.

Grê 17. Vax huôv siz luôs lok qênhx, jênhv vưv nhoz oz niêv txir

Niêv, txir muôx vax huôv siz luôs, muôx qênhx, jênhv vưv siz luôs lok cxuô kror hâur chuôz zis, hâur uô lơưr têx qênhx thiêz jênhv vưv tâu cui tênhv hâur Hiến pháp, Chêi no thiêz têx chêi txơưr cik txos.

Grê 18. Por vêv niêv, txir chor nênhs cxênhz jê li qênhx, jênhv vưv

Niêv, txir chor nênhs cxênhz jê li qênhx, jênhv vưv cui tênhv ntơưv Chêi no, Bôv chêi dân sự thiêz têx chêi txơưr đuô cik txos tâu tsov cưv txos thiêz por vêv.

Grê 19. Niêv txir cêr siz hluz

1. Niêv, txir muôx jênhv vưv siz hluz, siz paz; sik đros phêiz kênh, uô têx hâux lưv hâur chuôz zis.

2. Niêv, txir muôx jênhv vưv uô nênhx nhoz uô cê, yưx niêv txir muôx sik sêiz lax txơưr đuô lok sik tiv kror hâux lưv uô, cơưv ntâuz ntơưr, cxaz chuôz chor huôx tôngv chinhr triv, kinh têr, vênhx huôv, xar hôiv thiêz têx kror txơưr đuô mak tsik tâu nhoz siz jê uô cê.

Grê 20. Xêir tsov niêv txir li qơư nhoz

Xêir tsov qơư nhoz zos oz niêv txir sik sêiz lax, tsik trâus kruôz zuôv tiv têx phongx cxưx, cêr chêi, thax tsav qơư nhoz.

Grê 21. Sêiz muôx gri txos oz niêv txir cêr uô nênhx, cxuô kror

Niêv, txir muôx jênhv vưv sêiz muôx gri, por vêv oz niêv txir li cêr uô nênhx thiêz cxuô kror.

Grê 22. Sêiz muôx gri txos niêv, txir li tín ngưỡng, tôn giáo

Niêv, txir tsuv sêiz muôx gri txos oz niêv txir li têx tín ngưỡng, tôn giáo.

Grê 23. Qênhx, jênhv vưv lok cơưv ntơưr, uô hâux lưv, cxaz chuôz huôx tôngv chinhr triv, kinh têr, vênhx huôv, xar hôiv.

Niêv, txir muôx qênhx, jênhv vưv sik paz xêir tsov hâux lưv uô; cơưv ntơưr, gra siêz txux chi vênhx huôv, uô hâux lưv; cxaz chuôz huôx tôngv chinhr triv, kinh têr, vênhx huôv, xar hôiv./.

Tuyết Lan-Lik Thox cxêik nhênhv