Muôs tơưv hax huv trâu saz đrâuv têz qơưk đhâu Lào Cai cux tror uô tâu truôx jông

          Oz ciêz đhâu thâuv tso tsês tuêv phưv txơưx tsar yêz nhoz oz saz ntus đriv, tsar yêz thâux hax huv muôv muôs đhâu oz saz Việt Nam thiêz Trung Quốc tưz tsar tâu muk txos ciês ntơưv qơư tso hax huv thiêz mav tror tis lok. Hâux lưv no paz trâu hâux lưv muôv muôs đhâu trôngx đriv Kim Thành, Lào Cai chuôz ndê.

          Pos Lê Thị Thu Uyên, hlôngr njêx muôk Công ty muôv muôs saz đrâuv têz qơưk An Nguyên puz pâuz:

          "Hâur ntu moz Covid-19, 1 yêz txir thanh long thâuv muôs trâu saz Trung Quốc mak tsuv pôngz 3 hnuz, taz sik nhiv no, tas cik yêz thâux muk Trung Quốc, zar hnuz keix yêz tưz tror tis lok Việt Nam".

          Tsưr ziv chiê yêz muk lok cux tưz tâu hlôngr yiêz chiê huv đros. Thiếu tá Đinh Quang Chính, Trạm tsar Trạm pênhz phax Kim Thành, Lào Cai heik:

          " Yêz tsi thâux hax huv mak pêz chiê muk iz saz cêr chiê têx lênhx nênhs tsar yêz muk lok zôngx ziv đuô thâuv jênhv yêz. Đros yêz thâux hax huv, têx lênhx nênhs tsar yêz uô trơưk lơưr saz têx doanh nghiệp. Viv li, nhiv no tsi muôx qênhx shênhx yêz muk lok tsi tâu thiêz".

          Nhiv no, fênhx pheiz iz hnuz muôx 200 ntâu luz yêz thâux hax huv muk lok đhâu Lào Cai. Taz sik tsi tâu ntâu li uô ntêx thâuv moz Covid-19 huôv xênhz, taz sik no cux zos iz hâux lưv jông pir đros thiêz ntu tso tsês tsi muk lok đhâu ntus đriv chiê phax tar moz.

          Đros hax huv zos xiv huv kôngz nuv muôs tơưv saz đrâuv têz qơưk, txix hâur shôngk shông txos nhiv no, tưz muôx 50 cxênhz ntâu tênhr tâu muôs đhâu Trung Quốc, njuôs xav tax zuôr xar 20 tsov USD. Hâur co, 60% zos txir thanh long thiêz txir điz cuô.

          Hâux lưv txu grês têx chính sách seiz car moz txix têz qơưk Trung Quốc, đros chinhr quyênx, iz lênhx nênhs tsôngv box li sir jos zuôr gôngr phênhv cxơưz tiês huôx tôngv muôs tơưv saz đrâuv têz qơưk đhâu ntus đriv. Taz sik, têx doanh nghiệp, taz viv muôs tơưv cux tsuv muôz siêz siêz xar, uô jông cui tênhv taz por muôs tơưv zôngx ziv đuô./.

                                                     An Kiên-Txâur Vax cxeik nhênhv

Kôngz nuv jông, zav nox hur nhoz tox siêz Yên Bái

Têx txir lưk pax lok zos txir lưk jôngr Khả Lĩnh ntâu shông lok no tưz tâu lênhx nênhs hâur thiêz đrâuv luôs 2 chas pâuz txos, viv têx txir jông gâux, nox kaz. Muôx tâu têx li heik co zos viv nhoz phênhv ntâu chor thax tsav chos zav txir lưk pax no, tsôngv pêx xênhv tưz pâuz uô trơưk tsưr ziv kriê VietGap. Lar heik li ntơưv xã Hán Đà-suôv qơư muôx zuôr xar 180 ha txir lưk pax, muôx txos xar iz đraz ar têz chos trơưk li heik sâuv. Zơưv Nguyễn Minh Chính, Phưv Bí thư thường trực Đảng ủy xã Hán Đà, huyện Yên Bình heik pâuz:

“Đros thiêz têx txir lưk pax, pêz tsênhv sir jos hlôngr chos têx zuz jông, muôx tsơưr lươngv, xã tưz hux thôngx đros Học viện Kôngz nuv Hà Nội, 2, 3 shông no lơưr tưz tuôx kriê pêx xênhv tsưr ziv chos thiêz tu”.

Niêv lâul Trần Thị Thu nhoz jok Quyết Tiến, xã Y Can, huyện Trấn Yên uô đreiv luôs hâux lưv tu zus keiz tâu 6 shông ntâu lok no. Xuz thơưx, iz fâuv tsuôk 2, 3 puôk tus, txos nhiv no niêv lâul chor keiz tưz vav muôx 3 cxênhz tus. Niêv lâul Thu chuôz zis têx uô tâu yênhx côngz co zos txix thâuv tâu cxaz chuôz HTX Kôngz nuv Quyết Tiến; tâu cơưv shâuv, uô trơưk têx tsưr ziv tu zus VietGap. Qơư tu zus tâu cxiv uô jông trơưk tsưr ziv kriê, tsik so tsuôs yuôx tuô caz moz, qêz suô têx guôx đu lus tsik uô vuôz tsuôz kiêk nênhs.

“Xuz thơưx zos uô trơưk têx tsưr ziv kriê lok phax tar moz ơưk trâu keiz. Hok têx krâur mak muôz chor krâur jông, muôx tsơưr lươngv trâu keiz nox, keiz thiêx hloz lox jông”.

Pos Ninh Thị Mai, Giám đốc HTX Kôngz nuv Quyết Tiến, xã Y Can, huyện Trấn Yên heik pâuz: Nhiv no HTX muôx 7 chuôz zis tsênhv uô trơưk têx tsưr ziv tu zus VietGap. Uô đreiv thiêz tu zus trơưk tsưr ziv no cê uô tâu trơưk siêz xar, muôs tâu gri, cê paz hlôngr yiêz pêx xênhv ntơưv qơư tsưr ziv tu zus:

“Têx keiz jông mak nox kaz grêix, chênhr viv li chor tuz luôv lok sik têx taz viv zuôr keiz lơưr lok six nhiêv. Keiz tâu côngk nhav VietGap lơưv, taz sik pêz xar tâu sik hux jos uô yênhx ntâu xiv huv. Tiv 2 zos xar tsiv uô yênhx têx huv muôx suôz bê cov muôs tâu gri đuô”.

Xav tinhv tâu têx zov chênhr hâur tsiv uô kôngz nuv hur jông, hâur ntu đhâu, tỉnh Yên Bái tưz fuô uô ntâu tsaz yênhx, hâux lưv tsênhv tsênhz chiê pêx xênhv gra siêz txux chi tsưr ziv jênhv pâuz lok sâuv uô kôngz hur jông, truôx tuk, txix ntơư paz tsar ndê phênhv sâu tâu ntâu trâu pêx xênhv. Iz hâur têx hêik co, zos kriê tsưr ziv uô nox đhâu têx lớp cơưv shâuv lok por hưv têx ar têz, xeir zuz nôngz tsoz chos, tsiêx tu zus. Niêv lâul Bùi Diệu Hằng, Tsênhv qơư dịch vụ paz huôv tsar kôngz nuv TP Yên Bái heik pâuz:

“Kriê tsưr ziv trâu pêx xênhv huôv tsar uô lơưr têx tsưr ziv uô nox yiêz chiê muôx phênhv sâu tâu siêz. Co zos, muôz têx qir fmông cov kôngz hloz lox jông, tiv 2 tsuôs yuôx tuô caz hmoz, nthuô đoz đrox hur si…..”.

Trơưk li thôngz sâu, xav txos trâu nhiv no, tỉnh Yên Bái tưz muôx 183 xiv huv uô tâu trơưk tsưr ziv yiêz, hur jông, truôx tuk, cux iz zav li cxiv uô tâu suôz bê trâu xiv huv. Tas nro tỉnh cux muôx 130 qơư, chuôz zis uô lơưr tsaz yênhx seiz car tsơưr lươngv trơưk VietGap….../.

                                     (Đinh Tuấn-Riê Lâux cxeik, nhênhv)