Niêv lâul Jêz đros chor pox niêv vir ndâuk Hmôngz paz por hưv, tuôr tsês zuk heir nênhs txux chi xơưs tsôngk tril yo hnar tsi chiê pôngz plox

Iz txưv zos tsôngv box Hmôngz lênhx tuz nhuôs, pâuz tsênhz lok têx tsưr ziv uô pax ntâuz, xơưs tsôngk tril yo hnar, seiz pov ntu nhiv no ziv hnuz ziv muôx ntâu tus chôngz lênhx nhiêv hnar txos pêz Hmôngz têx tsôngk tril yo, tiêz , Jêz Xênhv Thox tưz quyết tinhv muk cơưv shâuv xơưs tsôngk tril yo hnar, đhâu cơưv tas lok Jêz tưz krêz qơư xơưs uô zuk heir nênhs têx pax ntâuz, tsôngk tril yo tiêz hnar. Thâuv xuz thơưx nhiv  kruôr xơưs têx tsôngk yo co, phênhv ntâu zos Jêz xơưs trâu chor nênhs hâur tsêr thiêz muôs trâu tsôngv cưr tix nênhx tsa, têx pox niêv vir ndâuk hâur jok hnar xưz. Taz sik chiê xơưs uô tâu têx chêr tsôngk yo tiêz khax jông jav, trơưk sơưr đơưk siêz nhiêv hnar uô si lov jêv, nox yôngz cok, cê tsi tas ntâu six hơưv hnuz nhôngs, côngz đas jos chiê xơưs uô, taz cux tâu têx chêr khax jông hnar, Jêz tror yưv pênhr zuôr cxuô zav chuôz zênhx zuôr trâul txos phưx vưv xơưs tsôngk tril yo, xeir zuôr têx pax ntâuz, xor jông, khax jav lok xơưs, đei hlơưs, đei nhiêx....trâu cov huv đros kruô siêz nhiêv. Jêz heik pâuz: Jêz tsi xơưs uô li chor lâul thâuv ntêx, xơưs trơưk li cxênhx hluôk nhiêv hnar nhiv no viv iz jiês no têz qơưk, sơưr đơưk luz nênhx tưz hlôngr pâur ntâu lơưv, tsi thôngx li têx lâul. Jêz Xênhv Thox heik:

Luôs hâux lưv xơưs uô pêz Hmôngz têx tsôngk hnar zos iz hâux lưv phiv liv, tsuv gruôs thiêz max mav uô thiêx xơưs tâu têx chêr khax jav, jông hnar. Chiê xơưs uô tâu tiêr têx chêr tsôngk yo tiêz khax trơưk sơưr đơưk tsưr ziv, siêz nhiêv, kaz côngz, kaz xor cux tsuv gôngr thiêz xơưs tâu jông; txơưx muôz têx ntâuz xor lok siz fiv, xơưs uô ntiês yo, tơư tiêz, câuk mov thiêz đei hlơưs, đei nhiêx trâu cov khax jông, lar heik zos têx chêr yo tiêz jông zuôr hnar muk uô si lov jêv, nox yôngz cok ntơư. Tiv zix zos têx luz yo tiêz, sêr mak tsuv muôz têx pax ntâuz khax jông lok siz fiv, xơưs uô iz kro jux juk, tik hlơưs, đei nhiêx trâu têx ntiês yo, têk yo, đrê tiêz....cov khax, jông hnar tas lok six ntâu six hơưv, hnuz nhôngs. Ciês têx chêr tsi muôx pax ntâuz, tsi đei hlơưs, đei nhiêx  mak tưz xơưs uô 1, 2 hnuz thiêx tiêr iz chêr; zos têx chêr muôx pax ntâuz, nriê xor, đei hlơưs đei nhiêx ntơư cux tsuv pôngz nhos 10 tơưv hnuz. Chênhr viv li ntơư, tưz tsi tâu xav txos six hơưv, hnuz nhôngs txiêr xơưs uô têx pax ntâuz, xav kror đruôz đraz iz hlik Jêz xơưs uô tâu 10 chêr tsôngk yo tiêz xưz. Jêz Xênhv Thox heik, thâuv xuz thơưx cux njiz tsi tsơưs têx phiv liv viv tsi tâu muôx tsưr ziv xơưs uô, tsi tâu muôx chôngz lênhx ntâu tus pâuz txos, chor tsôngk yo tiêz xơưs uô tâu phênhv ntâu cux zos muôs mê njik hâur têx ciêz thiêz iz tsôngv pox niêv vir ndâuk, cưr tix nênhs tsa nhoz jê zuk iz thax tsav ntơư zuôr hnar xưz.

Đhâu iz ntuk, Jêz têx tsôngk yo tiêz cux jux juk tâu ntâu tus chôngz lênhx pâuz txos đuô, viv thâuv co cux chuôs njiz tâu ntâu lênhx kruô sâuv mạng Facebook, Zalo têx ntơư, lơưr cux đas cir zuôr txos ntâu đuô.... Nhiv no phênhv ntâu Jêz muôs têx tsôngk yo tiêz co đhâu Online thiêz xav kror đruôz đraz iz hlik Jêz sâu tâu 7-8 tsov đeiv nhiêx txix muôs têx tsôngk yo hnar. Jêz Xênhv Thox heik pâuz:

Thâuv krêz uô tâu qơư xơưs tsôngk yo, muôx phênhv sâu tâu, zos lênhx pox niêv vir ndâuk tưs hâur jok, hâur xã xar cơưv shâuv xơưs uô têx tsôngk yo hnar chiê muôs iz zav li heik sâuv, lok Jêz cux tsês six hơưv, hnuz nhôngs kriê lơưr tsưr ziv xơưs uô hur si chiê muôx nzir phênhv sâu tâu. Niêv lâul Mai Xênhv Shôngx, nhoz jok Nox Zar, xã Phổng Lái, huyện Thuận Châu, tỉnh Sơn La-iz hâur têx lênhx pox niêv vir ndâuk tâu Jêz kriê xơưs uô zuk heir nênhs têx tsôngk yo tiêz heik:

Đros thiêz têx sir jos, moz siêz xơưs uô zuk heir nênhs têx tsôngk tril yo hnar, Jêz Xênhv Thox thiêz chor pox niêv vir ndâuk Hmôngz nhoz tox siêz Phổng Lái-Thuận Châu-Sơn La tsênhv paz tuôr tsês, por hưv zuk heir nênhs têx txux chi vênhx huôv jông thiêz tsôngk hnar tsi chiê pôngz plox./

Lầu Chia-Riê Lâux cxeik, nhênhv

Lào Cai uô truôx luôs hâux lưv phax tar cuz tox cuz jôngr

          Txix ciês thâuv jênhv tâu xor mông canvh pov lok hâux lưv muôx chuô cuz sor Ô Quý Hồ, chính quyênx thị xã Sa Pa, tỉnh Lào Cai- qơư nhiv kruôr muôx yưv têx jiês cuz jôngr lox hâur đraz hli 2 tưz ciêr chênhr chox kriê uô côngz xưv phax tar cuz tox cuz jôngr.

          Ntơưv Jôngr têz qơưk Hoàng Liên nhoz sâuv thị xã, 13 thax tsav đros 8 cxênhz hecta jôngr njuôs xav trâus cuz siêz tưz tâu seiz jor jông. Đrâuv lưx lươngv qênhz jôngr, iz jêx jos nhoz thị xã hâur thax tsav jôngr têz qơưk tsênhv muôx iz tuêv por vêv jôngr txix 15-20 lênhx nênhs yax six seiz jôngr, uô lơưr tsưr ziv 4 ntơưv qơư. Zơưv Tô Ngọc Liễn, Chủ tịch UB thị xã Sa Pa puz pâuz:

          “Xuz thơưx mak pêz choz trâu têx tiv phaz, tiv zix zos têx jêx jos, reik txơưx jênhv trâu têx đồng chí Bí thư, tsar jos hâur hâux lưv yax mông, vênhv tôngv têx ziv chuôz zis sik đros pov thâuv muôx cuz jôngr tsuv ciêr chênhr pov trâu chính quyênx chiê muôx tsưr ziv yưr lir sei tiv zix”

          Lào Cai nhiv no muôx zuôr xar 60 cxênhz hecta jôngr lâuk tâu por vêv nhoz Sa Pa, Bát Xát thiêz Văn Bàn. Đrâuv co tsênhv muôx 100 cxênhz hecta ntâu jôngr phax phưv, chor tsênhv yuôr zos jôngr choz trâu têx tsưr tsix, lênhx nênhs seiz car. Têx xor mông canhv pov, chox kriê phax tar cuz tox cuz jôngr yax six tâu tso tơưv thôngz đhâu cxix luôk seiz njuôs qiv hơưv, njuôs pov cuz jôngr đhâu vệ tinh…. Ban chox kriê uô tsaz yênhx huôv tsar jôngr nuv truôx vênhs têx cấp tỉnh Lào Cai đros muôx nhos 4,5 cxênhz lênhx nênhs nhoz têx tuêv uô ntêx nyuôk por vêv jôngr cux zuôr zos têx lênhx nênhs tâu huiz tôgnv thâuv muôx cuz jôngr.

          Lơưr zơưv Nguyễn Hữu Thiện, Phưv Cục tsar Cục qênhz jôngr, Bộ kôngz nuv thiêz huôv tsar nôngx cxênhz, Lào Cai ziv hnuz ziv muôx ntâu chênhz zênhv hâur phax tar têx jiês cuz jôngr. Taz sik, thâuv tưs cux tsuv seiz njôngr qênhx shênhx nhoz tiv phaz chiê chuv tôngv, tiv zix zos têx qơư muôx ar têz nxaz thiêz trôngz siêz:

          “Nhoz thax tsav jôngr tox siêz khênhr muôx ntông tsi siêz, thâuv tsi muôx ntông siêz mak khênhr muôx têx shôngz, tâux kruôr, tsuôk zuôr muôx hluôr tơưs txơưv cuz lox. Viv li pêz cux heik côngz xưv por vêv, phax tar cuz jôngr tsuv zos hâux lưv xuz thơưx, pov nzor thiêz ciêr chênhr tuô hluôr tơưs chiê txu grês têx ruôr hiêv lok jôngr cux xưk li tsôngv box li chuôz zênhx chuôz tas”./.

(Txâur Vax cxeik nhênhv)