Gri zav nox ntơưv Yên Bái cux tsênhv siêz viv têx qơư côngz hax huv tsi grêk gri

Ntâu lênhx pêx xênhv Yên Bái vav chiê siêz, gri trox yêz txo grêk zuôr uô têx hax huv sir zôngv hâur niêx hnuz grêk gri thiêz txo grêk tsơưs nhiêx txiêx huôv tsar uô, zuôr muôs hax huv. Li ntơư, zuôr txo grêk tâu iz phênhv chuôz zis têx nhiêx txiêx sir zôngv xênhz huôx, paz gra siêz luz nênhx nox nhoz. Zơưv Trần Xuân Lập nhoz phường Yên Ninh, TP Yên Bái heik: “Luz nênhx nhiv no lok six phiv liv, jiês nhiv kruôr đhâu trox yêz grêk gri mak tas nro têx qơư uô lax luôv zuôr muôs huv thiêz lênhx nênhs sir zôngv lênhx tưs cux shir phaz, trox yêz grêk li no zuôr huv đros đuô”.

Tsôngv pêx xênhv cêr chiê siêz zos li ntơư, taz sik tsênhz tiês nhoz têx ciêz đrôngs ntơưv Yên Bái, grêix nhux cux tsênhv nhoz phênhv 250 cxênhz txos 280 cxênhz đeiv iz cir; grêix keiz tuô tsênhr tâu hur si zos 160 cxênhz iz cir; grêix buô txix 120 cxênhz txos 150 cxênhz đeiv iz cir. Têx jâuz tâuv gri cux siêz, iz zav li: Đok blôngx 70 cxênhz đeiv iz cir, jâuz cxưz 60 cxênhz đeiv iz, lưk suôr 25 cxênhz đeiv…. Li co, pir li thâuv ntu gri trox yêz tsar ndê siêz yax, têx hax huv, zav nox heik sâuv cux tsênhv civ, tsi txo grêk hlo, muôx têx tsênhv ndê mê njik thiêz.

Trơưk li chor tuz luôv, gri hax huv tsi grêk phênhv ntâu zos têx qơư côngz chor huv co tsi grêk gri, lơưr zuôr lok civ viv li tsuv muôs gri siêz xưz, thiêx tsi pôngz pênhr. Iz chas ntơư, cxơưx viv tsav gri trox yêz tsi truôx tuk, ntâu chuôz zis uô lax luôv zuôr muôs huv thiêz doanh nghiệp tu zus tsiêx cxu tsuv muôx six hơưv chiê xav tsưr ziv cxiv kho gri hax huv. Pos Nguyễn Thị Yên, muôs huv hâur ciêz Yên Thịnh, TP Yên Bái heik pâuz: “Gri cxuô zav hax huv uz no puôr lênhx tsar ndê mak gri buô cux ndê. Trox yêz nưk cux iz phênhv tưs uô ruôr hiêv txos xưz, gri krâur tsiêx cxu ndê siêz, gri têx grêix ndê đros. Muôx ntâu kror siz cik txos”.

Txix têx tsênhv tsênhz gri hax huv tsi txo grêk, txơưv trox yêz tưz grêk tsi so, phênhv ntâu lênhx nênhs sir zôngv puôr lênhx cxơưx txos. Niêv lâul Phạm Hạnh, nhoz TP Yên Bái heik: “Gri trox yêz tưz grêk lok six ntâu jiês lơưv, taz sik gri têx hax huv hâur ciêz đrôngs ntơưv TP phênhv ntâu cux tsi grêk hlo, civ iz zav li thâuv trox yêz tsar ndê 30 cxênhz đeiv iz lir. Lênhx nênhs sir zôngv thiêz hur si chor tuz luôv hâur ciêz puôr lênhx njiz phiv liv”.

Zơưv Phan Bá Hùng, Quyền Cục tsar, Cục seiz car ciêz đrôngs tỉnh Yên Bái heik pâuz: Gri iz cxiê zav hax huv tsi grêk gri li heik sâuv muôx nhoz cxuô qơư hâur têz qơưk, tsi zos ntơưv Yên Bái xưz. Nhiv no ngênhx tsênhv sox seiz têx txơưr txar hâur ciêz đrôngs, tsi chiê muôx yưv têx li: Muôx tsi txâuk hax huv, bax tsês ntâu têx huv, tsar ndê gri tsi trơưk chei: “Pêz qênhz shuôs gri têx hax huv ntơưv hur si têx qơư zuôr muôs huv hâur thax tsav, iz chas ntơư heik tsuv truôx tuk gri zuôr muôs  txix nhiv no txos tas shông 2022. Pêz cux tsi so muk yax kriê têz qơưk têx chei fuô kriê lok truôx tuk gri, têx qơư uô lax luôv zuôr muôs huv tsuv uô trơưk, zos tiêk kror tưs tsar ndê gri lok sik txơưr txar li chas mak tsuv phênhz tsênhz mênhx trâu cơ quan muôx vax huôv pâuz”.

Cux xưk li tsôngv box hâur tas nro têz qơưk, lênhx nênhs sir zôngv Yên Bái xar cov cơ quan muôx vax huôv tror sox seiz njôngr gri têx hax huv uz no hâur ciêz đrôngs li txơưr txar, muôx tsưr ziv cxiv kho, tsi uô tuôr xuôv nhiêx txiêx, taz por tsôngv pêx xênhv luz nênhx xênhz huôx./.

(VOVTB-Riê Lâux cxeik, nhênhv)

Iz lênhx tuz lênhv lâuk muk paz pêx xênhv tox siêz cxok ndêx đêi qix, tik tênhv tênhz pov cêr lul trâu thax tsav ntus đriv

          120 ntâu qơư tênhv tênhz yar ntux, tơưk pov cêr hâur 8 cêik cêr trơưk ntus đriv, đhâu 4 luz jos nhoz đrôngl đriv têz huyện Si Ma Cai, tỉnh laox cai, tsuôk uô 2 ciêz tưz uô tâu tiêr, muôx tênhv tênhz tơưk pov cêr lul, tsôngv px muk lok zôngx ziv hâur hmo ntux, ngaz tuk thax tsav ntus đriv.

          Đros ntơư, 40 tus ndêx đêi qix trâu cxuô chuôz zis nhoz trơưk cêx ciêv ntus đriv, cux uô tâu tiêr, pov qix đêi liêz pês vos nhoz ntus đriv pêz têz qơưs VN. Zơưv Hạng Seo Chính, nhoz jos Sín Chải, đrôngl Si ma Cai hêik pâuz: “Hâur ntu đrav ntêx tsik muôx tênhv tênhz, hmo ntux tsik zôngx ziv muk lok. Nhiv no muôx tênhv tênhz tơưk pov cêr lul, thâuv hmo ntux tsôngv px muk lok zôngx ziv. Uô tsâus đảng, têz qơưs thiêz têx lênhx nênhs siêz jông”

          Trơưk li tuz lênhv Giàng Lao Lùng, cán bộ tuz lênhv tâu choz zok hâux lưv uô phưv Bí thư Đảng uỷ đrôngl Si Ma Cai, tik tênhv tênhz tơưk pov cêr hâur thax tsav ntus đriv, pêz tưz thav tâu ntêr shông, taz sik tsik muôx nhiêx cxiv uô: “Tâu têx lênhx nênhs siêz jông paz max txos, tuz lênhv zênhx biên phôngx cux tso cán bộ tuz lênhv muk paz tsôngv px khơưz kror cxok ndêx đêi qix thiêz ndêx tik tênhv tênhz. Cxuô lênhx sđ puôr lênhx jông siêz, shir phaz lul”

          Hnuz uô tâu tiêr, choz zok côngz trênhx trâu tsênhv qơư, Hội tuz lênhv lâuk Viện kiểm sát thênhv siêz đros trâu chor nênhs siêz jông cux tsênhv muôz 500 poz huv li: trik yo, pav vor, hnaz ba lô paz trâu chor tuz nxêik shuv xênhz muôx luz nênhx txov nhêv hâur thax tsav. Zơưv Lê Song Lê, phưv Viện tsar Viện kiểm sát thiênhv siêz hêik pâuz: “Hâur 30 ntâu shông đhâu đrav ntêx, pêz zos chor tuz lênhv lâuk tưz tuôx uô hâux lưv trâu thax tsav qơư txov nhêv co. Nhiv no tror tuôx txos têx qơư ntơư, tưz pov cxuô tsar zav muôx ntâu hlôngr yiêz; taz sik phênhv ntâu tsôngv px luz nênhx tsênhv pluôs, txov nhêv. Chênhr zos li hêik ntơư, zav tưs pêz uô tâu zos paz trâu tsôngv px tox siêz muôx cêr côngv siêz đros cxuô hêir nênhs nhoz tiêx đras”

          Ntơư zos têx côngz trênhx jiês xuz thơưx, tuz lênhv lâuk Viện kiểm sát thênhv siêz tuôx cxiv uô trâu ntơưv tỉnh Laox Cai thiêz tâu chôngz lênhx nênhs siêz jông paz max txos; hâur ntơư muôx Tổng công ty tênhv tênhz têz qơưs paz tik tênhv tênhz tơưk pov cêr trâu cxuô txox cêr muk lok hâur thax tsav ntus đriv./.

                                       Tsu cxêik nhênhv-An Kiên CQTT Tây Bắc