Lào Cai: Ntâu xã “pôngz lơưv têx ploz tsênhr”

nôngx cxênhz yiêz

          Zos xã tiv 5 nhoz huyện Bảo Yên, tỉnh Lào Cai tâu côngz jênhv tax ploz tsênhr nôngx cxênhz yiêz txix shông 2020, taz sik txos nhiv no, Minh Tân tưz pôngz lơưv 4 ploz tsênhr, hâur co têx ploz tsênhr lok y tế tsênhv zos phêv liv lox tiv zix viv phênhv ntâu puôr lênhx tsi tax trơưk bộ ploz tsênhr ntu yiêz. Pos Shôngx Thị Sua, Chủ tịch UB xã puz pâuz: “Pox nhuôs cor cav tâu sơưv têx chế độ, chính sách thiêz tâu sơưv BHYT, taz sik thâuv tax nôngx cxênhz yiêz zuôr tsi tâu sơưv paz txưv thiêz mak tsuv zuôr BH, chuôz zênhx chiê phax vưv tsoz phưz đas jos điện tử muôx tsi txâuk”.

          Đros hâux lưv cxiv tsa nôngx cxênhz yiêz hlôngr yiêz, têx ploz tsênhr yiêz trâu ntu 2021-2025 muôx cxaz têx ploz tsênhr txơưr tsuv uô, tsuv pôngz ntâu six hơưv, pênhr jos đuô, co zos têx phêv liv lox đuô. Pir li ploz tsênhr 13 lok tsưr tsix tsiv uô, huôv tsar kinh têr nôngx cxênhz. Pos Trịnh Thị Duyên, Tsar phongx kôngz nuv thiêz huôv tsar nôngx cxênhz huyện Bảo Yên puz pâuz: “Hâur ploz tsênhr no tsuv cxaz nzir têx ploz tsênhr lok huôvt sar kôngz nuv muôx nriêr pâuz lok qơư tsiv uô thiêz muôx ntơưr côngz jênhv VietGap, li ntơưv xav mak sâuv thax tsav huyện nhiv no nhiv kruôr muôx 5 xã tax ploz tsênhr”

          Lơưr ploz tsênhr kuz, iz xã nhoz Bảo Yên tax fênhx pheiz 15 ploz tsênhr, taz sik uô lơưr ploz tsênhr yiêz, fênhx pheiz iz xã tax 10 ploz tsênhr. Hâux lưv no tsi taz muôx nhoz Bảo Yên mak tsênhv muôx nhoz têx tiv phaz txơưr nhoz Lào Cai.

          Lơưr zơưv Nguyễn Trung Kiên, Phưv chánh văn phongx điều phối Nôngx cxênhz yiêz tỉnh Lào Cai, hâux lưv pôngz lơưv têx ploz tsênhr tsi uô pôngz bê tax ploz tsênhr nôngx cxênhz yiêz, taz sik zos têx luôk hâux lưv tsuv sir jos cov tax tâu chiê tax ploz tsênhr nôngx cxênhz yiêz hlôngr yiêz, txix cấp xã ndê txos cấp siêz đuô: “Đhâu qênhz yuôx, ntâuk grê, pêz pov phêv liv lox tiv zix zos nhoz têx ploz tsênhr mak côngv thôngx thiêz tsôngv box tsuv muôz siêz txơưx jênhv li phênhv sâu, lok ziv chuôz zis pluôk, lok tsưr tsix tsiv uô...Hâur ntu zuôr txos, văn phongx điều phối zuôr sik côngv đros têx chiz coaz, taz viv tror heik tỉnh muôx cơ chế, chính sách chiê cxơưz tiês, muôz siêz têx ploz tsênhr no truôx vênhs thiêz muôx chêx cuk đuô”.

          Têx ploz tsênhr yiêz trâu cxiv tsa nôngx cxênhz yiêz hlôngr yiêz đros têx ploz tsênhr co tsuv sir jos đuô, pôngz ntâu six hơưv, pênhr jos đuô. Taz sik, txix têx phêv liv co cux zos đas jos chiê têx tiv phaz sir jos, cxiv tsa nôngx cxênhz yiêz muôx têx hlôngr yiêz jông đuô./.

(An Kiên-Txâur Vax cxeik nhênhv)

Cui tinhv yiêz lok têx chei paz nênhs muôx côngz têz qơưk

Qir uô lơưr txix hnuz xiêz 05/9/2022, Bộ Nhiêx txiêx li Thông tư 44/2022/TT-BTC cui tinhv seiz car thiêz sir zôngv têx nhiêx txiêx muôz tsi so uô lơưr tsênhv chei paz nênhs muôx côngz trâu têz qơưk, lênhx nênhs muôx côngz têz qơưk li nênhs hâur tsêr thiêz têx lênhx buôk ti đros tir ntâuk trol châuz zos ngênhx Lox tôngv-Xaz pênhz thiêz Xã hội seiz car.

Thông tư heik mênhx, têx lênhx nênhs tâu sơưv têz qơưk têx chei paz hâur niêx luz hlik: Iz zos canr bôv, chiến sĩ công an đros tir ntâuk trol châuz Mỹ thâuv ntêx muôx 20 shông uô hâux lưv hâur ngênhx công an tưz so hâux lưv, tror lok ntơưv qơư nhoz lơưr Thủ tướng Chính phủ Quyết tinhv sôr 53/2010/QĐ-TTg; 2 zos têx tuz lênhv đros tir ntâuk trol châuz Mỹ thâuv ntêx muôx 20 shông uô hâux lưv hâur bôv đôiv, tưz so hâux lưv tror lok ntơưv qơư lơưr Thủ tướng Chính phủ Quyết tinhv sôr 142/2008/QĐ-TTg thiêz Thủ tướng Chính phủ Quyết tinhv sôr 38/2010/QĐ-TTg.

Iz chas ntơư, uô lơưr chei têz qơưk paz niêx luz hlik thiêz paz iz jiês trâu têx lênhx đros tir ntâuk trol châuz tsưx phưv têz qơưk, uô hâux lưv sâuv ntiêx têz paz Campuchia, Lol Tsuôk đhâu hnuz 30/4/1975 tưz so hâux lưv, tror lok hâur qơư nhoz lơưr Thủ tướng Chính phủ Quyết tinhv sôr 62/2011/QĐ-TTg;…../.

(BĐT Chính phủ-Riê Lâux cxeik, nhênhv)