Txo grêk siz zuôr nzor-muôx tsơưs jux juk têx cêr pôngz siêz

14 shông tưz đhâu, taz sik tix lâus Zax Xênhv Vax, jok Co Sung, xar Đông Sang, huyện Mộc Châu cux tsênhv ndo tsik plox txos têx cêr txov nhêv, phiv liv thâuv zuôr pox niêv thâuv nhiv kruôr muôx 16 shông. Nhoz hnuz nhôngs tsik tâu pâuz cxơưx txos luz nênhx, tix lâus Zax muôx txơưx jênhv zos uô iz lênhx txir, sir jos zok nriêr nhiêx chiê cxơưx trâu chuôz zis:

Kror cêr pôngz siêz txix tuk niêv lâul zuôr txir nzor, ho zos siz zuôr cxênhz jê, tuk mê nhuôv xênhz zus tâu trâus muôx moz gênhs thiêz xênhz zus lok tsik ntêr tưz trâus tuôs, uô trâu Hua Xênhv Zax, shux xênhz lớp 9 nhoz xar Đông Sang, huyện Mộc Châu pâuz tsênhz đuô txos têx phiv liv txix siz zuôr nzor thiêz siz zuôr cxênhz jê li no:

“Cur zuôr tsik zuôr txir nzor, thâuv tưs hloz yênhx nênhs lơưv mak thiêx li zuôr txir, chiê txoz cxơưx tâu trâu têx mê nhuôv, mê nhuôv xênhz zus tâu lok muôx đas jos jông..”

Ntâu shông tror uô ntêx, siz zuôr nzor, siz zuôr cxênhz jê muôx yưv tsik so hâur tsôngv box mênhx cxưx tsơưs nênhs nhoz Mộc Châu, uô trâu ntâu ziv chuôz zis luz nênhx tưz zênhx txov nhêv lok hax zav txov nhêv đuô. Tiv zix, tiv tsik tâu txưv hnuz nhôngs chiê đăngk cir siz zuôr, viv li ntâu kror ntâuz ntơưr li phêiz hộ khẩu, đăngk cir ntơưr kriz xênhz trâu mê nhuôv puôr lênhx uô tsik tâu hlo. Pôngz siêz đuô zos chor gơưv niêv txir no li têx me nhuôv xênhz zus tâu tsik muôx đas jos jông, tiv zix zos chor chuôz zis siz zuôr cxênhz jê…

Đros đrêiv chor pox niêv mênhx cxưx tsơưs nênhs hâur hâux lưv gra siêz jênhv pâuz lok siz zuôr, dân sôr, tsưr ziv xênhz zus mê nhuôs hâur chuôz zis, niêv tix Lò Thị Hậu, Chủ tịch Hôiv pox niêv xar Đông Sang, puz pâuz: Qir tiv siz zuôr nzor, siz zuôr cxênhz jê zos pêx xênhv nhoz iz cxiê qơư li yênhx tưv, txux chi tsênhv kik, tiv zix zos phiv liv txix têx siêz xar, phongx cxưx pôngz kaz hâur siz zuôr; muôx têx chuôz zis tsênhv xar tiêk chiê chor nhuôv nxêik muk zuôr txir nzor zos kror tsưr ziv paz trâu chuôz zis tsik yuô txov nhêv…

“Pêz hêik chor hôiv viên pox niêv sik paz chiê txo grêk cêr yêiz pluôs, tsav txênhz đros têx tsưr ziv siêz xar pôngz kaz txix ciês hâur chuôz zis thiêz hâur côngv thôngx chiê khưx phưx tâu qênhx shênhx siz zuôr nzor”.

Zơưv Khuất Thanh Bình, Giám đốc Tsênhv qơư Y têr huyện Mộc Châu puz pâuz: Nganhx Y têr đros cấp ủy, chinhr quyền ntơưv qơư tưz tsov cưv txos, kriz uô cxix cxuô ntâu tsưr ziv chiê paz txo grêk tsơưs qênhx shênhx no; zos tiêk xưk li shông 2020, chor nênhs siz zuôr nzor zos 7,8% mak txos shông 2022 huyện Mộc Châu tưz grêk tsơưs txos yuôr muôx 7%:

“Pêz tưz cxiv tsa uô chor tsưr ziv paz txo grêk tsơưs siz zuôr nzor, siz zuôr cxênhx jê sâuv thax tsav chor xar, chor tsêr cơưv ntơưr. Hlôngr yiêz yax kriê đhâu têx huôx tôngv ngoại khóa, sân khấu hóa, têx jiês yax mông tập thể trâu shux xênhz, chor hluôk nênhs”.

Ntâu shông sik lơưr liês tsik pov muôx yưv siz zuôr cxênhz jê, chor nênhs siz zuôr nzor tâu txo grêk tsơưs lơưr yênhx shông… co zos muôx têx cấp, têx nganhx nhoz Mộc Châu li sir jos đros uô. Txơưv pâuz tiêk têx tsưr ziv, sir jos txo grêk tsơưs têx cêr pôngz siêz co cux tsênhv yuôr ntâu kror phiv liv, taz sik co zuôr zos kror uô truôx jông, paz muôx tâu luz nênhx shir phaz, tsâu sor trâu tsôngv box nhoz tox siêz ntơưv no./.

(Lê Hạnh-Lik Thox cxêik nhênhv)

Tsoz phưz, tsưx phưv đas jos trâu tsôngv box heir nênhs tsơưs nhoz thax tsav tox siêz

Niêv lâul H’Dung Nia nhoz jok Tân Zur, xã Ea Cao, TP Buôn Ma Thuột, tỉnh Đắc Lắc heik: Thâuv ntêx heir nênhs Ê Đê têx tuz tsi tâu muk cơưv ntâu, tsi muôx txux chi tsưr ziv jênhv pâuz viv li thâuv tưs chuôz zis muôx moz gênhk tsi tâu chox muk seiz njuôk shuôs moz, khênhr đê muôz têx yuôx njuôz kho xưz, taz sik nhiv no tưz tsi thôngx li thâuv ntơư lơưv:

“Txix thâuv muôx Đảng, têz qơưk moz siêz txos, txix y tế txos jêx jok, hâur xã, TP, nhiv no mak yax kriê lok sâuv pox niêv xênhz zus mê nhuôv muôx tsưr ziv, lok sik hâur ntu xênhz tuz ci tsuv tsoz phưz li chas cov muôx đas jos jông…..”.

Txos nhiv no, đros trâu ngênhx y tế têx sir jos, tsôngv box cxuô heir nênhs nhoz tỉnh Đắc lắc tưz gra siêz tsưr ziv jênhv pâuz hâur tsoz phưz đas jos, chiv chir muk qơư y tế chiê seiz njuôk shuôs moz thâuv muôx moz gênhk, têx chei đaz kruôs, cêr nênhx pôngz kaz uz no cux tâu tso tsês jux juk. 100% pox niêv tuôx xênhz zus mê nhuôv ntơưv têx qơư y tế, tsi yuôr lênhx tưs xênhz zus hâur tsêr. Bác sĩ Nông Văn Sáng, thơưx seiz car qơư y tế xã Ea M’Droh, huyện Cư M’gar, khav tinhv:

“Nhiv no tưz muôx meir seiz njuôk shuôs mê nhuôv, chuôz zênhx jông seiz njuôk shuôs moz uz no. Thâuv ntơưv qơư y tế muôx cxix têx chuôz zênhx li heik sâuv tsoz phưz đas jos, mak pêx xênhv lơưr tsi tsuv muk seiz njuôk shuôs moz đêz thiêz txo grêk tsơưs têx nhiêx txiêx, six hơưv, lênhx nênhs muk lol seiz shuôs moz gênhk”.

Tsi tiêk nhoz tỉnh Đắc Lắc, ntơưv tỉnh Lai Châu chiê uô tâu jông luôs hâux lưv tsoz phưz đas jos, sơưr đơưk puôr lênhx tâu seiz njuôk shuôs moz cxix cxuô, lar heik zos tsôngv box tox siêz đêz đrôngs, thax tsav tsôngv box heir nênhs tsơưs, Đảng thiêz têz qơưk tưz muôx têx tsênhv chei, tsưr ziv tsênhv tsênhz li: Tsov cưv đơưk uô têx hâux lưv lok tsoz phưz đas jos trâu nênhs pluôs, sơưr đơưk tâu buôk ti txos seiz njuôk shuôs, kho moz gênhk. Niêv lâul Lò Thị Khăn, heir nênhs Lự nhoz xã Bản Hon, huyện Tam Đường heik:

“Tsoz phưz đas jos trâu pox niêv mak chox muk seiz njuôk shuôs mê nhuôv, njuôk shuôs đal jos. Têx lênhx pox niêv xênhz zus nhuôv tas, cxax yuôx phax phôngz moz. Tsi tsoz phưz đas jos jông mak tsav tov kaz no muôx moz li chas tuôx”.

Hâur luôs hâux lưv tsoz phưz, tsưx phưv đas jos trâu tsôngv box heir nênhs tsơưs thiêz tox siêz nhiv no, cxuô thax tsav qơư tưz moz siêz txos luôs hâux lưv piêr kriê têx txux chi tsưr ziv thiêz uô lơưr hâur tsoz phưz đas jos trâu lênhx niêv thiêz mê nhuôv; paz max seiz njuôk shuôs mê nhuôv tsi so thiêz paz heik kriê đas jos trâu têx lênhx pox niêv xênhz tuz ci hâur chêr uô ntêx thâuv tsi tâu xênhz zus nhuôs thiêz đhâu xênhz zus nhuôv tas….; paz seiz njuôk shuôs đas jos trâu chor nhuôv zâu tsi tâu muôx 2 shông; paz heik kriê nox txâuk têx jâuz mor thiêz phax tar nox tsi txâuk jâuz mor trâu chor nhuôs zâu nhoz thax tsav tsôngv box heir nênhs tsơưs thiêz tox siêz. Niêv lâul Bùi Thị Toan, nhoz jok Lục, xã Yến Nghiệp, huyện Lạc Sơn, tỉnh Hòa Bình heik pâuz:

“Nhoz pêz thax tsav qơư, têx nhuôv zâu txix 5 shông tror zar hâur  mak cxax yuôx phax phôngz moz hâur niêx hli trơưk cui tinhv, hur si nênhs lâul iz zav li pêz chor pox niêv, seiz njuôk shuôs đal jos tsi so, tâu muôz yuôx chaz hâuk, seiz njuôk mê nhuôv, cxax yuôx phax phôngz moz uz no…..”.

Têz qơưk tsaz yênhx y tế nhoz thax tsav tsôngv box heir nênhs tsơưs hâur têx shông jê lok no tưz tâu fuô kriê thiêz uô lơưr jông, tsôngv box cxuô heir nênhs tưz gra siêz txux chi tsưr ziv jênhv pâuz hâur seiz njuôk shuôs, kho moz, xênhz zus nhuôs. Têx uô tâu li heik sâuv, iz phênhv zos khov cxuô cấp ủy Đảng, hâu nov cxuô thax tsav qơư tsi so moz siêz chox kriê lês uô hâux lưv phax tar moz gênhk, tsưx phưv-tsoz phưz đas jos trâu pêx xênhv./.

(VOV4-Riê Lâux cxeik, nhênhv)