Paz trâu chor nênhs nhoz têx jêx jos muk tưr tâu ntâu giải hâur thax tsav

Muk trâu chor jêx jok tox siêz Trạm Tấu thâuv hâur shôngk shông yiêz, lok sik têx hnuz tsiêz, ntênhk hội, zôngx ziv sêiz pov tâu tsôngv box cxuô mênhx cxưx li têx cêr lov jêv, shir phaz, sik côngv siêz hâur sik tưr têx môn thể thao, cxuô zav cxôngx nzor li: tưr truz hluô, njuôk jos, ntâuk tux luz lok zos vix vôngs, tuô hnênhr… No zos chor môn thể thao hêik tơưv tâu têx vênhx huôv mênhx cxưx jông, tâu tuôr tsês chiê txix ntâu fâuv nênhs lok, tâu chôngz lênhx nênhs đros tưr, tsik xav zos nênhs lâul, hluôk, pox niêv lok zos txir nênhx.

Chor môn thể thao mênhx cxưx no khov tâu tuôr chiê thiêz phuôx huiz tsik so, viv li tưz tsik zos paz trâu tsôngv box muôx nzir đas jos, mak tsênhv paz muôx tâu têx lênhx nênhs txơưx sik tưr ntơưv thax tsav qơư txix cấp tỉnh thiêz thax tsav. Lênhx pox niêv mênhx cxưx Hmôngz Suôr Xênhv Zax nhoz jok Tà Chử, xar Bản Công zos iz lênhx nênhs li co. Zos lênhx tưr tuô hnênhr, niêv tix tsik so tâu chiê nhoz hâur huyện, tỉnh li đôiv tưr muk thik tưr tuô hnênhr tâu ntâu giải hâur thax tsav Tây Bắc thiêz tưr tâu ntâu giải siêz; lar hêik zos hâur ntu nhiv kruôr đhâu lok no tưz tưr tâu giải nhiêx thiêz giải tôngx ntơưv Hnuz Hôiv Vênhx huôv Mênhx cxưx Hmôngz, tsưr tsix ntơưv Lai Châu shông 2021.

“Chiê thik tưr tuô hnênhr cov tâu siêz mak cur cux tsik so cơưv shâuv tuô hnênhr thiêz sir jos cxaz chuôz trâu chor gải sik tưr thể thao hâur jok, xar, huyện tsưr tsix. Đhâu chor jiês sik tưr mak paz trâu zuk tâu cơưv shâuv nzir ntâu chênhz zênhv cux xưk li muôx nzir tsưr ziv, txux chi trâu môn thể thao mak zuk nhiêv chiê thik tưr cov tâu jông thiêz siêz tiv zix”.

Tas nro 11 xar nhoz huyện Trạm Tấu puôr lênhx muôx 95% ntâu tsôngv box mênhx cxưx tsơưs nênhs uô nênhx nhoz. Txơưv tiêk luz nênhx tsênhv yuôr ntâu txov nhêv, taz sik chor xar puôr lênhx muôx tsưr ziv thiêz hêik pêx xênhv sir jos kho cov jông têx qơư, yar tiêx phưx vưv trâu cơưv shâuv, tưr têx môn thể thao, cxuô zav uô si cxôngx nzor ntơưv têx jêx jok. Tix lâus Xà Xênhv Hơưx, canr bôv vênhx huôv xar Bản Công, huyện Trạm Tấu puz pâuz: Ntu đhâu, xar tưz sir jos yax kriê, hêik pêx xênhv tsik so cơưv shâuv chor môn thể thao mênhx cxưx, txix co paz muôx tâu chôngz lênhx ntâu tus đros cơưv shâuv têx thể thao cxôngx nzor. Chênhr viv li, ntâu shông sik lơưr liês, chor nênhs nhoz têx jêx jos xar Bản Công tsik so zos chor nênhs chênhr hâur đôiv tuyển thể thao mênhx cxưx huyện Trạm Tấu đros tưr trâu tỉnh thiêz thax tsav qơư li chor giải sik tưr, tax tâu ntâu giải siêz…

“Chor môn thể thao mênhx cxưx mak têx kror pêz uô tâu zos sik lâuz pak, truz hluô, tuô hnênhr thiêz ntauk tux luz. Yênhx shông xar muôx 10 ntâu lênhx nênhs cxaz chuôz trâu chor giải sik tưr thể thao cấp huyện, cấp tỉnh”.

Lơưr thôngz sâu, Trạm Tấu nhiv no muôx 117 đôiv thể thao, 30 qơư cơưv shâuv thể thao cxuô zav đros muôx 10.400 ntâu lênhx nênhs đros cơưv. Yênhx shông, huyện puôr lênhx tsưr tsix chor giải sik tưr thể thao, phênhv ntâu zos tưr chor môn thể thao mênhx cxưx, zaz zâuv tâu chôngz lênhx nênhs thiêz pox nhuôs đros tưr, txix co xêir tsov tâu chor nênhs chiê nhoz hâur chor đôiv sik tưr. Tix lâus Phạm Văn Hiến, cán bộ Tsênhv qơư yax mông Vênhx huôv huyện Trạm Tấu puz pâuz: Hla đhâu têx phiv liv lok vax tsêr, yar tiêx cxuô zav, chor vận động viên cxaz chuôz trâu đôiv sik tưr tưz lok six sir jos chiê thik tưr tâu jông thiêz siêz tiv zix, đhâu co paz thik tưr tâu ntâu kror hâur chor giải sik tưr. Jê no tiv zix, ntơưv Hnuz hôiv Vênhx huôv mênhx cxưx Hmông jiês tiv pêz tsưr tsix ntơưv tỉnh Lai Châu kaz hli 12 shông 2021, đoanx vận động viên huyện Trạm Tấu đros muôx 14 lênhx nênhs sik tưr tưz thik tưr tâu 2 huy chương cuz nhoz môn sik lâuz pak, 8 huy chương nhiêx thiêz 5 huy chương tôngx nhoz chor môn ntâuk tux luz, sik lâuz pak, tuô hnênhr thiêz sik truz hluô.

“Chor môn thể thao mênhx cxưx tâu xav zos huyện kror sik tưr tâu jông li sik truz hluô, sik lâuz pak, ntâuk tux luz thiêz tuô hnênhr, no zos chor môn thể thao tưz thik tưr tâu siêz ntơưv chor hội thể thao hâur tỉnh thiêz chor giải thể thao hâur thax tsav Tây Bắc”.

Chiê paz trâu huôv tsar chor môn thể thao mênhx cxưx, nhiv no huyện Trạm Tấu thiêz chor nganhx uô têx hâux lưv no, chor xar, thị trấn tsênhv tsov cưv txos yưv pênhr uô tsêr, yar tiêx cxuô zav, têx tsênhv chêi thể thao ntơưv thax tsav qơư, đros trâu cxiv tsa jêx jok yiêz. Njênhs tiêk, ntu zuôr txos, chor vận động viên nhoz tox siêz Trạm Tấu zuôr tâu cơưv shâuv jông đuô, đhâu co paz tuôr tsês chiê thiêz phuôx huiz phongz yaox, tiv zix zos tror tax tâu ntâu giải tưr đuô hâur chor Hôiv thik tưr nhoz cấp tỉnh thiêz thax tsav qơư./.

(TTTB-Lik Thox cxêik nhênhv)

Luôs hâux lưv sir jos uô phax tir thêir chor nênhs zuôr muôs zax zênhz

Sơn La

Thax tsav đriv têz VN-Lào hâur ntu đhâu tror tâu ntâuk grê zos thax tsav cuz nxor lok zax zênhz; muôx 270 ntâu cêik cêr ntus đriv buôk 2 tỉnh Hủa Phăn thiêz Luông Pha Băng (Lào), viv li Sơn La yênhx qơư chor nênhs zuôr muôs zax zênhz, thâux gra têx zax zênhz txix saz đrâuv lol đhâu hâur VN chiê muôs.

Ntơư zos txuz hnuz 11/6/2018, ntơưv jok Chiềng Khương, xã Chiềng Khương, huyện Sông Mã (Sơn La) Phongx Cảnh sát qênhz yuôx têx nênhs zuôr muôs zax zênhz tsi trơưk chei, Công an tỉnh Sơn La seiz car, hux jos đros chor lưv lươngv muôx vax huôv tưz ruôr por tsês yênhx côngz txuz zuôr muôs zax zênhz, ntêk tâu iz lênhx nênhs saz têz qơưk đrâuv tsênhv zuôr muôs zax zênhz tsi trơưk chei. Lênhx nênhs trâul ntêk co zos Ly La (muôx iz luz bê hu txơưr zos Nô La, xênhz shông 1992, nhoz ntơưv Viêng Xay, tỉnh Hủa Phăn, têz qơưk Lào, têx chuôz zênhx sâu tâu muôx 20 poz zênhz đơưz thiêz iz cxiê chuôz zênhx txơưr đuô cik txos. Ntơưv cơ quan Công an, Ly La krêz lênhk tiêk, zuôr chor zax zênhz heik sâuv txix thax tsav đriv têz 3 luz têz qơưk VN-Lào-Campuchia lok, tsênhv taz tov thâux gra muk muôs thiêx trâul ntêk cxov.

Txix têx txuz trâul ntêk tâu tso pov, chor nênhs zuôr muôs zax zênhz muk lol đhâu tỉnh ziv hnuz muôx tsưr ziv jông thiêz riêz nênhs đuô. Lơưr muôx cêr sik thôngx siêz truôx, liv zôngv chei têz qơưk têx uô tsi yuô ntov, lok sik hlôngr luôs lưv tus bê chiê uô têx nuv tsi trơưk chei, chênhr viv li cơ quan muôx vax huôv lok six phiv liv qênhz yuôx, yơưz phơưz.

Iz chas sir jos tir thêir chor nênhs uô cxâuv chei li heik sâuv, têx lênhx chiến sĩ  lês uô hâux lưv thâuv tưs cux njiz trâul têx phiv liv, riêz nênhs hâur uô têx hâux lưv zok muôz, viv đros têx txuz zuôr muôs, thâux gra ntâu zax zênhz, chor nênhs uô cxâuv chei co lơưr zênhx pâuz tsênhz, zos trâul ntêk cxov tâu, zuôr trâul cxâuv lox, chênhr zos li heik co thâuv tưs lơưr cux chênhr phax, gra đros đreiv têx triêv, fov chiê tir thêir thâuv trâul ntêk cxov.

Lok têx hnuz hâur hli 6/2019, Phongx Cảnh sát Qênhz yuôx têx nênhs zuôr muôs zax zênhz tsi trơưk chei, Công an tỉnh Sơn La tưz ruôr por tsês tâu iz txuz zuôr muôs zax zênhz, ntêk tâu Jêz Xênhv Muôk, nhoz ntơưv jok Pá Đông, xã Nà Bó, huyện Mai Sơn (Sơn La) tsênhv taz tov zuôr muôs 30 cxênhz njiêr yuôx shơư zênhz tsi trơưk chei. Txix co, iz txuz zuôr muôs zax zênhz lox muk lol đhâu tỉnh tâu qênhz pov. Chiê ruôr por tsês tâu txuz zuôr muôs zax zênhz no, taz viv tưz pôngz lok six ntâu six hơưv, hnuz nhôngs, côngz đas jos yơưz phơưz lênhx nênhs. Đhâu 3 luz hlik sir jos yơưz phơưz, txos hli 9/2019, Phongx Cảnh sát qênhz qênhz yuôx têx nênhs zax zênhz tưz hux jos đros Công an huyện Mai Sơn ntêk tâu Cứ A Páo, nhoz ntơưv xã Nà Bó, huyện Mai Sơn, sâu tsês tâu 100 ntâu njiêr yuôx shơư zênhz, iz traz fov K59 thiêz iz bak muôk txưr.

Txuôk lơưr co, txos hli 12/2019, cơ quan Công an tror ntêk tâu Sú Xênhv Hav, nhoz xã Mường Chùm, huyện Mường La (Sơn La). Iz luz hlik ntâu tov kaz, txix ntâu faz tsưr ziv, chor lưv lươngv công an tror ntêk tâu Vũ Trọng Đại, thâuv Đại tsênhv taz tov uô ntâuz ntơưr thor zuôr muk uô lox tôngv trâu têz qơưk Nhật Bản. Iz chas co, hux jos đros Công an TP Hà Nội xav tinhv Đặng Trọng Dũng li vax tsêr nhoz ntơưv xã Võng Xuyên, huyện Phúc Thọ, TP Hà Nội, chênhr zos lênhx nênhs Phongx Cảnh sát qênhz yuôx têx lênhx nênhs zuôr muôs zax zênhz tsi trơưk chei, Công an tỉnh Sơn La tsênhv yơưz phơưz, zok nriêr.

Đhâu iz hnuz iz hmo sox kaz, qênhz yuôx, công an tưz tsông tâu kror trôngx, muk hâur tsêr ntêk cxov tâu Đặng Trọng Dũng, sâu tsês tâu 100g ntâu zax zênhz cxuô zav, iz traz fov K54, 11 luz muôk txưr thiêz zuôr xar 50 tsov đeiv nhiêx, suôx câuv luôs hâux lưv yơưz phơưz, sơưr tơưv txênhz, phax tar chor nênhs zuôr muôs zax zênhz tsi trơưk chei đhâu 8 luz hlik ntâu qênhz yuôx.

Thôngz sâu hâur 5 shông đhâu, Phongx Cảnh sát qênhz yuôx chor nênhs zuôr muôs zax zênhz tsi trơưk chei, Công an tỉnh Sơn La tưz ruôr por tsês tâu 224 txuz, ntêk tâu 387 lênhx nênhs, sâu tsês zuôr xar 200 cir zênhz đơưz; 53 cir ntâu zênhz đuz; 663 cxênhz njiêr yuôx shơư zênhz; zuôr xar 13 cir zax zênhz poz jêz; 61 traz fov cxuô zav; 7.100 ntâu luz muôk txưr thiêz 27 luz hôngz poz đros trâu zuôr xar 4 tyv đeiv nhiêx.

Nhiv no, chor lưv lươngv Cảnh sát qênhz yuôx têx nênhs zuôr muôs zax zênhz tsi trơưk chei (Công an Sơn La) tsênhv tror sir jos uô luôs hâux lưv yơưz phơưz, tir thêir têx nênhs uô cxâuv chei têz qơưk, cxơưz sei six hơưv xav jênhv, qênhz yuôx, phax tir thêir têx txuz zuôr muôs zax zênhz tsi trơưk chei. Iz chas ntơư, ruôr por tsês, tsi chiê muôx yưv têx cuz nxor, phiv liv lok zax zênhz thiêz hux jos truôx đros têx cơ quan muôx vax huôv txơưr đuô sik côngv tsưr ziv tir thêir chiê txo grêk tsơưs têx nênhs fêv, zuôr muôs zax zênhz tsi trơưk chei, jux juk uô trâu thax tsav tox siêz Sơn La-Tây Bắc cov tsôngv pêx xênhv sơưr đơưk muôx luz nênhx truôx tuk, tsâu sor./.

(CTV-VOVTB-Riê Lâux cxeik)