Uô jông hâux lưv phax tar zuôr muôs fov đhâu mạng xar hộiv

             Ciês têx hnuz xuz thơưx kriz uô hâux lưv phax tar chor nênhs phamv cxâuv hâur ntu zuôr tsiêz thiêz đhâu Tsiêz têz qơưs Jax shông 2024, Công an huyện Mường La (Sơn La) tưz qênhz yuôx pov thiêz tik cêr cxâuv trâu chor nênhs zuôr muôs fov đhâu mạng xar hôv.

              Hnuz 12/12, taz viv sik côngv qênhz yuôx thiêz cxov tâu iz lênhx nênhs (Xênhz shông 2001, nhoz xar Ngọc Chiến, huyện Mường La) lok kror cxâuv no. Đhâu nus lênhx nênhs co hêik tiêk, thâuv hli 10/2023 tưz zuôr sâuv mạng ống tsov quang học lok chiê tsov mur. Txos iz đraz hli 10 thiêx txêik tâu chor huv zuk tênhv zuôr co.

          Đhâu uô hâux lưv đros tôv côngz xưv, lênhx nênhs co tưz lok tsêr muôz luz ống tsov quang học choz zok trâu công an thâuv tsênhv tsik tâu sir zôngv: “No puôk zos luz ống tsov lok zos ống nhòm cox zuôr sâuv mạng?/ Zos lơưv/ Cox zuôr gri pêk tsơưs/ 700 cxênhz/Cox zuôr uô tuk đaz tsi?/ zuôr lôngx trâu fov chiê tuô nôngs/ zuôr tas nro traz fov tas pêk tsơưs nhiêx?/ 4 triệu ntâu”.

             Tsuôk lơưr co 2 hnuz, cux ntơưv xar Ngọc Chiến, hnuz 14/12, Công an huyện Mường La tror sik côngv đros Công an xar no qênh yuôx, pov, cxov tâu iz lênhx nênhs zus shông 1982 cux zos zuôr triêv fov đhâu mạng xar hôiv.

           Đhâu nus, lênhx nênhs no nriêr pâuz sâuv mạng internet thiêz zuôr cxuô zav chox lok lôngx đhok iz traz fov pa. Hnuz 15/11, lênhx nênhs no txêik tâu têx huv zuk zuôr muôx 1 luz ống tsov quang học thiêz têx chuôz zênhx chiê lôngx đhok. Tiv txêik tsik tâu tâu cxuô têx chuôz zênhx, viv li tsênhv lôngx tsik tâu yênhx iz traz fov, chêk tưz trâus cơ quan muôx vax huôv pov; lênhx nênhs no tưz choz zok ống tsov quang học zuôr sâuv mạng co trâu cơ quan côngz an thiêz puz pâuz: “Cur zuôr luz ống tsov no sâuv mạng thiêz tâu phêiz uô pêz jiês xa hax huv, tas nro tsiv gri muôx 4 triệu 500 cxênhz đêiv, zuôr lok chiê tuô nôngs tuô nak xưz… cur pâu uô li no zos uô zuôv chêi lơưv, vav tiêk cơ quan Công an zuôr tsik tik cêr cxâuv trâu zuk”.

             Hâur shông 2023, Công an huyện Mường La tưz tsưr tsix 1 jiês cơưv sâu tsês têx triêv fov, chuôz lov tơưs cấp xar, 32 jiês yax kriê cấp jêx jok, đros xar muôx 1.300 lênhx nênhs cxaz chuôz; muôz xar muôx 1.000 ntâuz ntơưr; 1.200 ntâu lênhx nênhs cir jênhv yax kriê hêik pâuz chêi lok triêv fov, chuôz lov tơưs, chuôz zênhx paz, fov ntơưr cxuô zav… Đhâu co, cxov tâu 4 txuz, 4 lênhx nênhs uô cxâuv lok triêv fov, chuôz lov tơưs, chuôz zênhx paz; sâu tsês 64 traz fov cxuô zav.

             Thôngz sâu hâur jiês uô côngz xưv phax, tar chor nênhs phamv cxâuv thâuv uô ntêx, hâur thiêz đhâu Tsiêz têz qơưk shông 2024, Công an huyện tưz hêik, sâu tsês 31 chuôz zênhx cxuô zav, muôx 17 traz fov Hmôngz, 8 traz fov cồn; 5 zar car fov, 1 luz muôk txưr AK… Trung tá Hoàng Chung, Đội trưởng Đội Cảnh sát sêiz car hành chính lok ngaz tuk xar hôiv, Công an huyện Mường La puz pâuz: “Ntu zuôr txos pêz zuôr hêik trâu Ủy ban huyện pâuz chox kriê đros cxuô cấp cxuô nganhx sir jos yax kriê trâu chor canr bôv, đảng viên, pêx xênhv… pâuz lok sêiz car têx triêv fov, chuôz lov tơưs thiêz têx fov ntơưr… Hêik trâu hâu nov Công an huyện chox kriê chor lưx lươngv sir jos phax tar têx hâux lưv hêik tas sâur…”

             Têx phiv liv cik txos triêv fov, chuôz lov tơưs mak lênhx tưs cux pâuz. Taz sik, chiê tsik muôx yưv têx phiv liv, pôngz siêz cik txos têx triêv fov, chuôz lov tơưs, chuôz zênhx paz, yênhx lênhx pêx xênhv tsuv uô jông lơưr cêr chêi têz qơưk, tsik jêik tsês, sir zôngv thiêz tsik cxaz chuôz zuôr muôs, thâux xa têx triêv fov, chuôz zênhx paz đhâu têx mạng xar hôiv. Txix co, paz tuôr truôx tâu ngaz tuk chinhr triv, ngaz tuk xar hôiv sâuv thax tsav, tiv zix zos thâuv txos tsiêz, ntux yiêz lok./.

CTVTTTB-Lik Thox cxêik nhênhv

Lai Châu bax tsưr ziv phax tar no trâu shux xênhz

             Xã tox siêz Dào San, huyện Phong Thổ, tỉnh Lai Châu, hâur têx hnuz no huôz jis niêz, no njiv tưz buôk ti uô ruôr hiêv txos chor cưk kriê ntơưr, shux xênhz hâux lưv kriê thiêz cơưv txux.

            Chiê taz por đas jos thiêz têx shux xênhz tuôx cơưv cxix cxuô, tsêr cơưv phổ thông dân tộc niêv txir zus mor cxênhx iz Dào San tưz cxiv kho, thêir têx qar tsêr cơưv chiê chuô txiêk tsi yâu. Shux xênhz nox nhoz hâur tsêr cơưv tâu chor cưk kriê heik tsi so cov hnar tril yo sor, vêv xênhz hur si iz chêr, qênhz yuôx shuôs têx pav sor thiêz zav nox, đêx hâuk trâu shux xênhz, viv li thâuv tưs cux taz por sor si. Cưk kriê Phạm Thị Xuân, thơưx seiz car tsêr cơưv phổ thông dân tộc niêv txir zus mor cxênhx iz Dào San, huyện Phong Thổ heik pâuz: “Tsêr cơưv tưz fuô kriê cov têx cưk kriê ntơưr tsi so yax kriê txos trâu chuôz zis đhâu sâuv shux xênhz chor niêv txir, tsêr cơưv li zalo chiê shux xênhz thiêz shux xênhz li niêv txir pâuz tâu têx hâux lưv uô li heik sâuv thâuv tuôx tsêr cơưv, cơưv ntơưr. Iz chas ntơư, tsêr cơưv cux tưz muôx tsưr ziv bax hur si trâu thâuv têx hnuz no njiv hênhr li: Trâur tơưk trâu shux xênhz ntê hâur tsêr cơưv, lớp cơưv....”.

              Shông cơưv no, huyện ntus đriv Phong Thổ, tỉnh Lai Châu muôx 48 luz tsêr cơưv, zuôr xar 21 cxênhz lênhx shux xênhz cxuô cấp cơưv; hâur co muôx 41 qơư cơưv, 10 cxênhz ntâu lênhx shux xênhz nox nhoz hâur tsêr cơưv, cơưv ntơưr. Chiê taz por đas jos trâu shux xênhz, txix ciês hâur cheix ntux no, Phongx zoz zux huyện tưz muôx ntâuz ntơưr chox kriê cxuô luz tsêr cơưv bax têx tsưr ziv phax tar no, taz por luôs hâux lưv kriê thiêz cơưv txux hâur shông cơưv. Zơưv Nguyễn Vương Hùng, Phưv tsar phongx zoz zux huyện Phong Thổ heik pâuz: “Phongx cux tưz bax ntâuz ntơưr xa trâu têx tsêr cơưv chiê chox kriê tsêr cơưv uô têx faz tsưr ziv phax tar no trâu shux xênhz. Têx tsênhv njiêz yax kriê phongx cux heik cxuô luz tsêr cơưv bax têx qơư, chuôz zênhx zuôr trâul txos chiê phưx vưv hâux lưv phax tar no, co zos  qơư nox nhoz trâu shux xênhz zuôr tâu cxiv kho đuô. Hâur têx hnuz no njiv hênhr, chor cưk kriê ntơưr muôx têx trâur tơưk trâu shux xênhz cxênhx nhuôs zâu thiêz cxênhx iz ntê hâur lớp cơưv, zos ziv no njiv nzir mak tso chor nhuôs so ntơưr....”.

                Shông cơưv no tỉnh ntus đriv Lai Châu muôx 329 tsêr cơưv, zuôr xar 151 cxênhz lênhx shux xênhz cxuô cấp cơưv. Txix ntux têx txơưr txar phiv liv, Sở zoz zux tỉnh tưz muôx ntâuz ntơưr chox kriê têx qơư seiz car, qơư zoz zux bax cxuô faz tsưr ziv phax tar no, taz por đas jos trâu shux xênhz. Iz chas ntơư heik cxuô luz tsêr cơưv moz siêz txos luôs hâux lưv uô jâuz mor nox, qơư nhoz hâur tsêr cơưv trâu têx nhuôs shux xênhz hâur cheix ntux no.

             Zơưv Lò Việt Tuyển, Phưv Giám đốc Sở zoz zux Lai Châu heik pâuz: Cxuô luz tsêr cơưv muôx chei quyết tinhv tso shux xênhz so ntơưr thâuv no njiv hênhr thiêz bax tsưr tsix trâu shux xênhz cơưv nzir chiê taz por tsaz yênhx shông cơưv. Cux seiz ntux txơưr txar li chas, têx tsêr cơưv muôx têx chiê shux xênhz tuôx cơưv lis mê njik, tsơưs tso shux xênhz uô têx nuv uz no saz đrâuv jôngr zos tiêk no njiv, tsi taz por đas jos trâu nhuôs shux xênhz: “Seiz lok ntux têx txơưr txar, Sở cux tưz tso tơưv ntâuz ntơưr chox kriê cxuô luz tsêr cơưv hâur tas nro ngênhx fuô uô luôs hâux lưv qênhz shuôs đuô têx qơư nhoz, qơư cơưv ntơưr. Lar heik, yax kriê txos chor canr bôv, cưk kriê ntơưr, nênhs uô hâux lưv hâur tsêr cơưv thiêz shux xênhz, chiê uô tâu truôx jông hâux lưv phax tar no trơưk tsưr ziv”.

                Hâur cheix ntux no, nhoz Lai Châu tsi so trâul têx chuô txiêk uô ruôr hiêv txos, no njiv ntêr hnuz, lar heik zos thax tsav tox siêz. Chênhr viv li, ngênhx zoz zux Lai Châu tưz heik têx qơư seiz car zoz zux, cxuô luz tsêr cơưv bax sox seiz njôngr ntux têx txơưr txar; tror  bax uô tsưr ziv phax tar no, taz por đas jos trâu shux xênhz hâur têx hnuz ntux no njiv./.

Khắc Kiên-Riê Lâux cxeik, nhênhv