Minh Lương khov txos tsôngv px li đas jos paz muôx têx hlôngr yiêz jông lok cơ sở cxuô zav

          Ntơưv jos 2 Minh Chiềng, xã Minh Lương, tỉnh Lào Cai, cêr zaoz thôngz ntêr zuôr xar 900 yiv nhiv no tsênhv ciêr chênhr tâu krêz đar. Côngz tsinhx jênhv tâu chôngz tsôngv px li thôngx ziv siêz, tso pov tsênhz đhâu hâux lưv chiv chir gôngr côngv ar têz chiê cxiv uô cêr.

          Chiê krêz đar cêr txix 3 yiv đar txos 5 yiv, zơưv Lục Văn Lợi chuôz zis tưz gôngr 30 yiv ndis ar thiêz chuv tôngv ruôr chuôz zis li têx guôx qơư tu zus tsiêx cxu chiê krêz đar cêr: “ Iz chuôz zis gôngr mê njik ar chiê uô cêr đar đuô, muk lok jông đuô, mê nhuôk muk cơưv ntơưr cux zôngx ziv đuô. Tsar jos tuôx vênhv tôngv chuôz zis cux heik tiêk gôngr txâuk ar chiê krêz cêr cov đar jông đuô”

          Têx siêz txưv zênhv co zos txix siêz xar njôngr cxuô zuôr muôx tâu txox cêr đar đuô, thâux gra hax huv jông đuô, tsôngv px luz nênhx yênhx trâus tâu muôz siêz. Zơưv Lục Văn Lâm, tsar jos 2 Minh Chiềng, xã Minh Lương puz pâuz, chiê muôx dự án krêz cêr muk đhâu zuôr xar 30 ziv chuôz zis tax tâu thôngx ziv tas nro jông li no, công xưv yax mông, vênhv tôngv muôx pưs txix cuiz tênhv: “ Hâur ntu yax mông thiêz vênhv tôngv tsôngv px chiê gôngr côngv ar mak phênhv ntâu zos tsôngv px thôngx ziv gôngr ar chiê krêz đar cêr txix 3 yiv txos 5 yiv. Iz cxiê côngz tsinhx tsuv ruôr por tsês chiê krêz cêr đhâu thâuv uô tiêr mav tror cxiv đuô trâu pox nhuôk”

          Xã Minh Lương li tsưr ziv uô zos iz tsênhv tsênhz tso pov Lào Cai li têx hlôngr yiêz jông lok cơ sở cxuô zav: phuôx huiz tsôngv px li đas jos, tsôngv px li thôngx ziv zos kror zov chênhr côngv đros sir zôngv pênhr têz qơưk paz lok chuôz zênhx. Pheiz kênh lok qơư tsov txos hâur six cxiv no, zơưv Đặng Xuân Phương, Bí thư Đảng ủy xã Minh Lương heik: “ Pêz zuôr tror yax mông, vênhv tôngv chiê tsôngv px thôngx siêz gôngr côngv ar têz, hnuz côngz, têz qơưk tror yưv pênhr paz chuôz zênhx chiê uô têx cêr muk lok, tiv zix zos cêr txix jêx jos txos tsênhv qơư muôx chôngz tsôngv px nhoz uô nênhx. Hâur 15 jêx jos pêz sir jos txis kaz six cxiv tas nro têx cêr hâur jêx jos puôr lênhx tâu nquôr bê tông thiêz krêz đar 5 yiv”

          Đhâu thâuv cêr tâu krêz đar, xã Minh Lương, tỉnh Lào cai tror yax mông vênhv tôngv txix xã hội đhok tênhv tênhz, cxix luôk meir cxeik đuôz txiv ngaz, cxiv tsa têx txox cêr “pov cêr lus, hur jông”. Txix têx txox cêr yiêz jông tâu krêz đar txix tsôngv px li đas jos, zos kror tsênhv tsênhz paz tiv phaz muôx têx hlôngr yiêz jông hâur têx shông zuôr txos./.

CTVVOVTB-Txâur Vax cxeik nhênhv

Sơn La sir jos phax tar hax huv chuôr, tsik jông jiês Tsiêz 2026

            Niêv tix Nguyễn Thị Hiền - tsưr qơư kinh doanh hax huv Hiền Lâm, nhoz ntơưv tiểu khu 1, xar Phù Yên zos taz viv kinh doanh ntâu shông ntơưv thax tsav qơư. Chiê muôs tâu chor hax huv jông trâu chor nênhs zuôr, niêv tix chuôz zis tsik so zuôr chor hax huv muôx ntâuz ntơưr thiêz pâuz tsênhz qơư cov thiêx tsik zuôr tâu chor hax huv chuôr, hax huv tsik zos chêi. Niêv tix Hiền puz pâuz: “Txos thâuv Tsiêz têz qơưk, txix hli 11 hli ntux mak chuôz zis tưz bax têx hax huv muôx iz hli chiê phưx vưv trâu pox nhuôs, zuôr hax huv thâuv co mak gri huv đros đuô, zuôr uô ntêx mak gri fênhx zis đuô pir li tov kaz no mav zuôr. Tiv oz thiêz zos chor hax huv muôx ntâu đuô, cux jông đuô zuôr tâu xêir tsov chiê phưx vưv trâu pox nhuôs”.

          Iz hâur têx tsưr ziv tâu chor nênhs uô cxâuv chêi kinh têr tsiik so kriz uô zos chor hnaz ntiv, ntơưr lo chiv zuôr xar jông li chor hax huv chênhr. Ntâu hax huv tsuôk txơưr mê njil xưz, lax jênhv pâuz tâu, tiv zix zos chor nênhs sir zôngv nhoz têx jêx jok, tox siêz.

          Đại úy Đinh Đức Thuận, Tôv Cảnh sát phax tar nênhs phamv cxâuv, Công an xar Phù Yên, tỉnh Sơn La hêik pâuz: “Công an xar cux tưz tsưr tsix muk xos chor qơư uô kinh doanh sâuv thax tsav sik côngv đros chor Tôv liên nganhx ủy ban xar yênhx lix, sik côngv đros tas nro Đôiv sêiz car ciêz đrôngs sôr 4 thax tsav Phù yên, Bắc Yên kriz uô qênhz yuôx iz cxiê kror qơư kinh doanh sâuv thax tsav. Pêz cux xưk li truôx chor nênhs uô cxâuv chêi thiêz yax kriê trâu pêx xênhv pâuz cov ngaz tuk trâu Tsiêz shông 2026, phax tar tâu jông têx hax huv chuôr, hax huv tsik jông, tsơưr lươngv kik”.

            Đại úy Đinh Đức Thuận cux puz pâuz, chor nênhs uô cxâuv tsik so liv zôngv txos chor nênhs sir zôngv tsar ndê chôngz chiê muôs têx hax huv chuôr, hax huv tsik jông, tiv zix zos têx hax huv li zav nox, nduôr thax, chơưr bia, yuôx uô khax, tsôngk yo, yuôx kho moz thiêz qir zuôv, yuôx por vêv đrox tsuôs… Txix hâur shôngk shông 2026 txos nhiv no, xar Phù Yên tưz tsưr tsix qênhz yuôx ntơưv 8 kror qơư; đhâu co bluô nhiêx muôx yênhv châuv triệu đêiv trâu 7 kror qơư uô cxâuv chiê thêv trâu nhiêx txiêx têz qơưk. Pos Vì Thị Kếp, Phưv Chủ tịch Ủy ban xar Phù Yên, tỉnh Sơn La puz pâuz: “Lok côngz xưv yax kriê mak Ủy ban xar cux tưz chox kriê Tsênhv qơư dịch vuv tổng hợp tsik so yax kriê sâuv cxiv luôs nta suôz xar, chor trang fanpage, Zalo thiêz xa txos ciês trâu cxuô qơư, chor jêx jok, tiv zix zos chor nênhs thiêz chuôz zis kinh doanh sâuv thax tsav chiê paz trâu sơưr đơưk pâuz tâu jông txix ciês thâuv zuôr”.

            Chiê por vêv qênhx liv thiêz đas jos trâu zuk, lưx lươngv muôx vax huôv hêik pêx xênhv tsuôk tsuv zuôr hax huv ntơưv têx qơư muôx suôz bê; qênhz shuôk jông têx ntâuz ntơưr, hnuz nhôngs sir zôngv, ntơưr lo chiv; tsik zuôr têx hax huv tsik muôx ntâuz ntơưr hêik pâuz tsênhz qơư uô. Thâuv pov muôx zuôr muôs hax huv chuôr, tsơưr lươngv kik, sơưr đơưk tsuv hêik trâu chinhr quyền ntơư qơư lok sik lưx lươngv muôx vax huôv pâuz chiê xưv lik lơưr cui tênhv./.

TTTB-Lik Thox cxêik nhênhv