Hlôngr yiêz nhoz ntus đriv Ia Mơ, Gia Lai

           Tưz nhoz đreiv hâur thax tsav ntus đriv tâu yênhx châuv shông, lâul jok Rơ Lan Hlết nhoz jok Klăh tưz seiz njiê pov njôngr xã Ia Mơ têx phiv liv thiêz cêr txov. Zơưv lâul tror xar txos ntu thâuv ntêx, cêr muk lol phiv liv, tsi muôx tênhv, tsi muôx đêx, tsôngv pêx xênhv luz nênhx txov nhêv njuôr, tsi muôx tsưr ziv huôv tsar uô nox, khênhr ntor luôx têx jôngr ntông uô liêx têz, nhoz tsi truôx qơư. Taz sik txos nhiv no, Ia Mơ tưz muôx cêr jông muk, muôx tsêr cơưv ntơưr, muôx qơư y tế; tênhv tênhz tuôx txos  yênhx chuôz zis, cxuô txox cêr tênhz chis cax lus. Lâul jok Rơ Lan Hlết heik: “Nhiv no tsôngv pêx xênhv muôx tsưr ziv huôv tsar uô nox uô hâuk lơưv. Sơưr đơưk muôx meir, muôx cxuô zav jông viv li cux tsi yuô txov nhêv li thâuv ntêx. Lênhx tưs, chuôz zis tưs cux muôx txâuk nox txâuk hnar, luz nênhx vav mênhx lok six ntâu”.

          Têx lar heik ntơưv xã Ia Mơ nhiv no zos, côngz trênhx đêx liv Ia Mơ, pak đêx lox đar, muôx cưx đês lox, cưx đês liêx tsênhv jux juk uô tiêr, paz sơưr đơưk hlôngr yiêz luz nênhx, tsưr ziv huôv tsar uô nox. Tâu têz qơưk paz yênhx cxênhz tyv đeiv cxiv uô, côngz trênhx đêx liv no muôx têx txâuk phưx vưv uô yênhx cxênhz ha liêx têz kôngz. Têx cưx đês jux juk tok tâu đêx lok trâu ntâu đras liêx, muôz têx liêx têz uô tsi jông kôngz, ar tsuôs uô yênhx têx đras liêx lox, kôngz hloz lox jông njuôz xiêz. Tsôngv pêx xênhv tsi tok txos ntux nas chiê uô iz chiv kôngz hâur shông li thâuv ntêx. Tix lâus Rơ mah Lin nhoz jok Krông, shir phaz heik: “Tsôngv pêx xênhv luz nênhx tsi yuô txov nhêv li thâuv ntêx, heik cxuô tưz truôx tuk lơưv. Pêz uô kôngz tâu trơưk tsưr ziv, uô zav tưs tâu zav ntơư. Pêz uô tsâus lok six ntâu txos têz qơưk”.

           Ia Mơr zos xã ntus đriv nhoz faz Tây Nam tỉnh Gia Lai, buôk têz qơưk Campuchia. Tas nro xã muôx 6 jok, 746 chuôz zis, 3 cxênhz ntâu lênhx nênhs. Nhoz no muôx 84% jênh sôr zos heir nênhs tsơưs. Têx shông đhâu, khov têz qơưk moz siêz txos paz cxiv uô cêr muk lol jêx jok, tsôngv pêx muôx jông cêr, zôngx ziv fax thâux têx kôngz, hax huv, huôv tsar uô nox. Lar heik, côngz trênhx đêx liv Ia Mơ tưz yênhx qơư khov truôx, paz pêx xênhv huôv tsar uô tâu kôngz, sâu tâu nju. Zơưv Nguyễn Tuấn Anh, Phưv chủ tịch Ủy ban xã Ia Mơ heik pâuz, xã cux tưz muôx ntâu tsưr ziv, uô jông têx tsaz yênhx, đêx anr chiê uô tâu truôx khor têx côngz trênhx phưx vưv tsôngv pêx xênhv huôv tsar uô nox, hlôngr yiêz luz nênhx. “Hâur têx shông đhâu, cấp ủy, hâu nov ntơưv qơư tưz sir jos huôv tsar zuz nôngz tsoz chos, tsiêx tu zus huv đros hâur qơư nhoz, thax tsav xã, nzaz nzơưv tâu têx pênhr sơưr đơưk siz chos paz thiêz têz qơưk têx tsaz yênhx paz trâu thax tsav tox siêz, txo grêk cêr pluôs truôx”.

           Nhiv kruôr đhâu, ntơưv Đại hội Đảng bộ xã Ia Mơ jiês tiv I, six cxiv 2025-2030, zơưv Hồ Quốc Dũng, Ủy viên BCH T.Ư Đảng, Bí thư Tỉnh ủy Gia Lai heik mênhx, Ia Mơ zos xã muôx côngz têz qơưk, muôx suôz đror bê, iz chas ntơư cux muôx ntâu tsar zav jông chiê huôv tsar. Zơưv Hồ Quốc Dũng cux heik mênhx txos tsưr ziv jông chiê Ia Mơ huôv tsar li no: “Xã tsuv xav tinhv tsưr ziv huôv tsar trơưk 4 hâux lưv zov chênhr no: Kôngz nuv công nghệ siêz; kinh tế jôngr ntông thiêz hâur xuz jôngr; muôv muôs-dịch vụ reik đros ntus đriv; tiv 4 zos huôv tsar ju lix chiv xênhz đrox tsuôs, vênhx huôv”.

           Khov canr bôv, tsôngv niêv txir lax pêx xênhv sik thôngx siêz, Đảng thiêz têz qơưk moz siêz, yưv pênhr paz, Ia Mơ nhiv no tưz ziv hnuz ziv huôv tsar, pêx xênhv luz nênhx jux juk hlôngr yiêz, vav mênhx, yênhx thax tsav truôx khor lok kinh tế, xã hội nhoz ntus đriv Gia Lai./.

VOVTN-Riê Lâux cxeik, nhênhv

PHAX TAR CAZ MOZ TSIK SO NJIZ HÂUR CHÊIX NTUX NAS CHUÔ

  Phax tar caz moz cik đhâu nox hâuk

Chor zav moz tsik so njiz trâus hâur thiêz đhâu muôx ntux nas chuô zos thox plaz, Coli, uô cuz uô no, moz viêm gan A… trâus moz tiv sir zôngv tâu chor đêx tsik hur, zav nox tsik hur.

Phax moz:

- Tsuv uô cov chor đêx thiêz tênhv qơư iz ndis hur si thiêz uô jông vêv xênhz tiz nênhs. Tsuv nox siêz, hâuk bâu, paz ngaz tuk jông têx zav nox.

- Bax cov txâuk têx đêx hur chiê sir zôngv, xênhz huôx. Nzuôr têk hur si txix xaz phongx thiêz đêx hur uô ntêx thâuv zuôr nox, muk tơưv trôngx lok.

- Xưv lik cov jông têx qir, vuôz tsuôz thiêz têx tsiêx cxu trâus tuôs.

- Hâuk lok sik cxax chor yuôx vắc xin phax tar caz moz thâuv muôx hêik kriê đros têx zav moz tưz muôx vắc xin.

Phax tar moz cik txos cêr uô paz.

Chor zav moz tsik so njiz trâus zos moz uô cuz uô no, moz khâuz thuôk, moz ka.

Phax moz:

- Uô cov sor trâu luz chêr thâuv ntux no, tiv zix zos chor nhuôv zâu thiêz nênhs lâul.

- Tsik nhoz jê chor nênhs trâus moz khâuz thuôk, moz cik txos cêr uô pa.

- Nox cov txâuk têx tsơưr pưr.

- Njuôk shuôk thiez kho moz cov sêi chiê tsik njiz trâus têx phiv liv txơưr.

 Phax tar moz kror muôs

Chor zav moz tsik so njiz trâus zos moz kror muôs liêz, moz vôngk tơưr muôs, kror muôs lok cuô ntâu.

Phax moz:

- Tsik nzuôr muôs thiêz đax têx đêx tsik hur.

- Tsik chiê chor mê nhuôv zâu cor tâu chor đêx tsik hur.

- Nzuôr têk txix xaz phongx thiêz đêx hur.

- Tsik zôngv fuôv nzuôr muôs thiêz fiêz nzuôr muôs shơư đros nênhs moz kror muôs liêz.

- Zôngv chor cuô yuôx kho moz kror muôs trâu trâu tas nro chor nênhs cor tâu chor đêx tsik hur têx kror muôs.

 Phax tar moz đrâuv tơưr grêix

Chor moz tsik so njiz: Đêx nox têx têk tơư, moz tơưv poz liêz, moz trưx…

Phax moz:

- Tsik đa đêx thiêz nxuô chor trik yo ntơưv chor đêx tsik hur. Zos tsik muôx chor kror đêx tưz tâu uô cov hur mak tsuv liv đêx chiê sir zôngv lơưr hâu nov hêik kriê.

- Tsik hnar chor trik yo trâus nông, ntuz.

- Tsik đa lok sik uô si hâur chor đêx ngaz viv zos chor đêx tsik hur, đrâuv trâus moz têx poz đrâuv tơưr grêix tsênhv uô trâus moz txox plaz hnhur viv hâuk tâu chor đêx tsik hur co.

- Tsik grêk ntâu trâu chor đêx tâur tsik hur. Zos tsuv grêk trâu hâur chor đêx tâur tsik hur mak thâuv tơưv lok tsuv nzuôr cov hur si txix chor đêx hur thiêz so cov kruôr, tiv zix zos chor nkhiz ntir têk, ntir tơư.

Phax tar caz moz txix zôngr tov.

Li moz suôz liêz.

Phax moz:

- Tsuv pư hâur vix tsav, hnar trik yo ntêr cov tsik trâus zôngr tov.

- Tuô chor vêiv, muôz chor chuôz zênhx zuôr tâur tâu đêx khưz tas cov zôngr tsik muôx qơư ntês kê.

- Tsuôs yuôx tuô zôngr ntơưv têx qơư muôx zôngr ntâu lok sik têx qơư muôx zôngr moz suôz liêz.

- Thâuv uô cuz mak tsuv tuôx ciês trâu têx qơư y têr chiê tâu njuôk shuôk thiêz chơưv kho moz. Tsik chiv chir kho moz ntơưv tsêr. /.

Thanh Thủy-Lik Thox cxêik nhênhv