Nà Sản zos qơư tuz lênhv tir ntâuk tros châuz faz Bắc đrav ntêx đhâu 70 shông nhiv no jông li chas?

          Nà Sản zos qơư tros châuz pháp đrav ntêx xêir tsov nhoz faz Bắc. Viv thax tsav qơư co zôngx ziv đrêiv tir ntâuk txênhz pêz têz qơưs, txix ciês shông xuz thơưx tros châuz pháp tror lok tir ntâuk txênhz pêz têz qơưs trâu Sơn La, tros châuz pháp tưz xêir tsov qơư Nà Sản cxiv uô yar yêz ntux za chiê yêz ntux thâux cxuô zav nox, triêv fov cxuô zav tir ntâuk txênhz pêz têz qơưs nhoz faz Bắc.

Chiê tir ntâuk cov zênhx tros châuz Phaz hâur ntu co, tuz lênhv pêz têz qơưs tưz kriz 3 jiês tir ntâuk tuô tros châuz hâur thax tsav Nà Sản. Thiêz ntơư zos jiês tuz lênhv pêz têz qơưs tir ntâuk uô tros châuz Pháp sưz plơưk nhoz faz Bắc. Zơưv Tạ thành Mai, kuz tuz lênhv lâuk, tsar tiểu đoanx sêiz car yêz ntux za Nà Sản, sư đoanx 371; kuz Giám đốc sêiz car yar yêz ntux za Nà Sản hêik pâuz:

“Tsôngv px ntơưv qơư đros trâu cách mạng VN tưz tir ntâuk zênhx tros châuz nhoz faz Bắc. đhâu têz qơưs thax zênhz, Đảng pêz têz qơưs tưz cxiv tsa tâu iz cxiê nông trường, lar hêik Sơn La zos thax tsav Nà Sản, Mai Sơn, tsôngv px gruôs khưr cxiv tsa têz qơưs-truôx siêz huôv tsar cêr uô nox, muôx luz nênhx tsâu sor”

Đhâu 70 shông cxiv kho têz qơưs truôx tuk, thax tsav qơư lịch sử co hâur têx hnuz no tưz muôx ntâu hlôngr yiêz thiêz tâu tsôngv px chos cxuô zav tsoz chos, muôx phênhv sâu tâu nhiêx txiêx. Zơưv Nguyễn Đình Tuấn, cxiv tsa HTX Chiềng Mung-Mai Sơn shir phaz lul phêiz kênh:

“Thax tsav qơư no zôngx ziv chos cxuô zav tsoz chos thiêz muôx đêx ntưk đhâu, tsôngv px chos tsoz chos Cà phê, Thanh Long, lưv tsiz lok sik cxuô tsoz chos txơưr puôr lênhx lox hloz jông. Hâur ntu zuôr txos no, cur tsênhv zuôr chos siv 5 cxênhz ar têz tsoz chos txir nho thiêz”

Zơưv Hà Văn Thong, chủ tịch uỷ ban xã Chiềng Mung, huyện Mai Sơn cux hêik pâuz tiêk: Chiềng Mung nhoz hâur thax tsav qơư Nà Sản, hurr si xã tưz chos tâu 750ha tsoz chos cà phê, 600ha tsoz chos ntông txi txir li Mo môngk, lưv tsiz, Thanh long.

“Hâur têx shông đhâu lok no, xã tưz muôx ntâu hlôngr yiêz, tsôngv px gruôs khưr huôv tsar cêr uô nox, iz thênhv jux juk hla đhâu cêr yêiz pluôs, nhiv chor chuôzzis pluôs tưz txo grêk tsuôk yuôr 3% ntâu, xav kror đruôz đraz iz lênhx nênhs sâu tâu 39 triệu iz shông”

Zos iz hâur oz thax tsav qơư nhoz Sơn La zôngx ziv huôv tsar cêr uô nox. Chênhr zos li hêik ntơư, hâur têx shông đhâu lok no, muôx ntâu doanh nghiệp yưv pênhr cxiv uô cxuô côngz trênhx, tsêr máy huv đros thax tsav qơư co. Txix thax tsav qơư hâur ntu đrav ntêx tir ntâuk tros châuz, nhiv no tưz zos qơư huôv tsar uô nox nhoz huyện Mai Sơn, tỉnh Sơn La./.

                                            (Tsu cxêik nhênhv-Lê Hạnh)

Thâuv canr bôv, đangv viên zos lênhx nênhs uô ntêx nyuôk nhoz thax tsav tsôngv box mênhx cxưx tsơưs nênhs

          Xênhz zus thiêz hloz lox nhoz tỉnh Thái Bình, thâuv muk bộ đội tror lok tsêr shông 1968, zơưv Đinh Danh Phương tưz chox chuôz zis muk nhoz tox siêz Sìn Hồ, tỉnh Lai Châu thiêz thor uô hâux lưv ntơưv Nông trường quốc doanh yuôx njuôz Sìn Hồ ntơưv jos Mao Sao Phìn, xã Sà Dề Phìn. Đhâu ntâu shông uô côngz xưv, nông trường tsi uô hâux lưv lơưv thiêz, zơưv chuôz zis luz nênhx njiz ntâu phêv liv lok kinh têr.

          Txơưv li ntơưv, đros chênhz zênhv ntâu shông chos thiêz tsoz phưz zuk li chor yuôx, zơưv hlôngr tas nro chuôz zis li mênhv chêx muôx 2 hecta ntâu chiê chos Đương quy thiêz đẳng sâm. Thâuv chuôz zis li trâur nuv yuôx njuôz uô yênhx côngz, zơưv yênhx trus krêz đar chiê muôs, choz tsưr ziv chos, tsoz phưz trâu yênhx châuv ziv chuôz zis hâur thiêz đrâuv xã, đros mênhv chêx yênhx châuv hecta.

          “Cur chuôz zis txix thâuv ntêx txos nhiv no tsênhv tuôr tsês tâu hâux lưv chos yuôx njuôz. Cur pov tsoz chos no muôx chêx cuk kinh têr siêz. Cur tưz heik pox niêv thiêz tuz nhuôk sik đros uô, vênhv tôngv pox nhuôs hâur jos sik đros uô. Cur cux cungz nôngz, kriê tsưr ziv chos trâu pox nhuôs, nhiv no lok six ntâu ziv chuôz zis tưz cxuôv tâu yeiz pluôk. Ntâu ziv chuôz zis đhâu co tsênhv tuôx uô cur tsâus thiêz heik tiêk khov muôx hloz mak nhiv no chuôz zis zuôr tâu yêz meir, muôx tsêr jông nhoz, zuôr tâu meir jov...”.

          20 shông ntâu uô côngz xưv ntơưv Hội liên hiệp pox niêv huyện Sìn Hồ zos bâuv co shông niêv lâuk Chẻo Thị Hà, nhoz thị trấn huyện Sìn Hồ uô zuk mênhx cxưx li hâux lưv uô yuôx njuôz. Nhiv no zos CHủ tịch hội, niêv lâuk ziv muôz siêz lênhx nênhs sơưr thơưx li chinhz yênhx txơưx jênhv “Heik tâu tsuv uô tâu”, chiê zos đeiv iêr chi cax luk trâu hội viên pox niêv tas nro huyện. Niêv lâuk Chẻo Thị Hà heik:

          “Cê zos lênhs tov thiêz zos cán bôv, đangv viên, uô ntêx thâuv krêz uô txos Hội viên pox niêv lok huôv tsar kinh têr mak zuk tsuv zos lênhx nênhs uô uô ntêx. Đrâuv hâux lưv uô nhoz chiz coaz têz qơưk mak cur cux huôv tsar cêr uô nox txix tiv phaz li têx muôx jos. Đros tox siêz huyện Sìn Hồ chos tsoz chos tưs cux lax chos tâu, tsuôk chos tâu yuôx njuôz. Chênhr viv li mak cur truôx siêz uô qơư nzuôr chêr txix yuôx njuôz. Qơư no tâu 2 jiês hlôngr yiêz, kho đuô thiêz txos nhiv no tưz đar thiêz jông đuô”.

          Đảng bộ huyện Sìn Hồ nhiv no muôx 4 cxênhz ntâu lênhx đangv viên, xênhz huôx ntơưv 59 tsưr tsix, cơ sở Đangv. Zơưv Hoàng Thọ Trung, Bí thư huyện ủy Sìn Hồ, tỉnh Lai Châu puz pâuz: khov muôz siêz cán bộ, đangv viên li chinhz yênhx txơưx jênhv, têx tsưr tsix đangv tưz yax six chiv chir hlôngr yiêz. Yênhx tix co tâu khav tênhv thâuv shông 2021, tas nro huyện muôx 659 ziv chuôz zis tax bê “Nôngx mênhx txơưx tsiv uô kinh doanh”, 140/185 jêx jos, khu phố tax vênhx huôv; 79% ziv chuôz zis tâu côngz jênhv chuôz zis vênhx huôv.

          “Txơưx jênhv tsuv zos đeiv iêr chi cax luk chiê sđ cơưv shâuv uô lơưr muôx têx hlôngr yiêz, tiv zix zos nhiv no chor cán bộ, đangv viên hluôk cux tâu cxơưz tiês, chuôz tsar cxaz chuôz hâur Đangv. Hâur co muôx  ntâu lênhx đangv viên hluôk sir jos uô jông cêr chei thiêz muôx têx tsưr ziv xar tơưv jông lok huôv tsar kinh têr, tiv zix zos kôngz jôngr nuv. Cán bộ đangv viên sik đros cơưv shâuv huyện no đros huyện txơưr, xã no đros xã txơưr, chiê muôx tsưr ziv uô bluô nux jông sâuv zuk têz qơưk”.

          Cán bộ tưs, phongz yaox co, chinhr txix iz lênhx cán bộ, đangv viên li têx sir jos uô ntêx nyuôk nhoz Sìn Hồ heik taz, tỉnh Lai Châu heik cxuô tưz uô tsôngv box ziv njênhs njôngr cấp ủy, chính quyênx. Đhâu co, chuôz cxaz cêr niêv côngv siêz, thôngx ziv, iz siêz uô muôx chêx cuk têx jênhv vưv chính trị, huôv tsar KTXH nhoz tiv phaz./.

(Khắc Kiên-Txâur Vax cxeik nhênhv)