Têx txox cêr uô txix tsôngv box li đas jos nhoz Sơn La

          Txox cêr muk lok hâur jos ntêr tsuôk muôx 1,3 cei, đar 3,5 yiv, taz sik zos tsôngv box jos Nà Hạ 2, xã Chiềng Mung, huyện Mai Sơn, tỉnh Sơn La li têx siêz xar njôngr hâur ntâu shông no. Tâu têz qơưk paz txưv 200 tênhr xi măng, tsôngv box hâur jos tưz sik seiz lax, gôngr cxaz 360 tsov đeiv, đros yênhx puôk hnuz côngz chiê cxiv uô cêr. Zơưv Tòng Văn Tiết, tsôngv box jos Nà Hạ 2, xã Chiềng Mung pheiz kênh:

          “ Thâuv ntêx cêr lok six lax muk lok, nhiv no tâu têz qơưk paz xi măng, pox nhuôk jos Nà Hạ 2 lok six shir phaz, uô cêr chiê muk lok muôv muôs hax huv zôngx ziv đuô, têx mê nhuôk shux xênhz muk cơưv ntơưr cux zôngx ziv đuô”

          Zos tiv phaz xuz thơưx huiz tôngv đas jos tsôngv box, shông 2022 nhiv kruôr đhâu, huyện Mai Sơn yax mông, vênhv tôngv tsôngv box gôngr 300 cxênhz ntâu yiv ndis ar, gôngr 11 cxênhz ntâu hnuz côngz....uô tiêr 63 txox cêr. No zos hâux lưv chiê Mai Sơn tror uô tiêr, muôz siêz cxix luôk zaoz thôngz. Zơưv Nguyễn Khắc Hào, Tsar phongx kôngz nuv thiêz huôv tsar nôngx cxênhz huyện Mai Sơn, tỉnh Sơn La puz pâuz:

          “ Đros têx ploz tsênhr cxiv tsa nôngx cxênhz, tiv zix zos cêr zaoz thôngz, phongx zuôr tror sik côngv đros têx taz viv, heik huyện uô uô cê, sir zôngv muôx chêx cuk têx pênhr jos, huiz tôngv tsôngv box li gôngr côngv chiê uô”.

          Hâur shông 2022, tỉnh Sơn La tưz uô 213 txox cêr zaoz thôngz nôngx cxênhz, ntêr 105 cei, tas nro pênhr yưv uô zos zuôr xar 135 tỷ đeiv; hâur co tsôngv box gôngr côngv zuôr xar 44 tỷ đeiv, phênhv ntâu zos hnuz côngz lox tôngv, gôngr ar thiêz chuôz zênhx cxiv tsa. Txos nhiv no, Sơn La tưz muôx 78 sâuv 188 xã uô tiêr ploz tsênhr số 2 lok zaoz thôngz hâur cxiv tsa nôngx cxênhz yiêz. Zơưv Nguyễn Văn Chính, Phưv giám đốc Sở zaoz thôngz vênhv teiv tỉnh Sơn La puz pâuz:

          “Nganhx zaoz thôngz vênhv teiv zuôr tror heik UB tỉnh, têx tiv phaz uô têx chính sách lok huôv tsar zaoz thôngz nôngx cxênhz, tiv zix zos yax mông vênhv tôngv tsôngv box sik đros cxaz chuôz gôngr côngv cxiv tsa zaoz thôngz thiêz seiz car, kho đuô....”

          Iz shông muôx txix 10 txos 15 xã tax ploz tsênhr lok zaoz thôngz; 100% xã muôx cêr zaoz thôngz tuôx txos ciês tsênhv qơư xã...zos tỉnh tox siêz Sơn La li tsưr ziv uô, sir jos txos shông 2025 muôx 83 xã tax ploz tsênhr nôngx cxênhz yiêz, 1 tiv phaz cấp huyện uô tiêr tsưr ziv cxiv tsa nôngx cxênhz yiêz./.

(Lê Hạnh-Txâur Vax cxeik nhênhv)

Tsôngv pêx xênhv nhoz têx tỉnh faz Bắc xar njôngr hêik cxaz nzir trâu dưv thảo Chei ar têz tâu moz siêz txos

Tâu đros hêik cxaz nzir kho đuô Chei ar têz ntơưv qơư, lok sâuv gri ar, niêv lâul Tòng Thị Duyên nhoz jok 4, phường Chiềng An, TP Sơn La heik, tsênhz tiês gri ar têz qơưk tso tơưv tsênhv tsi tâu huv đros, uô muôx ntâu têx siz pênhr, thâuv têz qơưk sâu zuôr pêx xênhv têx ar liêx têz. Chiê đơưk uô têx li heik no, têz qơưk tsuv xav cov jông, tso tơưv cui tinhv tsênhv tsênhz đuô lok sâuv pâux nzir, paz max trâu pêx xênhv thâuv têz qơưk sâu zuôr ar:

“Gri ar chênhr zos kror đơưk têx phiv liv hâur pâux nzir trâu pêx xênhv trâul têz qơưk sâu zuôr ar têz. Tsuv muôx têx cui tinhv huv đros, hâur co, phênhv pâux nzir bâuv li chor nhiêx gri ar lơưr gri ar têz qơưk ntơưv ntu sâu zuôr ar. Chênhr viv li, Chei ar têz kho đuô tsuv tso tơưv gri ar trơưk cui tinhv gri ar têz qơưk cov huv đros. Six hơưv, hnuz nhôngs xav gri ar tâu tso tơưv niêx shông, taz sik zos muôx txơưr txar li chas tsuv cxiv kho huv đros trâu tsênhv tsênhz”.

Cux cik txos tsênhv njiêz no, zơưv Phạm Trung Kiên, Phưv Chủ tịch Ủy ban huyện Văn Yên, tỉnh Yên Bái heik, dưv thảo Chei ar têz kho đuô tsuv uô tsênhz mênhx têx cui tinhv, chiê taz por têx lênhx pêx xênhv muôx ar trâul sâu zuôr li vax huôv. Lar heik, tsuv uô tsênhz mênhx têx li: Uô li chas cov jông đuô qơư nhoz kuz chiê lênhx nênhs trâul sâu zuôr ar têz muôx luz nênhx jông thiêz truôx tuk:

“Cxiv tsa tsưr ziv pâux nzir, paz max yêik txar qơư nhoz tsuv uô uô ntêx thâuv muôx quyết tinhv sâu zuôr ar thiêz tsuv tâu uô tsênhz mênhx, muôx seiz kaz, uô trơưk cui tinhv, taz por muôx liv trâu pêx xênhv trâul sâu zuôr ar. Iz chas co, pâux nzir thâuv têz qơưk sâu zuôr ar cux tsuv taz por, jênh tsuv, tsênhz mênhx, zênhx max thiêz trơưk chei têz qơưk cui tinh. Qơư nhoz yiêz taz por lok sâuv têx côngz trênhx, qơư, huv đros, txar jav tsi chiê muôx yưv têx tsi jông, siz pênhr li uz li no….”.

Ntơưv Lai Châu, hâux lưv zuôr ziv chênhv gôngr trâu dưv thảo Chei ar têz kho đuô tưz tâu thax tsav qơư choz trâu cxuô huyện, TP seiz car, hux jos đros HĐND đros cấp tsưr tsix zuôr chor nênhs hâur thax tsav li ziv chênhv. Iz chas co, têx taz viv, đoanx thêv li: Tòa án, Viện Kiểm sát, Mặt trận tổ quốc…cux tsênhv tsưr tsix zuôr sơưr đơưk li ziv chênhv.

Zơưv Mai Văn Thạch, Giám đốc Sở đêx ar thiêz tênhx qơư tỉnh Lai Châu heik pâuz: Têx tsênhv njiêz ntơưv qơư moz siêz txos nhiv no zos uô li chas chiê kho đuô Chei ar têz huv đros trâu têx chei txơưr đuô. Đros thiêz tox siêz mak tsuv uô chei ar têz huv đros trâu Chei jôngr nuv; thax tsav tiêx đras mak Chei ar têz huv đros trâu  Chei chuôz zênhx côngz…. Chiê uô tâu têx li heik co, tsuv moz siêz txos sir zôngv ciês têx lênhx nênhs ntơưv qơư lês uô hâux lưv:

“Nhiv no hâur cui tinhv cux heik  txos lênhx nênhs uô hâux lưv qênhz yuôx shuôs, tu têx ar têz hâur xã mak tsuv xeir zuôr nênhs uô. Xeir zuôr iz lênhx nênhs lês car uô đreiv luôs hâux lưv co mak têx lok sâuv tênhx qơư, khoar cxax, đêx thiêz iz cxiê zav nuv txơưr đuô zuôr uô li chas. Li ntơư, nhiv no cấp xã zuôr phiv liv xeir zuôr lênhx nênhs; lênhx lês uô ntâu zav nuv, têx hâux lưv phiv liv taz sik tsi tâu cơưv đhâu têx txux chi tsưr ziv uô lok sâuv lês chor hâux lưv co, tsi pâuz tsênhz txos têz qơuk têx chei mak cux nhuôz,  uô phiv liv trâu chor hloz thênhv siêz, muôx têx cux qir txix co uô muôx yưv têx tsi jông”./.

(VOVTB-Riê Lâux cxeik, nhênhv)