Sơn La sir jos cov yênhx tsênhv qơư uô lơưr công nghệ siêz nhoz thax tsav

faz Bắc

2, 3 shông lok no, tix lâus Vì Văn Việt, heir nênhs Sinh Mun nhoz jok Bon Cằm, xã Phiêng Khoài, huyện Yên Châu, tỉnh Sơn La chuôz zis vax txir khơưz puôr lênhx tâu sâu đê 2 chiv, iz chiv siêr nzor, iz chiv siêr lis. Six hơưv đê qir txix hli 4 txos hli 7 viv li txir khơưz tâu gri đuô, iz cir muôs 70 cxênhz txos 100 cxênhz đeiv thâuv chor txir nhiv kruôr siêr thiêz zuôr đuô tơư ntơư. Co zos khov uô lơưr têx tsưr ziv yiêz hâur tu thiêz tsoz phưz trơưk cui tinhv:

“Thâuv ntêx chuôz zis chor liêx têz no phênhv ntâu zos chos poz cưk, kok ntông taz sik tsi tâu gri. Đhâu ndis seiz thiêz muk cơưv shâuv, uô trơưk iz cxiê lênhx nênhs muôx tsưr ziv chos, tu txir khơưz cêr huôv tsar uô nox, cur tưz tror lok uô trơưk, chos txir khơưz trâu zuk têx liêx têz. Chor shông uô ntêx tsơưs mak cux tâu 200 tsov đeiv iz chiv”.

Nhoz xã ntus đriv Phiêng Khoài, huyện Yên Châu nhiv no, đeiv têz tưs cux tưz pov chos txir khơưz. Tas nro xã nhiv no muôx 400 ntâu chuôz zis chos txir khơưz, thiêz tu zuôr xar 200 ha têx txir khơưz siêr nzor, iz ha tsôngv box tưz yưv tas 45-50 tsov đeiv nhiêx chiê đhok car đêx zưs txir khơưz. Đros thiêz tsưr ziv, uô li chas cov têx tsoz chos co hloz jông, txi txir ndư, lox siz luôs, nox kaz, tsôngv pêx xênhv Phiêng Khoài tưz tiz jông tu, yiz txiêr têx chês, txir tsi jông gâux por tsês. Zơưv Nguyễn Khánh Toàn, Giám đốc HTX dịch vụ kôngz nuv Toàn Phát, xã Phiêng Khoài heik pâuz: Nhiv no taz viv tsênhv muôx 60 ha txir khơưz tâu chos thiêz tsoz phưz lơưr tsưr ziv VietGAP, cxok fiêx, kuôk cêv thax tsav chos, taz por truôx tuk zav nox thiêz sox seiz njôngr têx nuv uô hâur niêx hnuz li: Tu têx txir, yiz txiêr chês….đhâu meir cxeik đuôz:

“HTX cux muôx ntâu kruô đas cir zuôr, iz zav li saz têz qơưk đrâuv mak lơưr đas cir zuôr truôx tuk tâu ntâu shông no lơưv. Cux muôx ntâu qơư, chôngz nênhs zuôr, zuôr muôs hâur ciêz đrôngs hâur cux muôx, muôs đhâu mạng xã hội cux muôx thiêz đhâu điện tử hur si. Thâuv uô tâu jông trơưk cui tinhv chiê muôs trâu luôs 2 chas thax tsav mak pêz zuôr cir hux thôngx muôs trâu saz têz qơưk đrâuv”.

HTX Mé Lếch, huyện Mai Sơn muôx 20 chuôz zis chos đreiv têx txir na đros thiêz 150 ntâu ha. Chiê  tsoz phưz têx tsoz chos nox txir co, lơưr tưz yưv pênhr zuôr meir phưx vưv lêix ar, tsuôs đêx, tsuôs yuôx. Zơưv Nguyễn Hữu Tứ, Giám đốc HTX heik pâuz:

“Tsoz chos nox txir no zos iz zav phiv liv chos, viv li HTX tưz uô lơưr têx tsưr ziv yiêz, lar heik zos đhok car đêx, zưs đêx trâu têx tsoz chos co cov nông, tsi trâul kruôr njưk. Iz ha mak HTX yưv pênhr đhok uô qơư zưs đêx tas nhos 110 -120 tsov đeiv.  HTX cux hux jos đros têx công ty, ciêz đrôngs chiê paz pêx xênhv sâu zuôr têx txir na”.

Đhâu iz đraz six cxiv sir jos cov yênhx tsênhv qơư uô kôngz lơưr tsưr ziv yiêz; thax tsav Tây Bắc li tsênhv qơư tsiv uô kôngz, tỉnh Sơn La tưz muôx 22 cxênhz ntâu ha liêx têz tsoz chos uô trơưk têx  tsưr ziv uô nox yiêz; 281 qơư chos đros thiêz xar muôx 5 cxênhz ha tsoz chos nox txir phưx vưv muôs trâu luôs 2 chas thax tsav, têz qơưk đrâuv. Txos nhiv no, tỉnh tưz muôx 17 tsêr meir thiêz 500 qơư tsiv uô kôngz nuv. Uô kôngz-jôngr-đêx nuv hâur tỉnh chuôz tsar jông, shông 2021 tsar ndê 7% ntâu. Shông 2022 txơưv trâul moz Covid-19 uô ruôr hiêv txos thiêz kinh tế sâuv ntiêx têz tsi truôx tuk, taz sik têx kôngz nuv hâur tas nro tỉnh cux tsar ndê 2% ntâu, njuôk xav 6 luz hlik hâur shôngk shông no tsar ndê zuôr xar 6%....

Zơưv Nguyễn Hữu Đông, Ủy viên T.Ư Đảng, Bí thư Tỉnh ủy Sơn La heik pâuz: Chiê uô tâu têx li heik sâuv, đhâu hlo Đại hội Đảng bộ tỉnh, Sơn La tưz tso tơưv 2 tsưr ziv, nghị quyết huôv tsar kôngz nuv, co zos nghị quyết lok huôv tsar kôngz-jôngr-đêx nuv uô lơưr tsưr ziv yiêz thiêz nghị quyết lok huôv tsar công nghiệp tsiv uô kôngz nuv hâur thax tsav. Zov chênhr zos tas nro cxix luôs chính trị puôr lênhx sik côngv têk thiêz nênhs sơưr thơưx hâur cxuô thax tsav qơư, taz viv puôr lênhx taz txơưx jênhv têx hâux lưv:

“T.Ư cux vav chiê siêz, hâur ntu zuôr txos, Sơn La zos thax tsav Tây Bắc li tsênhv qơư tsiv uô kôngz nuv. Uô lơưr Bộ Chính trị li suô luk, pêz zuôr sir jos uô cov tâu têx luôs hâux lưv li heik sâuv”.

Zos tỉnh tox siêz, ntus đriv tsênhv yuôr ntâu txov nhêv, Sơn La thâuv tưs tưz sir jos lês uô jông cxuô luôs hâux lưv zok muôz, cxiz hlôngr yiêz, xar tơưv têx tsưr ziv jông, khưx phưx phiv liv, têx uô tsi tâu tsi tiêr chiê cxiv tsa ntơưv qơư huôv tsar sei thiêz truô; yênhx tsênhv qơư  huôv tsar kôngz nuv uô lơưr tsưr ziv yiêz thiêz zos thax tsav Tây Bắc li tsênhv qơư tsiv uô kôngz nuv./.

                               Nguyễn Thị Thủy-Riê Lâux cxeik, nhênhv