Pox niêv mênhx cxưx tsơưs nênhs nhoz Lâm Hà-Lâm Đồng sir jos hlôngr yiêz luz nênhx

Kror njiê pov tâu xuz thơưx ciês thâuv muk txos trâu jok Phi Sour, xar Phi Tô, huyện Lâm Hà, tỉnh Lâm Đồng zos muôx ntâu luz tsêr lox jông shơưv đros trâu chor têz cà phê thiêz têx qơư uô nox muôx tsêr tax thêir vor. Niêv tix Ka Lương (mênhx cxưx K’ho Sre) ziv chuôz zis nhoz jê ciês ntơưv ntus cêr. Saz kâuv luz tsêr lox jông no zos iz thax tsav qơư muôx tsêr thêir vor đar muôx 700 thiêr ndis, muôx cxiv luôs chiv chir zưs đêx, zuôv qir. No zos tsưr ziv chos cxuô zav jâuz txir kok hâur qơư muôx tsêr thêir vor xuz thơưx ciês ntơưv jok Phi Sour, xar Phi Tô. Niêv tix Ka Lương hêik, pox nhuôs nhoz ntơưv no zênhx sưv đros tsoz cà phê, thâuv hlôngr yiêz chiê chos jâuz txir kok zos kror tsưr ziv uô yiêz, mak tsuv pâuz tâu lok khoa họ kỹ thuật:“Lok kỹ thuật uô mak cur chiv chir nriêr pâuz, Viv ntơưv thax tsav qơư Hôiv pox niêv xar tsik tâu kriz uô tsưr ziv uô nox no viv li cur tsuv muk trâu Đơn Dương chiê cơưv shâuv chênhz zênhv, muk trơưk chor pox niêv Tsoz tsiz sêiz sêz lơưr zuôv qir li chak, lơưr zôngv chor zav zuz nôngz tưs chiê zuk muôx tâu chênhz zênhv lok uô nox”.

Têx jâuz txir kok hâur qơư muôx tsêr tax thêir vor zos iz kror kỹ thuật uô yiêz, txơưr lok six ntâu pir li chos cà phê. Niêv tix Ka Lương puz pâuz, tsuv khov trâu six hơưv shênhx thâuv sơưr nzor lok sik thâuv tar su lok sik thâuv tsâuk ntux chiê tu têx jâuz txir co. Chos têx jâuz txir kok li no mak tsuv tâu uô jông uô; tiv zix zos kỹ thuật phax tar têx caz hmoz ruôr hiêv txos. Têx hax huv niêv tix chuôz zis uô tâu puôr lênhx tâu chor nênhs uô lax luôv tuôx zuôr ti gâuk ntơưv qơư uô, đros gri muôs truôx tuk thiêz siêz đuô. Tsuôk xav ciês phênhv sâu txix têx jâuz txir kok chos hâur 700 thiêr ndis hâur qơư muôx tsêr thêir vor no, iz hli niêv tix Ka Lương sâu tâu lok muôx 10 triệu đêiv ntâu. Lơưr niêv tix Ka Lương, kror hlôngr yiêz chos têx jâuz txir kok li no hâur qơư muôx tsêr thêir vor li no zos niêv tix chuôz zis li kror tsưr ziv uô nox yiêz:“Thâu ntêx no pêx xênhv sơưr đơưk tsik so uô nox lơưr têx tsưr ziv kuz pôngz kaz. Thiêz nênhs K’ho cux li co, tsuôk zos pâuz tok khov trâu chor cà phê xưz, iz shông tsuôk sâu tâu iz jiês, hok nhiêx txiêx sir zôngv hâur chuôz zis, txoz cxơưx trâu têx tuz nhuôs muk cơưv ntơưr mak tsuv muk kir txêik uô ntêx. Kaz shông sâu tas cux tsik txâuk thêv têx nux gri tror trâu luôs, txơưv tiêk cà phê đar muôx yênhx héc ta. Đhâu co, cur muk uô jos trâu chor nênhs Tsoz tsiz, lơưr hêik trâu cur tiêk tsik cxoz tok khov trâu tsoz cà phê xưz, mak tsuv hlôngr yiêz, tsuv chos têx jâuz txir kok thiêz têx co zuôr muôs tâu sêi đuô thiêz muôx chôngz nênhs zuôr đuô chor cà phê. Txơưv tiêk chos jâuz txir kok li co sâu tâu tsơưs taz sik hâur iz hli mak sâu tâu ntâu jiês”.

Txos nhiv no, Hôiv Liên hiệp pox niêv huyện Lâm Hà tưz sik côngv đros Zênhx hangx Tsênhv chêi xar hôiv, Zênhx hangx Kôngz nuv thiêz Huôv tsar jêx jok. Đhâu co, tưz muôx 5.000 ntâu lênhx hôiv viên tâu txêik pênhr đros têx pênhr txêik muôx 140 tiv đêiv ntâu. Niêv tix Ka Soanh, Chủ tịch Hôiv Liên hiệp pox niêv xar Phi Tô, huyện Lâm Hà puz pâuz, têx shông đhâu ntơưv thax tsav qơư tưz muôx ntâu kror hlôngr yiêz hâur uô nox, tiv zix zos chor pox niêv mênhx cxưx tsơưs nênhs, iz zav li niêv tix Ka Lương ziv chuôz zis:“Ka Lương zos hôiv viên mênhx cxưx K’ho hâur Hôiv pox niêv zos iz lênhx hôiv viên lok six sir jos khưr uô nox hâur luz nênhx, car xar car uô, sir jos cơưv shâuv chiê huôv tsar kinh têr ziv chuôz zis. Niêv lâul zos iz lênhx Hôiv viên sir jos thiêz uô ntêx hlo. Cur vav tiêk tas nro chor gâux muôv vir ndâuk sơưr đơưk, tiv zix zos chor hôiv viên mênhx cxưx tsơưs nênhs zuôr sir jos cơưv shâuv huôv tsar uô kinh têr li niêv lâul Ka Lương chiê huôv tsar kinh têr-xar hôiv ntơưv thax tsav qơư”.

Pox nhuôs mênhx cxưx tsơưs nênhs nhoz huyện Lâm Hà, tỉnh Lâm Đồng hêik cxuô luz nênhx tưz muôx ntâu hlôngr yiêz jông. Iz chas chor chuôz zis li sir jos, tsênhv muôx chính quyền thiêz chor nganhx muôx vax huôv li têx paz, tiv zix zos chor pênhr nhiêx paz chiê huôv tsar uô nox. Hâur hli 8 nhiv kruôr đhâu, Ủy ban huyện Lâm Hà tưz cuêz tênhv tso tơưv bê ntơưr muôx 800 ntâu ziv chuôz zis tsôngv box mênhx cxưx tsơưs nênhs tâu sơưv tsênhv chêi paz nhiêx txiêx zuôr nhiêx liv kik hâur hlôngr yiêz đuô hâux lưv uô nox. Ciês xar Phi Tô muôx zuôr xar 100 ziv chuôz zis, iz chuôz zis tâu txêik 100 triệu đêiv. No zos têx pênhr nhiêx zov chênhr, paz pox nhuôs mênhx cxưx tsơưs nênhs yưv pênhr trâu uô nox cov tâu truôx jông thiêz huôv tsar đuô hâur ntu zuôr txos./.

(TTTN-Lik Thox cxêik nhênhv)