Cheix ntux yiêz nhoz thax tsav txov nhêv Nậm Ban

Thâuv nhiv kruôr tuôx trâu Nậm Ban, seiz têx luz tsêr tsar lơưx xor đruôz đaz pêk tuôs, njiê đrâuv jôngr pov hâur tsêr đros trâu têx trôngx chơưr, jâuv yênhx paz siz zâuv hâuk chơưr đrôngl ntưk, tsi tsơưs jiês têx tuz lênhv pênhz phax tưz xar tiêk: Zuôr uô li chas chiê tsôngv box hlôngr tâu têx cêr uô nênhx pôngz kaz? Lơưr têx tsưr ziv xar no cux tsi zôngx ziv uô tâu thiêz cux chênhr chor tuz lênhv ho tror sik saz lax, nênhs tox siêz lơưr cux muôx têx lo lul heik “muk txos mav pov, uô tâu li pâuz”. Chênhr viv li chor tuz lênhv tưz sir jos lês uô têx hâux lưv yax kriê pêx xênhv, muôx têx jux juk zuôr tâu pêx xênhv njênhs thiêz jông siêz uô trơưk. Đại úy Nguyễn Văn Hoàn, canr bôv vênhv tôngv tsôngv box uô têx nuv jông trơưk cêr têz cêr qơư, Zênhx Pênhz phax Hua Bum, Bộ Chỉ huy Bôv đôiv Pênhz phax tỉnh Lai Châu heik:“Nênhs Mảng zos iz heir nênhs lok six tsơưs, lơưr cêr nênhx phôngz cxưx thâuv ntêx viv tsi tâu fuô kriê, tsênhv yuôr ntâu pôngz kaz. Đhâu iz ntuk tâu yax kriê, vênhv tôngv, tsôngv box sơưr đơưk luz nênhx cux jux juk hlôngr yiêz. Taz sik, chiê nênhs Mảng lơưr chuôs luôs lưv heir nênhs txơưr đuô thiêz ntu têz qơưk hlôngr yiêz nhiv no mak lok six zuôr trâul tâu cxuô cơ quan, ban ngênhx đros moz siêz paz max txos. Tsôngv box nhoz no lơưr zuôr trâul txos têx nuv uô tsênhv tsênhz, hok yax kriê tsi muôx nuv uô mak muôx têx lơưr zuôr tsi njênhs, tsi mnôngs trơưk”.

Đros trâu luôs hâux lưv yax kriê tsôngv box sơưr đơưk tso tsês têx cêr nênhx pôngz kaz, tsik uô têx luôs hâux lưv cxâuv chêi, hlôngr yiêz tsưr ziv khưr uô nox cov iz thênhv jux juk txo grêk tâu yêiz pluôs thiêz sir jos đros tsưx phưv truôx thax tsav ntus đriv, pêx xênhv muôx luz nênhx tsâu sor. Txix ntơư, chor tuz lênhv xav tinhv tsuv pâuz tsênhz lok tsôngv box li tsưr ziv xar, sik pheiz kênh têx phiv liv, cêr txov đros pêx xênhv, chiê tsôngv pêx xênhv jux juk pâuz to tâuz, njênhs thiêz uô trơưk têx tuz lênhv heik kriê. Niêv lâul Chìn Me Long, nhoz jok Nậm Ô, xã Nậm Ban, huyện Nậm Nhùn heik:“Thâuv ntêx niêx hnuz muk khưr uô nox, ntux yar ntux nas lok cux tsuv muk hur si. Thâuv co cur trâul moz lok six hnhar, moz tâu iz luz hlik, tsi pâuz shor zuôr uô chas moz thiêx jông”.

Hâur Nậm Ban thâuv ntêx tsôngv box heir nênhs Mảng muôx ntâu tus tsi pâuz ntâuz pâuz ntơưr,  viv li lơưr luz nênhx ziv txov nhêv đuô viv tsi muôx tsưr ziv đros luôs lưv tus huôv tsar uô nox, tsi pâuz txos têz qơưk têx chei fuô kriê. Ntâu jiês canr bôv tuz lênhv Pênhz phax tuôx yax kriê, thâuv muôz têx ntơưr trâu pêx xênhv cov cir chos luk tsi uô cxâuv têx chei têz qơưk uz no mak tsuôk muôx iz cxiê lênhx thiêx pâuz cok mê njik zuk luz bê trâu sâuv đeiv ntơưr xưz. Đros thiêz tsôngv pêx xênhv nhoz no, niêx hnuz khưr uô liêx têz xưz, tsi pâuz đros luôs tuôr chưx mêv cok ntơưr. Zơưv Hoàng Văn Nhậm, Phưv Chủ tịch Ủy ban xã Nậm Ban heik: Xav tinhv kriê hâur pâuk ntơưr trâu pêx xênhv chênhr zos iz kro chiê pêx xênhv nhoz no muôx luz nênhx tsâu sor, jông đuô. Chênhr zos li heik co, hâu nov xã thiêz hâu nov Zênhx Pênhz phax Hua Bum tưz sik seiz lax, thôngx ziv chiê krêz lớp kriê hâur pâuk ntơưr trâu tsôngv pêx xênhv:“Têx shông jê lok no, chor pox niêv li vax huôv thiêx tâu taz por, hok têx shông thâuv ntêx ntơư tsi pâuz ntơưr mak lơưr tsi pâuz txos têz qơưk têx chei fuô kriê, tsi pâuz txos têx hlôngr yiêz”.

Seiz njiê pov têx lênhx pox niêv moz siêz lus muk cơưv ntơưr êv mê nhuôv đros hur si, li pâuz tâu tsôngv pêx xênhv nhoz no lơưr xar muk cơưv txơưx  njê li chas, chiê đros luôs lưv tus muôx tsưr ziv huôv tsar uô nox. Đros niêv muk cơưv ntơưr, ntâu lênhx nhuôv pư tsâus jos đrik sâuv niêv đrâuz kâuv; muôx kênh lênhx nhuôv mak cor uz cor no thâuv niêv tsênhv shâuv sâu têx ntơưr. Seiz pov tsôngv pêx xênhv li têx sir jos cơưv ntơưr thâuv lơưr tưz nhoz hnuz nhôngk uô niêv thiêz txir, ntâu lênhx tưz zos zơưs, zos pos; seiz têx blêx, poz cưk hloz lox jông, tsiêx cxu iz hnuz vav ntâu jux juk-têx luôs hâux lưv chor tuz lênhv kriê tsôngv pêx xênhv tsưr ziv uô tâu, lơưr njênhs njôngr tiêk, nhiv no tror muk tsôngv box luz nênhx zuôr hlôngr yiêz, tsi yuô trâul txov li thâuv ntêx lơưv. Trung tá Trần Bình Thắng, Chính trị viên Zênhx Pênhz phax Hua Bum heik:“Zênhx Pênhz phax Hua Bum tưz đros cấp ủy, hâu nov ntơưv qơư yênhx lix tổ côngz xưv yênhx shông ntơưv xã Nậm Ban. Thiêz uô têx luôs hâux lưv hu zâuv, heik kriê tsôngv pêx xênhv sơưr đơưk tsưr ziv uô nox uz no, hâur co lar heik zos uô trơưk tsưr ziv “4 đros” pêx xênhv li: Đros pêx xênhv nhoz, đros pêx xênhv nox, đros pêx xênhv uô liêx têz….chiê yax kriê gra siêz sơưr đơưk txux chi tsưr ziv jênhv pâuz, paz huôv tsar uô nox uô hnar, cxuz cêr yeiz pluôs. Pêz tưz sir jos nhênhz chơưv trâu cấp ủy, hâu nov ntơưv qơư cov muôz têx zuz nôngz tsoz chos, tsiêx tu zus trâu pêx xênhv thiêz kriê lơưr tsưr ziv uô, zus têx tsiêx cxu. Lar heik zos kriê hâur pâuk ntơưr trâu têx lênhx tror tsi pâuz ntơưr co, đhâu iz ntuk uô li heik sâuv, txos nhiv no tsôngv pêx xênhv li txux chi tưz tâu gra siêz jux juk”./.

(Khắc Kiên-Riê Lâux cxeik, nhênhv)

Đảng viên nhoz Phổng Lái sir jos uô ntêx hlo hâur huôv tsar kinh têr

Muk sêiz shuôk niêv tix Chiz Xênhv Thox nhoz jok Nặm Giắt, xar Phổng Lái ziv chuôz zis li tsưr ziv huôv tsar uô nox, sâuv têx têz yuôx zêx, niêv tix Chí puz pâuz: shông 2013, chuôz zis kir txêik Zênhx hangx tsênhv chêi xar hôiv 20 triệu đêiv chiê yưv pênhr huôv tsar 1 héc ta ntâu têz yuôx zêx thiêz cà phê, tu zus nzir kêiz ol chiê paz trâu chuôz zis luz nênhx. Yênhx shông, chuôz zis tưz sâu tâu muôx 100 triệu đêiv ntâu. Đros co, niêv tix Chí Xênhv Thox tsik so đros chor thành viên hâur chi bộ muk trâu yênhx ziv chuôz zis chiê yax kriê pêx xênhv huôv tsar têx tsưr ziv uô kinh têr, hlôngr yiêz đuô tsưr ziv uô nox. Chiê pêx xênhv uô trơưk, uô ntêx mak niêv tix đros chor đảng viên txơưr tưz kriz uô uô ntêx hlo, car xar car uô trơưk tsưr ziv “Đảng viên uô ntêx, pêx xênhv sơưr đơưk cơưv shâuv uô trơưk”:“Cur cux tưz nriêr pâuz thênhv siêz têx chỉ thị, nghị quyết chiê yax kriê, hêik tas nro pox nhuôs hâur zuk jok, hâur chi bộ, phuôx huz têx kror tưz uô tâu thiêz hlôngr yiêz đuô tsưr ziv xar chiê hlôngr yiêz đuô tsoz chos, muôz têx zav tsoz chos tsơưr lươngv siêz chox lok chos paz trâu huôv tsar kinh têr cov paz muôx nzir phênhv sâu siêz đuô trâu chor ziv chuôz zis”.

Xar muôx 10 shông xênhz huôx ntơưv Chi bộ jok Nặm Giắt, zos iz lênhx đảng viên sưv jê đros pêx xênhv, niêv tix Chí tsik so xar tiêk uô chak cov paz hlôngr yiêz tâu pox nhuôs li siêz xar, uô chak chiê tsôngv box mênhx cxưx tsơưs nênhs hla đhâu cêr pluôs truôx đrênhk, tưz tsik zos hâur jok, hâur chi bộ zuk xưz, mak uô trâu ntơưv tas nro têx jêx jok nhoz iz ndis thiêz. Tix lâus Lường Văn Thích nhoz jok Khau Lay, xar Phổng Lái hêik: thâuv ntêx no iz shông chuôz zis tsik so muôx tsik txâuk nox, trâus yêiz plaz txix 1 txos 2 luz hli. Tâu cấp ủy, chính quyền đros cxuô cán bộ đảng viên, đoàn viên tuôx paz, kruôz kriê, đros sir jos hla đhâu cêr yêiz pluôs, tix lâus tưz kir txêik pênhr chiê chos 5.000 thiêr ndis yuôx zêx. Nhiv no chor yuôx zêx hloz lox, huôv tsar jông, yênhx shông paz muôx tâu phênhv sâu truôx tuk:“Ntu đrav ntêx mak cux txov nhêv tiês, chos yuôx zêx mak thiêz paz truôx tuk tâu luz nênhx. Kinh têr pir li têx shông uô ntêx mak nhiv no cux muôx đuô lơưv”.

Xar Phổng Lái nhiv no muôx 21 chi bộ đros xar muôx 400 lênhx đảng viên, hâur co 270 ntâu lênhx đảng viên zos mênhx cxưx tsơưs nênhs. Yênhx lênhx đảng viên puôr lênhx uô tâu jông luôs hâux lưv uô ntêx hlo ntơưv zuk qơư nhoz, hêik pêx xênhv, chuôz zis sir jos khưr uô nox. Tas shông 2021, xar Phổng Lái uô tâu 10/17 luôs hâux lưv jêx jok yiêz jông. No cux zos kror zov chênhr chiê xar sir jos zos yênhx thax tsav kinh têr hênhr nhoz huyện Thuận Châu. Zơưv Thox Xênhv Lâux, Phưv Bí thư Thường trực Đảng ủy xar Phổng Lái, huyện Thuận Châu puz pâuz:“Oz pêz shông lok no Đảng ủy xar sik côngv chox kriê ủy viên Ban chấp hành đros tas nro đảng viên hluôk muôx txux chi hêik kriê cxix cxuô Trung ương, tỉnh thiêz huyện li têx ntâuz ntơưr txos trâu chor đảng viên, paz uô zôngx ziv trâu Đảng bộ li côngz xưv hêik kriê, txix co paz trâu uô tâu cxuô luôs hâux lưv, tsưr ziv zos sir jos cov uô tâu chor luôs hâux lưv lok jêx jok yiêz”.

Car xar, car uô, uô ntêx hlo hâur huôv tsar kinh têr zos têx kror mak đảng viên xar tox siêz Phổng Lái tưz thiêz tsênhv kriz uô, đros sir jos cov tơưv đhâu cêr yêiz pluôs, pêx xênhv luz nênhx tâu hlôngr yiêz jông đuô, cxiv tsa luz nênhx tsâu sor, shir phaz nhoz thax tsav tox siêz Tây Bắc./.

(Trấn Long-Lik Thox cxêik nhênhv)