Shông yiêz sor si nhoz qơư yiêz Nậm Khao

Shông no zos shông tiv 9, 100 ntâu chuôz zis tsôngv box Cống yêik lol nhoz jok Xám Láng, xã Nậm Khao, huyện Mường Tè chiê tsês qơư uô tsêr meir tênhv tênhz Lai Châu. Nhiv no, tsôngv box têx tsêr tsar lơưx vor vuôk luôx, kuôr hlâu liêz njuôz tưz đhok uô jông nhoz pur tas trơưk 2 saz ntus cêr muk lol hâur xã, hâur jok; têx côngz trênhx tênhv tênhz, cêr muk lol, tsêr cơưv ntơưr, qơư y tế puôr lênhx muôx cxix, uô jêx jok tox siêz hlôngr yiêz ntâu. Pos Lò Thị Chơi, nhoz jok Xám Láng, xã Nậm Khao, huyện Mường Tè heik pâuz, yêik lol nhoz qơư yiêz, tsôngv box tâu buôk ti txos ntâu zav jông viv li sơưr đơưk cux hlôngr yiêz tsưr ziv, siêz xar tsi thôngx li thâuv ntêx lơưv. Khov sir jos khưr huôv tsar uô nox viv li luz nênhx cux muôx cxix cxuô thiêz truôx tuk đuô:“Nhoz jok kuz tsi jông li ntơưv no, uô blêx, poz cưk cux tsi tâu nox. Yêik lol nhoz qơư yiêz thiêx tâu Đảng, têz qơưk moz siêz txos ntâu thiêz uô đaz tsi lok cux tâu nox, trơưk li tsưr ziv xar. Muôx tâu luz nênhx li niêx hnuz nhiv no, tsôngv box uô tsâus lok six ntâu txos Đảng, têz qơưk”.

Trơưk li zơưv Lò Văn Hùng, tsar jok Xám Láng, iz chas tu zus tsiêx cxu ntâu chiê muôs, txos nhiv no tsôngv cưr tix nênhx tsa sơưr đơưk hâur jok cux tưz chos tâu 100ha ntâu ciêv fix thiêz txir suôz câur. Muôx phênhv sâu tâu truôx tuk txix tu zus, uô kôngz paz tsôngv box luz nênhx tâu hlôngr yiêz thiêz gra siêz lok six ntâu:“Thâuv ntêx nhoz jok kuz lok six txov nhêv, cêr lok tsi muôx jông muk lol, têx tsêr cơưv, qơư y tế cux muôz shôngz uô xưz. Yêik lol nhoz no, đêx xênhz huôx, cxuô tsar zav kror tưs cux puôr lênhx zôngx ziv thiêz ho tâu Đảng, têz qơưk moz siêz txos viv li têx vax tsêr, jêx jok cux cxiv uô tâu jông, hlôngr yiêz tas. Nhiv no tsôngv box huôv tsar uô nox uô hnar, muk lol cux lok six zôngx ziv”.

Xã Nậm Khao, huyện Mường Tè muôx 04 jok, 460 ntâu chuôz zis, zuôr xar 1.800 lênhx nênhs, phênhv ntâu zos tsôngv box Cống thiêz La Hủ uô nênhx nhoz. Viv tsêr meir tênhv tênhz Lai Châu, xã muôx 02 jok zos Xám Láng thiêz Láng Phiếu tsuv yêik txar qơư nhoz. Khov cấp ủy, hâu nov xã uô jông luôs hâux lưv yax kriê, vênhv tôngv viv li Nậm Khao tưz yênhx iz hâur têx thax tsav xuz thơưx hâur tỉnh uô tiêr nzor luôs hâux lưv yêik txar qơư nhoz trâu tsôngv pêx xênhv, thâuv muôx 100% chuôz zis jông siêz, thôngx ziv yêik txar. Zơưv Chang Văn Hân, Chủ tịch Ủy ban xã heik pâuz: Txix têz qơưk cêr yưv pênhr thiêz pêx xênhv têx sir jos hla đhâu phiv liv, xav kror đruôz đraz cxuô ziv chuôz zis li phênhv sâu tâu tưz tsar ndê siêz, txos nhiv no tax xar muôx 20 tsov đeiv iz lênhx nênhs iz shông; têx chuôz zis pluôs tsuôk yuôr 50%:“Đhâu thâuv truôx tuk qơư nhoz, têx côngz trênhx khor truôx jông đuô, qơư trâu têx nhuôs cơưv txux cux muôx cxix cxuô. Thiêz Đảng, têz qơưk ntâu tsênhv chei paz yêik txar qơưk nhoz yiêz tưz uô tâu jông, paz huôv tsar kinh tế-xã hội, cxuz cêr yeiz pluôs trâu ntơưv qơư. Cux khov têx tsênhv chei paz co, ntâu chuôz zis luz nênhx cux vav mênhx, qơư nhoz truôx tuk, tsi yuô muôx têx cuz nxor”.

Jok nhoz yiêz xã Nậm Khao nhiv no tưz hlôngr yiêz, muôx cêr tsâu sor, vav mênhx. Hâur cêr shir phaz, jông siêz hâur têx hnuz shôngk shông yiêz, tsôngv box nhoz no ho sik thôngx siêz, sik paz huôv tsar uô nox uô hnar  cov yênhx xã uô ntêx nyuôs uô tiêr luôs hâux lưv cxiv tsa jêx jok yiêz nhoz faz Bắc./.

                                                                Khắc Kiên-Riê Lâux cxeik, nhênhv

Sir jos tsik chiê uô zuôv hâur huôv tsar du lịch nhoz Bắc Yên (Sơn La)

Nhiv no, sâuv thax tsav 4 xar Tà Xùa, Phiêng Ban, Làng Chiếu, Háng Đồng nhoz huyện Bắc Yên muôx 78 tsưr côngz trinhx tưz yưv pênhr cxiv tsa 95 côngz trinhx qơư nhoz so, kinh doanh nox hâuk, thax tsav ndis shuôk uô si phưx vưv trâu hâux lưv du lịch sâuv thax tsav đar muôx 113 cxênhz thiêr ndis.

Hâux lưv huôv tsar du lịch sêi nhoz thax tsav du lịch xar Tà Xùa thiêz iz cxiê xar iz ndis huyện Bắc Yên hâur ntu đhâu tưz pov muôx têx uô zuôv, tsik jông hâur sêiz car đêx ar, cêv kuôk. Phênhv ntâu côngz trinhx cxiv tsa phưx vưv qơư nhoz so, du lịch zos chiv chir uô, muôx tsik tâu cxix cxuô têx ntâuz ntơưr thiêz uô cxâuv cxiv tsa sâuv ar kôngz nuv, jôngr nuv. Côngz xưv sêiz car têz qơưk lok ngaz tuk cxiv tsa tsênhv yuôr ntâu kror uô tsik tâu jông. Hâux lưv kho đuô cêv kuôk cxiv tsa Thax tsav qơư du lịch têx đrox tsuôs, têx qơư jông jav ntơưv Tà Xùa zos Ủy ban huyện kriz uô tsik tâu taz por li cui tênhv; Ủy ban chor xar Tà Xùa, Phiêng Ban, Háng Đồng, Làng Chiếu tsik tâu sir jos qênhz yuôx, xưv lik ciês thâuv muôx yưv uô  cxâuv lok ngaz tuk cxiv tsa…

Đhâu qênhz yuôx, pov qir tiv Bắc Yên zos huyện tox siêz, muôx thax tsav cêv kuôk, vax tsêr cxuô zav tsik tâu cxix cxuô; sâuv thax tsav chor xar tsik tâu muôx bản đồ đêx ar tsênhz mênhx uô trâu hâux lưv sêiz car lok đêx ar njiz ntâu kror phiv liv. Sơ đồ đêx ar nhoz ntâu xar tưz tâu uô txix ntêr lơưv (txix shông 1999 lơưr chỉ thị 10), bản đồ choz zok ar jôngr shông 2002, txos nhiv no thax tsav tưz txơưr txar ntâu viv li lax njuôk xav tâu, hâux lưv xav jênhv qir tiv lok six lax uô. Hâux lưv huôv tsar du lịch sâuv thax tsav tâu kriz uô sêi, hok huyện li têx tsưr ziv lok cêv kuôk tsênhv kênhz, tax tsik tâu tâu zoz qơưx huôv tsar…

Đhâu qênhz yuôx, Chủ tịch Ủy ban tỉnh Sơn La hêik kiểm điểm, uô tsênhz mênhx tập thể, tiz nênhs li txơưx jênhv cik txos têx kror tsik jông, uô cxâuv lok côngz xưv sêiz car đêx ar, ngaz tuk xar hôiv sâuv thax tsav chor xar Tà Xùa, Làng Chiếu, Phiêng Ban, Háng Đồng; tập thể lênhx tov Ủy ban huyện, Chủ tịch Ủy ban huyện thiêz Phưv Chủ tịch Ủy ban huyện tâu choz sêiz shuôk li txơưx jênhv…

Hêik Ủy ban huyện Bắc Yên sêiz shuôk xưv lik lơưr chêi têz qơưk têx cui tênhv đros thiêz 18 ntâuz  ntơưr cungz jênhv vax huôv sir zôngv ar tsik zos li chêi têz qơưk têx cui tênhv. Hêik phòng Tài nguyên thiêz Tênhv qơư sik côngv đros Chính văn phòng đăngk cir đêx ar huyện qênhz yuôx 17 lênhx nênhs tsik tâu xa trâu cơ quan nhiêx sê chiê xav jênhv jênhv vưv tài chính tưz tâu hêik txos hâur Kết luận thanh tra. Thôngx cxix, hêik Chủ tịch Ủy ban chor xar, Tà Xùa, Háng Đồng, Làng Chiếu, Phiêng Ban, Hạt Kiểm lâm huyện Bắc Yên thiêz têx taz viv cik txos tror qênhz yuôx, hêik tsưr 34 côngz trinhx tưz trâus xưv bluô uô cxâuv hành chính uô truôx jông lơưr hâux lưv thêv nhiêx trâus xưv bluô thiêz khưx phưx têx phiv liv tsik jông co.

Chủ tịch Ủy ban tỉnh Sơn La choz trâu chor sở, nganhx kriê trâu Ủy ban huyện Bắc Yên hâur hâux lưv xưv lik chor ntâuz ntơưr cungz jênhv vax huôv sir zôngv ar tưz cungz tsik zos li cêr chêi têz qơưk têx cui tênhv; sêi đrơưv kho đuô têx kror uô tsik tâu jông, tsik zos hâur côngz xưv sêiz car têz qơưk lok đêx ar sâuv thax tsav; qênhz yuôx, ntâuk gri, phênhz cxuô zav du lịch nhoz huyện Bắc Yên chiê nhênhz chơưv hêik trâu Ủy ban tỉnh chox kriê kriz uô cxiv tsa thiêz uô cêv kuôk thax tsav qơư, cêv kuôk tsênhz mênhx chiê huôv tsar du lịch… Xưv lik truôx ntov jông têx côngz trinhx tsik taz por tsơưr lươngv, muôx ntâu kror phiv liv tsik ngaz tuk; sir jos phax tar, tsik chiê huôv xênhz chor jiês uô cxâuv cik txos Chêi đêx ar, Chêi cxiv tsa./.

                                                      Lê Hạnh-Lik Thox cxêik nhênhv