Chủ tịch têz qơưs Võ Văn Thưởng luk phôngv Tsiêz Jax shông 2024

          Tsôngv px thiêz tuz lênhv hâur hur si têz qơưs hmor yuô!

          Chêix ntux yiêz tưz txos cxuô lênhx, cxuô chuôz zis, hâur six hơưv hla trâu shông yiêz, pêz muôx luk jông siêz ndo txiêx njis txos pox côngz, zơưv côngz, cxuô fâuv uô niêv, uô txir đrav ntêx sir tas ntâu đas jos, tsưr ziv cxiv kho têz qơưs truôx tuk, tsôngv px muôx luz nênhx tsâu sor.

          Hlôngr njêx muôs hâu nov Đảng, Têz qơưs, cur muôx luk phôngv jông txos trâu tsôngv px thiêz tuz lênhv hâur hur si têz qơưs, tsôngv px VN nhoz oz chas têz qơưs, hâur shông yiêz muôx jông đas jos. Thiêz muôx luk phôngv jông xa txos trâu tsôngv fôngx zưs cxuô têz qơưs sâuv ntiêx têz, huôv tsar truôx cêr côngv siêz, têz qơưs truôx tuk.

          Hâur shông đhâu, hur si Đảng, hur si px thiêz tuz lênhv pêz têz qơưs tưz xav tênhv, VN muôx ntâu hlôngr yiêz, truôx khor, muk đhâu têx phiv liv, uô tâu truôx ntâu luôs hâux lưv jông, tâu côngv thôngx sâuv ntiêx têz kruôk txos.

          Hla trâu shông yiêz,  zos six hơưv chiê cxuô chuôz zis, cxuô lênhx px sđ tror xar têx hâux lưv uô hâur shông đhâu thiêz luôs hâux lưv zuôr uô hâur shông yiêz. Cur njênhs njôngr tiêk, cxuô hêir nênhs VN muôx cêr côngv siêz, txơưv luôs hâux lưv tưs cux uô tâu truôx khor.

          Shir phaz lul hâur chêix ntux yiêz, pêz sđ tok txêik têx cêr vav mênhx, cxuô hêir nênhs muôx cêr côngv siêz truôx khor, tsôngv px sđ muôx luz nênhx tsâu sor.

          Muôx luk phôngv trâu cxuô chuôz zis, cxuô lênhx nênhs VN muôx jông đas jos, shông yiêz muôx cêr shir phaz, uô tâu ntâu hâux lưv jông./.

                                                                                 Tsu cxêik nhênhv

Nênhs Poz Ziz Tây Bắc xa tsưr ziv, siêz xar đhâu têx lo luk jông siz phôngv tsiêz hâur shông yiêz

Txos shông yiêz, cux xưk li cxuô heir nênhs txơưr đuô, tsôngv box Poz Ziz ziv chuôz zis tưs cux xar cov tus nênhs xuz thơưx tuôx txos tsêr, krêz trôngx shông yiêz zos lênhx nênhs muôx đas jos, luz nênhx jông, gruôs khưr, uô tâu nox uô hâuk thiêz tâu cxuô lênhx cxuô tus nhiêv txos, gra têx hmôngr jông tuôx trâu zuk chuôz zis hâur shông yiêz. Zơưv Tòng Văn Xôm, nhoz jok Mòng, xã Hua La, TP Sơn La, tỉnh Sơn La, lênhx pâuz thôngz lok nênhs Poz Ziz têx txux chi cêr nênhx vênhx huôv co heik pâuz:“Txix thâuv ntêx txos nhiv no, nênhs Poz Ziz cux xưk li cxuô heir nênhs txơưr đuô puôr lênhx xar tiêk, txos shông yiêz zos tưz suôx câuv shông lâul, chênhr viv li têx cêr fêv, cêr tsi jông, moz gênhk, txov nhêv…zuôr đros shông lâul muk, xar cov shông nyiêz cxuô lênhx cxuô tus muôx đas jos, njiz txox cêr nox kaz nhoz jông, uô tâu nox tâu hnar, khưr tâu nhiêx tâu txiêx, tu tsiêx cxu trơưk têk, uô kôngz lôngk trơưk tsưr ziv. Chênhr zos li heik co, muk phôngv tsiêz shông yiêz, lar heik zos hnuz xiêz 01 tsiêz, krêz iz hnuz hur, hnuz jông, shông yiêz uô tâu ntâu luôs hâux lưv trơưk siêz xar. Thiêz lênhx tsưr tsêr thâuv tưs tưz xar cov tus nênhs xuz thơưx tuôx hâur zuk tsêr hnuz xuz thơưx co zos lênhx nênhs muôx đas jos jông, tuz nhuôs tsiv txiêx, cơưv coz, muôx tsưr ziv huôv tsar uô nox. Viv lênhx tưs cux xar tiêk, tus nênhs xuz thơưx tuôx hâur zuk tsêr hnuz xiêz 01 tsiêz li chas mak shông yiêz ntơư chuôz zis zuôr lênhk txeik tâu têx jông li co”.

Txix ciês thâuv tas cik sơưr nzor hnuz xiêz 01 tsiêz, chor cưr tix nênhx tsa cxênhz jê zuôr muk siz phôngv tsiêz iz zis đhâu iz zis jux juk, muôx têx muk txos trâu lưv luz jok txơưr đuô hur si. Lo luk xuz thơưx thâuv muk txos lưv tus luz tsêr hâur hnuz xiêz 01 tsiêz, thâuv tưs cux zos phôngv chuôz zis muôx đas jos jông, đhâu ntơư phôngv uô tâu nox tâu hâuk…..Zơưv Cầm Vui, nhoz thị trấn Ít Ong, huyện Mường La, tỉnh Sơn La; niêv lâul Lò Thị Yến, tix lâus Lường Văn Phái nhoz jok Phiêng Phát, xã Trung Đồng, huyện Tân Uyên, tỉnh Lai Châu têx luk siz hu thiêz phôngv tsiêz tưz iz phênhv tưs heik lol têx heik sâuv:“Shông yiêz phôngv sơưr đơưk muôx đas muôx jos jông, uô tâu nox tâu hnar, nhoz khax kha: nyiêz li đêx, hur li cxur, njuôz li jôngr....”

Tsôngv box Poz Ziz lok six nhiêv kruô, lar heik zos tâu tok lênhx kruô xuz thơưx tuôx txos tsêr hâur hnuz xiêz 01 tsiêz, ziv uô trâu chuôz zis muôx nzir cêr jông siêz thiêz shir phaz. Tsưr tsêr zuôr jông siêz lus hu zâuv lênhx kruô co nhoz jâuv thav pêv thiêz zênhx max têr nduôr nzâuv puôz lok nox, muôz chơưr lol hâuk đros trâu têx grêix caz puôz kra kruôr chiê tâu nox hâur hnuz tsiêz taz cưr tix nênhx tsa thâuv luôs tuôx txos tsêr hâur têx hnuz tsiêz. Cê hâuk chơưr, cê nox siz phôngv tsiêz, thav pêv uô si. Zơưv Tòng Văn Xôm, nhoz jok Mòng, xã Hua La heik pâuz nzir: Zos chor tuz nhuôs hâur chuôz zis tuôx phôngv tsiêz têx lâul, txir hloz, txir nzơưv…..mak xuz thơưx lơưr zuôr thor tâu muk hlơưr shaz trâu pos zơưs, têx lâul tâu tas siv nênhx ndax shông yiêz uô ntêx thiêz thor chor lâul por hưv por zơưv trâu lơưr nhoz khax kha, tsi muôx moz gênhk tso:

“Trơưk li chor lâul iz txưv chox nox chox uô, chuôz zis tưs cux muôx pos zơưs, muôx txi côngv. Viv li txos tsiêz 30, shông yiêz têx tuz nhuôs ziv muôx six hơưv, tâu lok, tâu tuôx seiz pos zơưs, chor lâul, niêv txir chiê ndo txiêx njis têx lâul tu zuk hloz lox, yênhx nênhs li niêx hnuz nhiv no. Tsi tiêk hlơưr shaz trâu pos zơưs, têx lâul tâu tas siv nênhx, chor nhuôs tsênhv muôz mê njik nhiêx tso sâuv thax txi côngv co chiê thor pos zơưs, chor lâul por hưv, por zơưv trâu tsưr tsêr thiêz trâu zuk uô tâu nox tâu hnar, sơưr đơưk nox tsiêz 30 shir phaz lus”.

Phôngv tsiêz txix chuôz zis no trâu chuôz zis tov, txix ziv pêv trâu ziv đrav, muôx kênh jiês muk yênhx tar su, yênhx hnuz zuôr tsâuk ntux li lok txos tsêr, thâuv co sơưr đơưk ho siz hu zâuv muk trâu iz chuôz zis chiê nox grêix, hâuk chơưr lov jêv ntưk, siz phôngv têx lo luk jông, sik heik kriê tsưr ziv, cêr uô nox hâur shông yiêz…..Nhoz cxuô jêx jok tox siêz Tây Bắc, kror tưs cux hnor suôz đruôl đror lov jêv lus đros trâu suôz sênhr cưr cxiêx heiktok shông yiêz, uô nox uô hâuk./.

                                                              Đức Anh-Riê Lâux cxeik, nhênhv

Muk Tây Bắc đros tsôngv box Cho liêz nhoz thax tsav ciêv fix Yên Bái nox Tsiêz

Đhâu iz shông khưr uô lox tôngv, Tsiêz zos six hơưv chiê chuôz zis tâu so, tror lok sik đros nox Tsiêz, tas iz shông khưr uô hâux lưv, txi côngv pos zơưs viv iz shông đhâu thâuv tưs cux por hưv jông cxuô lênhx nênhs hâur chuôz zis. Cux viv li mak tsôngv box px sđ lênhx tưs cux bax trâu zuk iz luz tsiêz cxix cxuô tiv zix.

          30 Tsiêz, zos hnuz lơưr kaz ciês hâur shông, cux zpss thâuv têx chuôz zis nênhs Cho liêz nhoz Viễn Sơn, huyện Văn Yên, tỉnh Yên Bái qir qêz suô tsêr, thax đaz đros siêz xar qêz tas têx môngr tsi jông hâur shông kuz, tos shông yiêz lok txos đros têx môngr jông đuô. Đhâu pluôk mor zar hnuz keix hnuz 30 Tsiêz, thâuv bax tâu cxuô hâux lưv chiê tos shông yiêz, têx lênhx nênhs hâur chuôz zis puôr lênhx muk nzuôr chêr cov hur si txix nênhs Cho li zav đêx yuôx muôx 12 zav yuôx, tâu pox niêv nênhs Cho đê txix pêv har jôngr lok hâur hnuz 30 Tsiêz, đhâu co hnar tex chêr tsôngs yo jông tiv zix chiê tos shông yiêz. Thâuv co, têx lênhx nênhs hâur chuôz zis sơưr uô iz hax ntơưv thax đaz, tsưr tsêr zuôr hlôngr njêx muôk sđ hâur chuôz zis hlơưr shaz thiêz thor ntiv đêx sâuv thax đaz lok muôz trâu cxuô lênhx nênhs hâur chuôz zis hâuk chiê lênhx tưs cux muôx cxaz đas jos, thor uô tâu nox tâu hâuk, ntux nas jông, sâu tâu chiv cheix jông. Hmo 30 tsiêz, nênhs Cho liêz tsi tơưv muk đrâuv jôngr mak tas nro sđ sik đros jâuv thav pêv thiêz tos txos shông yiêz chiê sik đros phôngv tsiêz sđ njiz ntâu môngr jông. Tix lâuk Nguyễn Tòn Năm, tsôngv box nhoz jos Khe Lợ, xã Viễn Sơn heik:“Đros thiêz nênhs Cho liêz pêz mak hnuz 30 tsiêz lok six coaz tsôngv. Uô ntêx, thax đaz tsuv tâu qêz suô thiêz bax uô jông. Sâuv thax đaz tsuv muôx cxix cxuô shaz, ntơưr, thax nduôr, yuôx zêx, zênhz graz ntơưr chiê zâuv pos zơưs lok đros tuz nhuôk nox tsiêz, thor cov iz shông yiêz muôx jông đas jos, uô tâu nox tâu hâuk. Nhiv no luz nênhx yiêz lơưv, zuk mênhx cxưx li vênhx huôv chax chês jông thâuv tưs cux tâu tuôr tsês, phuôx huiz. Tov kaz no tuz nhuôk cux li ntơưv”.

  Ciês thâuv sơưr nzor siêz 1 Tsiêz, sâuv cxuô jêx cxuô jos, chuôz zizs tưs cux bax cxuô luôk hâux lưv trâu hnuz Tsiêz. Iz lênhx iz hâux lưv, tuo buô, tuô keiz zos txir nênhx phưv txơưx, chuz mor, đê jâuz, uô jâuz mor…zos pox niêv uô. Cxuô luôk hâux lưv puôr lênhx tâu bax uô jong chiê txi côngv pos zơưs, tos cưr tix nênhx tsa, jêx jos tuôx đros nox tsiêz. Tix lâuk Triệu Tòn Pham- nhoz jos Làng Mới, xã Đại Sơn pheiz kênh:“Tas cik hnuz xiêz 1 tsiêz, lơưr phongz qơưx, tas nro chuôz zis zuôr bax trôngx mor chiê hu plis shông yiêz. Đhâu co têx lênhx nênhs hâur chuôz zis tsuv gra nhiêx shaz ntơưr tuôx hlơưr uô ntêx thâuv tơưv đrâuv jôngr đros siêz xar hlơưr por tsês têx môngr tsi jông hâur shông kuz, shông yiêz cxuô lênhx nênhs lênhx tưs cux muôx jông đas jos, uô hâux nox tâu hâuk, tsiêx cxu pur guôx, kôngz lôngk pur cxaz…”

          Hâux lưv coaz tsôngv tiv zix hâur hnuz tsiêz zos txi côngv pos zơưs. Hâur nênhs Cho liêz li trôngx mor đrâuv chơưr, greix buô, greix keiz mak nduôr blâuv zos zuôr trâus muôx, tso pov cxênhx tuz nhuôk li siêz txi côngv cxênhx pos zơưs, têx đaz xênhz têz xênhz qơư tưz por hưv, paz chuôz zis muôx tâu chiv cheix jông. Thâuv cxuô luôk hâux lưv tâu bax uô jông, txir nênhz qir hu thiêz thor pos zơưs shông yiêz tror por hưv trâu chuôz zis muôx jông đas jos, njiz ntâu têx môngr jông. Đhâu hu plis tas zuôr gra trôngx mor lok chiê tiêv cưr tix nênhx tsa thiêz jêx jos shir phaz nox tsiêz. Pluôs mor ziv muôx chôngz cưr tix nênhx tsa, tsôngv px jêx jos mak chuoz zis co ziv uo tâu nox tâu hâuk. Viv li mak tsôngvbox cho li pluôs nox thâuv tưs cux lok six chôngz thiêz chuôk lik sik côngv côngv thôngx sđ cov siz jê đuô.

          Zơưv Đặng Phúc Trình, txir nênhz nhoz jos Khe Ván, xã Quang Minh, huyện Văn Yên, tỉnh Yên Bái puz pâuz cxaz:     “Hnuz xiêz 1 tsiêz, đros cxuô lênhx nênhs hâur chuôz zis, hlôngr njêx muôk tsưr tsêr uô ntênhs tso tsês têx môngr tsi jông hâur shông kuz, tos shông yiêz muôx jông đas jos, njiz têx môngr jông hâur luz nênhx, ntux nas jông, sâu tâu kôngz tâu lông, tu zus tâu tsiêx cxu…”

          Têx hnuz cheix ntux yiêz, đrâuv têx lo luk phôngv tsiêz jông tsês trâu cưr tix nênhx tsa, têx hluôk tuz hluôk nxeik nênhs Cho liêz nhoz Văn Yên-Yên Bái sik jâuv uô yênhx paz, heik cưr cxie4ex, đhiê pax vuôk. Đros têx chêr tsôngs yo jông jav, côngv đros têx pax txir đuôx txir khơưz tơưs đơưz vos sâuv têx tox trôngz, ziv uô trâu cheix ntux yiêz nhoz jêx jos nênhs Cho liêz Yên Bái lov jêv thiêz jông đuô./.

                                                       Thiều Nghiệp-Txâur Vax cxeik nhênhv