Cxiv tsa phường uô ntêx nyuôs hâur cxuô luôs hâux lưv chiê tsiv nhos lênhx cộng sản Tô Hiệu sir jos siêz truôx bo tir ntâuk trol châuz thâuv ntêx

Xav txix thâuv quảng trường Tây Bắc  tâu cxiv tsa, niêx hnuz pos Hà Thị Nghệ nhoz jok 7, phường Tô Hiệu đros têx lênhx pos hâur jok shir phaz lus tuôx uô thể dục. Uô nênhx nhoz hâur phường Tô Hiệu, gra lênhx cộng sản sir jos tir ntâuk trol châuz thâuv ntêx li bê hu txix ciês têx hnuz xuz thơưx nhiv kruôr yênhx lix phường, pos Nghệ pâuz thiêz pov tsênhz têx hlôngr yiêz hâur niêx hnuz ntơưv qơư nhoz:“Txix thâuv phường tâu yênhx lix thiêz tâu njuôk hov, cêv kuôk đuô têx ar nhoz, ar liêx têz  mak ntâu kror lok six jông, lok sâuv têx cêr muk lol mak hur si, đar pho, têx vax tsêr lok cux cxiv uô jông, tsi yuôr têx tsêr tsar lơưx kuz lok sik tsêr ntông uz no lơưv, nhiv no sơưr đơưk puôr lênhx cxiv uô jông, vor vuôk tas hur si”.

Phường Tô Hiệu li têx hlôngr yiêz hâur chor shông đhâu chênhr zos fuô uô tâu jông têx dưv anr zov chênhr hâur tỉnh Sơn La li: Quảng trường Tây Bắc, cxiv puôz jông têx ntus đêx Nâm La, dưv anr cxiv kho ciêz đrôngs jông jav trơưk 2 saz ntus cêr Điện Biên. Hâur co canr bôv, tsôngv pêx xênhv hâur thax tsav phường tưz paz lok six ntâu lok sâuv côngz đas jos thiêz têx nhiêx txiêx. Pos Vũ Thị Kim Tuyến, nhoz jok 4, phường Tô Hiệu heik:“Zos iz lênhx pêx xênhv uô nênhx nhoz hâur phường Tô Hiệu, pêz thâuv tưs tưz sik thôngx siêz đros Đảng bộ phường Tô Hiệu, paz hnuz côngz đas jos chiê uô jông cxuô luôs hâux lưv, sik đros cxiv tsa phường ziv hnuz ziv hlôngr yiêz, tsiv nhos zos phường tsênhv qơư hâur đrôngs”.

Zos phường tsênhv qơư hâur đrôngs Sơn La, muôx 2 cxênhz ntâu chuôz zis pêx xênhv nhoz uô nênhx hâur 10 jêx jok, luôs hâux lưv taz por truôx tuk thiêz cxiv tsa ciêz đrôngs vav mênhx thâuv tưs tưz tâu Phường Tô Hiệu moz siêz txos. Sir zôngv mạng xã hội zalo, chuôz tsar đhok uô têx meir cxeik đuôz seiz kaz chiê taz por truôx tuk qơư nhoz zos tsưr ziv tưz thiêz tsênhv tâu phường fuô uô chiê uô tâu jông lơưr Đảng bộ phường li Nghị quyết lok cxiv tsa Tô Hiệu yênhx phường uô ntêx nyuôs hâur cxuô luôs hâux lưv, lar heik zos lok sâuv tsưx phưv truôx tuk thax tsav qơư nhoz, ciêz đrôngs vav mênhx. Trung tá Trần Đức Trọng, Tsar Công an phường Tô Hiệu heik pâuz:“Pêz muk iz chuôz zis pêx xênhv jux juk hu zâuv sơưr đơưk chiv chir muôz nhiêx txiêx zuôr, đhok têx meir cxeik đuôz heik sâuv chiê thâuv muôx têx tus tsi cik txos lok sâuv tsi truôx tuk qơư nhoz mak lưv lươngv công an phường zuôr tuôx đros krêz seiz, pâuz mênhx têx mông, phưx vưv trâu hâux lưv phax tir thêir chor nênhs fêv, xưv bluô têx uô cxâuv chei têz qơưk cik txos thax tsav qơư tsi truôx tuk”.

Tsưr ziv cxiv tsa phường hlôngr yiêz, vav mênhx, truôx tuk li heik sâuv tsênhv tâu cấp ủy, hâu nov ntơưv qơư thiêz tsôngv pêx xênhv phường Tô Hiệu sik côngv têk, siz thôngx siêz fuô uô cxuô luôs hâux lưv. Iz chas ntơư, têx uô tâu jông lok kinh tế, xã hội li: Xav tas hur si nhiêx txiêx sâu hâur shông 2021 tax 10 tyv đeiv; zuôr xar 99% chuôz zis tax chuôz zis vênhx huôv; hâux lưv seiz car ciêz đrôngs tâu lês uô jông…., zuôr zos qơư zov chênhr chiê phường tror huôv tsar. Tix lâus Đoàn Văn Thắng, Bí thư Đảng ủy phường Tô Hiệu, đrôngs Sơn La heik pâuz“Phuôx huiz đôngx chir Tô Hiệu li cêr uô nênhx uô jông, pêz sir jos uô lơưr Nghị quyết Đại hội Đảng cxuô cấp. Iz chas ntơư, pêz cxênhx hluôk nhiv no cux zuôr sir jos lês uô jông cxuô luôs hâux zok muôz lok sâuv phưx vưv tsôngv niêv txir lax pêx xênhv, cov sơưr đơưk ziv hnuz ziv muôx luz nênhx tsâu sor, vav mênhx”.

Phuôx huiz lênhx chiến sỹ cộng sản Tô Hiệu li cêr uô nênhx jông, đảng bôv, hâu nov ntơưv qơư thiêz tsôngv pêx xênhv phường Tô Hiệu sir jos  hla đhâu têx phiv liv, sik thôngx siêz, xar tơưv têx tsưr ziv jông, siz chos cxiv tsa phường yênhx qơư chi cax lok huôv tsar kinh tế, xã hội, tsiv nhos zos phường tâu gra lênhx chiến sỹ cộng sản Tô Hiệu sir jos tir ntâuk trol châuz tsưx phưv qơư nhoz li côngz bê./.

(Lê Hạnh-Riê Lâux cxeik, nhênhv)

Chêix ntux yiêz kriê cơưv hêir nênhs Cho bê ntơưr Nôm nhoz tox siêz Tả Phìn

          Zuôr xar 20 shông, lớp cơưv tsuôk muôx đêiv txiês ntông trâu cưk kriê sâu ntơưr trâu shuv xênhz cơưv hâur luz tsêr ntông nhoz đruôz đraz jos Sín Chải, xã Tả Phìn, thị xã Sa pa, tỉnh laox Cai. Txơưv hnuz tưs cux li, cưk kriê Tẩn Vân Siệu, kriê cơưv hêir nênhs Cho bê ntơưr Nôm, zos iz lênhx khơưk tsês tâu hêir nênhs Cho têx txux chi, vênhx huôv jông cxôngx nzor:“Zuk hêir nênhs Cho têx vênhx huôv, txux chi, lo luk hêik, bê ntơưr sâu, hâur ntu đhâu lok no chuôs li tưz trâus pôngz plox lơưv jux juk. Cur thiêx li kriz lớp kriê cơưv zuk hêir nênhs Cho têx bê ntơưr sâu hêik lok cêr uô nênhx jông, tsik chiê zuk têx txux chi, vênhx huôv jông muôx đros đrêiv luz nênhx tsik chiê pôngz plox”

          Hâur lớp kriê cơưv hêir nênhs Cho têx bê ntơưr sâu, muôx chor shuv xênhz lox, zâu tsik siz thôngx cux tuôx cơưv hur tiz si. Tsênhz mênhx zos cê cơưv bê sâu zuk hêir nênhs têx ntơưr sâu, cê cơưv lok cêr uô nênhx jông thiêz pâuz tâu zuk hêir nênhs têx txux chi, vênhx huôv jông cxôngx nzor. Tus cưr Chảo Láo Tả thiêz tix lâus Lý Láo Lở shir phaz lul hêik pâuz:“Cur nhiêv cơưv chor ntơưr no cơưs, chiê cơưv cov pâuz mak tov kaz no thiêx pâuz txos zuk hêir nênhs chax chêk txux chi jông”

          “Muk cơưv ntơưv cưk kriê Siệu muôx hêir nênhs Cho bê ntơưr sâu Nôm, cux hêik txos hêir nênhs Cho cxuô zav yuôx đrox njuôz chox lok râuz nzuôr chêr kho moz gênhk”

          Hâur lớp cơưv no, cxuô lênhx shuv xênhz puôr lênhx tâu cơưv hêik txos hêir nênhs Cho têx suôz sênhr cưr cxiêx hêik lok cêr gâux đrâus, cxiv kho luz nênhx jông. Thiêz xav txos trâu nhiv no cưk kriê Siệu tưz zok nriêr, khơưk tsês tâu hêir nênhs Cho 40 fâu ntơưr muôx tsiv grê lok hêir nênhs co li luz nênhx nox nhoz muk lok cxôngx nzor. Cưk kriê Siệu shir phaz lul hêik pâuz nzir:“Cơưv đhâu lớp kriê no, puôr lênhx zos chor yênhx nênhs, uô nênhx tsiv txiêx, muôx iz cxiê đhâu lớp cơưv no ho muk uô cưk kriê, zuôr muôs hax huv”

          Chêix ntux yiêz, cux zos kriz cxuô lớp kriê cơưv hêir nênhs Cho bê ntơưr nhoz tox siêz Tả Phìn thiêz ntơư cux zos iz luôs hâux lưv uô muôx liv, khơưk tsês thiêz huôv tsar truôx hêir nênhs Cho têx ntơưr sâu, vênhx huôv jông muôx đros đrêiv hâur luz nênhx tsik chiê pôngz plox./.

                                             Tsu cxêik nhênhv-An Kiên VOV Tây Bắc