Ntâu ruôr hiêv tiv ntux txơưr txar tsênhv uô tsi jông txos tsôngv pêx xênhv tox siêz Lào Cai

2 shông ntâu lok no, ntux txơưr txar phiv liv. Têx coz nas lox lok pêv hâur đêx tưz uô tus đêx nhoz jê niêv lâul Lý Chiếu Mẩy, ntơưv jok Láo Vàng, xã Phìn Ngan, huyện Bát Xát, tỉnh Lào Cai huôv lok six hloz. Nhiv no, tưz yênhx iz cêr cor cav, thâuv tưs pov ntux nas lox, tas nro têx lênhx nênhs hâur chuôz zis ho siz hu, siz chox muk nriêr qơư khiêr đreiv nas chuô. Niêv lâul Mẩy heik:“Muôx kênh hnuz đêx huôv lox pêv hâur lok ngaz tas vax tsêr, têx chuôz zênhx chuôz tav uz no, đêx cuôr ar, poz jêz lol cxuz qơư nhoz, vax tsêr tas. Nhoz no cux cxơưx hênhr, tưz heik trâu hâur jok, hâur xã cov tso yêik txar muk nhoz qơư truôx tuk đuô taz sik cux tsi tâu yêik txar”.

Ciês pêv niêv lâul Mẩy kâuv tsêr, tix lâus Vax Chẩn Páo luz tsêr tsênhv trâul uô ruôr hiêv ntâu đuô. Tsuôk đhâu iz cheix ntux nas, iz ndis vax tsêr tưz xưz đros trâu têx caz plêz lox thiêz ntêr muôx 10 tơưv thiêr. Cux chênhr viv li, 2 shông ntâu lok no, tas nro tix lâus Páo chuôz zis tưz tsuv yêik txar muk uô tax tsêr fênhz suôz nhoz jê ntus cêr.

Niêv lâul Mẩy thiêz tix lâus Páo chuôz zis nhiv kruôr zos 2 hâur 69 chuôz zis pêx xênhv ntơưv Phìn Ngan tsênhv nhoz hâur thax tsav riêz nênhs zôngx ziv trâul ntux uô ruôr hiêv. Taz sik chiê yêik txar têx chuôz zis heik sâuv muk nhoz qơư truôx tuk, mak lok six ntâu phiv liv huôv xênhz. Iz zav li thax tsav tsôngv box nhoz jok Láo Vàng heik sâuv. Zơưv vax Láo Lở, Chủ tịch Ủy ban xã Phìn Ngan heik pâuz:“Qơư nhoz kuz thiêz qơư yiêz siz kuôk lol six đêz, muôx 7 cêik li. Tsênhv thâuv co cêr ho tsi tâu yưv pênhr uô jông thiêz nhiv no xar yêik txar lok tsuv muk đhâu iz tus đêx, ntơưv co thiêx muôx qox muk, taz sik tus qox ntơư cux đaz pêk tuôs lav muk tax, yêz meir li muk tâu xưz”.

Trơưk li zơưv Lục Như Trung, Tsar Phongx Kôngz nuv thiêz huôv tsar tox siêz huyện Bát Xát, tỉnh Lào Cai, đhâu qênhz shuôs, tas nro huyện tsênhv muôx 144 chuôz zis pêx xênhv hâur thax tsav riêz nênhs zuôr trâul tâu yêik txar, hâur ntơư 96 chuôz zis tsuv yêik txar sei đrơưv. Zênhx max zos li co, taz sik tsênhz tiês tưz txos cheix ntux nas lok têx luôs hâux lưv no cux tsi tâu uô jông, viv tsênhv yuôr ntâu phiv liv, tuôr thênhv txos:“Chor xã zôngx ziv trâul ntux uô ruôr hiêv  khênhr zos thax tsav tox siêz, tox trôngz hâur pêk nxaz. Chênhr viv li, phênhz ar, qơư nhoz chiê yêik txar tsôngv pêx xênhv cux lok six phiv liv. Lar heik cux zos viv tsôngv pêx xênhv heir nênhs tsơưs nhoz tox siêz li cêr cor cav uô nênhx, xênhz huôx tsi nhoz uô cê iz paz, iz pơưs, thâuv phênhz qơư nhoz cux njiz trâul ntâu phiv liv”.

Shông 2021, Lào Cai zos thax tsav uô tâu jông đuô hur si luôs hâux lưv phax tar ntux uô ruôr hiêv hâur tas nro têz qơưk. Taz sik cux tsi zos viv li ntơư, sơưr đơưk tso siêz, thâuv tsênhv tsênhz tas nro tỉnh tsênhv muôx 300 ntâu qơư zôngx ziv trâul xưz poz, đros thiêz 630 chuôz zis zuôr trâul tâu yêik txar muk nhoz qơư truôx tuk. No cux zos iz hâux lưv tsuv moz siêz txos, tsov cưv uô ntêx hlo hâur cheix ntux nas chuô shông no.

Trơưk li zơưv Tạ Công Huy, Phưv Giám đốc Sở Kôngz nuv thiêz huôv tsar tox siêz tỉnh Lào Cai, tsênhv thâuv têx phiv liv, tsi jông li heik sâuv tsi tâu tâu đơưk uô, xuz thơưx tsuv seiz lok ntux têx txơưr txar chiê fuô uô tsưr ziv, hâux lưv phax tar têx tsi jông, uô ruôr hiêv, taz por truôx tuk trâu phênhv ntâu tsôngv pêx xênhv sơưr đơưk:“Ntux khênhr muôx têx txơưr txar phiv liv, viv li luôs hâux lưv yax mông, kriê cxaz nzir têx txux chi tsưr ziv yuôr trâul ntơưv qơư nhoz tsuv tror tâu moz siêz txos đuô chiê muôx têx uô jông luôs hâux lưv co”.

Nhiv no 100% taz viv cấp xã hâur Lào Cai tưz yênhx lix iz paz lês uô luôs hâux lưv phax tar ntux uô ruôr hiêv, muôx 11.500 ntâu lênhx nênhs cxaz chuôz; zuôr xar 120 cxênhz têx chuôz zênhx phưx vưv uô têx nuv co cux tâu bax cxix cxuô. Nhiv kruôr no, Ban chox kriê lok phax tar ntux uô ruôr hiêv li têx đoanx côngz xưv cux tưz muk qênhz yuôx, ntâuk grê têx li heik sâuv ntơưv Lào Cai chiê sik đros seiz lax, tso tơưv tsưr ziv tsưr tsix, uô jông luôs hâux lưv no./.

(An Kiên-Riê Lâux cxeik, nhênhv)

Sơn La: Krêz uô côngz xưv taz por zaoz thôngz thiêz tir tar cheix ntux nas shông 2022 sâuv têx txox cêr muk lok hâur tiv phaz

Chiê chuv tôngv phax tar têx trâus ruôr hiêv tiv ntux nas đros têx congz tsinhx zaoz thôngz, taz por zaoz thôngz muk lok tâu jông sâuv thax tỉnh Sơn La, Chủ tịch UB tỉnh tso tơưv Ntâuz ntơưr số 1732/UBND-KT.

          Lơưr co, Chủ tịch UB tỉnh chox kriê, heik UB têx huyện, thành phố uô iz cxiê njiêz luv đrav kaz:

          Tsưr tsix uô jông côngz xưv kho đuô têx cêr muk lok nhiv no (cêr muk hâur niêv đrôngs, muk huyện thiêz muk xã) hâur co tsov txưv txos côngz xưv: Chuôz tsar muk qênhz yuôx, pov cov qênhx shênhx têx cêr muk lok, têx tul qox thiêz taz por zaoz thôngz sâuv cêr ar; truôx siêz yưr lir têx uô cxâuv lok cơ sở cxuô zav taz por zaoz thôngz cêr ar; uô côngz xưv luôx đrox tov têx ntus cêr cov zôngx ziv njiê pov cêr muk lok; thoz huk têx njưk đêx tso đêx; tsov cưv kho đuô têx qơư cêr trâus puôk tsuôx; kho đuô têx ndêx, fiêx canhv pov, ndêx cei cêr sâuv cêr cov taz por tsênhz mênhx, tsi trâus keix, trâus their.

          Qênhz yuôx, cxaz nzir cxix luôk fiêx canhv pov riêz nênhs, fiêx heik kriê đros têx cêr njuôs xav tsi taz por zaoz thôngz, tiv zix zos têx ntu cêr muk đhâu thax tsav ar nxaz; qênhz yuôx, xav tênhv têx qơư njuôs xav muôx tox poz chiê muôx tsưr ziv heik lênhx nênhs, chuôz cxaz chuôz zênhx chơưv paz thâuv muôx tox poz; ciêr chênhr krêz uô têx tsưr ziv khưx phưx têx côngz tsinhx zaoz thôngz trâus ruôr hiêv, taz por cêr muk lok tâu; cxiv tsa tsưr ziv tso têx zav yêz, meir thiêz chuôz zênhx ntơưv têx qơư njuôs xav muôx tox poz chiê ciêr chênhr chơưv paz thâuv muôx yưv hâux lưv tsi jông.

          Chox kriê têx Ban coar lik dự án, tsưr thâux uô hâux lưv sâuv thax tsav chêx chôngk lênhx nênhs, chuôz zênhx, tsưr tsix uô sei têx ntu cêr, têx luôk hâux lưv tsênhv yuôr chiê tuôv zênhv zoz qơưx lok six hơưv, tsưr ziv uô tưz tso tơưv, tsi uô lêx ntêr; cxok fiêx canhv pov, uô lax caz their, nênhs cxaz chuôz zaoz thôngz hâur qơư tsênhv cxiv uô, tsi chiê zaoz thôngz muk lok tsi tâu; uô jông côngz xưv taz por zaoz thôngz sâuv cêr li (kriê cêr muk lok, cxok fiêx canhv pov, lax caz their cêr, tênhv tênhz canhv pov thâuv hmo ntux...) lơưr cui tênhv ntơưv TCCS 14:2016/TCĐBVN- Ploz tsênhr lok tsưr tsix zaoz thôngz thiêz thix phax thâuv uô cêr ar tsênhv sir zôngv muk lok.

          Tsưr tsix qênhz yuôx uô ntêx, hâur thiêz đhâu cheix ntux nas têx côngz tsinhx li qox, njưs tar đêx lơưr Bộ zaoz thôngz vênhv teiv li cui tênhv Thông tư số 12/2014 heik kriê hâux lưv coar lik, zôngv qox muk lok sâuv cêr zaoz thôngz nôngx cxênhz thiêz ploz tsênhr kỹ thuật kho đuô yax six cêr ar.

Nhạc cắt

          Têx tiv phaz, nganhx zaoz thôngz vênhv teiv tỉnh uô tsênhz mênhx thiêz yax six tos njôngr mnôngs điện thoại chiê yưr lir têx xor mông lok vênhv teiv, txiêz nanv zaoz thôngz riêz nênhs, têx hâux lưv tsi jông muôx yưv sâuv qox, sâuv cêr, zaoz thôngz muk lok tsi tâu./.

(B.Thủy-Txâur Vax cxeik nhênhv)