Tuôr tsês Hmôngz Đuz nhoz Sa Pa luôs hâux lưv xơưs tsôngk tiêz, tsôngk yo

Pox niêv Hmôngz txix thâuv tsênhv zâu tưz tâu têx lênhx pos, lênhx niêv kriê uô pax ntâuz, xơưs tsôngk yo hnar. Chiê xơưs uô tâu iz chêr tsôngk yo tiêz Hmôngz Đuz khax, jông hnar, tsuv uô ntâu zav, ntâu ntu li: Chos max, lơưk max, sơưk ntuôs, uô xor, ntok ntâuz, jak ntâuz, nriê uô têx pax txêix jông gâux, txiêr xơưs uô tsôngk hnar…… Têx luôs hâux lưv uô li heik sâuv puôr lênhx zos chor nênhs txơưx uô, muôx tsưr ziv li uô tâu jông. Lan Xênhv Shôngx, nhoz jok Hòa Sử Pán 1, xã Mường Hoa, thị xã Sa Pa heik:“Cur cơưv shâuv uô pax ntâuz, xơưs tsôngk hnar txix thâuv tsênhv cơưv ntơưr cxênhx iz lok lơưv. Zos iz tus nxeik nênhs Hmôngz lênhx tưs cux tsuv shâuv uô pax ntâuz, xơưs tsôngk yo tiêz hnar, cur lok cux li ntơư”.

Pos Chỉnh Xênhv Zax, nhoz jok Hòa Sử Pán 1, xã Mường Hoa, thị xã Sa Pa heik li no:“Hâux lưv no txix thâuv nzor lok chor lâul, zuk niêv zuk txir lơưr iz txưv uô mak hlôngr yiêz tsi tâu li. Cur cux tsuv đros por hưv tsês têx txux chi no, tsuv kriê trâu chor nxeik, chor nhaz pâuz xơưs uô, tov kaz no zuk lâul lơưv têx mê nhuôv thiêx pâuz xơưs uô hnar”.

Nhoz jok Hòa Sử Pán, xã Mường Hoa, huôv tsar uô tâu ju lix jông thiêz ziv hnuz ziv hu zâuv tâu chôngz lênhx ntâu tus kruô tuôx ndis seiz uô si. Hâur lok six ntâu têx muôx jông li co, tsôngv box Hmôngz nhoz no luôs hâux lưv xơưs tsôngk yo hnar thâuv ntêx chênhr zos iz kro tsênhv tâu hâu nov ntơưv qơư moz siêz txos, cxiz huôv tsar. Zơưv Tẩn A Lềnh, Chủ tịch Ủy ban xã Mường Hoa, thị xã Sa Pa heik pâuz:“Xã tưz muôx têx tsênhv chei cxiz tsôngv box huôv tsar uô, chiê muôz jông six hơưv trâu tsôngv box li: Krêz têx lớp kriê shâuv uô pax ntâuz, xơưs tsôngk hnar cov tsôngv box tuôr tsês, uô đreiv zuk heir nênhs têx txux chi vênhx huôv tsi chiê pôngz plox”.

Txix chor pox niêv vir ndâuk li têx txux chi tsưr ziv txơưx pax ntâuz, xơưs tsôngk yo tiêz hnar, nênhs Hmôngz Sa Pa luôs hâux lưv uô thâuv nzor co tưz tâu ngênhx muôx vax huôv moz siêz txos, cxiv tsa, uô ntâuz ntơưr heik cov côngk nhav zos txux chi vênhx huôv jông. Zơưv Nguyễn Ngọc Thanh, Phongx Di sản Vênhx huôv, Sở Vênhx huôv thiêz thêv thao Lào Cai heik:“Têx ntâuz max thiêz tsưr ziv nriê xơưs uô pax txeix jông trâu têx chêr tsôngk hnar, co zos iz kro jông chiê pêz xeir uô ntâuz ntơưr heik Bộ Vênhx huôv muôz tso hâur têz qơưk têx txux chi vênhx huôv jông”.

          Hmôngz Đuz nhoz Sa Pa luôs hâux lưv xơưs uô tsôngk yo, tsôngk tiêz, tưz tâu heik cov côngk nhav zos iz vênhx huôv jông thiêz zos iz zav hax huv tsiv grê, paz tsôngv box hlôngr yiêz luz nênhx./.

                                                                     CTVVOVTB-Riê Lâux cxeik, nhênhv

K’Tiếu zos iz lênhx tuôr tsês tâu têx đruôk tôngx, cxêz tôngx

K’Tiếu zos iz lênhx lâuk, txix thâuv muôx 14 shông, zơưv tưz cơưv shâuv cxuô jax khoz đruôk tôngx cxêz tôngx thiêz hâur ntu ntơư, zos luz jêx jos tưs kriz ntênhk hội, zơưv cux muk mnôngs thiêz sêiz cơưv shâuv khoz đruôk tôngx cxêz tôngx.  Chênhr zos iz lênhx nhiêv zuk hêir nênhs têx txux chi, vênhx huôv jông cxôngx nzor thiêz muôz siêz truôx bo cơưv shâuv tsưr ziv khoz đruôk tôngx cxêz tôngx. Hâur 20 shông đhâu, pov tâu zuk hêir nênhs têx đruôk tôngx cxêz tôngx chuôs li tưz trâus pôngz plox lơưv jux juk; txix ntơư zơưv thiêx yax kriê tsôngv tuz nxêik hluôk hâur thax tsav xã cơưv shâuv tsưr ziv khoz đruôk tôngx, cxêz tôngx: “Hâur têx hnuz uô ntêx cux phiv liv cơưs, viv tsik muôx lênhx nênhs tưs moz siêz txos. Lơưr tsuôk uô si hâur mạng thiêz uô si  game, tsik muôx lênhx nênhs tưs moz siêz txos đruôk tôngx, cxêz tôngx. Hâur jos no cux tsik muôx lênhx nênhs pâuz khoz đruôk tôngx cxêz tôngx. Viv li, cur thiêx yax kriê trâu chor hluôk cơưv shâuv khoz zuk hêir nênhs têx đruôk tôngx cxêz tôngx”

Sir tas đas jos tsưr ziv kriê sđ cơưv shâuv khoz đruôk tôngx cxêz tôngx, xav txos trâu nhiv no, xã Đinh Lạc, huyện Di Linh tưz muôx 200 ntâu lênhx pâuz cxuô jax khoz đruôk tôngx cxêz tôngx; hâur ntơư muôx 30 lênhx nhoz qơư khơưk tsês chiê zuk hêir nênhs têx txux chi, vênhx huôv jông cxôngx nzor. Trơưk li zơưv MHiu Nguyên, Bí thư chi bộ jos Duệ, Xã Đinh Lạc shir phaz lyl hêik pâuz tiêk, hâur chuôz zis muôx 3 lênhx puôr lênhx đros cơưv shâuv cxuô lớp kriê cơưv khoz đruôk tôngx, cxêz tôngx:“Zơưv K’ Tiếu sir tas đas jos tsưr ziv kriê cơưv khoz đruôz tôngx cxêz tôngx. Pêz sir jos cơưv shâuv cov pâuz tâu cxuô jax kho đruôk tôngx cxêz tôngx. Chor shuv xênhz cxênhz II, cxênhx III; hâur ntơư, cur tus nxêik thiêz cur pox niêv cux đros cơưv tuôr cov tâu zuk hêir nênhs K’ho têx txux chi khoz đruôk tôngx cxêz tôngx muôx đros đrêiv hâur luz nênhx tsik trâus pôngz plox”

Trơưk li zơưv Trương Quốc Phương, phưv chủ tịch uỷ ban xã Đinh Lạc, Chênhr zos  muôx zơưv  K’ Tiếu sir tas đas jos tsưr ziv kriê cơưv shâuv cxuô jax khoz đruôk tôngx, cxêz tôngx trâu tsênhv qơư. Txix ntơư, cxuô ntênhk hội li thor ntux yar ntux nas, ntênhk hội nox mor blêx yiêz, cxuô jax khoz đruôk tôngx, cxêz tôngx tưz tâu sđ tror cxiv kho đuô tsik chiê pôngz plox:“Zơưv K’Tiếu zos iz lênhx nto bê hâur côngv thôngx thiêz paz huôv tsar tâu truôx zuk hêir nênhs tsơưs têx txux chi, vênhx huôv khoz đruôk tôngx, cxêz tôngx cxôngx nzor”

Chênhr zos sir tas đas jos tsưr ziv khơưk tsês thiêz huôv tsar truôx txux chi, vênhx huôv đruôk tôngx, cxêz tôngx; hâur ntâu shông đhâu, zơưv K’Tiếu huyện Di Linh, tỉnh Lâm Đồng thiêz chủ tịch têz qơưs muôz ntâu ntơưr kruôk./.

                                                             Tsu cxêik nhênhv-VOV Tây Nguyên