Sơn La sik côngv sâu zuôr thiêz muôs txir mo môngk

Thâuv têis cik sơưr nzor, têx qơư sâu zuôr thiêz muôs txir mo môngk ntơưv xar Mường Bú, huyện Mường La, tỉnh Sơn La tưz muôx lok six chôngz nênhs. Têx yêz mêir thâux chor txir mo môngk txix pêv têx têz hâur xar thiêz thax tsav iz ndis đror đrông ntưk lok trâu ntơưv no. Cux xưk li chor ziv chuôz zis chos txir mo môngk xar Mường Bú, zơưv Tòng Văn Đoàn tưz sâu đê, phêiz chor txir mo môngk lơưr nôngz, lơưr hov txir trơưk chor nênhs sâu zuôr hêik kriê. Muôx qơư muôs truôx, chuôz zis cux shir phaz đuô:“Txir mo môngk shông no tiv ntux kruôr txi txir li no cux zos jông lơưv. Gri muôs truôx tuk paz trâu pêx xênhv shir phaz đuô. Txir mo môngk hov 1 mak muôs tâu 6.000 đêiv iz cir, hov 2, hov 3 muôs tâu 3.000-4.000 đêiv iz cir, shông no gri muôs siêz đuô tsêiz no”.

Zuôr ciês pêx xênhv chor txir mo môngk chiê muôs hâur têz qơưk thiêz muôs tơưv trâu saz đrâuv têz qơưk, pos Lò Thị Thủy, Giám đốc HTX Đoàn Kết, xar Mường Bú, huyện Mường La puz pâuz: txix kaz hli 4, HTX tưz piz sâu zuôr trâu pox nhuôs chiê chox muk muôs trâu ntơưv têx ciêz, muôs muk trâu têx tỉnh thiêz muôs trâu doanh nghiệp. Txos iz đraz hli 5 piz sâu zuôr chiê muôs tơưv trâu saz đrâuv têz qơưk, xav iz hnuz zuôr txix 20-30 tấn txir:“Chox têx txir mo môngk trâu hâur công ty lok sik muôs tơưv saz đrâuv têz qơưk mak zuôr tsuv xêir cov jông, chor txir muôs tơưv saz đrâuv têz qơưk mak hnhar muôx 5 las tror sâur, cungz trâu tsêr mêir uô txix 4 las tror sâur thiêz txir tsuv jông gâux… Shông no pêz muôs txir mo môngk tơưv saz đrâuv têz qơưk cux tsik njiz phiv liv luôx tưs pir li têx shông txơưr; khov muôx huyện, Sở Công thương paz, nriêr qơư muôs chiê paz muôs tâu zôngx ziv đuô”.

Lơưr nriêr pâuz, trơưk yênhx ntu, gri txir mo môngk tâu chor HTX sâu zuôr trâu pox nhuôs txix 6.000-8.000 đêiv iz cir txir mo môngk Đài Loan thiêz txir mo môngk keo; txix 9.000-12.000 đêiv iz cir txir mo môngk Úc; txir mo môngk Yên Châu txix 15.000-20.000 đêiv iz cir; txir mo môngk muôs trâu têx tsêr mêir txix 3.000-3.500 đêiv iz cir…

HTX Hưng Thịnh, huyện Mường La zos qơư sâu zuôr chor txir mo môngk chiê chox muk muôs hâur têx siêu thị, qơư muôs jâuz txir kok hur hâur têz qơưk; xav iz hnuz sâu zuôr, muôs xar muôx 10 tấn txir mo môngk trâu chor thành viên HTX, chor ziv chuôz zis sâuv thax tsav huyện thiêz cxuô thax tsav qơư txơưr hâur tỉnh. Zơưv Nguyễn Đình Hướng, Giám đốc HTX puz pâuz:“Chor txir chox muk muôs hâur siêu thị mak pêz piz sâu zuôr txix kaz hli 4, chor txir mo môngk li txir mo môngk tượng tơưr njuôz, txir mo môngk úc, txir mo môngk đài loan xiêr, txir mo môngk ntơưv qơư… puôr lênhx tâu chox muk muôs hâur têx siêu thị. Chor nênhs zuôr shông no cux muôx chôngz, tsêiz no chor txir mo môngk thiêx tâu chox muk muôs trâu cxiê qơư, shông no sơưr đơưk pâuz txos chor txir mo môngk ntâu đuô, nênhs zuôr cux chôngz đuô”.

Tas nro huyện Mường La nhiv no muôx 2.800 ntâu héc ta txir mo môngk; hâur co thax tsav txi txir xar muôx 1.900 héc ta; 100 ntâu héc ta tâu cungz mã sôr thax tsav chos, đros chor zav txir chênhr zos: txir mo môngk Đài Loan GL4, txir mo môngk keo, txir mo môngk Thái Lan… Shông 2024 njuôk xav tâu muôx 5.300 tấn ntâu txir; njuôk xav muôs muk trâu saz Trung Quốc muôx 200 tấn. Zơưv Nguyễn Văn Tâm, Phưv Chủ tịch Ủy ban huyện Mường La, Sơn La hêik pâuz:“Txos nhiv no têx taz viv, HTX iz hnuz sâu zuôr muôs xar muôx 40-50 tấn txir mo môngk, muôx têx hnuz zuôr muôs muôx yênhx puô tấn. Iz zos muôs muk trâu saz Trung Quốc, oz zos muôs ntơưv têx siêu thị hâur têz qơưk, muôs ntơưv têx tỉnh. Txơưv gri muôs tsênhv kik pir li kriz uô thiêz yưv pênhr; taz sik shông no, đros muôx tỉnh, huyện chox kriê, cux paz trâu chor HTX sik côngv paz muôx tâu tsiv gri, truôx tuk, tsik muôx yưv sâu tâu ntâu ho trâus pôngz gri, tsuv chơưv paz têx txir ntông”.

Sir jos uô cov tâu têx tsưr ziv lok sâu zuôr muôs, muôs tơưv saz đrâuv têz qơưk, cxuô cấp, cxuô nganhx, thax tsav qơư nhoz Sơn La cux tsênhv sir jos paz trâu chor doanh nghiệp, hợp tác xar sik côngv, zok nriêr thiêz cir hux thôngx sâu zuôr muôs têx hax huv; xêir tsov, huôv tsar chor taz viv sâu zuôr, muôx txâuk cxuô kror li vax tsêr, thâux xa thiêz pênhr jos; sir jos paz trâu zuôr muôs… chiê paz trâu chor txir mo môngk hêik taz, têx txir ntông nhoz Sơn La hêik cxuô tâu muôs txos trâu cxiê qơư hâur têz qơưk thiêz sâuv ntiêx têz./.

                                                                                            Thanh Thủy, Lê Hạnh-Lik Thox cxêik nhênhv