Muk seiz tsôngv pêx xênhv nhoz Ngọc Chiến nox mor blêx yiêz

Ngọc Chiến-suôv qơư jông jav nhoz tox siêz faz Bắc tâu tsôngv kruô kruôs nziês txos, muôx 560 ntâu ha liêx đêx nhoz cxuô nro trâu têx jêx jok, iz ndis tsôngv box Poz Ziz, Hmôngz, La Ha têx tos vax tos tsêr, kaz tsiz tâus….

Lok kaz hli 8, hâur hlik hli 9 niêx shông, thâuv têx blêx siêr jov jơưk, xã Ngọc Chiến ho tsưr tsix nox mor blêx yiêz. Nox mor blêx yiêz zos iz cxênhx cxênhv, chei thâuv ntêx chor lâul iz txưv chox nox chox uô đhâu lok, tâu côngv thôngx cxuô heir nênhs xã Ngọc Chiến tuôr tsês thiêz uô đreiv txix iz 

tiêv đhâu iz tiêv tsi chiê pôngz plox.

Đhâu 2 shông tsi uô tiv muôx moz Covid-19, shông no, Ngọc Chiến tror uô têx chei, txux chi nox mor blêx yiêz hâur 3 hnuz (txix 26/8 txos 28/8), đros ntâu cxênhx cxênhv,têx chei vênhx huôv đaz kruôs jông thâuv nzor. Zơưv Lò Văn Thoa, hưv Chủ tịch Uỷ ban xã heik pâuz: Chei nox mor blêx yiêz zos heik lol chuôz zis têx cêr uô tsâus ntâu txos pos zơưs, têx lâul tâu tas siv nênhx tưz paz por hưv por zơưv trâu chuôz zis uô tâu kôngz sâu tâu nju, muôx luz nênhx truôx tuk, tsâu sor: “Thâuv ntêx, hâur iz shông thâuv tưs uô tâu têx kôngz yiêz, txos cheix blêx siêr, tsôngv box cxuô heir nênhs hâur xã ho nox mor blêx yiêz, hu têx lâul, pos zơưs, đaz xênhz têz xênhz qơư, car đêx car ar lok đros nox đros hâuk por hưv por zơưv trâu sơưr đơưk uô tâu kôngz, sâu tâu nju, tsi muôx moz gênhk. Nhiv no txơưv luz nênhx hlôngr yiêz, vav mênhx, tsôngv box sơưr đơưk tưz muôx txâuk nox txâuk hnar, taz sik hâur niêx shông cux tsênhv uô đreiv têx chei co chiê hu pos zơưs, têx lâul lok đros nox hâuk, por hưv por zơưv trâu sơưr đơưk, lar heik zos uô ciês đros trâu têx txux chi cêr lov jêv thâuv ntêx. Thôngz đhâu li no, pêz xar uô qơư jông chiê hu zâuv tsôngv kruô nhoz cxuô thax tsav hâur têz qơưk tuôx ndis shuôs tsôngv box cxuô heir nênhs nhoz nor li têx txux chi cêr nênhx vênhx huôv jông”.

Kror xuz thơưx zuôr uô uô ntêx thâuv nox mor blêx yiêz zos txi hu têx lâul, pos zơưs, đaz xênhz têz xênhz qơư, car đêx car ar lok đros nox mor blêx yiêz, por hưv por zơưv sơưr đơưk uô tâu kôngz lôngk, sâu tâu nju ntơưv jok li qơư txi côngv. Ntơưv qơư txi co, muôx têx lênhx hlôngr njêx muôs lâul jok, tsar jok, txir ndâux txir luk. Đhâu thâuv uô tas li no, têx chuôz zis sơưr đơưk tror lok tsêr bax têx jâuz mor, shaz ntơưr txi hu chor lâul, têx lênhx tâu tas siv nênhx lok đros nox đros hâuk ntơưv tsêr, paz por hưv por zơưv sơưr đơưk tsi muôx moz gênhk, khưr uô tâu nox tâu hnar. Iz chuôz zis txơưv muôx thiêz pluôs lok cux tsuv muôx trôngx jâuz mor txi hu pos zơưs, têx lâul lok đros nox mor blêx yiêz.

Hâur ntênhs hội nox mor blêx yiêz lơưr tsênhv uô têx txux chi cêr lov jêv shơư đros thiêz, co zos têx txux chi vênhx huôv li: Siz tưr tuôr cxur, lêiv poz, ndơưk poz, sik tưr đê txir tuôz ziz, uô zuk heir nênhs têx zav nox kaz…. Niêv lâul Lò Thị Họi, nhoz jok Lướt, xã Ngọc Chiến, huyện Mường La, tỉnh Sơn La heik: “Pêz khênhr sik tưr uô zuk heir nênhs têx zav nox li: njêl cxiêz, mor blêx yiêz, jiz mur….đros luôs 2 chas jêx jok hâur xã, cux zos chiê tsôngv kruô nox siv, hu zâuv chôngz lênhx ntâu tus kruô hâur thiêz đrâuv luôs 2 chas tỉnh tuôx trâu Ngọc Chiến”.

Xã Ngọc Chiến ntênhs hội nox mor blêx yiêz shông 2022 tưz tsês ntâu kror jông trâu tsôngv kruô nhoz cxuô thax tsav thâuv lơưr muôx jiês tuôx txos suôv qơư Ngọc Chiến muôx ntâu txux chi vênhx huôv jông đruôz siêz tsi plox. Niêv lâul Satomi Hazawa, nhoz Nhật Bản tuôx heik jông siêz lus li no: “Hnuz no zos jiês xuz thơưx cur tâu đros côngv nox mor blêx yiêz nhoz Ngọc Chiến. Cur nhiêv đuô hur si zos tâu nox siv tsôngv box Hmôngz, Poz Ziz nhoz no têx zav nox kaz thiêz tâu seiz, đros côngv uô têx txux chi cêr lov jêv”.

Cheix blêx yiêz siêr jov nhoz cxuô jêx jok đros trâu têx txux chi cêr nênhx vênhx huôv jông ntơưv Ngọc Chiến, zos qơư jông jav chiê hu zâuv chôngz lênhx kruô tuôx ndis shuôs uô si thâuv tuôx txos trâu thax tsav  faz Bắc./.

(Lê Hạnh-Riê Lâux cxeik, nhênhv)

Cxuô qơư uô si hâur thax tsav tỉnh Đắc Lắc, muôx chôngz lênhx kruô tuôx sêiz shuôk

          Đhâu muk sêiz shuôk qơư uô si nhoz Xã Cư Êbu, đrôngl Buôn ma Thuột, Võ Lê Trung Hiếu, nhoz Phươngx Tân Lợi, đrôngl Buôn ma Thuột cux thênhv sêiz  shuôk “đêiv đuôz nxư” chiê mnôngs hêik kriê, zok nriêr sâu tsês trâu hâur ntâuz ntơưr. Zơưv Hiếu phêiz kênh, uô nênhx hloz lox nhoz trâu Đắc Lắc, zos thax tsav qơư tu zus ntâu nxư nhoz pêz têz qơưs VN. Taz sik, hâur têx hnuz no, chor nxư co ziv hnuz ziv tsơưs lơưv jux juk. Chênhr zos li hêik ntơư, luôs hâux lưv zok nriêr têx đuôz nxư tsês chiê tsôngv kruô tuooxx sêiz shuôk thiêz pâuz txos, tsuv uô cov tâu truôx. Zơưv Võ Lê Trung Hiếu hêik pâuz: “Cur tsês six hơưv hnuz nhôngs tuôx trâu ntơưv no, zok nriêr nzir hâur têx ntâuz ntơưr cov pâuz tâu tsênhz đuô lok qir tiv tu zus nxư hâur ntu đrav ntêx. Ntơưv no tsênhv tsês chiê tâu ntâu zav hax huv tsiv grê đrav ntêx”

          Tâu kriz kror trôngx hâur iz luz hli lok no, qơư uô si, tu zus nxư đrav ntêx, cux muôx chôngz lênhx kruô tuôx sêiz shuôk, cxêik đuôz, sêiz shuôk cxuô zav hax huv đrav ntêx. Zơưv Võ Minh Luân, tus tsưr cxiv uô qơư uô si shir phaz lul hêik pâuz tiêk; Ntơưv no muôx yênhx cxênhz đêiv đuôz mnov nxư jông txơưr tsik siz thôngx. Lar hêik zos hâur 10 shông đhâu, zơưv Luân tưz sir tas ntâu đas jos tsưr ziv zok nriêr cxuô zav đuôz mnov nxư chox lok tsês chiê tsôngv kruô tuôx seiz shuôk. “Tsuv đros hâu nov cxuô tsênhv qơư fuô yax kriê cxuô lênhx tsôngv px thiêz tsôngv kruô siz chos côngv têk tsưx phưv cxuô zav đuôz mnov nxư tsik chiê pôngz plox”

          Qơư  tsês cxuô zav vênhx huôv, txux chi thiêz chuôz zênhx kuz cxôngx nzor đros trâu têx tsêr tok kruô nhoz jos Krơng Prong B, Xã Ea Tu, đrôngl Buôn Ma Thuột tưz sưv đros tsôngv kruô siêz nhiêv. Viv luz tsêr co cxiv uô zos đrêiv hêir nênhs Ê Đê chax chêk cxôngx nzor, muôx qơư tsês chiê têx đruôk tôngx cxêz tôngx huv đros hêir nênhs co luz nênhx nox nhoz muk lok hâur niêx hnuz. Zơưv Mẫn Phong Sơn, tus tsưr sêiz car luz tsêr tok kruô shir phaz lul hêik pâuz: “Txix ciês thâuv pêz cxiv tsâu tâu luz tsêr tsês cxuô zav txux chi, vênhx huôv jông, tsuv uô huv đros tsôngv px siêz nhiêv. Ntơư zos khơưk tsês cxuô zav chuôz zênhx kuz đrav ntêx thiêz moz siêz txos cêr đaz cêr kruô đros trâu cxuô hêir nênhs ntơưv qơư têx txux chi, vênhx huôv jông”

          Đros trâu cxuô ntênhk hội cxôngx nzor tsênhv tâu kriz uô trâu ntâu tsênhv qơư hâur thax tsav tỉnh; zos tsôngv kruô tuôx txos trâu Đắc Lắc hâur luz chêix no, cux tâu sêiz pov thiêz tâu đros cxuô hêir nênhs tsơưs hâur thax tsav co nthuôr uô cêr lov jêv, đhiê pax vuôs, paz phênhv cxơưz cxiz huôv tsar truôx cxuô hêir nênhs tsơưs têx txux chi, vênhx huôv jông cov muôx đros đrêiv hâur luz nênhx tsik chiê pôngz plox./.

Tsu cxêik nhênhv-TT Tây Nguyên