Txuôk chor tsaz yênhx nta suôzz muk txos têx jax jok tox siêz

Tix lâus Thông Xênhv Zax nhoz xar Mù Cang Chải puz pâuz, zênhx nhiêv mnôngs Đaix nta suôz Việt Nam yênhx hnuz, muôx 20 ntâu shông lok no. Đros tix lâus, mnôngs Đaix nta suôz Việt Nam tưz tsik zos pâuz tâu txos têx xor mông muôx hâur yênhx hnuz mak tsênhv pâuz tâu têx tsưr ziv uô nox, huôv tsar kinh têr, tiv zix zos xêir tsov tsoz chos, tsiêx tu zus huv đros trâu qiv hơưv, đêx ar nhoz tox siêz. Khov co, paz tix lâus chuôz zis muôx nzir phênhv sâu, luz nênhx truôx tuk đuô thâuv ntêx. Kror tix lâus Thông thiêz pox nhuôs hâur jok lok six shir phaz zos txơưv tsênhv muk uô liêx têz lok sik nhoz so cux mnôngs tâu đaix hur si: “Yênhx hnuz cur puôr lênhx mnôngs Đaix nta suôz Việt Nam, paz trâu cur pâuz tâu têx xor mông muôx hâur têz qơưk thiêz sâuv ntiêx têz; đros co zos chor tsaz yênhx lok kôngz nuv kriê trâu pox nhuôs nhoz tox siêz têx tsưr ziv, kỹ thuật chos kôngz longk, tu zus tsiêx cxu, phax tar caz moz…”.

Tix lâus Lò Văn Nam, mênhx cxưx Thái, nhoz xar Mù Cang Chải cux puz pâuz, tix lâus chuôz zis lok six nhiêv mnôngs đaix, tiv zix zos chor tsaz yênhx hêik kriê uô du lịch côngv thôngx, đhâu co paz trâu pox nhuôs hâur jêx jok cơưv shâuv, pâuz tâu ntâu kror: “Ntơưv cur jok mak kriz tâu đaix mnôngs lok six jông, chor tsaz yênhx nta suôz lok huôv tsar kinh têr, xar hôiv, pox nhuôs tưz mnôngs tâu chiê cơưv shâuv, sir zôngv trâu huôv tsar uô kinh têr ziv chuôz zis”.

Zơưv Lương Văn Hòa, Phưv Giám đốc Yax mông thiêz Vênhx huôv xar tox siêz Mù Cang Chải puz pâuz, txix thâuv chinhr quyền thax tsav qơư oz cấp piz huôx tôngv, Tsênhv qơư Yax mông thiêz Vênhx huôv huyện Mù Cang Chải tâu chiê lok uô hâux lưv hâur xar Mù Cang Chải sêiz car thiêz cux uô hâux lưv yax mông, txêik tso Đaix nta suôz Việt Nam thiêz Đaix nta suôz-xa đuô tỉnh li chor tsaz yênhx. Txơưv thax tsav qơư thiêz chor loa tưz kuz đaz tuôs tas, taz viv cux tso nênhs sêiz jor jông chiê tso tâu chor tsaz yênhx co cov txos trâu pox nhuôs sêi thiêz mnôngs  tâu jông tiv zix: “Chiê đơưk kho têx phiv liv, pêz tưz thiêz tsênhv chiê nênhs muk qênhz yuôx, sêiz shuôk kho đuô chor loa chiê paz phưx vưv tâu jông thiêz ntâu tiv zix trâu pêx xênhv. Tiv oz zos pêz hêik trâu Ủy ban chor xar lôngx đhok têx chuôz zênhx tso thiêz tuô cov uô chak lok kriz uô tso thiêz sir zôngv tâu chor loa no tsik so, truôx jông, tsik trâus puôk tsuôx ntâu…”

Zơưv Nguyễn Khắc Thắng, Giám đốc Yax mông thiêz Vênhx huôv xar Lục Yên cux puz pâuz, đhâu uô lơưr tsưr ziv chinhr quyền thax tsav qơư oz cấp, txơưv nhoz hâur taz viv hành chinhr yiêz taz sik côngv txêik tso Đaix nta suôz Việt Nam, Đaix nta suôz-xa đuôz tỉnh li chor tsaz yênhx cux tâu kriz uô jông, tso txos trâu tas nro 6 xar nhoz huyện Lục Yên kuz.

Nhiv no taz viv sêiz car 2 trạm nta suôz muôx 260 loa nta suôz, hâur co muôx 129 qơư nta suôz yiêz jông thiêz 14 qơư zos nênhs sêiz car tso. Đhâu iz ntu huôx tôngv cux njiz ntâu phiv liv, li: chor loa yiêz jông tsênhv tsơưs; iz cxiê loa tưz kuz tsik jông tas; têx xar tsik muôx canr bôv sêiz car. Tiv zix, ntâu qơư loa tâu tso ntơưv Ủy ban chor xar kuz nhiv no kriz tso tsik tâu tiv tsik muôx tênhv, txêik tso tsik tâu chor tsaz yênhx: “Taz viv tưz tsưr tsix qênhz yuôx, qênhz shuôk, ntâuk gri chor loa no, hêik chor xar hâur ntu zuôr txos sir jos kho đuô chor loa cov chor loa muôx ntơưv têx xar, chor loa yiêz jông txêik tso tâu jông chor tsaz yênhx nta suôz txos trâu pêx xênhv…”.

Sir jos kho đuô, côngz xưv txêik tso Đaix nta suôz Việt Nam chor tsaz yênhx cux tsênhv tâu cxuô thax tsav qơư hâur tỉnh Lào Cai kriz uô tâu jông. Txix no chor tsaz yênhx nta suôz tưz tâu kriz tso muk txos trâu chor jêx jok, đros đrêiv, cxơưz cxiz tsôngv box nhoz tox siêz sir jos cxiv tsa luz nênhx cov ziv hnuz ziv tsâu sor, shir phaz đuô./.

                                                                                                              Đinh Tuấn-Lik Thox cxêik nhênhv

Seiz njuôk shuôs moz ntơưv tsêr, tsi zos qơư đas cir cux tâu BHYT paz thêv 100%

Tsôngv pêx xênhv tâu BHYT paz thêv nhiêx seiz njuôk shuôs, kho moz ntơưv tsêr

Trơưk li cui tinhv ntơưv yôngx 16, Grê 1, Chei BHYT shông 2024 kho đuô, cxaz nzir Chei BHYT iz cxiê grê (uô lơưr txix hnuz xiêz 01/7/2025), seiz njuôk shuôs, kho moz ntơưv tsêr tưz tâu BHYT paz thêv nhiêx. Co zos ngênhx y tế iz hâux lưv uô tâu jông, chiê ziv hnuz ziv uô tâu trơưk li pêx xênhv tsưr ziv, siêz xar, lar heik zos chor nênhs lâul hnuz nhôngs siêz, nênhs trâus sêv khiz; luz chêr thiêz têx lênhx trâus muôx moz hnhar.

Tsênhv tsênhz, nênhs muôx ntơưr BHYT zuôr tâu paz têx nhiêx seiz njuôk shuôs, kho moz li đrav kaz:

1)Seiz njuôk shuôs, kho moz ntơưv tsêr.

2)Seiz njuôk shuôs, kho moz txix nhoz đêz.

3)Tsoz phưz đas jos ntơưv tsêr.

4)Seiz njuôk shuôs mê nhuôv trơưk cui tinhv thiêz paz xênhz zus nhuôs.

5)Seiz njuôk shuôs têx moz txơưr đuô zos BHYT thêv nhiêx.

Lar heik, chor nênhs moz hnhar tsuv muk chơưv kho trâu tsêr kho moz lox lok sik nhoz hâur tsêr yuôx kho moz gênhk, BHYT cux zuôr paz thêv nhiêx thâux xa muk lol trâu têx lênhx li đrav kaz: Nhuôs zâu tsi tâu muôx 6 shông, nênhs pluôs lok sik tsôngv box heir nênhs tsơưs.

Li ntơư, lơưr Chei BHYT kho đuô shông 2024 qir uô lơưr txix hnuz xiêz 01/7/2025, tsôngv pêx xênhv jiês xuz thơưx tâu BHYT paz thêv nhiêx seiz njuôk shuôs, kho moz ntơưv tsêr.

Têx lênhx seiz njuôk shuôs, kho moz tsi zos qơư đas cir cux tâu BHYT paz thêv 100% nhiêx khiêz kho moz.

Iz kro muôx liv tsi xưk li heik sâuv zos, BHYT cux paz thêv hur si têx nhiêx seiz njuôk shuôs, kho moz txơưv tsi zos qơư đas cir seiz njuôk shuôs moz gênhk. Tsênhv tsênhz, trơưk li cui tinhv ntơưv Yôngx 14, Grê 1 Chei BHYT kho đuô, lênhx nênhs moz zuôr tsi tas muôx ntơưr xa muk trâu chor tsêr kho moz lox, taz sik cux tâu BHYT paz thêv nhiêx seiz njuôk shuôs, kho moz gênhk zos iz hâur têx lênhx li đrav kaz:

Lênhx nênhs trâus muôx moz hnhar.

Lênhx nênhs tâu njuôk xav zos trâus iz hâur 62 zav moz lox thiêz hnhar trơưk li Bộ y tế cui tinhv đros Bộ Y tế thông tư 01/2025/TT-BYT.

Lênhx nênhs moz tsuv kho têx moz hnhar, phiv liv mak chor tsêr kho moz hâur thax tsav qơư kho tsi tâu.

Têx li heik co tsi tiêk uô zôngx ziv trâu nênhs moz, tsênhv paz lơưr zênhx max buôk ti têx tsưr ziv seiz njuôk shuôs, kho moz huv đros, tiv zix zos têx lênhx trâus moz hnhar, zuôr tsuv chơưv kho sei. Iz chas ntơư, co cux zos tsưr ziv paz têx qơư seiz njuôk shuôs, kho moz lox phênhz lênhx nênhs lês uô hâux lưv zok muôz jông đuô./.

                                                                                                        Thu Thùy-Riê Lâux cxeik, nhênhv