Nênhs Poz Ziz đơưz Sơn La li txux chi vênhx huôv txi thor ntux yar ntux nas

Uô ntêx hnuz zuôr uô têx chei thor ntux yar ntux nas ntơư iz luz hlik, cxuô lênhx sơưr đơưk bax cxix cxuô têx zav zuôr trâul txos li: Mor trax, njêl đêx kra kruôr, keiz, cxur blâuv, kê, njuôs shôngz yiêz….. Lar heik thâuv tưs tưz zuôr tsuv muôx têx nôngs, caz uz no muôz ndâu phiêz chiê đei khi uô jông jav, iz chas co zos têx tơưz ciêr lêr, tơưz ndâu trâu kê keiz , plâuz kưx, plâuz bliês đês…… Tsôngv box sơưr đơưk lơưr xar tiêk, no zos chiê tsôngv niêv txir pêx xênhv hâur jok ndo thiêz uô tsâus txos đaz xênhz têz xênhz qơư, car đêx car ar tưz por hưv por zơưv trâu sơưr đơưk khưr uô tâu nox tâu hâuk. Zơưv Lường Văn Sinh, Tsar jok Nà Bó 1, xã Mường Sang, huyện Mộc Châu heik pâuz:

“Bax trâu ntênhs hội no, pêz jok tưz phênhz côngz tsênhz mênhx trâu yênhx đoanx thêv hâur jok, pox niêv, nênhs lâul hnuz nhôngs siêz iz lênhs uô iz zav nuv. Seiz cxuô, tsôngv box sơưr đơưk lok six shir phaz thiêz jông siêz đros uô”.

Hâur hnuz txi, đhâu thâuv thor đaz xênhz têz xênhz qơư chiê txi uô têx chei, cxênhx cxênhv li heik sâuv ntơưv iz qơư tưz xeir tâu nhoz hâur jok; lênhx txir nênhz thiêz têx lênhx hlôngr njêx muôs  pox niêv, txir nênhx hâur jok zuôr hnar zuk heir nênhs têx tsôngk tril yo thâuv nzor zuôr muk ndis jok, txos iz luz tsêr jux juk chiê hu zâuv cxuô lênhx cxuô tus đros cxaz chuôz ntênhs hội. Đhâu thâuv hu tas sơưr đơưk, chor nênhs co zuôr muk đrav hâur đêx hâur jok chiê thor gra đêx lok uô ntênhs hội txi thor ntux nas. Pos Lò Thị Tập, nhoz jok Nà Bó, xã Mường Sang heik pâuz, hur tiz si cxuô lênhx sơưr đơưk hâur xã, hâur jok txix lâul hluôk, hloz zâu lênhx tưs cux puôr lênhx shir phaz lus, tok njôngr txos hnuz co hâur shông chiê tâu đros uô ntênhs hội.

“Chei txi thor ntux nas zos thor cov ntux paz chiê tsôngv pêx xênhv uô kôngz lôngk, sâu tâu nju, muôx luz nênhx tsâu sor….”.

Chei txi thor ntux nas tâu lênhx txir nênhz txi uô thiêz cxuô lênhx sơưr đơưk tuôx nhoz jê iz pơưs đros thor hơưv. Txir nênhz txi heik trâu zơưv sâuz pox sâuz pâuz lok tsôngv pêx xênhv hâur jok li têx cêr txov thâuv tsi muôx ntux nas, thor ntux paz chiê sơưr đơưk uô tâu kôngz lôngk, têx đrox tsuôs, shôngz ntông hloz lox jông. Suôx câuv txix heik li sâuv tas, zơưv sâuz zuôr tso đêx nas lok trâu ntiêx têz, chiê tsôngv pêx xênhv muôx iz shông uô tâu kôngz lôngk trơưk tsưr ziv, siêz xar.

Pos Đinh Thị Hường, Tsar phòng vênhx huôv-thêv thao huyện Mộc Châu, Sơn La heik pâuz, nênhs Poz Ziz Mường Sang, Mộc Châu ntênhs hội txi thor ntux nas tsi tiêk xar cov têx kôngz lôngk uô tâu trơưk tsưr ziv, tsôngv px muôx luz nênhx tsâu sor, tsênhv khav tinhv: Lênhx nênhs thâuv tưs tưz zuôr trâul txos têx chiv xênhz đrox tsuôs, por hưv tênhx qơư, no chênhr zos sđ cêr xênhz huôx nox nhoz niêx hnuz uô luz nênhx tsâu sor, truôx tuk.

“Ntênhs hội thor ntux nas tâu uô chiê thor ntux paz tsôngv lax px sđ uô kôngz lôngk, sâu tâu nju. Huyện xav tinhv uô têx heik li co tsi tiêk zos nênhs Poz Ziz li txux chi vênhx huôv, tsênhv zos xiv huv ju lix jông nhoz tox siêz Mộc Châu. Nhiv no pêz huyện tsênhv bax uô têx ntâuz ntơưr chiê heik cov tâu côngk nhav ntênhs hội thor ntux nas zos di sản vênhx huôv jông cấp têz qơưk”/.

Cux trơưk li pos Hường, tuôr truôx luôs hâux lưv uô ntênhs txi thor ntux nas zuôr paz por hưv tsês tsôngv box Poz Ziz đơưz nhoz Mộc Châu heik taz thiêz tsôngv box cxuô heir nênhs Tây Bắc heik cxuô li txux chi vênhx huôv jông tsi chiê pôngz plox; iz chas ntơư, paz por hưv tênhx qơư thiêz uô muôx ntâu xiv huv ju lix jông, hu zâuv chôngz lênhx ntâu tus kruô tuôx ndis seiz Mộc Châu./.

                                              (CTVVOVTB-Riê Lâux cxeik, nhênhv)

Tsôngv pox niêv vir ndâuk nhoz thax tsav pak đêx Ba Bể (Bắc Kạn) huôv tsar uô du lix côngv thôngx

        Tsêr tok kruô nhoz jos Cám, xã Nam Mẫu (huyện Ba Bể), txơưv nhoz trâu thax tsav qơư đrus jos, taz sik cux zos iz qơư muôx chôngz lênhx kruô tuôx so ndis uô si hâur thax tsav pak đêx Ba Bể.

        Viv nhoz đêz tsênhv qơư, hâur ntu đrav ntêx jos Cám tsuôk zos qơư tsôngk kruô chêix buôx gox đêx muk lok đhâu. Chiê jos Cám zos qơư jông jav, cxơưz cxiz tsôngv kruô tuôx ndis uô si, sêiz shuôk têz qơưs. Pos Phạm Hồng Liên tưz truôx siêz muôz pênhr nhiêx cxiv uô cxuô qơư ndis uô si nhoz trơưk oz saz ntus pak đêx thiêz cxiv uô cxuô zav hax huv du lix yiêz  đros trâu têx qơư uô si li: Por poz, tuôr nduôr, uô cxuô zav nox cxôngx nzor huv đros tsôngv kruô siêz nhiêv:

          "Nhoz ntơưv no cux muôx chôngz lênhx pox niêv, vir ndâuk huôv tsar uô qơư jông jav ndis uô si. Cur cux uô txuôk đros 90 ziv chuôz zis pox niêv vir ndâuk hâur jos Cám thiêx li huôv tsar uô tâu truôx têx qơư ndis uô si"

           Shông 2021, Pos Đàm Quỳnh Mai tsêr tok kruô nhoz jos Bó Lù, xã Nam Mẫu tưz yênhx iz hâur oz kror qơư ndis uô si OCOP jiês xuz thơưx nhoz tỉnh Bắc Kạn. Ntơư zos iz luôs hâux lưv huôv tsar uô yiêz muôx nhoz ntơưv qơư huv đros tsôngv kruô siêz nhiêv. Chiê uô cov tâu truôx qơư ndis uô si OCOP, pos Mai tưz sir tas ntâu côngk đas jos, tsưr ziv, muôz pênhr nhiêx cxiv uô vax tsêr tok tsôngv kruô tuôx ndis shuôk têz qơưs. Đros ntơư, cxuô lênhx huôv tsar cxiv uô cxuô qơư ndis uô si, sêiz shuôk têz qơưs, cux tsik so cơưv shâuv tsưr ziv yiêz huôv tsar du lix. Pos Đàm Quỳnh Mai hêik pâuz:

          "Pêz cxuô qơư cxiv uô têx qơư ndis uô si, tsuv hlôngr yiêz uô cov huv đros tsôngv kruô siêz nhiêv. Thiêz iz thênhv jux juk huôv tsar uô trơưk công nghệ số hêik trâu tsôngv kruô sđ pâuz txos têx qơư ndis uô si co”

       Iz chas cxuô lênhx uô cxuô qơư zuôr muôs cxuô zav hax huv, cux muôx chôngz lênhx pox niêv vir ndâuk uô hâux lưv chox tsôngv kruô ndis shuôk têz qơưs; kriz uô cxuô qơư muôs cxuô zav nox hâuk thiêz muôx chôngz lênhx tuz nxêik hluôk nthuôr uô cêr lov jêv, đhiê pax vuôs trâu tsôngv kruô ndis shuôk têz qơưs sđ sêiz. Pos Hoàng Thị Len – sêiz car qơư nthuôr uô cêr lov jêv, đhiê pax vuôs nhoz (xã Nam Mẫu, huyện Ba Bể) shir phaz lul hêiik pâuz:

"Zos pox niêv vir ndâuk nhoz tox siêz Bắc Kạn, pêz cux jông siêz tâu đros huôv tsar cxiv uô cxuô qơư ndis uô si, sêizshuôk têz qơưs thiêz hêik kriê sđ têx txux chi, vênhx huôv jông trâu tsôngv kruô sđ pauz txos.Thiêz pêz tsênhv zuôr sir jos cơưv shâuv, zok nriêr, khơưk tsês sđ têx txux chi, vênhx huôv jông hêik trâu tsôngv kruô sđ pâuz txos”

        Nhiv no, phênhv ntâu cxuô luz tsêr tok kruô, cxuô qơư ndis uô si  hâur thax tsav pak đêx Ba Bể puôr lênhx zos tsôngv pox niêv, vir ndâuk sêiz car, huv đros tsôngv kruô siêz nhiêv. Zơưv Dương Văn Nam, iz lênhx kruô nhoz tỉnh Bắc Giang tuôx ndis uô si shir phaz lul hêik pâuz:

        "Ndax trâu hnuz xiêz 8/3, pêz chox tsôngv pox niêv vir ndâuk hâur công ty tuôx ndis uô si, sêiz shuôk têz qơưs. Pêz tuôx ntơưv no cux njiz cxuô lênhx vir ndâuk tuôx uô cêr lov jêv, đhiê pax vuôs, shir paz lul tok tsôngv kruô, pêz jông siêz hênhr” ./.

Tsu cxêik nhênhv-VOV Đông Bắc