Têx hlôngr yiêz jông nhoz thax tsav tsôngv box mênhx cxưx tsơưs nênhs nhoz Lai Châu

          Đros tsưr ziv uô jông, têx trâur nuv huôv tsar cêr uô nox nhoz thax tsav tsôngv box mênhx cxưx La Hủ, ntơưv jos Huổi Han, xã Bum Tở, huyện Mường Tè tưz jênhv tâu chôngz tsôngv box li thôngx ziv siêz. Trâur nuv tu zus keiz, buô, ok, zax zuôv zos têx zav nôngz tsiêx cxu tâu paz txưv chiê tsongv box muôx luz nênhx jông đuô thâuv qir tês uô tsưr ziv huôv tsar tsoz chos ntêr hnuz.

          Niêv lâuk Vàng Bó Sừ, Tsar jos Huổi Han, huyện Mường Tè pheiz kênh: Jos muôx 130 ntâu ziv chuôz zis mak muôx txos 80% ntâu zos chuôz zis pluôs. Tiv cêr cor cav tsêz chos pôngz kaz, côngv đros siêz xar tos njôngr lok têz qơưk li phênhv paz txưv, viv li thâuv ntêx têx dự án paz txưv tsoz chos, nôngz tsiêx cxu chiê pox nhuôk txu grês cêr pluôs khênhr tsi phuôx huiz tâu chêx cuk. Txos thâuv cán bộ tuôx yax mông, vênhv tôngv thiêz paz têx trâur nuv tu zus huv đros, pox nhuôk thiêx muôx cxaz têx paz cov luz nênhx ngaz tul đuô, txix co hlôngr yiêz jênhv pâuz chiê sir jos uô bluô nux:

          “ Txix têx phêv liv, iz cxiê pox nhuôk tsênhv tsi muôx ar têz tsêz chos, lok six txov nhêv, tsi muôx nhiêx txiêx, tsi muôx tul tsi nox. Txix thâuv uô trâur nuv tu zus, chox ciêv fix lok cos, txiêr chês mul muôs, pox nhuôs luz nênhx cux hlôngr yiêz đuô, tsi khưr li thâuv ntêx thiêz”.

          Txox cêr txix niêv cêr 4H muk txos xã Bum Tở thâuv ntêx lok six lax muk lok, nhiv no tưz tâu uô yênhx cêr bê tông lox đar, zôngx ziv muk lok. Zaoz thôngz muk têx jêx jos sâuv thax tsav cux yênhx trus tâu yưv pênhr; paz tsôngv box muôv muôs hax huv saz đrâuv zôngx ziv đuô. Khov muôx cêr jông muk, pox nhuôk muk lok cơưv shâuv chênhz zênhv tâu ntâu đuô, txix co pox nhuôk txơưx huôv tsar cêr uô nox cxuôv yeiz thiv pluôs:

          Zơưv Vàng Hu Chờ, Chủ tịch UB xã Bum Tở, huyện Mường Tè puz pâuz: Tsôngv box hlôngr yiêz ntâu pir đros thâuv ntêx, tiv zix zos hlôngr yiêz lok jênhv pâuz hâur luz nênhx chiê huôv tsar cêr uô nox. Đros têx tsoz chos lur hnuz, txos nhiv no tas nro xã muôx zuôr xar 1 cxênhz hecta ciêv fix, hâur co muôx muôx nhos 50% mênhv chêx tưz sâu tâu. Đrâuv co, pox nhuôk cux muôx phênhv sâu ngaz tul txix 500 hecta ntâu txir hơưk, sa nhân xiêr, kok kriêr, viv li 2 shôngk đhâu xã muôx 100 ntâu ziv chuôz zis hla đhâu cêr pluôs:

          “Thâuv ntêx sâuv thax tsav xã chuôz zis yeiz pluôs lok six ntâu. Taz sik đhâu krêz uô iz cxiê tsaz yênhx huv đros sâuv thax tsav pox nhuôk tưz hlôngr yiêz siêz xar. Tsênhv muôx chuôz zis trâus yeiz taz sik tưz txu grês lok six ntâu. Taz sik đhâu yênhx trus yax mông, pox nhuôk li jênhv pâuz tâu muôz siêz, tiv zix zos hlôngr yiêz tsưr ziv huôv tsar cêr uô nox”.

          Khov 3 tsaz yênhx têz qơưk li qơư tsov txos, txix shông 2022 txos nhiv no huyện Mường Tè, tỉnh Lai Châu tưz yưv pênhr muôx zuôr xar 350 tỷ đeiv. Lơưr co, tiv phaz choz trâu chính quyênx têx xã, thị trấn uô tsưr yưv pênhr 16 dự án, tsov lơưr tsôngv box li zoz qơưx. Đhâu zuôr xar 2 shông krêz uô têx dự án, têx jêx jos ntơưv tiv phaz tưz muôx ntâu hlôngr yiêz, tsôngv box luz nênhx hlôngr yiêz, tiv zix zos tsôngv box têx mênhx cxưx tsơưs nênhs txov nhêv tiv zix li: Cống, Mảng, Si La, La Hủ tâu muôz siêz.

          Zơưv Đao Văn Khánh, Chủ tịch UB huyện Mường Tè, tỉnh Lai Châu puz pâuz: Txos nhiv no têx tiv phaz tưz muôx 3 xã tax nôngx cxênhz yiêz thiêz shông no sir jos muôx cxaz 1 xã tâu côngz jênhv nôngx cxênhz yiêz. Tsaz yênhx txu grês cêr pluôs truôx vênhs tưz paz chor ziv chuôz zis hâur huyện txu grês 6-7% thiêz nhiv no yuôr muôx nhos 52% lơưr ploz tsênhr. Ntu zuôr txos huyện zuôr tror seiz shuôk, ntâuk grê qênhx shênhx KTXH thax tsav tsôngv box mênhx cxưx tsơưs nênhs sâuv thax tsav, uô hâur pâus chiê uô tsaz yênhx reik đros cxiv tsa nôngx cxênhz yiêz, txu grês cêr pluôs truôx vênhs:

          “Pir đros têx shông thâuv ntêx, pox nhuôk têx mênhx cxưx li luz nênhx KTXH muôx têx hlôngr yiêz tsênhz mênhx. Nhiv no cxix luôk cxuô zav tưz tâu yưv pênhr sik côngv têx thax tsav huôv tsar KTXH. Têx trâur nuv tsiv uô tưz paz pox nhuôk pâuz zôngv têx KH yiêz chiê tsêz chos thiêz tu zus”.

          Txix pênhr hâur 3 tsaz yênhx têz qơưk li qơư tsov txos, KTXH thax tsav tsôngv box mênhx cxưx nhoz huyện ntus đriv Mường Tè, tỉnh Lai Châu tsênhv yênhx trus hlôngr yiêz jông. Đros chính quyênx tiv phaz li siêz sir jos thiêz têx tsưr ziv uô jông, hâux lưv uô têx tsaz yênhx têz qơưk li qơư tsov txos ntơưv huyện Mường Tè tsênhv taz tov uô tâu truôx truôx jông; txix co cxơưz tiês huôv tsar KTXH, txu grês cêr pluôs truôx vênhs, tsôngv box sâuv thax tsav muôx luz nênhx tsâu sor./.

Khắc Kiên- Txâur Vax cxeik nhênhv

Cuiv jênh sôr Liên hiệp quốc li tsênhv njiêz, thôngz yax Hnuz jênh sôr ntiêx têz 11/7/2023

Hnuz jênh sôr ntiêx têz shông 2023 muôx njiêz luk: “Uô jông têx li, pox niêv txir nênhx vax huôv siz luôs: Gra siêz pox niêv thiêz chor nhuôv nxeik li lul heik chiê sơưr đơưk muôx vax huôv siz luôs”.

Nhiv no pox niêv thiêz nhuôv nxeik txênhz txos 50% jênh sôr sâuv ntiêx têz, taz sik lơưr têx tsưr ziv, siêz xar lok luz nênhx, chuôz zis thiêz nuv uô cux tsi tâu moz siêz txos, thâuv heik lol cêr cơưv txux chi thiêz vax huôv. Têx li heik co tưz uô trâu iz ntiêx têz tsi yuô muôx vax huôv siz luôs. Têx hêik ntơư hur tiz si sơưr đơưk puôr lênhx zuôr njiz trâul, tsi tiêk zos pox niêv thiêz chor nhuôv nxeik tsi tâu sơưv iz luz nênhx vav mênhx, truôx tuk đuô.

Qir tiv zos pox niêv thiêz txir nênhx vax huôv tsi yuô siz luôs nhoz cxuô qơư sâuv ntiêx têz, kror uô chor pox niêv thiêz nhuôv nxeik tsi tâu muk cơưv ntâuz ntơưr, tsi muôx hâux lưv uô thiêz tsi muôx vax huôv đros lês uô têx nuv zov chênhr; tsơưs tâu đros cxaz chuôz thiêz quyết tinhv lok đas jos, luz nênhx xênhz huôx, xênhz zus nhuôs; thiêz lơưr zôngx ziv njiz trâul têx tsi jông tiv ntâuk tsiv…..

Ndax Hnuz jênh sôr ntiêx têz shông 2023, tsuv cxơưz cxiz pox niêv txir nênhx vax huôv siz luôs chiê 8 tỷ lênhx nênhs tâu uô têx luôs hâux lưv trơưk tsưr ziv siêz xar. Hâur ntu no tsuv mnôngs têx pox niêv, nhuôv nxeik thiêz chor nênhs zôngx ziv njiz trâul têx tsi jông li lul heik, chiê cxiv kho chei têz qơưk thiêz tsênhv chei paz trâu chor nênhs hêik co uô tâu trơưk zuk li vax huôv thiêz zos đrêiv chêi quy tênhv.

Yax kriê Hnuz jênh sôr ntiêx têz 11/7/2023

Txir nênhx tsuv đros pox niêv pheiz kênh tsưr ziv xênhz zus nhuôs cov huv đros thiêz choz kriê nhuôv cêr uô nênhx jông, tsiv txiêx.

Tsuv xeir trâu zuk iz tsưr ziv tir thêir tsi xênhz zus nhuôs chôngz.

Tsi shênhx pox niêv txir nênhx, tsi tâu xeir nhuôv tuz lok sik nhuôv nxeik.

Tsưx phưv jông đas jos thâuv xênhz zus nhuôs, viv luz nênhx jông thiêz chuôz zis hâur ntu zuôr txos

Tsi xênhz zus thâuv tsi tâu txưv shông,  viv đas jos thiêz luz nênhx.

Tsuv seiz njuôk shuôs đas jos uô ntêx thâuv zuôr siz zuôr uô txix gơưv.

Cxiz pox niêv, txir nênhx muôx vax huôv siz luôs, paz txo grêk tsơưs nhuôv tuz thiêz nhuôv nxeik đhâu xênhz zus tsi siz bâus.

Tsi tâu xeir nhuôv tuz lok sik nhuôv nxeik thâuv xênhz nhuôs hâur chêr.

(Bích Thủy-Riê Lâux cxeik, nhênhv)