Tuôr tsês thiêz phuôx huiz tsiv grê vênhx tsôngv box têx mênhx cxưx thax tsav ntus đriv

          Tix hâur đraz hli 3 nhiv kruôr đhâu, thâuv VN tror krêz cêr yêz za đros ntiêx têz thiêz krêz tas nro têx huôx tôngv ju lix, tỉnh Quảng Nam tưz tos yênhx cxênhz jiês kruô saz đrâuv têz qơưk tuôx VN. Uô ntêx thâuv moz Covid-19 huôv xênhz, iz shông têx huyện tox siêz tỉnh Quảng Nam li Phước Sơn, Tây Giang, Đông Giang... tos yênhx puôk cxênhz jiês kruô tuôx ndis shuôk têz qơưk. Ntâu qơư tâu tsôngv kruô hâur thiêz đrâuv têz qơưk pâuz txos li Đỉnh Quế, jôngr di sản Pơ Mu, jos ju lix côngv thôngx Bhơ Hôồng... Niêv lâuk Lương Thị Hương, tsar văn phongx dự án tsưr tsix Children Of Việt Nam puz pâuz:

          “ Cur pov jông tiv zix zos lơưr tuôr tsês tâu jôngr Pơ Mu, lơưr sâu số yênhx tsoz thiêz choz trâu tsôngv box chiv chir coar lik. Đrâuv co, cur pov ntênhs phêv nhoz no lok six jông, đhiê pax vuôk tâng tung da dá lok six jông seiz, cur tưz cxaz chuôz ntâuk jiês thiêz lok six nhiêv”.

          Ntâu shông đhâu, huyện Tây Giang tưz tos têx đoanx kruô saz đrâuv têz qơưk cxaz chuôz têx jiês muk ndis shuôk uô si côngv thôngx, tâu muk seiz tsôngv box nênhs Cơ Tu li luz nênhx thiêz vênhx huôv. Tix lâuk Pơloong Plênh, cán bộ Phongx vênhx huôv thiêz thôngz xor mông huyện Tây Giang, zos lênhx nênhs sik côngv, tso tơưv têx tsưr ziv chiê huôv tsar ju lix. Hâur têx jiês đros tsôngv kruô muk ndis shuôk trôngz jôngr Pơ Mu, hluôk nênhs Cơ Tu no tưz uô trâu tsôngv kruô xar tsi txos tiêk lênhx hluôk nênhs mênhx cxưx no ho txơưx heik luk Anh li ntơưv chiê heik kriê zuk tsôngv box mênhx cxưx li têx vênhx huôv jông:

          “Cur xar têx tsiv grê vênhx huôv jông zuôr tâu tuôr tsês txos cxuô thax tsav qơư nhoz têz qơưk thiêz tâu fôngx zưs sâuv ntiêx têz pâuz txos. Qir thơưx cux njiz lok sik six ntâu phêv liv, lok luk heik, lok vênhx huôv zav nox...taz sik lơưr lok six nhiêv muk txos ciês ntơưv vax, tuôr hlâu uô ar chos jâuz, tsâus ntux mak trâur tơưs sik đros pox nhuôs đhiê pax vuôs”.

          Uô ntêx thâuv moz Covid-19 huôv xênhz, tỉnh Quảng Nam muôx tsưr ziv krêz đar qơư ju lix, ndaz ndơưv têx muôx ntơưv thax tsav li trôngz jôngr ntông đros vênhx huôv têx mênhx cxưx tsơưs nênhs jông. Zơưv Arất Blúi, Phưv Chủ tịch UB huyện Tây Giang, tỉnh Quảng Nam puz pâuz, ju lix nhoz thax tsav tox siêz faz Tây tỉnh Quảng Nam zuôr trâus tâu yưv pênhr huv đros chiê phuôx huiz tas têx muôx jos.

          “Pêz xar njôngr Trung ương thiêz tỉnh Quảng Nam tsov cưv yưv pênhr ntâu đuô lok cơ sở cxuô zav, paz hâux lưv muk lok zôngx ziv đuô, muôx têx đề án, chính sách huôv tsar vênhx huôv, thiv thao, ju lix. Tsuv tsov cưv txos têx tsiv grê vênhx huôv vật thể thiêz phi vật thể chiê tuôr tsês thiêz krêz uô đêz đar”.

          Hâur tsưr ziv huôv tsar tỉnh Quảng Nam, 5 shông zuôr txos tỉnh tsov cưv tiv zix zos huôv tsar ju lix thax tsav tox siêz faz Tây. Zơưv Lê Trí Thanh, Chủ tịch UB tỉnh Quảng Nam puz pâuz, huôv tsar ju lix tox siêz Quảng Nam tsuv reik đros hâux lưv por vêv thiêz huôv tsar trôngz jôngr ntông, tuôr tsês vênhx huôv thax tsav. Zos tuôr tsês thiêz huôv tsar trơưk tsưr ziv, no zuôr zos têx tsiv grê jông chiê paz hlôngr yiêz ju lix Quảng Nam hâur ntu zuôr txos.

          “Tror huôv tsar ju lix ntơưv têx thax tsav muôx trôngz jôngr ntông jông jav, ju lix nox so...Ju lix trôngz jôngr ntông reik đros vênhx huôv tsôngv box têx mênhx cxưx tox siêz. Tas nro têx zav ju lix lox zâu sik côngv uô cê chiê zaz zâuv tsôngv kruô tuôx thax tsav faz Tây tỉnh Quảng Nam ndis shuôk uô si”./.

(Long Phi-Txâur Vax cxeik nhênhv)