Cheix txir lê nhoz Phiêng Khoài

Shông 2014, pos Đinh Thị Mây ziv chuôz zis, nhoz jok Cồn Huất 1 zos ziv chuôz zis xuz thơưx ciês nhoz xar Phiêng Khoài, huyện Yên Châu, tỉnh Sơn La muôz tsoz txir lê tai nung lok chos, hlôngr trâu thax tsav yuôx zêx tưz lâul, tsơưr lươngv kik. Txos shông 2018, chor txir lê piz tâu sâu đêx chiv txir xuz thơưx ciês. Pov chor txir lê huv đros trâu đêx ar, qiv hơưv thiêz paz muôx tâu kinh têr siêz, pos Mây chuôz zis tưz kriz đar thax tsav chos ndê xar muôx 6 héc ta, đros muôx 4.000 tsoz. Shông no njuôk xav zuôr sâu tâu muôx 30 ntâu tấn txir, paz sâu tâu muôx 900 triệu đêiv:

“Tsoz phưz thâuv sâu tas mak tsuv zuôv qir hữu cơ zos chor qir guôx vâuv, txos thâuv chor ntông txi txir mak tsuv yiz têx txir, muôz chor txir ntiv hnaz cov chor txir lox, jông tiv zix. Muôz txir ntiv hnaz mak tsik trâus caz tho nox thiêz ngaz tuk”.

Chor txir lê co muôs tâu grê, muôx phênhv sâu tâu nhiêx txiêx, qơư muôs truôx, shông 2021, pos Mây tưz sik côngv đros iz cxiê chuôz zis hâur thax tsav kriz đar thax tsav chos thiêz yênhx lix hợp tác xã Kiên Cường, đros muôx 7 lênhx sik côngv đas jos tsưr ziv uô, thax tsav chos txir lê muôx 15 héc ta. Txix thâuv sik côngv uô hâur hợp tác xã, tix lâus Nguyễn Trung Kiên, jok Cồn Huất 1 thiêz chor đros uô cux uô zos đrêiv công nghệ yiêz, lơưr co nriêr tâu qơư muôs truôx:

“Cur uô huv zos lơưr têx tsưr ziv zos yiz txir thiêz muôz hnaz ntiv têx txir, chor txir zuôr tsơưs đuô taz sik tsơưr lươngv txir mak zuôr siêz đuô, 1-2 shông zuôr txos mak zuôr chuôz ndê đuô thiêz”.

Ciês shông 2022, hợp tác xã Kiên Cường tưz sâu tâu muôx 70 tấn txir lê, sâu tâu liv muôx 2 tiv đêiv ntâu. Njuôk xav shông no, hợp tác xã sâu tâu xar muôx 100 tấn txir, gri muôs txix 30.000-80.000 đeiv iz cir. Đrâuv muôs txir, hợp tác xar tsênhv muôs chês uô zuz, đros muôx 1 vạn ntâu tsoz chês zuz iz shông. Pos Đinh Thị Mây, Giám đốc hợp tác xã Kiên Cường puz pâuz:

“Nhiv no tưz muôx ntâu ziv chuôz zis cux xar sik côngv đros hợp tác xã mak nhiv no pêz tsênhv uô tsưr ziv zos uô chak cov cir tâu đros chor siêu thị ntâu đuô mak zuôr sik côngv đros chor ziv chuôz zis chiê sâu zuôr trâu pêx xênhv, muôx qơư muôs lơưv mak zuôr xar txos tsưr ziv kriz đar thax tsav chos”.

Đros muôx 60 ntâu héc ta, chor txir lê tai nung nhoz Phiêng Khoài tưz tâu cungz ntâuz ntơưr nriêr pâuz qơư chos viv li muôs têx txir ntông no zôngx ziv đuô, phênhv ntâu zos tâu muôs hâur têx siêu thị, qơư muôs txir ntông hur sâuv thax tsav têx tỉnh thiêz Hà Nội./.

Thanh Thủy-Lik Thox cxêik nhênhv

Tsuv uô tsênhz mênhx qênhx shênhx đêx kiês nênhs nhoz jê qơư công nghiệp faz Nam tỉnh Yên Bái

          Txix tsôngv box hâur thax tsav co hêik pâuz, paz nênhs sâu xor xưv tưz tuôx thax tsav njưs đêx nhoz jos Bình Sơn, xã Văn Phú, thành phố Yên Bái thiêz seiz ciês chor đêx đuz txis hâur njưk đêx thiêz lok six tsư nxiêz. Pox nhuôk nhoz no puz pâuz, đêx kiês nênhs ntưs lok ntơưv tul njưk đêx no muôx têx thâuv liêz muôx têx thâuv đuz txis. Tsênhz mênhx, thâuv sơưr nzor đêx ntưs lok mak đuz txis, zar hnuz keix mak đêx muôx njik đơưz liêk li đêx jơưr njiêz thiêz lok six tsư nxiêz. Pos Nguyễn Thị Nhung, nhoz jos Bình Sơn, xã Văn Phú puz pâuz:

          “Sâuv đêx mak muôx têx đeiv njuôz njuôz thiêz jông xưk li trox, faz hâur mak đêx đuz txis. Yuôr chor đêx đơưz lies li đêx jơưr njiêz mak hnuz tưs cux pov, taz sik tsi yuô tsư nxiêz. Yuôr chor đêx đuz mak lok six tsư nxiêz, điês tâuz hâu tas, tsư xưk li yuôx tuô caz li”.

          Lơưr tsôngv box nhoz ntơưv thax tsav no, đêx kiês nênhs zos ntưs txix qơư công nghiệp faz Nam tỉnh Yên Bái lok ntơưv tul njưk đêx no. Thâuv ntêx, thâuv tsi tâu muôx qơư công nghiệp no, đêx hâur tul njưk đêx no zôngv tâu chiê đa đêx thiêz nxuô khâuz ndơưk, saz hâur 2,3 yiv zos pas đêx tênhv Bình Lục phưx vưv pox nhuôk uô kôngz, nhiv no đêx yax six trâus kiês nênhs zov chênhr. Viv iz jiês đêx ntưs lok mak đuz txis thiêz lok six tsư nxiêz. Pox nhuôk tsuôk pâuz lav nhiêx xưz, uô tsi tâu li chas. Iz lênhx tsôngv box nhoz jos Bình Sơn bâu tơưk:

          “Heik cxuô mak tsi pâuz tsêr meir tưs tso lok, tsư nxiêz hênhr thiêz hniê tsi tsưv, njiv kror njưs tas”.

          Đros nênhs sâu xor xưv Đeix nta suôz VN thax tsav faz Bắc thav, zơưv Trịnh Huỳnh Yên, Tsar Ban seiz car têx qơư công nghiệp tỉnh Yên Bái puz pâuz, ciês thâuv jênhv tâu xor mông, taz viv tưz muk qênhz yuôx ciês ntơưv têx qơư hâur têx hnuz txơưr thiêz pov pox nhuôk li heik tơưv zos muôx tsênhz mênhx ties. Nhiv no taz viv tsênhv xav tênhv seiz đêx nhoz tưs ntưs lok thiêz ntưs txix taz viv tưs, muôx tsơưr tưx hâur đêx lok sik tsi muôx? Taz sik hâux lưv no njiz ntâu phêv liv viv muôx tsi txâuk chuôz zênhx yiêz, têx doanh nghiệp li kror tso đêx ntưs muk mak phênhv ntâu nhoz hâur ar….Txix qênhx shênhx co, Ban tưz pov cov thiêz thix ziv Sở tài nguyên thiêz tênhx qơư tỉnh sik côngv qênhz yuôx:

          “Chiê xav tênhv tâu tsênhz mênhx doanh nghiệp tưs tso têx đêx kiês nênhs tsi trơưk pháp luật li cui tênhv lok hâur tênhx qơư, Ban tsênhv sik côngv đros chiz coaz txơưx jênhv tỉnh, TP chiê xav tênhv. Thâuv xav tênhv tâu tsênhz mênhx zos taz viv tưs mak Ban seiz car têx thax tsav công nghiệp zuôr thix ziv yưr lir txos qơư lơưr pháp luật li cui tênhv”.

          Uô ntêx co, nhoz thax tsav no tưz muôx ntâu jiês pov muôx qênhx shênhx njưk đêx, pas đêx liv muôx đêx trâus kiês nênhs. Tiv zix zos hli 12/2021, tas nro pas đêx liv Bình Lục đêx đuz txis tas thiêz lok six tsư nxiêz, njês tuôs tas. Đhâu co tâu chiz coaz muôx txơưx jênhv xav jênhv hâux lưv no njuôs xav zos tiv nxuôz lok sik bèo uô kiês nênhs.

          Nhiv no, ntơưv xã Văn Phú, TP Yên Bái heik cxuô, qơư công nghiệp faz Nam tỉnh Yên Bái heik taz muôx ntâu công ty, doanh nghiệp huôx tôngv nhoz têx nganhx, vênhv thix txơưr. Têx doanh nghiệp no uô ntêx thâuv huôx tôngv puôr lênhx tsuv taz por têx ploz tsênhr lok por vêv tênhx qơư lơưr cui tênhv. Taz sik, nhiv no tsênhv muôx qênhx shênhx tso têx kiês nênhs lok hâur tênhx qơư. No zos hâux lưv cxoz txưv uô tsi trơưk cui tênhv, lok six zuôr trâus tâu têx chiz coaz muôx txơưx jênhv tỉnh Yên Bái qênhz yuôx uô tsênhz mênhx thiêz yưr lir txos qơư qênhx shênhx no, chiê taz por đas jos trâu tsôngv box luz nênhx nhoz iz ndis thax tsav qơư no./.

(Trịnh Xuân-Txâur Vax cxeik nhênhv)