Hax huv muôs tâu ntâu, doanh nghiệp tox siêz cxơưz tiês huôv tsar uô

          Công ty cổ phần kôngz nuv, jov uô zav nox Yên Bái nhiv no muôx 8 tsêr meir đros 400 ntâu nênhs lox tôngv, tsiv uô 3 hax huv tsênhv zos hmôngr kok ntông, ntơưr lâuk. Zơưv Nguyễn Văn Trữ, Phưv giám đốc Công ty puz pâuz: Shông 2022 công ty li phênhv sâu tax 657 tỷ đeiv, chuôz ndê 27% thiêz nhiêx liv sâu tâu thâuv thêv tas nhiêx sê zos 106 tỷ đeiv, chuôz ndê 85% pir đros tsêiz no. Hâur co, phênhv sâu txix muôs tơưv saz đrâuv têz qơưk chuôz ndê siêz hâur shông nhiv kruôr đhâu, txix 145 tỷ ndê txos 377 tỷ đeiv. Shông 2023 no, công ty njuôs xav chuôz tsar phênhv sâu txix ciês hâur shôngk shông, viv li chêx chôngk krêz uô têx tsưr ziv cxơưz tiês muôv muôs thiêz nriêr qơư sâu zuôr hax huv yiêz:

          “ Tror cxiv tsa đuô cxuô luôs hâux lưv uô cux xưk li tsưr tsix nênhs lox tôngv chiê chuôz tsar uô hâux lưv thiêz iz tsưr ziv lok six coaz tsôngv zos phuôx tôngv hâur tas nro công ty txu grês nhiêx txiêx tsiv uô”

          Đhâu zuôr xar 3 shông tso tsês tsi huôx tôngv muôv muôs tiv muôx caz moz Covid-19 huôv xênhz, jênhv pov têx hlôngr yiêz jông txix niêv ciêz thiêz huv đros qênhx shênhx yiêz, txix ciês hâur shôngk shông 2023 no, Công ty TNHH iz thành viên tsiv uô hax huv poz jêz đơưz Bảo Lai cux tưz krêz đar tsiv uô têx hax huv li: Hax huv poz jêz Block, poz jêz cơư, môngr poz jêz….Zơưv Võ Tiến Dũng, giám đốc Công ty puz pâuz: taz viv tưz chuv tôngv tror tsiv uô, muôv muôs, tos têx chuyên gia saz đrâuv têz qơưk tuôx uô hâux lưv, thôngx cxix tror sik côngv đros têx niêv ciêz thâuv ntêx, nriêr niêv ciêz yiêz chiê muôv muôs:

          “ Nhiv no, pêz tsênhv krêz đar niêv ciêz yiêz: niêv ciêz Trung Đông, Ý, Mỹ thiêz iz cxiê niêv ciêz Châu Âu. Iz cxiê niêv ciêz li Trung Quốc, Ấn Độ mak tror krêz đar cxaz tsôngv kruô sâu zuôr hax huv”.

          Lênhx nênhs uô hâux lưv zos coaz tsôngv hâur hâux lưv tsiv uô kinh doanh, têx doanh nghiệp tso tơưv. Viv li, ciês đhâu thâuv so Tsiêz tas, têx doanh nghiệp nhoz Yên Bái tưz chuôz tsar xeir zuôr lênhx nênhs uô hâux lưv.

          Choz hâux lưv tsiv uô txix thị trấn Yên Bình (huyện Yên Bình) muk thax tsav công nghiệp faz Nam tỉnh Yên Bái, Công ty TNHH Nasaki Việt Nam tưz tror yưv pênhr tsiv uô vuôk lơưr công nghệ Nhật Bản, đros tsưr ziv tax 5,5 tsov đêiv vuôk  hâur shông no, chuôz ndê 10 jiês pir li thâuv ntêx. Txơưv tsưr ziv tsiv uô phênhv ntâu zos muôz máy uô, taz sik lênhx nênhs cux lok six coaz tsôngv, tiv zix zos thâuv seiz car xiv huv; viv li txix ciês hâur shôngk shông công ty tưz chêx chôngk xeir zuôr nênhs lox tôngv thôngz đhâu ntâu tsưr ziv li heik kriê hâux lưv uô, xeir zuôr đhâu online, xeir zuôr ciês ntơưv qơư. Pos Nguyễn Thị Khuyên, Giám đốc Công ty puz pâuz.

          “ Têx hluôk nênhs muôx ntâu kror jông, co zos nhiv no lơưr txơưx zôngv công nghệ thôngz xor mông, pâuz công nghệ yiêz thâuv pêz  kriê cơưv. Tiv 2 zos lơưr moz siêz hâux lưv uô, nhiêv cơưv shâuv”.

          Shông 2022, Công ty TNHH Hòa Bình tax phênhv sâu zos zuôr xar 1 cxênhz 200 tỷ đeiv sâuv tas nro 3 vênhv thix cxiv tsa, yêz meir thiêz vênhv teiv. Shông no, taz viv tso tơưv phênhv chuôz tsar zos muôx nhos 5%. Pos Bùi Thị Sửu, giám đốc Công ty puz pâuz: Tsov lơưr hâux lưv uô mak công ty tso tơưv têx zoz qơưx lok xeir zuôr lênhx nênhs uô laox tôngv:

          “ Pêz tsuv xeir zuôr cxaz nênhs lox tôngv chiê cxaz nzir têx qơư tsi tâu muôx lênhx nênhs uô thiêz krêz đar kinh doanh. Tiv iz zos đros nênhs lox tôngv muôx yênhx tưv chiê muôz siêz pưs txux seiz car; tiv 2 zos lox tôngv phổ thôngz chiê tuôv zênhv têx hâux lưv phưx vưv trâu tsôngv kruô”.

          Yên Bái nhiv no muôx 2 cxênhz 600 ntâu doanh nghiệp lox, zâu, huôx tôngv sâuv tas nro têx vênhv thix li: công nghiệp, kôngz nuv, cxiv tsa, jix vuv….Hâur qênhx shênhx hôx phưx tsiv uô đhâu jiês muôx yưv caz moz Covid-19, têx doanh nghiệp sâuv thax tsav tỉnh puôr lênhx tso tơưv tsưr ziv chuôz tsar siêz đuô shông uô ntêx 5-10%./.

(Đinh Tuấn- Txâur Vax cxeik nhênhv)