Đoanx 2-Bộ đội Pênhz phax uô jông luôs hâux lưv phax tar têx lênhx nênhs zuôr muôs, uô luôv zax zênhz tsi trơưk chei

Co zos têx, chor lưv lươngv muôx vax huôv tsênhv uô luôs hâux lưv phax tir thêir têx nênhs thâux gra zax zênhz tsi trơưk chei thâuv lơưr chor nênhs zuôr muôs, uô luôv zax zênhz têx yêz lox muk lol đhâu ntu cêr kror tâuz trôngz Hải Vân faz Nam, đrôngs Đà Nẵng. Chor canr bộ chiến sỹ Đoanx phax tar zax zênhz thiêz nênhs fêv faz Trung, hu uô Đoanx 2, Bộ độiv Pênhz phax đhâu iz ntuk sox kaz, qênhz yuôx shuôs, tso tơưv tsưr ziv, thâuv pov lênhx nênhs đros trâu têx chuôz zênhx tsênhv taz tov thâux gra muk đhâu ntu cêr kror tâuz trôngz Hải Vân txơưv trâul ntêk cxov.

No zos iz hâur yênhx châuv txuz zuôr muôs, uô luôv zax zênhz chor canr bôv, chiến sỹ Đoanx 2 tưz ruôr por tsês tâu yênhx côngz hâur têx shông jê lok no. Đại úy Đặng Văn Hợp, canr bôv trinh sát Đoanx 2 heik pâuz, hâur 2 shông đhâu, tix lâus tâu muk shuôs tsêr lok six tsơưs. Lar heik zos shông 2021, muôx têx txuz nuv tix lâus thiêz chor cưr tix fôngx zưs đros uô hâux lưv uô cê tsuv sox kaz têx lênhx nênhs ntơư txix đriv têz tỉnh Quảng Trị lok trâu TP HCM tas 7 luz hlik. Muôx kênh jiês txưv iz luz hlik, Đại úy Đặng Văn Hợp niêx hnuz hmo uô luôs hâux lưv sox kaz, qênhz yuôx têx nênhs fêv li ntơư:“Pêz, 7 luz hlik uô têx hâux lưv li heik sâuv tsi tâu muk shuôs vax tsêr. Ciês shông 2021, cur tsuôk tâu muk tsêr 15 hnuz tax txos thâuv so tsiêz xưz, hur si iz shông zos tsi tâu so hlo. Thâuv tưs moz tsi yuô huôv xênhz phiv liv mak huôk six hơưv, hnuz nhôngk muk shuôs tsêr 3-5 hnuz xưz. Co zos iz kro phiv liv yax trâu chor canr bôv hâur đoanx, tsi so muk đêz vax tsêr, đêz pox niêv mê nhuôv”.

Đoanx phax tar zax zênhz thiêz têx nênhs fêv faz Trung lês uô têx luôs hâux lưv heik sâuv nhoz  thax tsav 15 tỉnh faz Trung-Tây nguyên, muôx ntâu trôngx đriv muk lol đhâu sâuv ar thiêz đêx hiêr lok six phiv liv. Shông uô ntêx, khov têx mông heik pâuz txix đriv têz saz đrâuv tuôx, Đoanx tưz đros bộ đội Pênhz phax đrôngs Đà Nẵng, Công an, Cục Hải quan đrôngs Đà Nẵng ruôr por tsês txuz zuôr muôs yênh puô cir cuz tưx cuv, câuk nxư tsi trơưk chei. Chor nênhs heik sâuv lơưr liv zôngv muôx caz moz Covid-19 huôv xênhz phiv liv chiê thâux gra zax zênhz tsi trơưk chei txix đriv têz saz đrâuv lok hâur thax tsav qơư.

Shông 2021, Đoanx 2 tưz hux jos đros Bôv đôiv Pênhz phax thiêz Công an têx thax tsav qơư muôx đriv têz ntêk cxov thiêz sâu tsês tâu xar muôx 500 cir zax zênhz cxuô zav, 1,5 tênhr fov ntơưr, 25 luz yêz lox thâux muôx 330 tênhr hax huv tsi trơưk chei….., njuôk xav tsiv grê nhos 100 ntâu tyv đeiv. Lar heik hâur 2 hnuz xuz thơưx hâur hli 12 shông uô ntêx, Đoanx 2 tsi so seiz car, đros qênhz yuôx shuôs, sơưr tơưv txênhz, ruôr por tsês tâu 2 txuz nuv lox, cuz nxor mak têx nênhs fêv liv zôngv têz qơưk tsi yuô uô đrux ntov têx chei, cui tinhv txưr sơưr đơưk muk lol trâu uz trâu no ntơư chiê zuôr muôs, thâux gra têx huv txưr txix saz têz qơưk đrâuv lok hâur VN đhâu qơư tsav fuôx gox Tiên Sa, Đà Nẵng, ntêk cxov 4 lênhx nênhs, sâu tsês tâu 24 cir zax zênhz poz jêz. Txuôk lơưr co, canr bôv, chiến sỹ Đoanx 2 hux jos đros Bôv đôiv Pênhz phax tỉnh Quảng Trị ruôr por tsês tâu txuz thâux gra tsi trơưk chei 11 cir zax zênhz poz jêz. Đại tá Nguyễn Văn Mận, Chính trị viên Đoanx 2 heik pâuz:“Ntâu txuz zuôr muôs, thâux gra zax zênhz tsi trơưk chei trâul ntêk cxov tâu ntơưv trôngz Hải Vân. Kror qơư cxov co taz por truôx tuk đuô têx qơư txơưr, nênhs thâux gra têx zax zênhz lơưr cux tsi yuô muôx cêr khiêr điv. Ntâu txuz tsuv ntêk cxov ntơưv thax tsav tsôngv box nhoz hâur đrôngs, thâuv co pêz tsuv muôx têx tsưr ziv uô li chas cov taz por truôx tuk trâu sơưr đơưk, zos kror jông đuô hur si”.

Têx shông đhâu, Đoanx phax tar zax zênhz thiêz têx nênhs fêv uô cxâuv chei têz qơưk faz Trung tưz đros cxaz chuôz phênhv ntâu têx qơư cuz nxor lok zax zênhz nhoz thax tsav trôngx đriv, đriv têz sâuv ar thiêz đêx hiêr, cêr mê lus muk lol đhâu, zos qơư phax tir thêir truôx jông cxuô cêr cuz nxor, buôk ti ruôr por tsês têx txuz zuôr muôs, uô luôv zax zênhz, zuôr muôs lênhx nênhs, muk lol đhâu đriv têz tsi trơưk chei….. Đại tá Đỗ Ngọc Cảnh, Cục tsar cục phax tar zax zênhz thiêz têx nênhs fêv uô cxâuv chei têz qơưk, Bộ Tư lệnh Bôv đôiv Pênhz phax ntâuk grê:“Hâur têx shông đhâu, lar heik zos shông 2021, Đảng ủy Chỉ huy canr bôv, chiến sỹ, nhân viên Đoanx 2 phax tar zax zênhz faz Trung tưz sir jos thiêz sir tas têx txux chi, tsưr ziv jông chiê sơưr tơưv txênhz, phax tar têx lênhx nênhs uô cxâuv chei têz qơưk. Lar heik, chor canr bôv, chiến sỹ tưz uô tâu ntâu luôs hâux lưv jông hâur phax tar zax zênhz, paz tsưx phưv truôx thax tsav qơư nhoz thiêz gra cêr vav mênhx trâu tsôngv pêx xênhv”./.

(VOVMT-Riê Lâux cxeik, nhênhv)

Tsôngv box tox siêz Mù Cang Chải tsoz phưz têx tsiêx cxu hâur têx hnuz ntux no njiv

          Chuôz zis tix lâuk Lý A Thằng nhoz jos Trống Páo Sang, xã La Pán Tẩn muôx 4 tul nhux tưv. Têx hnuz đhâu, hnor mông njuôs pov zuôr muôx ntux no njiv, njuôs xav muôx đâuk bu viv li tix lâuk tưz chaz tưv lok tsêr chiê tsoz phưz, phax tar ntux no:  "Cur yax six seiz njôngr qênhx shênhx njuôs pov qiv hơưv viv li thâuv pâuz zuôr muôx jiês chuô txiêk lok txos, uô zênhr shar txos huyện Mù Cang Chải, tiv zix zos nhoz tox siêz mak pêz khênhr tso nhux tưv nhux đas, cur tưz nriêr thiêz lơưr zuk paz tưv lok tsêr chiê zôngx ziv tsoz phưz".

          Zơưv Hờ A Dì, nhoz jos Tà Chí Lừ, xã La Pán Tẩn cux puz pâuz tưz lơưr nhux lok cơư hâur guôx, their guôx cov jông thiêz cxênhx tsês jâuz tâux trâu nhux nox. Lơưr zơưv Dì, nhux tưv nhux đas zos tsôngv box li têx tsiv grê viv li lênhx tưs cux tsov cưv tsoz phưz, tiv zix zos têx hnuz ntux no njiv:"Thâuv nyar ntux mav lit so tsiêx cxu, thâuv muôx đâuk tê tsuv lơưr lok cơư chiê tsoz phưz"

          Têx hnuz đhâu, txix qênhx shênhx qiv hơưv txơưr txar, nganhx kôngz nuv thiêz têx tiv phaz tỉnh Yên bái tsênhv sir jos vênhv tôngv tsôngv box uô jông têx tsưr ziv phax tar yeiz thiêz no trâu tsiêx cxu, jav têx hâux lưv tsi jông muôx yưv. Hâur co, tsov cưv lơưr tsiêx cxu lok cơư hâur guôx, their guôx cov jông, trâur tơưk trâu tsiêx cxu ntê thâuv jêx tưv grês kis…Zơưv Lê Trọng Khang, Chủ tịch UB huyện Mù Cang Chải puz pâuz:"Pêz tưz chox kriê nganhx kôngz nuv cxiv uô ntâuz ntơưr heik kriê tsưr ziv phax tar yeiz thiêz no trâu tsiêx cxu. Thôngx cxix têx cán bộ cux seiz njôngr qênhx shênhx thax tsav, sik côngv đros UB têx xã vênhv tôngv tsôngv box sir jos phax tar yeiz thiêz no trâu tsiêx cxu, tsi tso tsiêx cxu".

          Nhiv no, sâuv thax tsav tỉnh Yên Bái, qiv hơưv tưz so đuô tuôx, taz sik jêx tưv tsênhv kis. Nênhs tu zus nhoz tox siêz tsuv chuv tôngv por vêv têx tsiêx cxu, jav têx ruôr hiêv tsi jông muôx yưv./.

                                                      (Đinh Tuấn-Txâur Vax cxeik)