Tsôngv box tox siêz Lào Cai chuv tôngv khiêz vuv qiv chiv chir uô

          Fov tsôngv box chiv chir uô zos têx zav fov khênhr tâu tsôngv box tox siêz Lào Cai sir zôngv chiê muk zok har jôngr, taz sik siêz xar no tưz jux jus tâu hlôngr yiêz.

          Tâu công an xã tuôx txos ciês ntơưv tsêr yax mông vênhv tôngv, tix lâuk Zax Seo Sử, nhoz jos Chồ Chải, xã Hoàng Thu Phố, huyện Bắc Hà tưz chiv chir coz zav vưv qiv no thiêz cam kết tsi khơưk tsês thiêz sir zôngv:

          “Pos zơưs zôngv fov chiê muk zok har jôngr, cxênhx hluôk zôngv fov muk tuô nôngk. Nhiv no tâu công an yax mông tsi khơưk tsês viv uô li lok six riêz nênhs mak pêz cux chiv chir muôz vưv qiv trâu chor công an lơưv”.

          Nhoz têx xã tox siêz Lào Cai, thâuv ntêx, hâux lưv sir zôngv vưv qiv chiv chir uô muôx ntâu. Muôx ntâu jiês uô tuôs lênhx nênhs lok six pôngz siêz tiv môngr tsi jông lok sik cxoz txưv thâuv sir zôngv fov chir chir uô. Taz sik, txix thâuv lưx lươngv côngv an cxơưz tiês yax mông vênhv tôngv, pox nhuôk tưz chuv tôngv choz vưv qiv chiv chir uô. Trung tá Nông Xuân Hòa, Tsar công an xã Hoàng Thu Phố heik:

          “Lưx lươngv pêz sik côngv đros têx lưx lươngv txơưr taz por txiv ngaz nhoz têx jêx jos muk seiz car, pov chuôz zis tưs sir zôngv fov mak zuôr sâu tsês thiêz yưr lir. Đhâu co chiê tsôngv box pâuz tâu hâux lưv khơưk tsês fov zos uô cxâuv cêr chei thiêz zuôr trâus yưr lir”.

          Txix shông 2022 txos nhiv no, Công an huyện Bắc Hà, tỉnh Lào Cai tưz sâu tâu 250 ntâu traz fov chiv chir uô, chuôz zênhx cuz tơưs…Chiê muôx tâu chêx cuk no, niêx shông, taz viv tưz choz chiv tiêu trâu công an têx xã thiêz seiz no zos iz ploz tsênhr ntâuk grê tưr thik. Thượng tá Hoàng Xuân Hạnh, Phưv tsar công an huyện Bắc Hà puz pâuz: Ntu đhâu, taz viv tưz sik côngv uô hâux lưv cungz đeiv căn cước công dân ntơưv tsêr thôngx cxix vênhv tôngv ciês tsôngv box chuv tôngv choz vưv qiv chiv chir uô, chuôz zênhx cuz tơưs:

          “Chor vưv qiv txu grês jux jus, tsôngv box li chor vưv qiv chiv chir uô yuôr tsi ntâu. Taz sik cux tsênhv muôx iz cxiê lênhx nênhs sir zôngv. Viv li hâur ntu zuôr txos pêz chox kriê công an xã sir jos sâu chor vưv qiv taz por tsi yuôr hâux lưv sir zôngv vưv qiv chiv chir uô tsi trơưk chei thiêz”.

          Hâux lưv sâu tsês vưv qiv chiv chir uô, chuôz zênhx cuz tơưs gôngr phênhv taz por txiv ngaz ntơưv thax tsav tox siêz. Công an tỉnh Lào Cai tsênhv tror cxơưz tiês phongz yaox “Tas nro tsôngv box cxaz chuôz por vêv txiv ngaz têz qơưk”, uô têx tsưr ziv nghiệp vụ chiê sâu tsês tas nro têx vưv qiv chiv chir uô hâur tsôngv box sđ./.

(CTV Trung Kiên-Txâur Vax cxeik nhênhv)

PHÊNHV NRIÊR PÂUZ LOK CHEI TÊZ QƠƯK

Grê 29. Cui tinhv cxuô lok pox niêv thiêz tus txir li têx chuôz zênhx

2 niêv txir muôx chei, muôx vax huôv siz luôs lok cxuô zav, hur tiz lok sâuv têx chuôz zênhx, vax tsêr, mê tuz mê nhuôv 2 niêv txir tâu pheiz siz bâus.

2 niêv txir tsuv taz por têx hâux lưv uz no chiê tuôv zênhv chuôz zis li zoz qơưx zuôr trâul txos.

Hâur ntu siz pheiz kênh 2 niêv txir têx chuôz zênhx, liêx têz uz no…..zos lênhx tưs uô tsi tsơưk chei, tsi huv đros trâu tus pox niêv lok sik tus txir, chuôz zis thiêz luôs lưv tus txơưr đuô mak tsuv pâux nzir.

Grê 30. Pox niêv lok sik tus txir li vax huôv, jênhv vưv hâur tuôv zênhv zoz qơưx zuôr trâul txos trâu chuôz zis

Pox niêv, tus txir muôx vax huôv, chei uô têx nuv uz no chiê tuôv zênhv zoz qơưx zuôr trâul txos trâu chuôz zis.

Zos tiêk 2 niêv txir tsi muôx têx chuôz zênhx uz no zos 2 lênhs khưr uô tâu lok sik 2 niêv txir têx chuôz zênhx uô cê co tsi txâuk ntâuk xav gri li heik sâuv paz trâu chuôz zis, mak pox niêv lok sik tus txir tsuv đros paz, muôz nhiêx đros txoz cxơưx trâu chuôz zis.

Grê 31. Têx cik txos vax tsêr zos 2 niêv txir li qơư nhoz

Têx vax tsêr zos 2 niêv txir qơư nhoz, 2 lênhs tus mak tsuv muôx 2 niêv cêr seiz lax, thôngx ziv. Zos tiêk luz tsêr nhoz co zos tus pox niêv lok sik tuk txir tus mak tuk tsưr tsêr muôx vax huôv uô ntâuz ntơưr xav jênhv, tu luz tsêr nor cov mênhx, taz sik tsuv taz por qơư nhoz trâu 2 niêv txir.

Grê 33. 2 niêv txir têx chuôz zênhx zos 2 lênhs khưr tsiv uô tâu

Têx chuôz zênhx co zos têx mak 2 niêv txir sik đros khưr thiêz tsiv uô tâu, iz zav li: Liêx têz, vax tsêr, kôngz lôngk, nhiêx txiêx, tsiêx cxu…..hâur ntu 2 niêv txir tsênhv nhoz uô cê uô txix gơưv, yưx lênhx nênhs tâu cui tinhv ntơưv yôngx 1 Grê 40 hâur Chei no; têx chuôz zênhx zos pos zơưs lok sik niêv têik zơưv txir pheiz lok sik muôz puz trâu 2 lênhs thiêz chuôz zênhx txơưr đuô zos 2 niêv txir seiz co zos 2 lênhs tus. Ntơưr sir zôngv ar mak 2 niêv txir muôx đhâu thâuv siz zuôr uô txix gơưv zos 2 lênhs tus, yưx pox niêv lok sik tus txir tâu luôs lưv tus pheiz, muôz puz trâu nưk iz lênhs.

2 niêv txir têx chuôz zênhx zos 2 lênhs tus, tâu zôngv chiê taz por chuôz zis zoz qơưx, pheiz siz bâus.

          Zos tiêk tsi muôx đaz tsi chiê xav jênhv têx chuôz zênhx 2 niêv txir tsênhv siz txênhz, pheiz tsi siz huv co zos tus tưs li mak zav chuôz zênhx no tâu seiz zos 2 lênhs tus./.

(Tuyết Lan-Riê Lâux cxeik, nhênhv)